|
|
|
 Re: اخر ورقة للنظام حميدتي نائب للمجلس العسكر (Re: Osman Mahmoud)
|
وضع النظام الشعب السوداني في مواجهة نفسه بأصعب القرارات ..
المطالبة بإسقاط البرهاني، او التمسك بتنفيذ اهداف الثورة ..
خطة النظام المماطلة قليلًا حتى يظهر حلفائه بثوب الواعظين ..
امريكا جلست مع حميدتي ..
السعودية باركت المجلس العسكري ووعدت بالدعم ..
المجلس العسكري يُزيح الوجوه الكيزانية الكبيرة فقط ..
سيحاول حلفاء النظام امريكا والسعودية وغيرهم بممارسة
الضغط على الشعب بان يفاوضوا المجلس العسكري حول
شكل السلطة المدنية وصلاحياتها، والمدة الإنتقالية ..
والإنتصار الحقيقي للثورة يرتبط بهذيين الشرطين ارتباط
حياة او موت ..
لأن المخرج الوحيد هو حكومة تكنوقراط تمثل كل أهل
السودان بما فيه الكفاح المسلح ..
وحد ادنى اربعة أعوام للتهيئة الكاملة للعملية
الديمقراطية، واقتلاع جذور الدولة العميقة ..
.
| |
 
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
ماهو السيناريو المتوقع حدوثه من احرار الجيش
في حال تعنت البرهان في تسليم السلطة لحكومة
مدنية ..؟!
أتوقع ان تكون هنالك كلمة فاصلة تعيد للقوات المسلحة
هيبتها وقوتها الى الأبد ..
لا يعقل أن يرضى الجيش بعدم ثقة مواطنيه وهو الأقسم
لحمايتهم دع عنكم ثقتهم، كما يحدث تجاه البرهان ومن قبله
ابن عوف ومن قبلهم الخُلع عبود ونميري والبشير ..
عمل مفصلي ينتظر الشرفاء، ومنها سيبتعد الجيش من ساس
ويسوس ويعود لحضن اهله طاهرًا من دنس السياسة ..
نفس الروح الشبابية التي شاهدها العالم نفس هذه الروح
موجودة في داخل الجيش من نفس هذه الفئة التي شاهدها
العالم في الشوارع ثائرة ومعتصمة ..
انه السودان الذي انتظرناه ايها الساد ..
من منكم لم يشاهد ذلك الملازم اول وهو يقول شباب .. شباب .. شباب ....
.
| |
|
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
تبقى اقلى من 24 ساعة للحظة الحاسمة في تاريخ السودان ..
هل شرفاء القوات المسلحة جاهزين بالخطة البديلة لإحتواء
الموقف في حال تعنت مجلس البرهان ..؟!
شخصيًا وقرابة العشرين سنة كنت انتظر موقف وطني
واحد من المخلوع البشير ..
فهل انتظار اسبوع يكفي لكي يقف البرهان موقف
وطني وتاريخي ويسلم السلطة بكل سلاسة للحكومة المدنية ..
البرهان اكثر من يعرف ماذا ستفعل المملكة ومن خلفها امريكا
لو سلم المجلس العسكري السُلطة لحكومة وطنية وفق اعلان
الحرية والتغيير ..
قد يعتبرونها خيانة عُظمة لهم.
في رأي لا توجد مخاوف كبيرة لأن الحكومة الوطنية ستجد
المخرج المناسب، ان كان للجيش في اليمن او الخلاية النائمة
لقوى الشر ..
بالتأكيد بمساعدة وزارة الدفاع، لكن يبقى الأمر في المقام الأول
سياسي فقط.
والمملكة ومن خلفها امريكا ربما لن يستعجلوا ردة الفعل القوية،
وربما ينتظرون حتى يحاولوا مع الحكومة المدنية.
وقد يعطى هذا الوقت للحكومة المدنية لمحاصرة خلاياهم او
أي مهدد آخر.
على أي حال حان وقت المواجهة وطرد الخوف ..
الى الأمام.
