يا عشاري ظلمت الأصم ظلم الحسن والحسين

يا عشاري ظلمت الأصم ظلم الحسن والحسين


04-03-2019, 07:26 PM


  » http://sudaneseonline.com/cgi-bin/sdb/2bb.cgi?seq=msg&board=500&msg=1554316010&rn=15


Post: #1
Title: يا عشاري ظلمت الأصم ظلم الحسن والحسين
Author: عبدالعظيم عثمان
Date: 04-03-2019, 07:26 PM
Parent: #0

07:26 PM April, 03 2019

سودانيز اون لاين
عبدالعظيم عثمان-
مكتبتى
رابط مختصر



ياخي كان تنتظر الزول الراكز دا يطلع
من المعتقل وتكتب كلامك الكتبو دا
عارف دا وقته
وعارف في ناس كثيرين بلعوا كلامك
انا غلبني أبلعه،. معقول زول جوة المعتقل
وتنهشه بي سهامك وانت بعيد متكل في سياتل
كان تصبر لغاية ما يطلع
خلينا نخلص من ثورتنا دي
وبعدين نجي نفلفل كلامك
تسقط بس

Post: #2
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-03-2019, 08:16 PM
Parent: #1

السلام عليكم
يعني في مجموعتين واحدة مع بقاء البشير
ولا الفهم شنو ؟

Post: #3
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-03-2019, 09:06 PM
Parent: #2

السؤال هو ليه يا عبدالعظيم نقلت الموضوع هنا ؟

Post: #4
Title: Re: يا عشاري ظلمت الأصم ظلم الحسن والحسين
Author: محمد البشرى الخضر
Date: 04-03-2019, 09:46 PM
Parent: #3

ياهو نفس مقاله الخوّن فيه الاصم و التجمّع قبل شهرين ولاّ واحد تاني يا عظمة؟
غايتو عشاري بمقالاته المتطرفة و نظرية المؤامرة البروّج ليها باقي لي زي جماعتنا هنا
الواحد التقول لابس البتاعة البلبسوها الحصان في عيونه عشان ما يشوف غير الطريق الواحد الماشي فيه!

Post: #5
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-03-2019, 09:53 PM
Parent: #4

يا ها ذااااتا قصة الحصان
تاريخ المقال ١١ مارس😂😂😂😂

Post: #6
Title: Re: يا عشاري ظلمت الأصم ظلم الحسن والحسين
Author: عبدالعظيم عثمان
Date: 04-03-2019, 09:53 PM
Parent: #3

السؤال المهم ليه عشاري سلا سيفه
علي الراكز محمد ناجي وهو معتقل
وهو يعلم انه انه لا يستطيع أن يرد علي كلامه
كان ينتظر لغاية ما الزول دا يطلع
هو فكر في الثورة قبل ما يكتب كلامه
سبب فتح البوست مرضتنا المؤامرات
والحفر والضرب تحت الحزام من عقليات
محددة ومحاولات إغتيال الشخصيات
دا اسلوب عفا عنه الزمن
عشان القصة دي تقيف ومافي زول
يزايد علي زول.. الشباب ديل عرضوا
نفسهم لمخاطر كبيرة منهم من فقد حياته
ومنهم من فقد حريته وكرامته
الناس تحترم التضحيات دي
وما تحاول تعيد تجريب المؤامرات القديمة

الكلام دا كثير والتفصيل بعد ما نخلص
من الكيزان ونسقط البشير ونظامه
نرجع نشوف القصة دي

Post: #7
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-03-2019, 10:07 PM
Parent: #6

تاريخ المقال ١١ مارس
الاول ٦ يناير

Post: #8
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-03-2019, 10:13 PM
Parent: #7

مسألة الطبيب محمد ناجي الأصم .. بقلم: د. عشاري أحمد محمود خليل

Post: #9
Title: Re: يا عشاري ظلمت الأصم ظلم الحسن والحسين
Author: عبدالعظيم عثمان
Date: 04-03-2019, 10:30 PM
Parent: #8

سلام إخلاص سلام ود البشي

انا شفت المقال العجيب دا من يومين
غلبني أبلع الموضوع
حأعود للمقال دا الإسبوع الجاي

