ما كنت أتصور أن تكونوا بهذا الغباء يا الأصم ومن معك أو أنكم تجهلون !!!!!!

01:44 PM April, 16 2019

سودانيز اون لاين
منتصر عبد الباسط-
مكتبتى
رابط مختصر

إنتو في يومين عايزين تكونوا أمريكا !!
لكن أمريكا لم تكن لها عبىء تاريخي يحجمها
بريطانيا لسع محتفظة للحق التاريخي السيادي
للأسر الملكية هي وكثير من دول أوربا
حفاظا للأمن والوحدة
على مدى مئات السنين واحتفظوا عامة الشعب وساسته
بالسلطة أي التنفيذية دون السيادية لأهميتها
وضرورتها
إنتو ما عايزين تصبروا سنتين بس!!!!
حتى لو وافقو فاعلموا إنهم قد مكروا بكم مكرا عظيما
وحينها ستكون هناك كارثة أعظم لا يعلم مداها إلا الله.

البحصل دا سلوك أشبه بالسلوك الطفولي!!!
وأنا ماكنت متصور عثمان ميرغني كمان غبي زيهم!

الكيزان لدهاؤهم ومكرهم ومعرفة مصلحتهم من أين تؤتى
ضحو بالسلطة السيادية كلها مدة تسع سنوات إلى حين موت الزبير محمد صالح
ثم ضحوا بمنصب رأس الدولة ورأس السلطة السيادية
واكتفوا بمنصب نائب مدة من الزمن
ثم ضحوا بكل السلطة السيادية وتركوها للبشير وحده
ومعه قيادة الحركة الشعبية لمدة 6 سنوات
ثم تركوها كذلك كلها في الست أو السبعة سنوات الأخيرة .
وفي كل هذه المدة احتفظوا فقط بالحكومات والسلطات التنفيذية
والوزارات .

الجيش الذي حمى الثوار هو الضامن بعد الله
فما زال الكيزان يترقبون ولم يبقى لهم من عشم غير حمقنا
وجهلنا بابجديات السياسة ودهاؤها.

والعنف اللفظي دا لشنو؟!

الاصم ومن معه بهذا الغباء, عثمان ميرغني غبي زيهم
وتاني منو! كل من يطالب بتحجيم المجلس العسكري ونقل السيادة لحكم مدني, يعني احسب عندك مجلس السلم و الامن الافريقي, الاتحاد الاوربي, امريكا و بريطانيا و الملايين من المعتصمين الآن ومؤيديهم من الشعب و ضباط القوات المسلحة وربما اعضاء المجلس العسكري انفسهم!
ولم ينجو من طوفان الغباء هذا سوى حضرتك!!

خاتي عليك أنا زمان!

Quote: والعنف اللفظي دا لشنو؟!

عشان الناس تصحى وتفيق!
الوضع أخطر وممكن نتعرض
دع العنف اللفظي هين
فما يمكن أن نتعرض له موش مجرد عنف لفظي أو بدني فقط بل دمار وهلاك وشتات.

يا ود البشرى أتمنى أن أكون أنا الغبي
أنا هين وغبائي سوف لا يضر أحد لأنني شخص غير مؤثر ولا يسمع لي أحد

لا حاشاك الغباء, انت ما غبي انت فقط تفترض الغباء في الآخرين - كل الآخرين!!

Quote: كل الآخرين!!

كلامك غير صحيح
ليس هم الكل ولا حتى الأغلبية.

الجزائر حل مليون شئ
وشالو بلعيز
وما في زول بقول كلام عثمان ميرغني
دي ثورة وقرارتها مستندة علي الشرعية الثورية

الجزائر حل مليون شئ
وشالو بلعيز
وما في زول بقول كلام عثمان ميرغني
دي ثورة وقرارتها مستندة علي الشرعية الثورية

مافي طريقة لهبوط ناعم
تتنقل السلطة لي سلطة مدنية إنتقالية لمدة أربعة سنوات
زي ما بقول كتاب المهنيين
بعدين شنو قصة الأسر المالكة في أوربا
يعني مفروض الثورة تطالب بي تعويضات الأسر
المالكة في السودان (انت قاصد شنو)
غايتو يا الأصم انت ماشي كويس طالما
ناس الهبوط الناعم زعلانين معناه تسير
في الطريق الصحيح
امس في المؤتمر الصحفي وقت الأصم
قال نحنا ما ناس سلطة لا هسي ولا في المستقبل
انا عرفت في ناس بتكون كثافتهم جات

