(السُودانى) و(الشُيوعى) بطلوا المُكاجرة

02:16 PM April, 16 2019

سودانيز اون لاين
سيف اليزل سعد عمر-
مكتبتى
رابط مختصر

وأرموا قِدام.

#بيان من الحزب الشيوعي السوداني

الى جماهير شعبنا الثائرة

لم يكن الحزب الشيوعي جزءا من الوفد الذي قابل ممثلي المجلس العسكري بالسبت الموافق 13 ابريل.لقد تم تغييب عضوي تحالف قوى الاجماع الوطني قصدا وعمدا من حضور ذلك الاجتماع رغم تواجدهم في ذات المكان .ان ما خرج من تصريحات متعجلة متهافته من ممثلي بعض القوى السياسية التي حضرت الاجتماع لايعبر عن موقف حزبنا الثابت .

ان موقف حزبنا المعلن الرفض لأي انقلاب عسكري ولأي محاولة لسرقة الثورة او اجهاضها او ابقاء اي من رموز النظام البائد على سدة الحكم الانتقالي سواء اكان لمجلس عسكري او خلافة والذي سيعمل على اعادة انتاج النظام المندحر البغيض .

ان مطلب الجماهير الواضح وضوح الشمس في رابعة النهار هو الحل الجذري للازمة الوطنية واجتثاث نظام الفساد والاستبداد والاقتصاد الطفيلي بصورة كاملة تصل مؤسساته ومليشياته وقوانينه ومحاكمة الذين اجرموا في حق الشعب السوداني واهدروا كرامته واذلوه واهانوه .

العمل على قيام حكومة وطنية مدنية انتقالية مدتها أربع سنوات تكونها القوى الوطنية التي صنعت الثورة على اساس المواثيق التي توافقت عليها: ميثاق هيكلة الدولة السودانية واعلان قوى الحرية والتغيير وفق الشعارات الوطنية لجماهير شعبنا الثائرة التي تعبر عن اشواقها وطموحاتها لسودان الغد ( سودان بكرة) حرية سلام وعدالة والثورة خيار الشعب ,, سلمية ,, سلمية ضد الحرامية ,, تسقط بس ,, تسقط اول وتاني وتالت .. وحتى اخر ممثل للقوى الظلامية التي جثمت على صدرها ثلاثة عقود .

اننا نرفض اي محاولة لتكريس الامر الواقع او الاعتراف باي سلطة عسكرية او الانفراد بالقرارات عدا ما يصدر عن قيادة قوى الحرية والتغيير كما نرفض اي اختطاف لمنبر اعلان الحرية والتغيير والتغريد خارج السرب كما حدث من رئيس حزب المؤتمر السوداني عمر الدقير ونائبة رئيس حزب الامة القومي مريم الصادق .

اننا في الحزب الشيوعي السوداني ندعو الثوار شبابا ونساءا وشيبا في الخرطوم وولايات السودان المختلفة ان يعملوا على حماية ثورتهم بالبقاء في الميدان حتى النصر المؤزر .
كما نهيب بكل القوى الوطنية ان تكون يقظة ضد اجراء اي تسوية سياسية مع بقايا وفلول النظام البائد المندحر والتمسك بالحل الجذري , صمام الامان لعدم انتاج المهزلة الاسلاموية والتوجه الحضاري البغيض.

المكتب السياسي
الحزب الشيوعي السوداني
14 ابريل 2019

حزب المؤتمر السوداني

تصريح حول بيان الحزب الشيوعي

طوال سنوات العمل المشترك مع الحلفاء ظل حزب المؤتمر السوداني أميناً مع القيم و المبادئ الموجهة لعمله السياسي، تقوده بوصلة أخلاقية غير معطوبة، مصوبة نحو مصالح شعبنا والالتزام بالممارسة السياسية الراشدة.
تجمعنا مع الحزب الشيوعي السوداني روابط الانتماء لتحالفات العمل المعارض، ويؤسفنا أن نضطر إلى إصدار هذا التوضيح بعد انتظار دام يومين - حرصاً منا على معالجة التباينات الداخلية بروح ودية داخل التحالفات، وعلى إماطة الأذى عن طريق الثورة الوطنية الظافرة وعلى وحدة قواها - وذلك بعد أن تلقينا مساء أول أمس وعداً من المهندس صديق يوسف عضو اللجنة المركزية بالحزب الشيوعي بانهم سيصدرون بياناً صباح اليوم التالي يصحح بيانهم الذي صدر أول أمس بعد الظهر وورد فيه اتهام لا أساس له من الصحة لرئيس المؤتمر السوداني عمر الدقير ونائبة رئيس حزب الأمة مريم المهدي بانهما اختطفا منبر قوى اعلان الحرية والتغيير بساحة الاعتصام، وعليه قررنا الاكتفاء بالتوضيح التصحيحي من الحزب الشيوعي ، ولكن للأسف لم يحدث ذلك.

عليه، نود أن نوضح الآتي:

أولاً: تلقينا دعوة من قيادة الجيش للإجتماع بقوى إعلان الحرية والتغيير تمت مناقشتها في إجتماع حضرته جميع قيادات قوى الإعلان بدار الأمة مساء الجمعة الموافق ١٢ أبريل ٢٠١٩ وتم الإتفاق على إرسال وفد من عشرة أشخاص بواقع ممثلين عن كل كتلة من الكتل الآتية (تجمع المهنيين - نداء السودان - قوى الإجماع الوطني - التجمع الإتحادي المعارض - تجمع القوى المدنية)، وقد كان حيث تسمية مجموعة إتصال وإعلانها في بيان صدر يوم السبت ١٣ أبريل ٢٠١٩.

ثانياً: تم تحديد الإجتماع في تمام الثانية والنصف من ظهر يوم السبت حيث اتفقت مجموعة الإتصال على أن تلتقي أمام مباني كلية الأشعة في الثانية ظهراً وتتحرك من هنالك سوياً وظلت المجموعة كاملة في انتظار مندوبي الإجماع لساعة كاملة لم يحضرا فيها نسبة لإنشغالهم بمؤتمر صحفي كان يدور في ذات الوقت، وتحرك الوفد بعد انتظار دام حوالي ساعة كاملة على أن يلتقي بممثلي الإجماع في وزارة الدفاع حسب إتصال هاتفي مع الأستاذ أمين سعد القيادي بقوى الاجماع الذي أفاد بوصولهم بوابة القيادة الجوية.