جنس الشغل والخبت دا واضح جدا بالنسبة لي الدوافع والهدف
لكن هسي تسقط بس

Post: #10
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-03-2019, 11:01 PM
Parent: #9

باركوها دي هنا ما أظن تمشي
نحن بلد الجيش المصري محتل أطرافه ووصل قلبه باسم الخبر
معقول جايبين لينا خبازين وعمال أفران !!!!
ده غير الاراضي ال بتتباع ب عشرة ملايين دولار ملايين الأفدنة
غير قطر وباقي الإعراب

الغموض يضر



Post: #11
Title: Re: يا عشاري ظلمت الأصم ظلم الحسن والحسين
Author: امتثال عبدالله
Date: 04-04-2019, 00:09 AM
Parent: #10

كدي يا عبد العظيم تكتب لينا المقال بالحرف عشان نحكم ، لأننا ما فهمنا حاجة من التعليقات دي...
وشكرا ...

Post: #12
Title: Re: يا عشاري ظلمت الأصم ظلم الحسن والحسين
Author: جلالدونا
Date: 04-04-2019, 04:35 AM
Parent: #11

المؤسف اكتر ان الشاعر الفخيم فضيلى جمّاع ركب نفس مركب د/ عشاري

Post: #13
Title: Re: يا عشاري ظلمت الأصم ظلم الحسن والحسين
Author: محمد البشرى الخضر
Date: 04-04-2019, 07:21 AM
Parent: #1

مع ان عبد العظيم فضل تأجيل النقاش حول مقالات عشاري المتحاملة لكن وطااما الموضوع اتفتح ح اقول رأيي في المقال - يمكن انسى بعدين :)
قرات المقال الاوردت مشكورة دكتور اخلاص عنوانه, حقيقة استغربت جدا في طريقة التفكير و الاستدلال التي اتبعها دكتور عشاري في التشكيك في الاصم! الفكرة المركزية للمقال أن دكتور ناجي "زوّر" في اعلان الحرية و التغيير عندما قراه في البيان المصور الشهير و الذي اعتقل على اثره! طيب لنرى ما هو هذا التزوير المدّعى وفي ثلاث مواضع كما تفضّل دكتور عشاري
وانقل أدناه نص ما كتبه الدكتور في مقالخ
Quote: (1)
على مدى ثلاثة دقائق، وقبل قراءته نص "إعلان الحرية والتغيير"، أدلى الأصم بمقدمة فيها التحية للشهداء والشباب، وقدم نفسه على أنه "عضو سكرتارية تجمع المهنيين السودانيين".
ثم بدأ الأصم يقرأ شرحا تقديميا لإعلان الحرية والتغيير، وقال:
"أوَّلُ بند، من إعلان الحرية والتغيير، هو التأكيد عن التزامنا التام، بكل مكوناتنا، وكل أطيافنا، على العمل اليومي، والمستمر والمتواصل، من أجل إسقاط النظام، وهُو دَا الهدف الأوَّل المُتَّفْقينْ عليهو جميعا".