Quote: مافي طريقة لهبوط ناعم تتنقل السلطة لي سلطة مدنية إنتقالية لمدة أربعة سنوات زي ما بقول كتاب المهنيين بعدين شنو قصة الأسر المالكة في أوربا يعني مفروض الثورة تطالب بي تعويضات الأسر المالكة في السودان (انت قاصد شنو) غايتو يا الأصم انت ماشي كويس طالما ناس الهبوط الناعم زعلانين معناه تسير في الطريق الصحيح امس في المؤتمر الصحفي وقت الأصم قال نحنا ما ناس سلطة لا هسي ولا في المستقبل انا عرفت في ناس بتكون كثافتهم جات

هذه سفسفة سياسية لا أكثر
لا تغني ولا تثمن من جوع.

منتصر.

المجلس العسكري يقوم بدور قذر جدا، وهو حماية سدنة النظام السابق.

أتفق مع تجمع المهنين تماما.

سفسفة شنو يا زول
التجمع طرق إعلان الحرية والتغيير في يناير
يعني السقف التفاوضي دا ما جديد
والاعلان واضح ووقعت عليه قوي الهبوط
الناعم، الجديد شنو يا بتاع السفسفة انت
دي ثورة في مواجهة دولة عميقة
حق الثوار يجي كيف، لازم يتصدروا
كوادر زي الأصم وامجد فريد ، كان خلو الموضوع لي
ناس الهبوط الناعم كان الثوار الضحك شرطهم
مافي مساومة ولا تسوية بخصوص نقل السلطة
الكلام دا ما جديد امشي اقرأ إعلان الحرية والتغيير
وبعدين تعال اوصف الناس بالغباء

Quote: المجلس العسكري يقوم بدور قذر جدا، وهو حماية سدنة النظام السابق. أتفق مع تجمع المهنين تماما

يا دينج إنت جادي
يعني ما عندك أي تعاطف مع الحركة الشعبية قطاع الشمال !
ولعلهم جماعتك يا دينج
التي سيكون لها السودان لقمة سائقة ودافية مجهزة
من مطبخ (المهيئون) السودانيون لهذه الطبخة ولا يعلمون أنهم يعدونها لغيرهم
التي سينالونها بقوة السلاح بعد اضعاف دور الجيش وخزلانه واقصائه في مرحلة
خطرة تحتاج فيها القوات المسلحة لاستعادة قوتها التي نال منها الكيزان الكثير
بإنشاء الملشيات التابعة لهم منها قوات حميدتي
وأرجو أن لا يستجيب المجلس لهذا المطلب الكارثي.

الاخ منتصر اذا كنا متفقين انو في قتلة ولصوص في
السلطتين السيادية والتنفيذية ..
واذا كنا متفقين على انه نحتاج لاربعة سنة كحد ادنى لمعالجة
الاخطاء، والتهيئة الكاملة للديمقراطية ..
واذا كنا متفقين على أن القوة الان في يد الشعب ..
اذا كنا متفقين على هذه الأمور فالموضوع لا يحتمل
أي مساومة او تفاوض ..
الموضوع هو ما سياسة الموضوع هو موضوع حقوق
فقط.

بعدين من الذكاء عدم التنازل عن الحقوق الاساسية او
ابداء أي مرونة ..
الحل في البل هو ليس مجرد شعار .. هو شعار ذكي جدًا
اذا كنت انت صاحب الحق الأصيل فيجب ان تضغط حتى
تحصل على كل حقوقك، والذكاء هنا كلما ابدى الجيش تنازل
يجب أن تضغط حتى تحصل على الآخر، فأنت تطالب بحقوقك ..
من الغباء التنازل عن الحقوق لسببين الأول: قد ينفض
عنك الناس، لأن ما جمعهم هو اعلان الحرية والتغير، وهذا هو
الحلم الكبير الذي اجتمع عليه الناس ..
الأمر الثاني: اذا تنازلت عن حقك سيضغطوا عليك حتى تتنازل
عن كل حقوقك.
لأن خصمك ان صح التعبير او دعنا نقول الطرف الآخر فالأمر معه هو
سياسة فقط وليست مسألة حقوق "يعني لديه وجهة نظر حول الأمر"
ويفكر عن ما تستحقه او ما يستطيع ان يمنحك اياه بخلق توازنات ..
ما لا يعلمه المجلس العسكري وغيره هو أن الكيزان نفسهم لديهم
مستقبلهم في هذا البلد، وسيحصلون على كل حقوقهم وفق دولة الحرية
والكرامة والقانون، لهذا المجلس لا يحتاج للتفكير بالموازنات، يجب
عليه فقط المساهمة في بناء الدولة المنشودة ..
كيزان السُلطتين في الدولة الحلم فقط سيحاسب منهم المجرم، وبقيتهم
يمكنهم الإنخراط في الحياة العامة كما يشاؤون.