ثالثاً: وصل الوفد امام بوابة وزارة الدفاع وظل خارجها منتظراً وصول ممثلي الاجماع وذلك بشهادة جمع غفير من المعتصمين .. ولما فشلت كل المحاولات للاتصال بهما حيث كانت هواتفهما مغلقة، دخل الوفد مبني القيادة والتأم جمعهم بقيادة الجيش حيث كان حضوراً عنه كل من محمد ناجي الأصم وأحمد ربيع عن تجمع المهنيين أيمن خالد والطيب العباسي عن التجمع الإتحادي المعارض مدني عباس وحسن عبد العاطي عن تجمع القوى المدنية بالاضافة لعمر الدقير ومريم المهدي عن نداء السودان، وظلوا جميعهم في إنتظار ممثلي الإجماع لفترة دون أن يحضرا ولم تنجح محاولة الاتصال بهما، وحين تأخر الوقت بدأ الإجتماع الذي عرض فيه مناديب الإتصال مطالب قوى إعلان الحرية والتغيير واستمعوا لقيادة الجيش كما تم توضيحه في البيان الصادر بتاريخ ١٤ أبريل ٢٠١٩، وحضور الإجتماع أحياء شهود آثروا الصمت رغبة في المعالجة الداخلية ولكنها لم تحدث بكل أسف.

رابعاً: عند خروج الوفد كان في انتظاره جموع المعتصمين ، حسب تكليف الوفد وحسب المنهج المتبع بتبليغ اصحاب الشأن ما يدور لحظة بلحظة، قرر الوفد تكليف عضويه عمر الدقير ومحمد ناجي الاصم بمخاطبة الجمهور، غير أن الأخير لم يتمكن من الانضمام للمنصة بسبب التدافع الجماهيرى والاحتفاء به إذ حملته الجماهير على الأعناق بعيداً من المنصة ليضطر الدقير إلى مخاطبة الجمهور بنتائج اللقاء ثم أعقبه د. حسن عبد العاطي، عضو الوفد عن تجمع القوى المدنية، وفى حضور كامل أعضاء الوفد. كما تكليف كل من مدني عباس وأحمد ربيع بالإتصال بقوى الإجماع وتمليكها ما دار وهو ما تم مساء نفس اليوم.

تلك هى الحقيقة التى شهد بها ممثلي قوى الحرية والتغيير في اجتماعهم المنعقد مساء أول امس، ولم يتكرم الحزب الشيوعي بتصحيح تزييفه لها مستنكِفاً عن ثقافة النقد الذاتي والاعتذار، ونحن نأسف أن يكون تنفيذ الرئيس عمر الدقير لتكليفه بالمخاطبة سبباً لرشق حزبنا ورئيسه بالحجارة فى وقت ينتظرنا فيه شعبنا على ضفاف دماء الشهداء.

ظللنا نتحمل تبعات العمل المشترك بصبر على الأذى والمكاره ونصمت كثيراً إجلالاً للشعب السوداني وانتصاراً له، والآن في هذه اللحظة المفصلية نأسف كثيراً لما بدر من الحزب الشيوعي وأثره على وحدة الصف والالتزام بالأولويات، وعليه ولكي لا يتكرر ما حدث نقترح قوى إعلان الحرية والتغيير بعقد اجتماعاتها في الهواء الطلق أمام الناس في ميادين الإعتصام لكي تتبين الحقائق ويعلم الجميع من يقف حقاً مع مطالب الناس وحقوقهم ومن يعطل الوحدة ويغرق البلاد في محطة القضايا الذاتية الصغيرة .. هذا اقتراح نضعه بجدية أمام قوى الإعلان ونأمل في دراسته والاتفاق على تنفيذه، أو الاتفاق على طريقة اخرى توفر للجماهير معرفة ما يدور في الاجتماعات لأن الجماهير هي الضامن لأن لا تنحرف الثورة عن مسارها وأن تبلغ مراميها كاملة غير منقوصة.

محمد حسن عربي
الناطق الرسمي باسم حزب المؤتمر السوداني
١٦ أبريل ٢٠١٩

بصراحة: علي "ضيوف' تجمع المهنيين من أحزاب الإلتزام بأصول الضيافة وعدم القيام بدورالمضيف!

بصراحة: علي "ضيوف" تجمع المهنيين من أحزاب الإلتزام بأصول الضيافة وعدم القيام بدور المضيف!!
من الحقائق الجلية أن تجمع" المهنيين" كتنظيم كان أول جعلت الحراك منظما زمانا ومكانا وهي جهة ذات مصداقية عالية وثق فيهاشعبنا وأستجاب لها - له قدرة هائلة علي الحشد والتنظيم2- هو من بادر بهذ الدور الثوري الطليعي وأمسك بعصاة المايسترو وراية القياذة !
3-فيما بعد إلتحقت به الأحزاب السياسية !4- بعض القوي كانت تزمع وتخطط للدخول في إنتخابات 2020 5-وبعضها كان يتحدث بلسانين عن الثورة لسان مخذل وآخر مؤيد ! * المهم وبعد نجاح الإعتصام حاول بعض الضيوف تصدر المشهد -والوقوف علي مدخل السرداق والخيمة ! : ختو الكراسي هناك - إتفضلو ياجماعة العشاء جاهز ! ياتجمع أمشي إرتاح في الأوضة الوراء .. نحن بنستقبل ونمشي نقابل أهل العروس ونتفق علي بقيةالمراسم!!
* ثم الوثوب علي منصة المسرح و المخاطبة ! نحن عملنا ونحن سوينا والعرس عرسنا ونحن أسيادو ! ومن المدهش ظهور بعض القوي برإسيين ورئيسين !
*وبهناك إنتهز أهل العروس الفرصة وبدأ يغالو في الطلبات بل أن بعضهم بدأ يتصل باهل الخطيب ا لسابق - المطرود !
الخلاصة لم ينتخب الشعب منكم أحدا ولكنه وثق في تجمع المهنيين - وأستجاب له - عليكم بالإنضباط والتقليل من كثرة الطلة وتصدر المشاهد -وحدة قوي التغيير تتجلي في الإلتزام بأهدافهم وما تم الإتفاق عليه والعزف الجماعي! solo ماب ينفع !!

Quote: بصراحة: علي "ضيوف' تجمع المهنيين من أحزاب الإلتزام بأصول الضيافة وعدم القيام بدور المضيف

يا كمال
القضية قضية وطن واكبر من السودانى والشيوعى وتجمع المهنيين نفسه..

