#صاحب المطعم خان المواطن والامانه بعمل كمين و تبليغه لي الثوار،،،،من. اجل ان يكسب ود جهاز الامن والحكومه. ونسى ان المواطن كان سبب في نجاحه وتقدمه ،،،صاحب المطعم البأس الموالي والمنتفع للحزب الحاكم ساعده جهاز الامن بالقبض ع ابناء امتداد ناصر. بطريقه سيئه جدا وبكمين خسيس بأس. لذلك وجب علينا مقاطعة هذا المطعم من اجل ثوار امتداد ناصر عن نفسي كلمته بعض الأصدقاء الثابتين واتفهمو الموقف.
#توجد عدة خيارات لعدة مطاعم شعبيه وافضل منه متوفرة بالعاصمة المثلثه من اجل الثوار واخوانك الاتقبضو قاطع هذا المطعم.
#JOJO_2020❤
Quote: قاطع بس #مطعم_الموناليزا " بري إمتداد ناصر امس قبل المغرب عملو اقذر حركهه وبسببهم اتقبضو اولاد من بري ويوم الأحد محاكمتهم
عارفين عملو شنو؟ لبسو الأمنجيه ملابس عمال المطعم وخلوهم يشركو للأولاد وبالفعل دة الحصل حتى البومبان كانو بضربوهو من جوة المطعم بتاعهم وإتنين من عمالهم دخلو مع الامنجيه البيوت وفتشوها للدواليب دي فتشوها وإعتقلو الأولاد،إشتركو إشتراك تام في الحاجه دي والثوار م كانو عارفين انو الامنجيه متنكرين بلبس عمال المطعم اصحاب المطعم واحد إسمو موسى،وواحد بقولو ليهو علي اوماك
يعني نحن بناكل منكم وانتو بتساعدو الكلاب في إنو يأزو اخوانا ويعتقلوهم؟حنقاطعكم ي كلاب
شييير على اوسع نطاق وزيت اصحاب المطعم
Post: #2 Title: Re: نقلا عن الوستاب قاطع مطعم_الموناليزا andquot; Author: sadig mirghani Date: 03-31-2019, 10:17 AM Parent: #1
اظن كلام محمد البشرى عين العقل والمنطق ،، يجب التأكد أولا قبل إشهار المقاطعة حتى لا نضر شخصا بريئا يكيد له منافس ، أو ربما يكيد له جهاز الأمن نفسه بسبب موالاته للثوار ، مين يعرف !! اما اذا تم التأكد فيجب المقاطعة الكاملة
Post: #8 Title: Re: نقلا عن الوستاب قاطع مطعم_الموناليزا andquot Author: بلدى يا حبوب Date: 03-31-2019, 01:44 PM Parent: #7
Quote: طيب يا حبيب لو طلع الرسالة دي مألّفها صاحب مطعم منافس أو اي شخص له موجدة شخصية على صاحب المطعم! الناس تقاطع ساي! وين الاثباتات, صور شهادات اي حاج
اتفق مع كلامك وانا من قراءة العنوان قلت نقلا عن الوستاب معنى هذا نبحث عن مصداقية الحديث او عدمه من خلال البورداب
Post: #9 Title: Re: نقلا عن الوستاب قاطع مطعم_الموناليزا andquot Author: جمال ود القوز Date: 03-31-2019, 02:01 PM Parent: #8
يجب التأكد أولا ..
Post: #10 Title: Re: نقلا عن الوستاب قاطع مطعم_الموناليزا andquot Author: كمال عباس Date: 03-31-2019, 02:09 PM Parent: #9
الفأس وقع في الرأس -! علي صاحب المطعم أن - يوضح وينفي وقوع الحادثة وياحبذا لو أعلن إنو ماضد الثورة- ويأكل عيشو!
