دبابيس من صحف اليوم 27 مارس 2019 م

02:31 PM March, 27 2019

سودانيز اون لاين
Abdulhaleem Osman-Sudan
مكتبتى
رابط مختصر

📰 أقوال مكسورة :
👈 حسين خوجلى: الرئيس يتميز بالفحولة والرجولة..!!
📌 مابنغالطك لأنه ما زارنا والله
.
👈 حسين خوجلى: الرئيس (جعلي) و (جياشي) و (جبهة) ..!!
📌 و(جاء) يكحلها عماها و(جابنا) وراء و(جهجهنا)
.
.
📰 خبر لم يرد في الصحف :
👈 انتقل الي الرفيق الاعلي عصر أمس القطب الاتحادي الكبير الحاج هاشم حضرة بعد معاناة لعدة ايام من الاختناق بالغاز المسيل للدموع حين تم قذف بعض افراد القوات النظامية بقنبلة غاز داخل غرفته... وقد رفضت القوة المهاجمة اسعافه ، فتسلق الشباب الحائط لاسعافه داخل منزله... وتواصل تدهور صحته بالمستشفي الذي نقل اليه الي ان لبي نداء ربه في الخامسة من عصر يوم الثلاثاء 26 مارس 2019 م
ويقام العزاء بحي الحضراب بشمبات الحلة ببحري.
📌 انا لله وانا اليه راجعون....
.ه.
.ه.
📰 الجريدة:
👈 المراجع: الرئاسة رفضت إجراءات قانونية في إكمال تعاقد الفلل الرئاسية
📌 يا اخوي يا المراجع العام قلنا لك خربانة من كبارها
.
📰 الجريدة:
👈 تشريعي الخرطوم يكشف عن تعثر معظم مشروعات وزارة الصحة
📌 يمكن البلدوزر الهايدرولك بتاعو ما شغال
.
📰 الجريدة:
👈 أيلا يوجه بتوفير السيولة للبنك الزراعي ليدفع قيمة القمح
📌 شغلوا الرب رب رب
.
📰 الجريدة:
👈 ارتفاع في أسعار السكر واللحوم الحمراء بالخرطوم
📌 كل من الارصاد الجوي
.
📰 الجريدة:
👈 وزير الصحة بالجزيرة يقيل مدير المعامل وبنوك الدم
📌 سيولة برضو ؟
.
📰 أخبار اليوم:
👈 المحكمة الامريكية العليا تقضي لصالح السودان في قضية تفجير المدمرة كول.
📌 قضت ما عشان عيون السودان ولكن عشان الحكم كان ممكن يشكل سابقة يمكن ان تستخدم ضد امريكا نفسها
.
📰 أخبار اليوم:
👈 الخارجية: الحكم دحض للمزاعم حول صلة السودان بالارهاب.
📌 دا تأويلكم انتو أما الامريكان تأويلهم غير
.
📰 أخبار اليوم:
👈 التربية : تصحيح شهادة الأساس بالخرطوم في الثاني من أبريل.
📌 الله يستر عليها من خرمجة تصحيح البحر الاحمر
.
📰 أخبار اليوم:
👈 وزير الاعلام: لم أتوقع ان اصبح ناطقا باسم الحكومة.
📌 فعلا ظاهر وكلنا عرفنا انه الجلابية واسعة عليك
.
📰 الوطن:
👈 طرح فئة الـ (500) جنيه بالتزامن مع مرتبات مارس
📌 فعلا مارس شهر الكوارث
.
📰 الوطن:
👈 رئيس الوزراء يصدر قراراً بإعفاء معتمد اللاجئين
📌 عقبال باقي المعتمدين
.
📰 الانتباهة:
👈 إقالة أمين حسن عمر من ملف دارفور
📌 والله دي فرصه ليهو يشوف له فيها حلاق يحلق له
.
📰 الانتباهة:
👈 في تحقيق لـ”الانتباهة”.. دولة الجنوب تتحصل رسومًا داخل الأراضي السودانية
📌 جبانة هايصة
.
📰 الانتباهة:
👈 صحة الخرطوم” تتجه للاستعانة بأطباء مصريين.
📌 أقطع دراعي لو ما جوكم سباكين ونجارين شايلين شهادات طب
.
📰 الانتباهة:
👈 سجن تاجر عملات معروف
📌 تجارة العملة ما عيب لكن يكون ما متعاون بس
.
📰 السوداني:
👈 الكهرباء” تعلن عن قطوعات مبرمجة
📌 بالله نزلوا لنا جدول القطوعات عشان نعمل له ماتشنج مع جدول المظاهرات
.
📰 السوداني:
👈 وزير المالية الجديد يصل الخرطوم ويؤدي القسم اليوم
📌 هسع القرارات دي كلها ووزارة المالية قاعده أم فكو ؟
.
📰 الصيحة:
👈 انخفاض إنتاج الذهب بنسبة”70″ بنهر النيل لشح الوقود
📌 من دا ولي وراء
.
📰 الصيحة:
👈 توقف عمل لجنة فحص إقرارات الذمة
📌 اللجنة مسكينة تكون تاهت في الذمم الواسعة دي
.
“📰 الصيحة:
👈 الصيحة” تكشف معلومات جديدة عن تعيين سفير السودان بنيويورك
📌 معلومات شنو غير انه أمنجي احيل للمعاش وحبوا يبعدوهو شوية ؟
.
📰 الصيحة:
👈 مقترح بالعودة إلى نظام الأمانة العامة بالوطني
📌 انتو حاولوا اقترحوا حاجة غير (الأمانة) لانه الامانة دي شعرا ما عندكم ليه رقبة
.
📰 آخر لحظة:
👈 غرب كردفان..الوالي يكشف عن فساد بمشاريع
📌 المشاريع دي حكومة والا متمردين ؟
.
📰 آخر لحظة:
👈 إغلاق”10″ مواقع للبيع المخفض بالخرطوم
📌 النصبه بتاعتها ما ظبطت والا شنو؟
.

#أبو_وضاح