بعدين هنالك ما فات على قوى الحرية والتغيير وهو: حتى المنصب
السيادي للجيش يجب أن يكون لمدني يملك المؤهلات لذلك.




.

خلاس كان اليسار مصر يمارس على غباؤه
على العقلاء من سكان ولاية الخرطوم
أن لا ينتظروا الزحف العسكري القادم من الحركات المسلحة المدعومة من دول أجنية
فالأصم لم يسمع لصوت العقل هو وجماعته ولم يشرك الحركات المسلحة معه
كياسر عرمان ومالك عقار والحلو وجبريل ابراهيم وعبد الواحد ومني
وغيرهم !!!!
ولازالوا صامتون صمت مريب !

في المؤتمر الصحفي للناطق بالمجلس العسكري اليوم اوضح كثير من الالتباسات وحدد ان مهمة الحكومة المدنية هي مهمة الاحزاب السياسية وقوى الميدان
طيب ليه المجلس العسكري ما يعمل صفحة في تويتر وفي فيس بوك وموقع الكتروني للتواصل مع كل الشعب السوداني والامر مشورة شعبية والبرنامج المفروضة هسة من القوى لمدنية ما منزلة ولم تمرر علي الشعب والشعب ليس في الخرطوم فقط
اعملو اذاعة اف ام مفتوحة لكل السودان وكل السودانيين اسمعو الناس عايزة شنو نحن في القرن 21 عصر الشعب يحكم نفسه بي نقسه
والامر ده ايضا ينطبق علي اذاعة المعارضة وافضائيات المعارضة ما تكون بوق للشيوعيين بس راديو دبنقا وصوت الثورة
***
طيب قبل الحكومة المدنية ااهم مؤسسة علي الاطلاق عند الناس الواعية والمحترمة هي "المحكمة الدستورية العليا "وهي فصل في الدستور الخامس
يجب ان تؤسس من جديد وبتسعة قضاة محترمين في الفترة الانقالية
واقترح القانويين النظيفين ادناه في عضوياتها
شفت انسب مكان للدكتور منصور خالد هو رئيس المحكمة الدستورية العليا ودي اهم وظيفة في السودان على الاطلاق في الدولة المؤسسية والتي تحترم الدستور وليس دولة الراعي والرعية والريع ولرعاع
وعضوية المحكمة الدستورية العليا
1- بروفسر فيصل عبدالرحمن علي طه
2- الاستاذة اسماء محمود محمد طه
3- بروفسير معتصم عبدالله
4- علي محمود حسنين
5-كمال الجزولي
6- حمدنا الله
7-سا طع احمد الحاج
8-.نبيل اديب

الوعي الجديد النظام الرخيص والمعارضة التائهة وفترة ال4 سنة؟؟

النظام الساقط والرخيص يستفيد من انتهازية اليسار البائس والزمن
شنو 4 سنة دي ؟؟
وما عارف الاحزاب ما جاهزة طيب العساكر ديل يقعدو معاكم اربعة سنة بي الطريقة وتضيع الثورة بتاعتكم والديمقراطية كمان
قلنا ليكم الشعب ده واعي وجاهز من انتخابات 2010 وسجل 18 مليون وبوظتو الانتخابات انتو والنظام يا النخبة السودانية وادمان الفشل
هسة ركزو علي الانتخابات والديمقراطية الطلعو بيها السودانيين الانجليز
انت ابدا صلح المحكمة الدستورية العليا اول حاجة والمحكمة بتصلح الدستور والدستور بلزم الجميع في الانتخابات مع الفيش والتشبيه من المحكمة الدستورية العليا وذى الكيزان ديل بعد الفيش والتشبيه لا مستقبل سياسي له ذى نواز شريف
خلو الادعاء والتذاكي ما في بعثي اوشيوعي او ناصري بجي الانتخابات بكميات كبيرة حتي ولو بعد الف سنة ضوئية
المحكمة الدستورية العليا هى اول خطوة نحو الديمقراطية حددو تسعة قضاة محترمين للمجلس العسكري ووعو الشعب بيها
****
الوعي الجديد : المحكمة الدستورية العليا اولا