مافى ضيف ولا مضيوف..

سلام أخ سيف
...

Quote: يا كمال القضية قضية وطن واكبر من السودانى والشيوعى وتجمع المهنيين نفسه.. مافى ضيف ولا مضيوف.

بل هناك حقائق جلية لايمكن إغفالها ومنها:
(( أن تجمع" المهنيين" كتنظيم كان أول جعلت الحراك منظما زمانا ومكانا وهي جهة ذات مصداقية عالية وثق فيهاشعبنا وأستجاب لها - له قدرة هائلة علي الحشد والتنظيم2- هو من بادر بهذ الدور الثوري الطليعي وأمسك بعصاة المايسترو وراية القياذة !
3-فيما بعد إلتحقت به الأحزاب السياسية !4- بعض القوي كانت تزمع وتخطط للدخول في إنتخابات 2020 5-وبعضها كان يتحدث بلسانين عن الثورة لسان مخذل وآخر مؤيد !))
**
المؤتمر السودان كمكون من مكونات نداء السودانتخلي عن حلفائه في الجبهة الثورية وجماعة عبد الواحد - لم يستشاروا ولم يمثلوا في الوفد ولم تطرح قضاياهم !
2-
يظهر برأسيين ورئيسين الدقير وإبراهيم الشيخ وكل منهما يصرح ويجتمع !
يكثرون من الحديث والظهور وتصدر الأحداث وكأنهم وحدهم من صنعوها !

يا سلام يا سيف شكراً كثير على نقل هذا الخطاب
من اجل هذا قلنا الأمر للشباب لأنهم لم يحضروا ضغائن الماضي
وليست لديهم نيات مبيته .. من أكتوبر وأبريل ..
بدأت الشخصنة وهي صفة ملازمة لنا في كل شيء
وأقصد بالشباب حتى عمر 50 سنة أو 55 سنة
لأنهم لم يعايشوا عصر خوازيق الاحزاب التي عطلت الديمقراطية
وخاصة في اكتوبر ..

هكذا سيصبح المجال خصباً للكيزان وهم يعرفون كيف ينتهزيون الفرص
وخاصة لديهم المال والجيش ... إلخ

وإذا رفعت الرقابة عن الصحف سوف نرى الكثير

شاهدت مؤتمر صحفي في التلفزيون شيء مخجل
( الشيوعي ، والناصري ، والبعثي )
لا ترتيب لا أناقة لا حديث ..
ومثلهم الناطق الرسمي للمجلس كل خطابه ( آآآآآآآآآ نحن آآآآآآآآآآ )
زمان أي سياسي كان لغة وخطابة وإلا يكون في الصفوف الخلفية
حتى بعض الصحفيين عبر القنوات العربية ( آآآآآآآآ ثم آآآآآآآ )

معليش حبيبنا سيف .. الضغط مرتفع الله يهون

خلاف تافه ما كان تشغلونا به

دا تحالف عريض، الخلافات طبيعية،
ما تكبروا القصة، مستحيل ما يكون في خلاف
المهم التركيز مع الهدف الأكبر ومع الحرية والتغيير
كإعلان، ما ضروري تتحسم الخلافات
عشان كدا كل زول يشيل زعلته او موقفه
وفي نفس الوقت الناس تشتغل في الاعلان
وتواصل الضغط على المجلس العسكري
حتي تعود السلطة كاملة للمدنيين
مافي وقت لتي تفريغ للمشاكل هسي
الناس تلتزم بموجهات وضوابط الإعلان
وتدفر الثورة

https://ibb.co/jGP6RTj

اخونا على عبد الوهاب كلامك صاح بخصوص المؤتمر الصحفى بتاع قوى الإجماع.
اعلم ان الظروف صعبة التى يعملون تحتها لكن قليل من الترتيب والتنظيم لا يضر.
استوقفتنى نفس الملاحظة دى واخدت الصورة المرفقة.

يا كمال نعم تجمع المهنيين هو الذى حرك الساكن..ودى ما نقطة خلاف..

الوقت ده بالذات الشيوعى والسودانى يؤجلوا مكاجرتهم دى لانه قدامهم مهمة صعبة
بدل الاختلاف على موضوع الدعوة فى قضايا تهم الوطن فى وقت حرج..

الاحزاب السياسية لابد ان يكون لها دور فاعل فيما يحدث واستبشرنا خيرا بإعلان الحرية والتغيير..

انا برضو عندى راي فى انتخابات 2020 وعندى ايضا راي فى الناس الواقفة بعيد وتأشر بالعصاية من غير عمل فاعل لإسقاط النظام..

الخلاصة نسيب المكاجرة دى ونمشي قدام لانها مضرة جدا مقارنة بما نحنا امامه الان.

حبيبنا سيف .. شكراً على الصورة شغل جميل ..
أغرب حاجة الحزب ( الناصري) .. أبن حلايب
ماذا لو أصبح رئيس وتفاوض عن حلايب ..
معقول حزب في هذا العصر بإسم جمال عبدالناصر
سبحان ا لله ..
تحياتي الحبيب سيف ..

كدة بالواضح
بالنسبة للسيد الدقير والسيدة مريم الصادق المهدي في عملية conflict of interest
واضحة تماما ..
بالنسبة للدقير له أخوة مفسديين ولهم علاقة بالنظام وكذلك مريم الصادق, أ خوها عبد الرحمن
فاسد ومقربمن ا لرئيس المخلوع ,وهو أحد أركان الإنقاذ !
لذا لايمكن ومن منطلق مبدأ تضارب المصالح أن يكونوا في قيادة التغيير وفي دور يسعي
لحصر ومحاسبة المفسديين ورموز عهد الإنقاذ !
ممكن أن يكونوا قيادات في أحزابنا ولكن لايمكن لاعقلا ولامنطقا أن يمثلونا !!
..

نهيب بكل القوى الوطنية ان تكون يقظة ضد اجراء اي تسوية سياسية مع بقايا وفلول النظام البائد المندحر والتمسك بالحل الجذري , صمام الامان لعدم انتاج المهزلة الاسلاموية والتوجه الحضاري البغيض.
القضية قضية وطن نرجو من الجميع التوحد ومواجهة المرحلة القادمة بمزيد من الوحدجة والقوة فى الراى السديد حتى نتمكن ان نعبر بالبلاد من الحال الذى تعيشه وان نستحضر حال المواطن السودان الذى يعانى
ومازال يعانى من تبعات النظام البائد

يالعاركم يا منظومات سودان وعي الاحتلال الثنائي، الذكورية، الجهوية، العروبية المسؤولة من تمدد وبقاء نظام القتلة العمر ده كلو!