.
| |
|
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
سلامات عثمان
في تسريبات انتشرت مساء اليوم و المح لها عثمان ميرغني في بث مباشر
انه لم تعد هناك امكانية لحكومة او لمجلس سيادي مدني خالص، وعثمان استخدم تعبير ان الفرصة او الوقت فات على هذا الخيار
التسريبات تتحدث عن مجلس سيادي يرأسه البرهان وينوب عنه حميدتي ثم ست مدنيين يمثلون اقاليم البلاد الستة الرئيسة، وتحويل المجلس الحالي بعضويته نفسها ناس عمر الزين وجلال الشيخ وفريق الشرطة زي ما هم لما سيسمى باللجنة الامنية وايضا يرأسها برهان وينوب عنه حميدتي
عثمان ميرغني ناشد الناس تقبل بما سيعلن غدا لأنه حتى هذا الخيار لن يكون متاحا الاسبوع القادم!!
| |
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
مرحبًا العزيز محمد البشرى ..
واضح جدًا دا فهم المجلس ومن اول يوم ..
قبل يومين في التلفزيون القومي عاملين لقاء مع جنرال كبير
برتبة فريق .. ومقدم البرنامج ما بعرف اسمو "زول فرحان وماكر
جدًا" .. الناس ديل كانو مطمئنين تمامًا لحكومة انتقالية مسيطر
عليها المجلس بي شكلو دا وعمرها سنتين ..
في نهاية الحلقة عمك الجنرال قال: هي كلها سنتين ال حا نقعدها
في السلطة ..
من او يوم كان واضح جدًا دا رأي المجلس ..
المحترم عثمان ميرغني أي حاجة معاهو سياسة، اضافة للحملة
والوعي القوي في ارض الاعتصام بضرورة ان تكون الدولة القادمة
دولة مدنية بمعناها بعيد عن الدولة الدينية ..
دي ممكن تخلي الصحفي والمحلل السياسي المحترم عثمان ميرغني
اكثر تشائم من قيام الدولة المدنية لحنين ربما لدولة دينية اخرى
بعد فشل مشروعهم في الدولة البائدة ..
عشان كدا ينصح الناس بالقبول على منة المجلس العسكري التي ستتضائل مستقبلًا حسب نقلك لكلامه ..
لازم الناس تفهم انو المعتصمين هم الأقوياء الان، وهم ومشروعهم
الوحيدين هنا اصحاب الشرعية ..
ما اظنو في حاجة هنا تخلي عثمان ميرغني يقبل بهذا الخيار الا
خوفه وخوف القوى الإقليمية من الدولة المدنية القادمة ..
قبل قليل في اخبار باستدعاء المجلس العسكري لتجمع المهنيين
في القصر، ربما لمزيد من المشاورات حول الأمر ..
تحياتي واحترامي.
.
| |
|
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
الأمر الاخر هو في الاحتفال بسقوط دولة الاخوان، والاحتفال دا
حتى من الناس الكبار، كبار في السياسة وكبار في أي شيئ ..
الناس دي في الساحة محتفلة بسقوط الاخوان المسلمين ..
الغايظني كيف فايت عليهم انهم امام الوجه الآخر من
العملة "الوهابية".
الاتجاه الطرة كمان للأسف ..
المجلس العسكري يوحي لقوى الحرية والتغيير بانو اسقط
الاخوان، وانو هو الضامن الوحيد بعدم عودة الاخوان
للساحة والسياسة والسُلطة ..
ياخ حا تفكك الأخوان مافي زول غالطك .. لكن كلامنا عن
مشروع الاخوان الدولة الدينية يافالح.
يعني بنفس الفهم الحصل في مصر شلت مرسي وختيت السيسي..
نحنا هنا صوتنا بحا ونحن نقول الوهابية هي الوجه الاخر
للاخونجية ولا تقل سوء، بل هي الاسوأ ..
والناس ما تمشي على وهمة ابن سلمان بانو قاعد يحارب
الوهابية، وانو قاعد يغير في التوجه الديني السياسي للملكة ..
لانو دا ما موضوعنا .. موضوعنا سودان مستقل تمامًا ..
موضوعنا لا يتوقف بدحر الاخونجية فقط .. بل ببناء دولة
المواطنة الدولة السودانية ..