الوعي الجديد : المحكمة الدستورية العليا اولا
https://up.top4top.net/
يا شيوعي او يا تجمع المهنيين ما في فرق اذا كنا لازلنا في نفس الوعي الموتور
انت طالب بتفعيل المحكمة الدستورية العليا اولا بوضع تسعة قضاة محترمين اولا فيها والالتزام بالدستور
لهاثكم وراء الجنرالات وانتهازيتكم قتلت عبدالخالق محجوب
يعد ما هللتو لي نميري لمن قتل الازهري السيد الهادي المهدي ..
هل نميري ده قاضي يا مهنيين ؟؟ اصلو ما بتتعلمو لا من اخطاءكم ولا تجارب الاخرين
قلنا ليكم ...والالتزام بالدستور الساري
المحكمة الدستورية العليا اول ما يجب اصلاحه الان ..

والله يا منتصر انا ما اخزاني رؤس المؤتمر الصحفي لتجمع المهنيين الذى يتزعنه الابق من الحركة الشعبية محمد يوسف والله ويرحم جون قرنق ..الزول ده خلي برنامج الحركة الشعبية نهائي وجا تاني لعجرفة اليسار البائس وفشل ناس المركز
هسة مش كان احسن لتجمع المهنيين ان يلزم النظام بالدستور الوقعو والاتفاقيات الوقواعها وهرولو منها يعني د منصور خالد مجنون لمن انتقد عجرفتكم المزمنة في السودان وسماكم النخبة السودانية وادمان الفشل
****
الفقع مرارتي د علي الحاج في فضائية الجزيرة مباشر وهو يتبجج ويعلن توبته وطبعا في مثل السوداني بقول"الشر...) لمن تتوب تت############...
بالله حزب المؤتمر الشعبي ده مش ياهو امراة لوط التي اضحت في الغابرين ذاتا ..عامل فيها نظيف وعفيف
عشان كده لمن نتكلم عن المحكمة الدستورية الهلع بمسك كل مسنين السياسة في السودان الا من رحم ربي
والله المحكمة الدستورية العليا تحلقهم كلهم نوازشريف كوز باكساتان ونجيب عبدالرزاق كوز ماليزيا

تجمع المهنيين بائس فعلا ولا يهتم بالشعب والمشورة الشعبية خارج مثلث الحمدي وجمهورية العاصمة المثلثة واستقطب الشباب تحت تسقط بس ولمن سقطتت ما عرفو يسو شنو ورجعتو الي نفس الكار القديم المزمن
وما قدمتو ما احسن من القدمو دكتور جون قرنق قيامة الساحة الخضراء ودستور 2005 والمحكمة الدستورية العليا وانتخابات 2010 التي هرولتو منها جميعا دون داع او لسبب سيكشفه التاريخ وتسببتو في فصل الجنوب وهسة تجمعكم ده واحد من دينمكا نقوك ما فيه

المؤسف مش تكون مسن في الساحة من 1946وفاشل ومازوم فكريا وسياسيا وشايف نفسك عربي وقاشر بي مشاريع الصرف الصحي المصرية لحدي هسة الازمة انك ترحل وعيك المزيف ده للشباب جيل بعد جيل وتعزلهم عن جيل الاستقلال الذهبي وتنعق معاهم في المركز بي تسقط بس
*****
البوست ده لحدي ما ينزل الصفحة الثانية ما بجي واحد شجاع راجع يفند كلمة واحدة كتبتها هنا
شفانكم في النلفزيون يا المهنيين وكمان شايفين اداكم في راديو دبنقا وسودان بكره

يا منتصر كلامك دا ما صاح
ما تحاول تصنع فزاعة زي ما كان بيعملوا الكيزان
نداء السودان موقع علي إعلان الحرية والتغير وياسر عرمان جزء من نداء السودان
ومافي اي مفاوضات او حوار حتي الآن بين قوي الحرية والتغيير
مع المجلس العسكري، مقابلة واحدة وضع الوفد
جملة مطالب علي طاولة المجلس العسكري
في دعم من عبدالواحد والحلو لي قوي الحرية والتغيير
ومؤكد ان اي ترتيبات تخص الحرب والسلام سيكون
حملة السلاح طرفا رئيسيا فيها (وليس قوي أخري)
انت وصفت الأصم بالغباء ساي كدا من راسك