هذه الثورة لاعلاقة لايا منكم بها، من حيث التفجير او القيادة، علي الاطلاق والشارع عارف كده، او ماعندو ذرة اعتبار لهذه المنظومات الكرتونية!

زي غيركم راكبين الموجة او عايزين توظفو نتائجا لي مصالحكم الحزبية الضيقة من منطلق طموحات شخصية انانية صرفة!

يالعاركم يايسار السودان الجهوي!

هذا عبط، بل عوارة، تصدرو في بيانات من دون خجل، تشاكلو كما الاطفال في وكت زي ده، حريقة تحرقكم من طرف او تريح شعبنا المكلوم الاتذي من 56م والي الان بي سببكم!

نعم الكيزان اي شيطان الجرة برز للوجود لملئ الفراغ الاتسببتو فيهو، تحاربو في طواحين الهوا، مارقنها لي روسيا او ضد امريكا كما اجدادكم الساقم نابليون او مرق بيهم للمكسيك وهم مكبلين باغلال العبودية، المكبدة وعيكم المحتل، ايها الطيور، عشان يموتو فطايس في معارك لاخراف لهم فيها ولانعاج!!

شوفو المخابرات الاجنبية الان واللحظة بتسوي شنو في بلدكم بي قيادة الم############ القواد طه الدلاهة، باستخدام امثال حمرتي او بقية التنابلة، او انتو بتسوو في شنو يالعاركم بحق!

حولا ولاقوة ياخي!

الأن الخرطوم كهربتها قاطعة بشكل يومي بعد أن كانت
يوم بعد يوم وقبل ذلك كانت تقطع بعد أيام مدة ساعة ساتين
وازمة السيولة لم تحل
والمعارضة رافضة لاستلام الحكومة وتسيير دولاب العمل
ويطالبون بالسلطة السيادية وحردانين !!
أنا مع استمرار الإعتصام لضمان نجاح الثورة لتمضي للأمام
في شأن المطالبة بالإعتقال لرموز النظام وما شابه
وكذلك التعجيل بتكوين لجان تسيير للخدمات التي لأجلها خرج الناس
أما الإعتراك مع الجيش ومحاولة نزع السلطة السيادية منه بدون انتخابات
هذا يمكن أن يصنع انتكاسة وضياع كامل لما تم اكتسابة خصوصا والحال
في طريقه ليكون اشد سوءا من الناحية الخدمية ونخشى من السوء في
الحالة الأمنية .
وهذا ما سيفقد ثقة الجيش في ممثلي الحراك ويجعلهم
يبعدوا من المشهد ويتركونهم ليتعاركوا مع الكيزان بلا حماية
إذا وجدوهم هكذا يفكرون بهذا الغباء
أنا بكره الكيزان أشد مما يكرههم الشيوعيون
ولكني كذلك أكره الغباء الذي يتصف به الشيوعيبن
وأحب الذكاء الذي للأسف يتصف به الكيزان الأبالسة
قاتلهم الله .

كتب السيد منتصر

Quote: أنا بكره الكيزان أشد مما يكرههم الشيوعيون ولكني كذلك أكره الغباء الذي يتصف به الشيوعيبن وأحب الذكاء الذي للأسف يتصف به الكيزان الأبالسة قاتلهم الله

لقوي التغيير حزمة مطالب - وهي مطالب المؤتمر السوداني والأمة وتجمع الإتحاديين
وتجمع المهنيين ! بالإضافة لقوي الإجماع !
فهل كل هولاء شيوعيين؟
من كان يصف قوي التغيير والثوار بالشيوعيين هم الكيزان وحسين خوجلي والطاهر حسن
التوم !
وبعدين شابكنا غباء غباء يعني إنت وحدك العبقري!؟
ويبدو أنك تحب في الكيزان أكثر من " الخبث" الذي تسميه ذكاء
للثوار والمعتصميين مطالب محددة وهي حد أدني يجب الإلتزام بها

أنا كلامي خاص بالأصم الباقيين ما شفتا ليهم كلام ولا سيرة
أقصد ما يسمى بتجمع المهنيين.

وحتى البيان المرفوع في البوست دا برضو يتصف بذات البلاهة

وسبحان الله أنغام الشيوعيين
والجداد اللكتروني بقت في حالة هارمونية
وانسجام عجيب
تكاد لا تميز
حتى على الحاج شيخ كيزان المستقبل
أصبح مبسوط من الشيوعيين ويتغزل فيهم
فالبلاهة تعطي مسحة جمال مغرية
تزيد في طمع الطامعين.

Quote: المهم التركيز مع الهدف الأكبر ومع الحرية والتغيير

خاصة فى هذه الاوقات الحرجة..
اكثر ما ساعد الانقاذ على حكم السودان
طيلة هذه الاعوام الثلاثين انهم إستثمروا فى خلافاتنا وفرقوا بيننا..
ولا زالت هذه الخصلة موجودة حتى الان...

تحياتى يا عبد العظيم عثمان

Quote: لذا لايمكن ومن منطلق مبدأ تضارب المصالح أن يكونوا في قيادة التغيير وفي دور يسعي ل

كمال يا أخوي عمر الدقير لما كان بقود التغيير مريم دى شافعة صغيرة واخوه الوقت داك ما كان بعرف سياسة..
المؤتمر السودانى ما حزب طائفي ولا تحكمه الاسر ولا الافراد..

سيب الحاجات دى وخلينا و نفكر فى المعضلة القدامنا دى..

الناس فى ميدان الاعتصام وعندهم مطالب حقيقية وده المهم..

منتصر إنت مصر تقول في كلام في الهواء
تصف دكتور محمد ناجي الأصم بالغباء
جنس الإستهداف الشخصي دا ياهو زاتو
شغل الكيزان في إغتيال الشخصيات
دكتور الأصم عندما يتحدث يعبر عن تجمع المهنيين
وهويدرك خط التجمع وقادر علي توصيل رسالة
تجمع المهنيين، إنت ابعد عنةشخصنة الموضوع
وتحدث عن خط تجمع المهنيبن دون ربط الموضوع
باي شخص.. عشان نقدر نفهم انت قصتك شنو
تحدثت في بوست اخر بنفس طريقة الكيزان
في نشر الرعب والفزع وان الحركات المسلحة ستقتحم
الخرطوم، ربط النقطتين ديل مع بعض يجعلني
أبعد حسن الظن في قراءة ما تكتب

تقصد يا عبد العظيم أني كوز وبنافق ؟!
عشان شنو ؟!
احتمال أكون بدافع عن الأموال
التي كسبتها سحتا من النفاق لصالح الكيزان!
أو أكون عندي انفصام ولا أعرف !

