بيننا دم !!!!

12:28 PM March, 27 2019

سودانيز اون لاين
عبدالمنعم الطيب حسن-السعودية؛ الرياض
مكتبتى
رابط مختصر

دم الشهيد😥

.........
دم الاف البسطاء في دارفور
دم اهالي كردفان بالالاف....
دم اهلنا في النيل الازرق وكجبار
دم عشرات الضباط العظام في رمضان سنة تسعين
.......
دم المئات من اولادنا في انتفاضة سبتمبر ٢٠١٣م
......


دم
دم
دم
.....
دم سوداني عزيز وزكي وعطير ومعطر
وحرام
.....

بيننا دم
مش من رصاصه مصوبه فى مقتل وحسب
وانما دم كل من مات بسبب الاهمال والفساد والظلم مرضا وجوعا وغصه الم وحرقه كبد من الظلم الاسود المتوشح برداء الدين

تعالوا نتبنى خيار المقاطعة الاجتماعية عديل
كدة
.......
المقاطعة الاجتماعية فيس تو فيس
والمقاطعة الاجتماعية على وسائل التواصل الاجتماعي؛
.......
عن نفسي اي كوز ما زال يؤيد هذا النظام القاتل قطعتو معاه جاف
لا سلام ولا كلام؛
ما تقولي خالي ود عمي وجاري وعلاقة قديمة؛
ابدا ديل اعداءنا
بينا وبينهم دم طازج
دم عبدالعظيم واحمد خير وبابكر ومعاوية
دم عمنا حضرة الكتلوهوا امس القريبة دي
دم الفاتح عمر
ودم
.......
وبيننا دم؛

في منصات التواصل الاجتماعي
تويتر فيس واتساب
اعترف ان اصدقائي من بيهناك كانوا شوية شديد
امكن ٢٪؜ او اقل
طوالي نضفت شديد
هسع زول كوز معاي مافي
واي موقع مضاد للثورة والحراك
طوالي ادخل الموقع القى صديقي لي
عامل اعجاب اشوتو طوالي
الحقيقة الفكرة دي كزول انا ضعيف في النت بشكل علم
جاءتني من الصديق عباس الدسيس الشريف
ونفذتها طوالي
وشطبت كم كوز
بلوك طوالي؛
.......
تاني اليومين ديل تجينا طلبات كتيرة
من الجداد
صداقة وكدة
صداقة في عينيك يا
بينتا دم
بلوك طوالي
وكدة
......
دم الشهيد بكم
ول
السؤال ممنوع
......
ياخ المقاطعة الاجتماعية دي بتهزمهم كيف
جربوها وشوفوا الذل والهوان في عيونهم
طالما اذاقونا المر
اليوم يشربوا من ذات الكاس
اولاد الايه!!!!

مافي كلام ، انسخ ، انشر ووزع علي اوسع نطاق

دم بدم
والبادي اظلم
........
يا نجيب حقهم يا نموت زيهم
........
شكرا لطيف وعاصم؛