وفي هذه الحالة يمكن أن يفعل الجيش القومي ما فعله الجيش العراقي
في نهار يوم دخول القوات الأمركية بغداد وينزعوا الكاكي
ويقولو يا الأصم واجه أنت وجماعتك القوات المدججة بالسلاح
القادمة على الخرطوم ولربما واحسب أنهم سيواجهونها أي الجيش
ولكن ستكون القوات القادمة أشد قوة بعشرات الأضعاف
لأن الطامعون سيكونون أكثر وقوتهم أكبر بعد جهزت الوجبة وذبح الثور
وبقي الثائر الأعزل بلا جيش بذات القوة والحماس .

خطاب التخويف دا خطاب بائس
الحركات المسلحة عندها قضايا عادلة
ويجب أن تحسم معها لأنها صاحبة الحق
في التعبير عنها، تجمع المهنيين وقوي الحرية والتغيير
ستقف بكل قوة حتي يتحقق السلام العادل الشامل
في كل تصريح للتجمع يؤكدون علي هذا الأمر
خطاب التخويف وإقتحام الخرطوم دا خطاب بائس للدين
وتضليلي

Quote: خطاب التخويف وإقتحام الخرطوم دا خطاب بائس للدين وتضليلي

اتحداك تجيب لي أي كلام من الحركات الحاملة للسلاح
فيه قبول للمرحلة أو قبول وتفويض مفتوح لتجمع المهنيين.
أو أي كلام بحثت ولا زلت ابحث لم أجد مجرد تصريح من أي نوع !!!

بتقول في كلام العرب غايه في الغرابه أو بعد ده كمان بتهاجم علنا كانك فاهم حاجه! النظام الحالي امتداد لذات النظام الهالك أو بعد ده انتا عايزو يقعد سنتين عشان ننتظر 60 سنه لازالتو؟
انتا بي صحك؟
معقوله؟
الاعتصام ده لو انفضا ثق تماما حنحتاج لي 60 سنه لازالتو!
معقوله نظام الرجل الثاني فيه حرامي الحمير زعيم الجنجويد عميل ال سعود؟
يا ساتر!

مجلس السيادة سلطاته رمزية فقط والسلطة التفيذية هي الأهم
والقضاء والمال والإقتصاد والوزارات كلها بيد الحكومة
ونجاح الحكومة في مهامها هو الرهان والضامن لجعل الغلبة للثوار في القرارات
إذا ما نجحوا في تسيير دفة الحكم...
لكن للأسف أنا أصابني الاحباط يبدو نحن أمام فشل تام للمعارضة حتى
في قدرتها على تسلم السلطة بثقة .
في انتفاضة ابريل 1985 السلطة السيادية للعسكر
ورئاسة الحكومة كان كوز
هسع الشباب ديل لو رضو بالحكومة من بدري أحسن ليهم
لو استمر هذا الهبل ستخطف السلطتين من بين أيديهم كأن شيئا لم يكن
السلطة التنفيذية هي الضرورية
الوليدات ديل ما عندهم خبرة وشكلو نظام الكيزان شوش عليهم
فشافوا ضعف الحكومات في السنوات الأخيرة وانعدام سلطاتها
كحكومات بكري ومعتز وإيلا وتصورا أن دور الحكومات وسلطاتها
أصلا ضعيف على الدوام ولا يعلمون بتفاصيل واسباب ضعف عهود بكري ومعتز وايلا
ويجهلون أن الدولة العميقة داخل السلطة التنفيذية وفي قاعها وليس في السلطة
السيادية لأنهم بالضرورة سوف لا يرضخون لضغوط من السلطة السيادية.
وأن هناك سلطات خفية كان تدير الأمور من وراء ستار في عهد الكيزان.

أنا أتمنى أن يأتي من يثبت لي أنني مخطىء

يبدو أن دماء الشهداء سوف تضيع سدا !
بسبب الحمق وقلة الدراية
يعني المعنى لبنت وحا يكلها الطير لأن الطير وجد نفسه أنه الأذكى!.