خلافات قوي التغيير حتي الآن إجرائية ولكن الجميع متفق وملتف حول المطالب المشروعة
ومن ناحية أخري يبدو أن المجلس العسكري لم يستعيين بمستشاريين قانونيين - قانون دستوري . يصف المجلس نفسه بأنه مجلس سيادي - بحت ثم يهيمن علي سلطة التشريع والتنفيذوالحكم المدني ! التعيين هو مهمة الحكومة المدنية - المجلس السيادي - يبصمعلي مايقرره المجلس المدني - بالإضافة للإشكال البرتوكولية والجيش يحمي ولايحكم !

Quote: هذه الثورة لاعلاقة لايا منكم بها، من حيث التفجير او القيادة، علي الاطلاق والشارع عارف كده، او ماعندو ذرة اعتبار لهذه المنظومات الكرتونية!

يا بشاشة ياخ براحة ياخ...
الثورة دى كل الناس شاركت فيها..
وكان ما اخاف الكضب البشير زاته فى سره بكون قال تسقط بس.
مالك مقوم نفسك!!

نعم البيانات الاثنين ما موفقات لكن روق شوية..
وفكر مع الشعب السودانى فى الخروج من هذه الورطة..

Quote: يا بشاشة ياخ براحة ياخ... الثورة دى كل الناس شاركت فيها..

سلام يا سيف،

نعم الكل شارك في الثورة دي، ولهذا ديل كانو ينتبهو للنقطة دي او بي كده كانو تفادو المماحكات، المناورات، المناقرات، زي الشفع يا لعار هؤلاء بحق!

شوف البلبلة الاتسببو فيها قدر شنو في الشارع، بي صورة لايمكن تعالج!

اخد مننا 30 سنة او ملايين الضحايا عشان نصل النقطة دي، ولكن هؤلاء شوف عملو شنو في المقابل لما حانت اللحظة!!

لزوم البيانات دي شنو من اساسو؟

الغلط فيهم اي ناس الدقير، كانو يعتذرو للشيوعيين او يطفو الموضوع بعيد من الشارع بي زي مايكلف لو فعلا كانو عندهم مثقال ذرة من المسؤولية!

نفس كلام الشيوعيين ده قالو ناس عرمان وهذا عجيب بحق!!

مرة اخري شوف البلبلة الاتسببو فيها هؤلاء، بشهادة الحاصل حتي في المنبر ده وهذا يؤكد الاعتصام حينفضا والنظام ممكن يواصل ذات مسيرتو بمنتهي السهولة وكان لم يكن، لانو عشان نعيد انتاج ما انجزناهو باعجوبة حنحتاج لي نصف قرن اقلاه، لو اصلا فضل هناك حاجة اسمها سودان في الخرطة!

ماحدث من هؤلاء كان قاتل بمعني المفردة!

Quote: لزوم البيانات دي شنو من اساسو؟

تمام يا بشاشة..

نمشي لقدام..

الشعب فى ساحة الإعتصام

قالو شنو تسقط بس
لا حامل فكري واضح
ولا مشروع سياسي واضح ...فلان وعلان
والله الشباب المسكيم ما قرا كتاب النخبة السودانية وادمان اللفشل
انتو مش قلتو ثورة شباب البعاعيت ديل مرقو من وين ؟؟
****
والله ده احسن بوست في المرحلة ..اضقل بيه لحدي الثورة الحقيقية تجي في 31 يوليو 2019 المرة دي كتابة ساكت بدون لاركيس...الوفد جه ما فيه واحد من دينكا نقوك ليه او واحدة وهم مشاركين في الثورة وعندي فيديو ليهم
يا شباب اقل 40 سنةاي ثورة ما جنوبيا هواها وترفع علم الكعوك بتاع مثلث الحمدي ليست ثورة تغيير بل اعادة تدوير
وشفت كل المؤتمرات الصحفية
لي الشعبي علي الحاج
وتجمع المهنيين
وقوى الاجماعحالة مزرية فعلا

انتو ما عندكم اي علاقة يالديقراطية لا وعيا ولا سلوكا

فلول إنتخابات 2020 وإيتام إنتخابات -2010 المزيفة يمتنعون !
^ قال ويقول الشعب كلمته ولاعزاء للكيزان وطابورهم الخامس من المرجفيين !
هذه ثورة شعب - والتحية لكل من أيدها والخزي لكل من رفضها وسخر من الثوار 1
.

اليوم تقدم قوي الثورة والإعتصام روشتتها وخارطة طريقها للمجلس العسكري. وماعليه إلا الإستجابة لمطالب الثورة كاملةوقوي التغيير . أو الذهاب حيثما مضي البشير وبن عوف !

Quote: دا تحالف عريض، الخلافات طبيعية، ما تكبروا القصة، مستحيل ما يكون في خلاف

اظن والله اعلم بأن هذا التحالف ايضا السبب في تأخير التجمع بتقديم حكومة ...