سلامات يا بلدى البينه على من ادعى وإلا ابتذلت الثوره لصراعات فى سوق العمل واضغان شخصيه لغه الخم المستخدمه هنا تضر ب الحراك وكذلك النقل الغير حصيف من مغارات الواتس وما شاكلها عموما حتى لو صح الخبر يجب على الناشطين إيراد كل الادله الدامغه مع الخبر مباشره حتى لاتترك فرصه للشك سوء الفهم وعليه إن صحت التهمه ف المقاطعه واجبه وحتى ذلك الحين يظل المطعم (المتهم برئ)
Post: #12 Title: Re: نقلا عن الوستاب قاطع مطعم_الموناليزا andquot Author: Mohd Ibrahim Date: 03-31-2019, 02:45 PM Parent: #11
لو قدرنا مقاطعة كل من يقف مع هذا النظام الفاسد لما احتجنا للتظاهر في الشوارع فلتكن المقاطعة أداة من الادوات الفعالة لإسقاط هذا النظام
Post: #14 Title: Re: نقلا عن الوستاب قاطع مطعم_الموناليزا andquot Author: علي عبدالوهاب عثمان Date: 03-31-2019, 03:28 PM Parent: #13
صاحب المطعم خان المواطن والامانه بعمل كمين و تبليغه لي الثوار،،،،من. اجل ان يكسب ود جهاز الامن والحكومه. ونسى ان المواطن كان سبب في نجاحه وتقدمه ،،،صاحب المطعم البأس الموالي والمنتفع للحزب الحاكم ساعده جهاز الامن ب القبض ع ابناء امتداد ناصر. بطريقه سيئه جدا وبكمين خسيس بأس. لذلك وجب علينا مقاطعة هذا المطعم من اجل ثوار امتداد ناصر عن نفسي كلمته بعض الأصدقاء الثابتين واتفهمو الموقف.
============ مع التحية للجميع .. حسب إجتهادي الشخصي السوداني كتاب مفتوح حتى السوداني في الخارج زملاءه في الشغل يعرفون كم رصيده ، عدد أولاده ، من أي جهة في السودان بعكس الجنسيات الاخرى .. معقول صاحب محل بهذا التأثير وفي إمتداد ناصر ما يكون معروف بالواضح وبالأسم ( فلان ولد فلان ) من أولاد ... العاملين في المطعم أكيد معروفين لدى جميع الرواد بل حتى السكان .. هل يمكن أن يعين عامل جديد ويغير الطاقم لا أظن والإسئلة : متين غيرت العامل ؟ يا أخي داك كان طيب ؟ مالك عمل شنو ؟ ده إسمو منو ؟ من وين ؟ جايبو من وين ؟ واصحابين المطاعم والمقاهي دائماً هم من أذكي الناس في المجتمع لأن المقدرات ليست مالية فقط ولكن الاجتماعيات والمحبة والوضوح والونسة مع الزبائن وحضور البديهة من المؤهلات المهمة جداً في المطاعم الشعبية والمقاهي .. عندنا هنا في جدة لا نعتمد على جودة المنتج ولكن المهم هو شخصية صاحب المحل أو العامل ..
تحياتي صاحب البوست يا حبوب .. قلنا شوية تنظير .. مودتي .. لنمضي إلى الثورة .. والفجر آت بإذن الله ..
يا ريت .. واحد من أبناء إمتداد ناصر .. لتظهر الحقيقة..
لا أعرف لماذا كان إهتمامي بهذا الموضوع شكراً كثير حبوب ..
Post: #15 Title: Re: نقلا عن الوستاب قاطع مطعم_الموناليزا andquot Author: بلدى يا حبوب Date: 03-31-2019, 03:48 PM Parent: #14
احد ابناء ناصر أكد قفل المطعم لمدة 3 ايام بعد الحادثه بجانب تكرار اشعال النيران ليلا امام مبانى المطعم يوميا الى جانب ذلك ننتظر تأكيدات من ابناء المنطقه واكييد البورد والقراء بمشاركتهم عبر الايميل ستظهرالحقيقة ما زلت اؤكد لكم جانى الخبر عن طريق نقلا عن الوستاب
Post: #16 Title: Re: نقلا عن الوستاب قاطع مطعم_الموناليزا andquot Author: بلدى يا حبوب Date: 03-31-2019, 04:08 PM Parent: #15
Quote: Twitter Trends in Sudan - Trendsmap https://www.trendsmap.com/local/sudan/c/24https://www.trendsmap.com/local/sudan/c/24 مطعم الموناليزا " بري إمتداد ناصر" جمب رويال امس قبل المغرب عملو اقذر حركهه وبسببهم اتقبضو اولاد من بري ويوم الأحد محاكمتهم .... لجنة أطباء السودان المركزية ...... نضم إلى قائمة المقاطعة مطعم الموناليزا لتعاونهم مع كلاب جهاز الأمن فى القبض على الثوار. لا نتعامل مع الخونة و لا ندعم بمالنا كل من تمتد يده بسوء على الشرفاء من أبناء و بنات الوطن
- @sniper_sSd Twitter Profile and Downloader | Twipu http://http://www.twipu.com/sniper_sSdwww.twipu.com/sniper_sSd Translate this page نضم إلى قائمة المقاطعة مطعم الموناليزا لتعاونهم مع كلاب جهاز الأمن فى القبض على الثوار. لا نتعامل مع الخونة و لا ندعم بمالنا كل من تمتد يده بسوء على الشرفاء من أبناء و بنات ... السلام عليكم نحن اخوان و اصحاب ودفعة المرحوم حسن التجاني(جامعة السودان العالمية ... ناصر" جمب رويال امس قبل المغرب عملو اقذر حركهه وبسببهم اتقبضو اولاد من بري ...