(2)
كان ذلك هو التزوير الأول، بواسطة محمد ناجي الأصم. وهو تزوير، لأن "أول بند من إعلان الحرية والتغيير"، لم يكن كما قال الأصم في مقدمته الشخصية للإعلان، "إسقاط النظام، وهو دا الهدف الأول المتفقين عليهو جميعا ".
بل كان "أول بند"، كالهدف الأول المتفق عليه، في نص الإعلان المكتوب والموقع عليه، هو "أولا، التنحي الفوري للبشير ونظامه من حكم البلاد دون قيد أو شرط".
وهنالك فرق شاسع بين الواقعتين، وهو فرق يتلخص في إلغاء الأصم عبارة "أولا، التنحي الفوري للبشير"، المسجَّلة في نص الإعلان المُوقَّع عليه، إلغائها من كامل مقدمته. بل إن الأصم زور العبارة الصحيحة في نصها الأصل نص الإعلان، بجعله تقدمته تكذب عن حقيقتها، من حيث إن حقيقة تقدمة الأصم هي الاحتيال.
علما أن التزويرين اللاحقين يدعمان احتيالية هذا التزوير الأول. فوقائع التزوير الثلاثة، في استقلاليتها، تتداخل فيما بينها، وكليتُها أكبر من مفرداتها مجموعة واحد اتنين تلاتة
لا اعتقد أن الأمر يحتاج تعليق! تغيير النص الموجود و المنشور بكثافة في كل الوسائط خلال تسجيل فيديو الله وحده يعلم الظروف التي انتج فيها بما لا يمس المعنى (فلا فرق حقيقي بين تنحي البشير وبين اسقاط النظام!!) لا يحتاج كل هذه القراءة المتحاملة و التخوين المجّاني! لم لم يأخذ في الاعتبار حسن النية والخطأ البشري و اختلاف شخص عن آخر في اختيار الكلمات التي تؤدي لنفس المعنى العام و الكبير!!
لم طريقة سودانيز الغريبة في قراءة الإضنين و التخوين و التشكيك المجّاني ولمصلحة من!!
عبارة أخرى تشي بنرجسية المقال اوردها عشاري إذ كتب
Quote: كذلك ينطوي الإثبات على أن الأصم، وبعد فعلته التزويرية المعيبة، التزم الصمتَ، على مدى يومين، قبل "اعتقاله"، مُتصنِّعا أن شيئا لم يكن، وكأنه لم يزوِّر ثلاث مرات في إعلان الحرية والتغيير. وكأنه لم يعرف أن خدعته انكشفت، وهو علم عن محتوى مقالي قبل نشره.
يفترض الدكتور علم الاصم بمحتوى مقال عشاري قبل نشره!! يا النبي نوح!
ويعتبر عدم رد الاصم على المقال (قبل نشره) وقبل اعتقاله التزام للصمت! و تصنّع كأن شيئا لم يكن!!

أمّا ثالثة الأثافي فقوله أن على على الأصم يقع عبأ إثبات خطل افتراضات الدكتور, أها دي بقى سودانيزية تماما! ياها زاتها انت امنجي انت خاين انت معفّن و عليك ان تثبت عكس ذلك !!

غايتو عشاري طلع مناضل كيبورد سودانيزي كامل الدسم ومكانه محجور وسط اخوانه من المناضلين!

Post: #14
Title: Re: يا عشاري ظلمت الأصم ظلم الحسن والحسين
Author: اخلاص عبدالرحمن المشرف
Date: 04-04-2019, 08:38 AM
Parent: #13

اعتقال محمد ناجي الأصم تم يوم 4 يناير
مقال دكتور عشاري الاول يوم 6 يناير
لا ادري هل هنالك اي مقال قبل هذا
مشكلة تجمع المهنيين انه غير معروف القيادة
لظروف البلد والقمع ومن ظهر ادخل السجن
بعد التفكيرأظن ان الظرف يحتم وضع الشك
جانبآ والعمل معآ ( ليه قالو كده وهل ما قيل
له سند)


السودان علي مفترق طرق ، يكون او لا يكون

تسقط بس

Post: #15
Title: Re: يا عشاري ظلمت الأصم ظلم الحسن والحسين
Author: نعمات عماد
Date: 04-04-2019, 09:22 AM
Parent: #14



سلام عبد العظيم و ضيوفك الكرام

بي نفس منطق عشاري دا ممكن الناس تشكك في عشاري و نواياه

مع ان الناس ما فاضية و عندها أمور أهم .

Post: #16
Title: Re: يا عشاري ظلمت الأصم ظلم الحسن والحسين
Author: AMNA MUKHTAR
Date: 04-04-2019, 08:53 PM
Parent: #1

Quote: المؤسف اكتر ان الشاعر الفخيم فضيلى جمّاع ركب نفس مركب د/ عشاري

فخيم شنو عليك الله .
دا متواضع القدرات ..وكنا بنجامله هنا ساي .

وما بيكتب إلا راي عرمان .

Post: #17
Title: Re: يا عشاري ظلمت الأصم ظلم الحسن والحسين
Author: Nasser Amin
Date: 04-04-2019, 09:40 PM
Parent: #16

يا عظمة هو عشارى يطلع شنو؟
الاصم معتقل ليهو ٣ شهور
عشاري عمل شنو؟
في حقد و غيرة و رغبة في التدمير
طظ في عشارى و من لف لفه
لو راجل يمشي السودان و يناضل كالرجال
زي الاصم و رفاقه في المعتقلات