والله الحديث ذو شجون في اليمن اكبر عيب ارسال جنود الى اليمن وهسة السعودية والامارات مفرملين التغيير بسبب ذلك وهسة تراهات الشيوعيين وبوتيكات المركز دي تؤخر عودة الديمقراطية والاحزاب الحقيقية والمجلس العسكري منتظر فيهم يسوطو ويترافسو لحدي تنهار البلد خارط الطريق دي واضحة ما فاضحة
وحقو المجلس د يفتح قنوات التواصل مع كل السودانيين وفي كل العالم عبر الفيس بوك والتويتر ولا يكتفي بفئات محددة في المركز
الوهم ديل
لا يعرفون استرتاجيات النغيير الحقيقي في السودان
1- الالتزام بالدستور الموجود 2005 ذى ما هو الان وهوكافي لتفكيك االدولة الموجودة
2- اصلاح المحكمة الدستورية رفدها بي 9 قضاة محترمين حتي ولو مدفونين في احمد شرفي لان اللف الدوارن ده واره ناس ما نظيفين في المعارضة والنظام وخايفين من الفيش والتشبيه
3- الغاء والمستوى الولائي ال17 ولاية هسة واستعادة الااقليم الخمسة المعروفة قبل 30 يونيو 1989 وده قرار جمهوري بس من المجلس العسكري ومساعدة امحكمة الدستورية العليا الجديدة بتعديلات التي تلائم الهيكلة الجديدة
4- اسقاط الرقم الوطني والجواز الالكتروني واستعادة قانون الجنسية الخضرا والبنية قبل 1989-1957 ضرورة انتخابية
5- صناعة راي عام كبير جدا للخروج من تحالفات النظام المدمرة مع العرب والخارج القبيح واستعادة الجنود من اليمن وايضا بمساعدة المحكمة الدستورية العليا الجديدة والراي العام الشعبي في الاعلام
6-اطلاق الحريات الاربعة وفتح الحدود لابناء جنوب السودان
****
دي التغيرات الاستراتيجية المهمة جدا جدا في هذه المرحلة من ابريل -ديسمبر 2020
رؤية الشيوعيين العاطلة في بيناهم بتاعة اربعة سنو وتصفير العداد ليس رؤية الشعب السوداني في الاقاليم والخارج ولم تخضع لمشورة شعبية وتجمع المهنيين لا يمثل كل السودان
وعلي المجلس العسكري يفتح قنوات لتواصل مع كل السودانيين في كل السودان والخارج بي الوسائط الحديث كلها يعمل موقع ايضا

صدقت يا أخ عادل امين في كل ما ذكرته
اليسار أشد شمولية من الكيزان لأنو الكيزان بحاولوا يكبروا كومهم باجتذاب الآخرين
وعلى العكس اليسار الذي يردون فرض معتقداتهم واحتكار المشهد حتى قبل مولد
السلطة الجديدة واليسار هم الذين يعطلون إكمال الخطوة وتأمينها
وحريصون على أن يأكلوا الطعم وهو إلغاء دستور 2005.

ويستمر المسلسل المدبلح في مثلث الحمدي على حساب السودان الكبير وفي البوست ده في برنامج تحول ديمقراطي قائم علي الشعب فقط والانتخابات للتغيير ويخاطب الشعب طوالي كاداة تغيير وفي الهواء الطلق وليس الغرف المغلقة والنسنسة والدسدسة
الفرق بين التغيير واعادة التدوير

https://up.top4top.net/



1- لمن يعرفو ان التغيير وقف في حدود محور الامارات السعودية مصر الانتهازية الرخيصة وطال ما علم القوميين العرب ده موجود بكثافة في الخرطوم ما مرقنا من تحت جذم المصريين من عبدالناصر لي عبدالفتاح السيسي والمشروع الدولي الساقط والمفضوح في الاقليم والعالم العربى الاسلامي
2- اتذكرو كويس يا بعاعيت تجمع المهنيين او الشيوعيين لمن اسقطت السعودية طائرة البعثيين 1969 ده مش ندخل في سياسات السودان الداخلية ؟؟ اوعكم يا القرد الاعمش والنظارة تفتكرو تصوراتكم هي البتمشي علي حساب المشروع الامريكي الرخيص فرع السودان
3- الزول البفتش الديمقراطية في السودان بمشي عديل في اتجاه المحكمة الدستورية العليا يصلحا اولا للفيش والتشبيه ولا المجلس العكسري ماشي في هذا الاتجاه ولا المعارضة بكل بعاعيتها من مؤتمر شعبي وقوى اجماع وطني وتجمع مهنيين ماشين في هذا الاتجاه
4- وجود الجنود السودانيين في اليمن المخزي ما فارق مع المعارضة المركزية الغبية دي ولا جنرالات المجلس العسكري لانهم منسجمين مع المخطط الدولي التي تقوده امريكا وطليعة الانحطاط
5- لا يوجد وعي خلف هذا العلم البغيض يستوعب قضايا السودان في حدود 1يناير 1956 اطلاقا ولا اكبر من رؤية جون قرنق التي لا تموت مجرد انتهازيين عايزين يقعدو في راس لناس 4 سنة بس بالتعيين وليس بالانتخابات ويمشطو علي الحاج والشعبي بي قملو
6- اذا وعيتو يا ابناء السودان في المهاجر وفي الاقاليم ومعسكرات النزوح فقط اعتمدو علم الاستقلال في كل بيوتكم عشان تعرف مصر ودول الخليج نحن حضارة 7000 سنة وليس بقعة جغرافية يحكمها الفاشلون والارزقية والساقطون بالاجندة الخارجية وبنعرف الديمقراطية الطريق ليها واحد فقط يمر عبر دستور 2005 والمحكمة الدستورية العليا وانتخابات 2010 المجهضة
وامريكا لا تحترم الديمقراطية ولا ارادة اشعوب وهي دايرة علي حل شعرها وهي القتلت جون قرنق لفصل الجنوب وهي من يخرب في المنطقة والمتحولون ساسيا عقاب الشيوعين والناصريين والبعثيين والاخوان المسلمين هم ادواتها في كل ثورات الربيع العربي
https://up.top4top.net/

حيفرضو عليكم 17 شخص فرضا في الحكومة المركزية طبعا ما شغالين بي الاقاليم تكون ولايات 17 ولي مليون ولاية و101 واحد برلماني وكله تعيين وليس انتخابات او حتي فيش وتشبيه من المحكمة الدستورية العليا
ويعطو المجلس العسكري شرعية اربعة سنة
هسة كلام الاتحاد الافريقي واضح
جهزةو البلد للانتخابات علي كافة المستويات والشعب اصلا جاهز وخياراته معروفة من 2010 وسجل 18 مليون سوداني ذكي في برنامج واضح مافاضح زي حقكم ده
وقلنا اهم حاجتين
اصلاح المحكمةالدستورية العليا وهي اهم مؤسسة دخلت السياسة السودانية في دستور 2005 وبها 9 قضاة ومهتا معروفة
الغاء المستوى الولائي واستعادة الاقاليم الخمسة باسس جديدة
انتخابات اقليمية
ثم
مركزية

راسية ويرجع مجلس راس الدولة بتاع الانجليز باسس جديدة
وفي مليون سوداني كفاءة يمثل الاقليم الخمسة في الخارج وفي السودان ممكن يكون خيار افضل من كعوك مثلت الحمدي وجمهورية العاصمة المثلثة و من المعنيين ديل ويجي بارادة الشعب الحرة وبي برنامج افضل من المعروض ومشوه وتتحكم لفيه دول الخليج الغبية ومصر الخبيثة(السلطة وليس الشعب المصري المغييب اصلا من 23 يوليو 1952)
الديمقراطية في السودان هي العدو الحقيقي لمصر الانتهازية ودول الخليج ومن ورائهم امريكا والغرب والبشير جعل السودان ساحة موارد لكل شذاذ الافاق في الخارج عشام يمشي ويفتح البلد علي الفوضى الخلاقة
ولازلنا مع الساقط والاكثر سقوطا وعلم مايو 1969 اللعين ...

