Post: #1
Title: نداء لم يجد الاستجابة! نجرب هنا
Author: النصرى أمين
Date: 04-07-2019, 04:10 PM
Parent: #0
04:10 PM April, 07 2019 سودانيز اون لاين
النصرى أمين-كالغرى, كندا
مكتبتى
رابط مختصر
فى حاجات صغيرة قد تفوت على معظم الناس
إثناء المواقف العظيمة مثل الاعتصام الحالى امام
القيادة العامة للقوات المسلحة.
نعم ؛الاعداد الكبيرة من المتظاهرين يحتاجون لخدمات أساسية
،حمايو، اكل ، شراب ، علاج، خدمات الخ
هناك خدمة صغيرة لم ينتبه لها الجميع .
Lost and found
اتمنى ان يقوم شخص او حزب او كيان بتخصيص
رقم لجمع المعلومات عن المفقودات .
اذا فقد شخص جوال مثلا ؛ يتصل بالرقم و يدون المعلومة كاملة.
اذا وجد شخص جوال يتصل بنفس الرقم و يدون المعلومة كاملة.
بعدها يمكن ربط الطرفين مع بعض و ينتهى دور الخدمة (الكبانية)
دون ان تستلم اى مفقودات او يكون لها دور فى جمعها او فرزها.
هى خدمة لجمع راسين فى الحلال.
خدمة صغيرة لكن مهمة جدا جدا
|
Post: #2
Title: Re: نداء لم يجد الاستجابة! نجرب هنا
Author: أحمد الشايقي
Date: 04-07-2019, 04:36 PM
Parent: #1
شكرا أخ النصري أمين
خدمة قيمــة
أحمد الشايقي
|
Post: #3
Title: Re: نداء لم يجد الاستجابة! نجرب هنا
Author: Abureesh
Date: 04-07-2019, 07:18 PM
Parent: #2
واعى و منتبه يا النصرى.
Like
|
Post: #4
Title: Re: نداء لم يجد الاستجابة! نجرب هنا
Author: النصرى أمين
Date: 04-08-2019, 00:49 AM
Parent: #3
الاعزاء احمد و محمد
نحب شعب راقى و متحضر رغم الظلام
الدامس الذى حل بنا طوال الثلاثين عام الماضية.
يجب ان ننتبه لكل صغيرة و كبيرة خاصة ما يتعلق بممتلكات الناس .
خدمة lost and found مهمة جدا هذه الأيام وبجب ان يتصدى لها احد.
|
Post: #5
Title: Re: نداء لم يجد الاستجابة! نجرب هنا
Author: Nasser Amin
Date: 04-10-2019, 11:14 AM
النصري سلام
اها كدا كيف
......
...
..
.
|
Post: #6
Title: Re: نداء لم يجد الاستجابة! نجرب هنا
Author: Mohd Ibrahim
Date: 04-10-2019, 02:33 PM
Parent: #5
موجود كشك مفقودات
من تجي داخل على ساحة الإعتصام ياقابلوك لجنة التفتيش .. تفتيش جمييييل يتأكدوا انك ما جاي كمخرب عشان يحافظو على سلمية الاعتصام ..
وانت ماشي يجيك ( مروحه مان ) و ( همبريب مان ) يملوك طراوة كده عشان الجو سخن وتخش نفسياتك مفتوحة ..
تمشي شوية تلقى تلفون واقع يوجهوك تمشي كشك المفقودات تسلمو هناك ..
تعاين يمينك تلقى شباب ماسكين شوال .. ايوة شوال وبهتفو ( عندك خت .. ما عندك شيل ) وشمالك ( شير المواصلات ) ..
وانت بتهتف مع الناس وحسك يتقرش تعطش تنوي تفتش موية يجوك شباب بوزعو في كريستالات موية لحدي عندك ..
قبل ما تحس بالجوع يمدو ليك ساندويتش تقول تدي الجنبك تلقى في يدو في ساندويتشين وموزة ..
تملى بطنك تشبع .. تخرم .. الجنبك يقول ليك داااك ( سجاير مان ) ودااااك ( صعود مان ) ايوه رفاهية والله حتى كيفك بتلقاه ..
الساوند شغال .. قروب هنا بهتف ( الشعب يريد ) وبهناااك قروب بهتف ( تسقط تسقط تسقط بس ) ..
ياخ نص ساعه كده يجيك تاتشر جيش مليان شرفاء يقولو ليك نحن جايين نحميك وتسقط بس ..
عااااين ديل شغالين حملة نظافة لساحه الاعتصام .. وديييك بربطو في خيم تظلل الناس من الشمس ..
ياخ قالو في قروب طلع فوق الحته العالية ديك عشان يكشف ليكم المنظر ويصور للناس الما حاضرين الحشد الكبيييير ده ..
اسمع نرح نلعب كشتينه شوية .. دقيقه اتم قيم الليدو ده بس وامشي معاك ..
اسمع اديني رصيد اضرب للشباب ديل .. رصيدي قاطع والله انا زاتي .. ارح هسي شفت ( رصيد مان ) ماشي بي جاي نشيل رصيد ونجي .. ما لقيتو ارح العربية ديك مكتوب فيها ( اتفضل اضرب الكنداشة واشحن تلفونك ) ..
ياخ انا مصدع .. ديييك شباب عندهم جبنه وشاي .. لالا ياخ داير بندول .. خلاص امشي (الصيدلية) هناك في الكهربا ..
طبعا الوقت ده كلو في لجنة ( متاريس وتأمين ) تأمين للساحه وتجهيز لوردية الليل ..
اسمعني يا فردة كتبت اسمك في الورقه ؟؟ ورقة شنو ؟؟ بوزعو ورق صغير هناك قالوا اي زول يكتب اسمو ورقم تلفون زول ثقه قريب منو وفصيلة دمو عشان لولا قدر الله حصلت اصابة يقدرو يسعفوك ويصلو لاهلك ..
الثواااااار عملوا ( دويلة صغيرة ) في ساحه الاعتصام منظمه نفسها بنفسها وكل زول عارف دورو شنو وقايم بيه على أكمل وجه .. ياخ نحن ما محتاجين زول يحكمنا زاتو ..
ده كلو غييير العربات البتمشي تشحن اكل من البيوت والمطاعم وتجي .. غير امهاتنا واخواتنا الما قادرين يطلعوا قايمين بدورهم من بيوتهم وبجهزو في الاكل والعصير للمعتصمين ..
وأما جمال الشخصيات الحاضرة بمختلف اعمارهم .. الحماسيين .. الدمهم خفيف .. العازفين .. البجدعو أشعار ثورية .. البغنووو .. ده كوم تاااني .. وتفاصيل كتييييرة عايزة كتب عشان تتسرد ..
ملحمه تاريخيه بتتسطر في السودان ..
ياخي دي ثورة عظيمة اقسم بالله ..
كيف ما تسقط ؟؟؟؟؟؟؟؟؟؟؟؟؟؟؟؟؟؟؟؟؟
|
|