ثم الاخونجية او الاسلام السياسي هم الآن كروت محروقة
احرقت نفسها بنفسها ..
ولا نريد ضدهم أي تدابير او اقصاء قد يخلق منهم ابطال ..
يجب ان يكونوا متواجدين بينما يلفظون انفاسهم الاخيرة ..
فلا مكان لهم بعد اليوم في ارض السودان، فقد جربهم الشعب لنحو اربعين عام ومنذ ان استغفلوا النميري ..
وممكن نخليها بس ثلاثين سنة عمر الانقاذ ..
وممكن نخليها بس تسعة سنين قبل مفاصلتهم الوهمية ..
المهم اكثر من جربهم هو الشعب السوداني وهو الكفيل باسقاطهم ..
يعني ما دايرين بطل يتصد ليهم ..
البطل دا واضح انو قاعد يحاصرهم في قطر .. ونحنا ما شغلتنا
بحروبهم العبثية الوهمية والفارغة ..
كانو ابطال في مصر .. ممكن لأنو الشعب المصري ما بعرف
شنو يعني الأخوان ..
والمصريين حا يعرفوا شنو يعني الاخوان بعد ما يجربوا الوهابية ..
يا اخوانا ديل فقط يتسابقوا في درجة السوء ..
ولكن عند الشعب السوداني مجربين .. ونحنا نتحدث عن من
رأى بعينيه.
.
| |
|
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
وانا انظر في أعين من احتفلوا بسقوط البشير ..
واقصى درجات الرعب تمتلكني بأن هنالك من يضمر لهم
الشر لفرحتهم البريئة والتلقائية ..
ربما كان يعلم الكيزان بأن كل الشعب السوداني يريد اسقاطهم، ولكن
ما لم يكن يعلموه هو بأن الشعب السوداني كان يريد اسقاطهم بجنون ..
هذا الشعب لم يستمع الى فزاعاتهم فخرج فرحًا بإسقاط
المشروع الحضاري ..
أي تباطئ من الشرفاء لإنقاذ السودان هذا سيعني المحرقة
والإنتقام من الكيزان ..
ربما ينقصهم آخر فصل للنهاية المناسبة لقصتهم الدموية.
اتحدث عن خطورة الموقف في حال عدم اكتمال الثورة ..
نهيب بكل الشرفاء في قوات الشعب المسلحة او في أي مكان
آخر ان ينصروا وحدة الشعب السوداني ..
وان لا يستمعوا لبواقي فلول الكيزان.
.
| |
|
|
|
|
|
|
|
|
|
Re: اخر ورقة للنظام حميدتي نائب للمجلس العسكر (Re: Osman Mahmoud)
|
تعرفوا السنبهار .. اها الكيزان ادونا حميدتي البايظ بتاعهم سنبهار
وقاعدين يضحكوا فينا حسي ..
ولسان حالهم يقول لو دايرين فتوح ساي افتحو لكين خمسين
مستحيل لأنو عرفنا البوهية الدايرنها انتو ..
مشينا القيادة عشان نحتمي بالجيش ودا كان القفول بتاعنا ..
حسي نحنا على وشك التصعيد والإضراب العام .. وشفتو براكم
حميدتي ما حا يجيبها على بر لأنو ما عندو أي فهم سياسي او
أي فكرة او أي خوف من دولة مشلولة ..
شرفاء الجيش .. ما فيها حاجة لو عندكم فتوح فوق افتحو ساي
خلاص قنعنا من خيرًا في الخمسين .. لفتين والجرا تنتهي ..
ونحنا عندنا جراحات عميقة شهداء ومستقبل كالح لينا وليكم
عشان كدا ما بنقدر نتراجع ..
حا تطروا تواجهوا حميدتي .. من غير كدا ما حا يكون في حل ..
عجلوا قبل الإضراب والعصيان المدني ..
باب العصيان المدني حار .. يمكن تاني ما يتقفل الا بمحاسبة اصغر
كوز وكدا الموضوع حا يطول .. ارجو تلقوا الحل قبل ما يتفتح باب
العصيان المدني ..
.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Mahmoud
محمد البشرى الخضر
فيس بوك
تويتر
انستقرام
يوتيوب
بنتيريست