Quote: والله الحديث ذو شجون في اليمن اكبر عيب ارسال جنود الى اليمن وهسة السعودية والامارات مفرملين التغيير بسبب ذلك

سلام يا عادل..
انا ما داير احرف البوست عن مساره..
لكن داير اشير إلى نقطة وهى مسالة اولادنا الفى اليمن ديل..
مصالح السعودية والإمارات فى السودان اكبر من موضوع المشاركة فى حرب اليمن دى بكثير.. نعم موضوع اليمن موضوع جيوسياسي ومهم لكن هناك قضايا اخري مثل الهجرة والإستثمار فى الأراضي والموارد الطبيعية الأخري..يعنى هل كان ممكن السعودية والامارات يتركونا فى حالنا إذا لم تكون هناك مشكلة فى اليمن...؟؟

Quote: رؤية الشيوعيين العاطلة في بيناهم بتاعة اربعة سنو وتصفير العداد ليس رؤية الشعب السوداني في الاقاليم والخارج ولم تخضع لمشورة شعبية وتجمع المهنيين لا يمثل كل السودان وعلي المجلس العسكري يفتح قنوات لتواصل مع كل السودانيين في كل السودان والخارج بي الوسائط الحديث كلها يعمل موقع ايضا

سلام يا عادل
عندك بعض القضايا وكأنها مسلمات ولا تقبل النقاش مثل الإلتزام بدستور 2005 كمرجعية واعادة صياغة المحكمة الدستورية والرجوع للتقسيم القديم للولايات..
لكن احترم رايك جدا بإعتباره ما تقدمه هى وجهة نظرك للحل..لكنها لن تكون هى الوحيدة الأصلح.
نحنا فى وضع خطير جدا الان ويتطلب الاستماع لكل وجهات النظر واشراك الناس فى الحوار حول القضايا الاساسية الكبري دون تجريم لرؤي الآخر. حاليا نسعى لإنتزاع حكومة مدنية من هؤلاء العسكر بقايا الانقاذ ثم تفكيك دولة الحزب الواحد دى وبناء اسس للديمقراطية على اساسها نستطيع ان نحدد شكل السودان الذي نريد وكيف يحكم.
تجمع المهنيين جسم نقابي يمثل عضويته ولا يمثل كل النقاببين حتى وقعت عليهم مهمت قيادة الحراك خلال الأربعة شهور الماضية..حاليا يمثل الجهة التى إلتف حولها المواطنيين ومواصلين فى عملية إنتزاع حقوقهم من خلال دوره فى قيادة الحراك على الأرض.

المجلس العسكري عليه تسليم السلطة للشعب. عليه تسليم السلطة التشريعية والقضائية والتنفيذية على ان يشارك فى قضايا الدفاع والامن والتى ايضا سيعاد صياغتهما لتمثلان كل سودانى وسودانى..المهمة دى لازم يقوموا بيها ناس ممثلين للشعب حسب ما نتفق عليه لتسير هذه الفترة الانتقالية والتى اري انها يجب ان تكون اربعة اعوام كاملة. مقسوم على فترتين بمهام واضحة..للاسف ما حاقدر اوضح الان ليه مقسومة على فترتين بإعتبار ان هناك مشاورات ومداولات جارية...
لكن ليك كل الشكر بمساهماتك القيمة فى ايجاد الحلول. وارجو ان تستمع لأراء مخالفة ولا تعتبر بعد الأشياء مسلمات..

تحياتى

سلام صاحب البوست
الحصل بين الموتمر والشيوعي مجرد سوء تفاهم
وانفعال
وحده قوي الحريه والتغيير ضروره

Quote: سلام يا عادل.. انا ما داير احرف البوست عن مساره.. لكن داير اشير إلى نقطة وهى مسالة اولادنا الفى اليمن ديل.. مصالح السعودية والإمارات فى السودان اكبر من موضوع المشاركة فى حرب اليمن دى بكثير.. نعم موضوع اليمن موضوع جيوسياسي ومهم لكن هناك قضايا اخري مثل الهجرة والإستثمار فى الأراضي والموارد الطبيعية الأخري..يعنى هل كان ممكن السعودية والامارات يتركونا فى حالنا إذا لم تكون هناك مشكلة فى اليمن...؟؟

اذا انت لحدي هسة ما عارف العار الكبير الحضاري والتاريخي الذى حاق بالسودان في حرب الابادة في اليمن وعايز تتسول الامارت والسعودية ما عايز تزح من تحت جذم المصريين
والسودان اغنى منهم الاثينين بدماء اليمنيين يبقى انت لا تصلح ابدا ومن تمثلهم تكون حالة تغيير
الامارات في مناهجا خلت السودان نموذج للتخلف بسبب نوعك ده ووضعتنا في مقارنة مع اليابان
في بوست كبير طويل عريض من 2015 عن حرب اليمن ووجود السودان المخزي فيها وارتباط الجنرالات ديل بيها وقرو الالاف
انت بي الذات عايز تعرف انا بقول شنو وبكتب شنو
انا قاعد هنا من 2001 وواعي بما اكتب واقول
وبعرض بضاعتي في السوق ما قاعد في راس الناس وافرض عليهم برنامج وانعق باسم الشعب
عايز تحاور عن حرب اليمن البوست موجود ومفتوح
وهسة بقول ليك بي الواضح
ما يلزمني رؤية شيوعيين او ناصريين واو بعثيين وا اخوان مسلمين في السودان اطلاقا ومن هسة لي يوم الدين
والواضح ما فاضح
عايز تاكل السودانيين خبز مغموس بدماء اليمنيين ...ودي اولياتكم نباري الحلف الرخيص بتاع مصر الامارات السعودية ده مش كده
يا حليل السودان والله عليك الله عولم وعيك وتعال حاور
https://up.top4top.net/

Quote: سلام يا عادل عندك بعض القضايا وكأنها مسلمات ولا تقبل النقاش مثل الإلتزام بدستور 2005 كمرجعية واعادة صياغة المحكمة الدستورية والرجوع للتقسيم القديم للولايات.. لكن احترم رايك جدا بإعتباره ما تقدمه هى وجهة نظرك للحل..لكنها لن تكون هى الوحيدة الأصلح.