السلام عليكم
من لا يريد الخير للسودان يلعب علي تناقضاتنا
هناك من لا يريد رفع اسم السودان من الدول الراعية للإرهاب
وهم يلعبون وتر الاختلافات ويعمقونها

الحل في وحدة الشعب والجيش
الا نترك ظهر المجلس مكشوف وان يسند الجيش
الشعب الذي في الميدان

Quote: الشعب الذي في الميدان

الشعب الذي في الميدان قوي وما قصر لكنه لم يجد قيادة رشيدة
نجحت قيادته في اسقاط النظام رغم أنه لم يتصور أحد أن هذا سيتحقق
ولكنه فشل في استيعاب وفهم وتفهم البديهيات ولم يقبل حتى بمعطيات التاريخ!!!
ويريد أن يختلق نهج في التسلم من الجيش جديد مبتدع بلا عقلانية وحكمة

30 سنة من حكم البشير علي عثمان أضعفت الجميع
وزاد الطين بلا وجود مخابرات كل العالم علي الساحة
يلعبون علي تناقضاتنا
الثقة قليلة ولكن الوطنية متوفرة
نراهن علي حب الوطن
وسيندم الأجنبي اللاعب علي تناقضاتنا

طبعا انا مجنون بتكلم عن شعب الله المحتار مش كده

فرق كبير بين التراهات واالسياسة يا ناس تسقط بس
انا برنامجي واضح ومن 2005 و
اخر مشروع علمي وعملي في السودان كان رؤية الدكتور جون قرنق2005-2010 جات بدستور ومحكمة دستوريةعليا وانتخابات 2010 افشلها الشيوعيين والناصريين والبعثيين والنرجسين وقد سجل لها 18 مليون سوداني واحزابنا الوطنية موجودة حزب الامة وحزب الشعب الديمقراطي والحزب الجمهوري وهي التي اخرجت الانجليز بي بابرلمان ونحن نعرف الديمقراطية الرشيدة والاحزاب الوطنية من 1938-1956 ولوثتها مشاريع الصرف الصحي المصرية والعربية بالانقلابات 1958 و1969 و1989 الناصرية والشيوعية والاخوان المسلمين
قدامك وشعاري علم الاستقلال فقط .
ومنصور خالد قال اذكى وانظف سودانيين الاستاذ محمود محمد طه والدكتور جون قرنق وغيرهم النخبة السودانية وادمان الفشل
مع المحكمة الدستورية اعليا ...عايزين برضه مصحة
محمد يوسف وياسر عرمان كل واخد عمل ليه بوتيك وقاشر بيه هسة
هل كانو حركة شعبية فعلا او غوصات للمركز الحقير والتافه ومثلث الحمدي ؟؟
جدعو برنامج الحركة الشعبية والواضح ما فااضح ليه ؟؟
تجمع المهنيين عقاب شيوعيين ويعيد فشل اكتوبر ولا يحس بالسودانيين خارج مثلث الحمدي وليس فيه عضو واحد من دينكا نقوك وبرنامجه فوقي لم يطرح في مشورة شعبية
****
وفي ناس حرة ذى وحيد القرن بتقرا وتفهم حتي في البوست
وانت يا صاحب البوست اطرح البديل او امسك درب جون قرنق زينا
يدل قال عليهم د منصور خالد رايح ليهم درب

الاستهبال المزدوج والمكرور من بعد الاستقلال ونفس الوعي ونفس الناس (الحثالة وادمان الفشل )
لازم يوضع ليه حد وبرنامج بديل حقيقي
واضح جدا جدا بدا 2005 وانتهي 2010
https://up.top4top.net/
سلام عليهما في العالمين الحوت والدكتور جون
كل ما تزغو من البوستات يؤكد نظرياتنا في ناس المركز ..ويؤطر ثورة الاستقلال الحقيقي القادمة
اصلو ما مستعجل ولا انتهازي
حركة الوعي الصاعد بتفضح كل زول عايز يرقص ويغطي دقنو ذى دكتور علي االحاج نموذجا و محمد يوسف تجمع المهنيين وياسر عرمان الجبهة الثورية
بالله محمد يوسف بتاع بوتيك المهنيين وياسر عرمان بتاع الجبهة الثورية ما بتخجلو ؟؟
فكيتو الجنوب وجون قرنق عكس الهواء جدعنو برنامج الحركة الشعبية المؤسسة ورجعتو لي كار النخبة السوداانية وادمان الفشل
مش احسن تلزمو المجلس العسكري بالدستور والمحكمة الدستورية العليا ؟؟