Post: #1
Title: ثورة ابريل وليست كذبة ابريل ما اروعك يا شعب
Author: محمد نور عودو
Date: 04-08-2019, 03:23 PM
03:23 PM April, 08 2019 سودانيز اون لاين
محمد نور عودو-
مكتبتى
رابط مختصر
ثورة أبريل وليست كذبة أبريل ما اروعك يا شعب.
محمد نور عودو
أبريل أبريل التاريخ يعيد نفسه في السودان في مشهد رهيب تحدي الشعب السوداني جبروت الديكتاتور ومليشيات الجنجويد وخرج من حدب وصوب ليقود مسيرة مليونية في قلب الخرطوم العاصمة السودانية مطالبا بتنحي الرئيس عمر البشير من السلطة .
لقد قرر شباب السودان وضع حد ونهاية حكومة الإنقاذ بهذه المسيرة المليونية التي لم تشهدها الخرطوم بهذه الضخامة الا مرة واحدة في تاريخها وكانت في شهر يوليو 2005 يوم عاد الزعيم الراحل الدكتور جون قرنق ديمبيور رئيس الحركة الشعبية الي الخرطوم بعد اتفاقية السلام .
لقد تجمع الملايين من شباب السودان أمام القيادة العامة لقوات الشعب المسلحة السودانية وهتفوا ( لن نرجع الا عمر البشير يطلع )
مشهد بكي لها كل سوداني وكل سودانية ليتعاطف ضباط الجيش السوداني مع شباب المظاهرة المليونية ليعلوا هتاف ( الجيش معانا وما همانا) و( جيش واحد وشعب واحد) ما اروعك يا شعب.
المظاهرة والحشد المليوني لشباب السودان الذين تحدوا استبداد وبطش حكومة الإنقاذ ليصلوا مقر القيادة العامة في قلب الخرطوم أذهلت العالم .يا لها من درس للعالم في كيفية التحدي والصمود لقد ارتجف الديكتاتور في قصره وارتجف الطغاة في العالم من تلك المشهد وامروا قنواتهم التلفزيونية عدم نقل تلك المشهد من الخرطوم لشعوبها خوفا من تعلم الدرس من ثوار شباب السودان ما اروعك يا شعب. ما تشهده الخرطوم الان هي ثورة حقيقية سودانية مية مية ثورة أبريل المجيدة وليست كذبة أبريل لقد انتهي حكم الإنقاذ بوعي وصمود الشعب السوداني ما اروعك يا شعب. تعرف كيف تثور ومتي تثور بدون مساعدة من الناتو وروسيا وعاصفة الحزم وبدون مساعدة القنوات التلفزيونية الكاذبة التي تتدعي للمصداقية والحياد . ثورة صنع في السودان و سودانية مية مية
|
Post: #2
Title: Re: ثورة ابريل وليست كذبة ابريل ما اروعك يا شع
Author: محمد علي البصير
Date: 04-08-2019, 03:26 PM
Parent: #1
تحياتي أخونا محمد نور
وينك يارجل زمن مختفي
الحمد لله رجعت مع بشريات الخلاص
|
Post: #3
Title: Re: ثورة ابريل وليست كذبة ابريل ما اروعك يا شع
Author: محمد نور عودو
Date: 04-08-2019, 03:48 PM
Parent: #2
اوووو حبينا ود البصير كيف حالك يا رجل ان شاء الله كويس يا اخي.
شكرا لك يا رجل يا اخي انشغلنا بالواتس وبقية والسوشال ميديا .
وسقطت سقطت تب
الف مبروك للشعب السوداني ثورته المباركة
|
Post: #4
Title: Re: ثورة ابريل وليست كذبة ابريل ما اروعك يا شع
Author: احمد حمودى
Date: 04-08-2019, 04:18 PM
Parent: #3
التحية ليك اخوى محمد نور عودوا فعلا زى ما قال اخوى ود البصير ليك فترة ما ظاهر وخاصة فى هذه الفترة المفصلية
يارجل انت ثورى حد النخاع ونقول تسقط بس
|
Post: #5
Title: Re: ثورة ابريل وليست كذبة ابريل ما اروعك يا شع
Author: محمد نور عودو
Date: 04-08-2019, 04:38 PM
Parent: #4
سلامات الأخ الفاضل
احمد حمودي شكر ا ليك يا رجل صحيح نشاطي في المنبر قل في الايامات الفايتات نسبة لمشغوليات كثيرة والكتابة في وسايل السوشال ميديا التانية ان شاء الله بعد دة نواصل في المنبر
وسقطت سقطت تب يا اخوتحياتي
|
Post: #6
Title: Re: ثورة ابريل وليست كذبة ابريل ما اروعك يا شع
Author: محمد نور عودو
Date: 04-13-2019, 02:55 PM
Parent: #5
سجل سجل يا تاريخ ويا كاتب التاريخ اكتب الشعب السوداني اطاح بثلاثة حكومات في شهر ابريل منها اثنين في اقل من 24 ساعة.
ما اروعك يا شعب
|
|