زمان قالو في ملك حدد جائزة ضخمة لشخص يحكيلو قصة ما ليها نهاية، وإبتدو الناس يتوافدوا ؤ يحكو بالأيام والشهور لكن القصص والحكايات تنتهي لحدي ما جا وآحد ؤ بدأ يحكي قال، كانت في مخازن ضخمة مليانة بالقمح إكتشفت فيها نملة فتحة ثم أخبرت باقي النمل، فدخلت نملة أخدت حبة ؤ مرقت، دخلت نملة أخدت حبة ؤ مرقت دخلت نملة أخدت حبة ؤ مرقت، دخلت نملة أخدت حبة ؤ مرقت دخلت نملة أخدت حبة ؤ مرقت، وراح يردد في العبارة شهور وسنين حتي سإم الملك وضجر وزهج زهج شديد فأداهو الجائز ...
شنو يا قريبك اللغة اليائسة دي! هو القاعدين جوة وبمرقوا يوميا و بتعرضوا للضرب و البمبان و عسف السلطة ما زهجوا ولا ملو ولا اتراجعوا تزهج انت الفييييي كندا البعيدة دي! بعدين شنو شوفولكم و نبرة المتفرج دي, شوف انت و اقترح وتواصل وغادر مقاعد النقاد دي واطلع المسرح! الثورة ثورة الجميع و الكل يشارك فيها
Post: #8 Title: Re: جـدول الـضـرب ... Author: عبداللطيف حسن علي Date: 03-28-2019, 08:49 PM Parent: #7
طيب عطببرة ، مرقة الدخان الواحدة ديك يقولوا عليها شنو
دائما ظني في عطبرة انها مدينة لاعلاقة لها بالوعي
من يوم سمعتهم بقولوا لاهلي الخرطوم : ياغريب يلا لبلدك
باختصار شرارة الدمازين وعطبرة مجرد شرارة الاحتراق الاولي
لمحرك احتراق ماكينة الثورة وبعد داك الماكينة عايزة بلوتين قوي
لزيادة كمية الطاقة الكهربية الكافية لتدوير عربة الثورة ودا موجود
في مناطق الوعي : امدرمان القديمة والخرطوم القديمة (واضافات لاحقة
من مناطق اخري تمتلك قدر من الوعي بالضرورة له روافد هناك بشكل
من الاشكال
في مناطق مازالت خاملة تماما لكنها ستتحرك كما حدث لسوق ليبيا والشعبي
والفتيحاب ولن يبقي شبر بعيد عن حراك الثورة في الايام القليلة القادمة
سلام عليكم الصخر تنحوا قطرات المويه مع الزمن ويكفى انو الثوره (ثوره بمعنى ثوره تغيير جذرى فى جوانب كثيره شهدناها تظهر خلال الحراك من وعى ووحده وطنيه وتجاوز لتخريب النظام بزرع الفتنه وواخصاء العقول بمحاوله تجهيل الشباب) ويكفى انو حاجز الخوف انكسر وسقطت القداسه و الخداع باسم الدين ويكفى انو الاطفال بقى جزء من العابهم هتاف زى هتاف حمودى الفوق دا - ياخى عندنا فى الحله شفع امنجى بلعبوا بهتاف زى دا - ودى علامه صحه وخير انوالمعركه والوعى مش جيل الشباب دا بس بل حتى جيل حمودى حيقوم مغروس فيهو نوع اعمق لو اتحملنا مسئوليتنا تجاهو فى ظل المعركه القائمه لازاله النظام (العكليت) بدولتو العميقه..
(مَتَىٰ نَصْرُ اللَّهِ ۗ أَلَا إِنَّ نَصْرَ اللَّهِ قَرِيبٌ ) ما دام الاطفال ما راضين معناها الله مع الثوار ( لطيف والبطل ومن شابههم يمتنعون عن التعليق رجاءً 😂)