ده برضو من الانترنت
Post: #17 Title: Re: نقلا عن الوستاب قاطع مطعم_الموناليزا andquot Author: Asim Ali Date: 03-31-2019, 05:20 PM Parent: #16
سلام عليكم زمان المحال التجاريه عموما تلقى تحت العنوان اسم صاحب العمل (محلات فلان او محلات فلان واولاده.....) لو النظام دا كان شغال كان سهل على الناس -البحث ومعرفه حقيقه الاشخاص ان لم يكونو معروفين- حكايه المقاطعه الاقتصاديه اولا دا غير الحال القائمه كفطاء لنشاط امنى. امتداد ناصر والمنشيه بالذات جهه بيت الترابى وحى الصفا اشترى راس المل الكيزانى وتداول كثير من قطع المطقه لاغراض السكن او نشاط اقتصادى اواغطيه لاشياء اخرى واحيانا تلقى المكان متداول من جهه يكون البيت فيهو زى المهجور لى جهه اعتباريه لمؤسسه او صندوق ما او ..... طبع الكيزان عموما لما يلقو نشاط اقتصادى ناجح او فى موقع مميز اما يشاركوك او يكرهوك لغايه ما تبيعو ليهم(الكلام عن تجربه حصلت لى كرهتنى فى انشاء اى عمل تجارى لاحقا). المطعم دا نشط جدا اكتر من مطعم البطل فى بحرى .غرب ممستشفى دريم واحيانا فى الامسيات لدرجه يعيق الحركه بين نهايه ناصر والمنشيه والكبرى فى الامسيات ..ولو صح الخبر تكون غلطه غبيه الجهه المالكه ليهو بخساره موقع زى دا واحتمال يكونو السجم ديل ضغطوا عليهو عشان يستغلو المكان ككمين.
مرحب حبيبنا الشريف الصديق زمن طويل يا حبيب اتمناك و الأسرة بألف خير حقيقة وصلني الفيديو أمس عبر الواتس و معاهو شرح تفصيلي للحاصل قرايتي للفيديو كانت ذي ما انت قلتا العمال الشغالين واضح انهم ما عمال مخابز الخلاصة هي فعلاً الكانو شغالين ديل امنجية و ما عارفين الشغلانة كيف واضحة المسألة دي .. شاهد الفيديو بتركيز
ملاحظتي التانية كيف العمال ديل و بدون جوينتيات يعملو الخبز بي ايدينهم الوسخة دي مافي رقابة ؟ و الله شيء مقرف البحصل دا كيف الناس بتاكل القرف دا ؟
Post: #20 Title: Re: نقلا عن الوستاب قاطع مطعم_الموناليزا andquot Author: Asim Ali Date: 03-31-2019, 05:40 PM Parent: #18
المخابز فى الفيديو دى غالبا عينه من مخابز الجيش المصرى القالوها قبل كم يوم او المخابز التركيه الاتكلمو عنها ايام ازمه الرغيف. ملاحظ فى كم وش ماسودانى (اللابسين بالطوهات بيضا)
Post: #21 Title: Re: نقلا عن الوستاب قاطع مطعم_الموناليزا andquot Author: Osman Awoda Date: 03-31-2019, 05:55 PM Parent: #20
بلدي يا حبوب و ضيوفه سلام. علي محمد خير( علي اوماك) ذكر لي قبل قليل ان المسألة تصفية حسابات. تلفوناته لمن يرغب: 00249921735533. 00249912253361. أبدى استعداده لتلقي اي مكالمة و الرد علي اي استفسار.