وكمان ده ينطبق عليك انت
اي زول عنده 10% من الذكاء بس لو شاف ساكت الشعار الفي البروفايل ده بعرف اني اعيد احياء برنامج وطنية سودانية مؤسسة
وخرج لها الملاييين 2005 ومؤسسة بي دستور وانتاخابات 2010 فشلها الفاشلين الهسة ديل
تجمع المهنيين
الجبهة الثورية
قوى الاجماع الوطني
حزب المؤتمر الشعبي "امراءة لوط "
****
وانت برنامج المعروض بتاع لاربعة سنة ده معلق في الهواء ساكت وبرنامجم قائم على تصفيرالعداد كالمعتاد وتجيب لينا ودا وسواعا ويغوثا ويعوقا ونسرا المزمنين في المركز وتقدنا بالعلماينة والاسلامية ونخلي هويتنا الدينية الانصار والختمية ونهمل الجمهوريين لا ناسف ابدا علي رحيل الجنوبيين مش كده ...وينو برنامجك العملي والاجرائي الواضح وهسة برنامج ده نزالتو في راديو دبنقا الممل او سودان بكره الاكثر مللا
حتي الاعلام بتاعكم هذيل
شوف الملاييين المرقت يوم 2005 في الساحة الخضراء وسجلو 18 مليون في انتخابات 2010 ديل السودانيين وموجودين لحدي هسة
انا بسوق هذا البرنامج لو عندك احسن منو بيظهر براه
بعدين ما بتعلمني المسؤلية انت ولا يغيرك عن الوضع والخطر المهدد للسودان وانا بتكلم عنه بالوثائق هنا من 2001
على كل حال الامر يحالج لي تواضع شديد ما متوفر في لشيوعيين والكيزان اما البعثيين والناصريين ديل والله حالة مريضة اعيت من يداويها
ليه ما عايزين تكونو سودانيين بس وتحترمو حاجات سودانكم ..مشكلتكم شنو
بالله انت لحدي هسة ما عارف برنامج جون قرنق والحركة الشعبية وقايل المحكمة الدستورية العليا من اختراعي والاقاليم ايضا ...وعايز تصفر العداد وتقعد في راسنا اربعة سنة كمان ..
انا لو عندي اذاعة ومحترم بنزل الاتقاقيات دي كلها والدستور للشعب السوداني اول حاجة
تاتي بجيب فيها محاضرات جون قرنق ومحمود محمد طه
طوالي بتحصل ثورة حقيقية في السودان
اما طريقتكم دي والله تودي السودان الي حيث حطت رحلها ام قشعم كما قال الدكتور منصور خالد في كنابه الاخير (انفصال جنوب السودان وزلزال الشرق الاوسط الكبير )

Quote: من كان يصف قوي التغيير والثوار بالشيوعيين هم الكيزان وحسين خوجلي والطاهر حسن التوم !

المفروض أن يخرج الحزب الشيوعي ببيان يوضح فيه أنه ليس هو قائد الثورة
حتى لا يتهم بالسرقة والسكوت عليها


أحزاب الاستعمار يجب أن تحترم نفسها وإن شاركت في حوار أن لا تكون هي المتحدثة الرسمية إطلاقًا
ولا يحق له المشاركة في الحكومة الانتقالية

الثورة جات عشان تغسل أدران الاستعمار السياسي كلها إسلامييها وشيوعيها وناصريها وبعثيها، فارعووا!

قال انتظرناكم وإنتو ماجيتوا فقامت الحرب!!

إجلدهم يا ادم لحدي ما يعرفوا حاجة

Quote: الثورة جات عشان تغسل أدران الاستعمار السياسي كلها إسلامييها وشيوعيها وناصريها وبعثيها، فارعووا! قال انتظرناكم وإنتو ماجيتوا فقامت الحرب!!

يا ادم ياتو استعمار؟؟
الانجليو تقدس سرهم البصنعو الطائرة الايرباص مشو 1956 واسسو دولة حقيقية اشاد بها كل العالم موثق عندي ما طفو النور ومشو
الاستعمار والاستلاب والاستبعاد الايدولجي جانا بعد الاستقلال من مصر الخبيثة والايودلجيات الوسخة والانقلابات وكلاب الحر وما عايزين يقعدو في الواطة وعلم القبيح السهة من افرازات مايو والشيوعيين والناصريين وكترالف خير السعودية اسقطت طيارة ثالثة الاثافي البعثيين وهسة مدورين بي بالشباب في المركز وشايف الامارت وقطر عايزين يعملونا ذى ليبيا كمان واعلام الخليح الرخيص شغال قرعة بع د عودة قواد القصر الجمهوري عثمان طه
مش قلت ليك مشكلة نحن عرب دي بلوى كبيرة جدا
ليه المتحويلين سياسيا ديل ياسر عرمان بتاع الجبهة الثورية ومحمد يوسف بتاع تجمع المهنيين ما عايزين يرجعو لي برنامج الحركة الشعبية المحترم ويلزمو المجلس العسكري بيه بالله كار الحزب الشيوعي من جهة والمؤتمر الشعبي (امراة لوط) من جهة ثانية عايزين يخلقو تناقض مويف يدمر السوجان كله وخلونا عالقين بين صدقات السعودية والامارات ومخنثة قطر ....
ويا ادم صيام
شفت كونو نحن سودانيين ما عرب دي
وكونو نحن انصار وختمية وجمهوريين وحركة الشعبية ده اشرف شرف للسودانيين الما معقدين وكونو امجد ديل
السيد عبدالرحمن المهدي
السيد علي الميرغني
الاستاذ محمود محمد طه
الدكتور جون قرنق
علم الاستقلال
الانجليز
ما بخليها ابدا في البورد وما عندي قضية بي كعوك المركز خدم الصاغ صلاح سالم ديل ابدا
وارمي قدام وحدد الاستعمار وين والاستعباد الايدولجي ودانا وين ؟؟52 سنة من الاستقلال حكمتنا حثالة المركز السياسية بمشاريع مصرية

Quote: الحصل بين الموتمر والشيوعي مجرد سوء تفاهم وانفعال

عشان كده قلنا ليهم ارموا قدام يا طلعت ...