فعلا يا ود البشرى. جأني من مصدر على معرفة بمالك المطعم أنهم خاضوا معركة عنيفة جدا في قضية إخلاء رفعها صاحب المبنى بعد أن إشتهر مطعم الموناليزا و صار قبلة.. بعد صراع مرير في المحاكم إنتصر صاحب الموناليزا و ربما يكون هذا في إطار المعارك
Post: #23 Title: Re: نقلا عن الوستاب قاطع مطعم_الموناليزا andquot Author: علي عبدالوهاب عثمان Date: 03-31-2019, 06:14 PM Parent: #22
علي محمد خير( علي اوماك) ذكر لي قبل قليل ان المسألة تصفية حسابات. تلفوناته لمن يرغب: 00249921735533. 00249912253361. أبدى استعداده لتلقي اي مكالمة و الرد علي اي استفسار. =================== حبيبنا عثمان عووضة .. تحياتي .. شكراً على هذه الافادة الموثقة ..
سبحان الله .. هل بلغنا هذه الدرجة في استغلال الثورة سلوك خطير جداً .. وغير انساني ..
شكراً عمنا و حبيبنا عثمان عووضة اتصلتا على الأخ علي الخير مطعم المونايزا ما ليهو أي علاقة بالمخبز و قال انك جارو في نفس مكان السكن الخلاصة هي مطعم الموناليزا ما ليهو أي علاقة بالمخبز المقابل ليهو يلا يا حبيب شوفو لينا المخبز دا صاحبو منو و ابعدو عن مطعم الموناليزا محمد البشرى كلامو كان صاح نتحرى الدقة عشان ما نظلم الناس
للتأكيد في اتصال تاني على الأخ علي الخير انو ماليهو أي علاقة بالفرن هو صاحب مطعم أتمنى انو الناس ما تظلم الرجل ,هنا صورة المطعم https://www.0zz0.comhttps://www.0zz0.com
Post: #28 Title: Re: نقلا عن الوستاب قاطع مطعم_الموناليزا andquot Author: محمد البشرى الخضر Date: 03-31-2019, 09:14 PM Parent: #27
تحياتي الدكاترة ياسر وعمر و عووضة و الحمد لله ان أظهر الحق, ونسأله أن يجبر الضرر الحاق بالرجل و القصد منه محاربته في رزقه ورزق عياله لا الوم صاحب الفرية فهو في النهاية يخدم في غرض ما له منه فائدة بقدر ما الوم من تبرع و صدق و شارك في نشر الاكاذيب دون ان يمنح نفسه فرصة للتفكير او على الاقل اعادة قراءة السيناريوهات الضعيفة المنشورة و التي يبدو ضعفها و سذاجتها جلية ! وكل هذا بلا اي فائدة حقيقية تعود عليه! اللهم إلّا إرضاء شهوة تجريم و شيطنة الاخر و توهّم العدو فيه! نستمتع نحن بنبش الناس و تمزيقهم وتمزيق سمعتهم كدا بكل البساطة الفي الدنيا, كل ما يحتاجه الأمر بوست او تغريدة او مشاركة مجهولة المصدر فلان كذا, علاّن فعل وترك, المش عارف إيه عمل شنو كدا و بس نقوم نحن بالباقي ونتولى تشريح وجلد وسلخ الضحية بكل بساطة ونرجع نكمّل نومنا !
حبيبنا على عبد الوهاب مسكاقمي اذا في مخبز او أي جهة بتتعامل مع الأمن في الحي دي مشكلة كبيرة و الناس ديل انتفاعيين و ضد الثورة يجب مقاطعتهم وانتو يا شيخ علي في بلاد النوبة بتعتمدو على المخابز و لا على افرانكم التقليدية «الجاكوت» و«خُبز الكابد» و«الكرمديد»
