Post: #1
Title: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-22-2019, 08:21 PM
08:21 PM March, 22 2019 سودانيز اون لاين
عبدالعظيم عثمان-
مكتبتى
رابط مختصر
من بكرة حتبدأ عملية حلحلة النظام الأخيرة
والإسقاط في اليوم الخالد
يوم الصارم المسلول من أبريل
ويبتدئ الحساب
في السادس من أبريل
يوم السبت سيكون يوم خلاص السودان
من النظام الغاشم
وتسقط بس
|
Post: #2
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-22-2019, 08:26 PM
Parent: #1
15يوم من الثورة والمقاومة ولابد من تتويجها بإسقاط
النظام في 6ابريل 2019، باقي شوية خلخلة ويسقط النظام
توحدت جموع وقوي الشعب السوداني خلف ثورته الظافرة
فلنرفع درجة المقاومة في هذه الأيام، ماباقي كثير
وحنغني فجر الخلاص حاضر يوم السبت السادس من أبريل 2019
ابقوا كتار ، أمرقوا من أي حتة، ابقوا ثورة
تسقط بس
حرية سلام وعدالة والثورة خيار الشعب
|
Post: #3
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-22-2019, 08:43 PM
Parent: #2
سقوط الطاغية أصبح يري رأي العين
الثورة مستمرة بي قوة دفع جماهيرية
المسؤلية جماعية لإسقاط النظام
تسقط بس
|
Post: #4
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-22-2019, 08:48 PM
Parent: #3
قد يسقط النظام قبل 6 أبريل وقد يسقط بعده ولكنه حتما ساقط
وضع تجمع المهنيين لجدول مستمر لمدة 15يوم لأول مرة
له هدف رئيسي وهو رفع زخم النضال السلمي
المدني في تحديد هدف تسعي له قوي الثورة
حتي بتحقق اول بنود إعلان الحرية والتغيير
في فترة أقصاها اسبوعين
الشهداء رووا بدمائهم الطاهرة الذكية شجرة الحرية
وعهدا علي الشهداء لن يتوقف هذا المد الثوري الا بسقوط النظام
حيا علي علي الثورة
تسقط بس
|
Post: #5
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-22-2019, 08:51 PM
Parent: #4
شدوا الهمة
النظام المتهالك ومنظومته الأمنيه لا قبل لها
بنضالكم، وسعوا من دائرة المقاومة
فعلوا لجان المقاومة الشعبية في الأحياء
لن تفلت الأفعي مهما حصنت أوكارها
تسقط بس
|
Post: #6
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-22-2019, 10:08 PM
Parent: #5
جدول تجمع المهنيين الطلع دا ممكن يكون آخر جدول
للمقاومة وبعدها ننتظر جداول البناء والتعمير
الأسبوعين الجايات ديل مهمات جدا
وضروري كل الناس تدفع بالبتقدر عليه وزيادة
دماء الشهداء لاتزال ساخنة
والنظام حتي الآن لم يقدم اي مجرم للعدالة
يجب كنسه وإسقاطه
النظام مرعوب ومتهالك باقي نزح من تحته اخر عصاية
يتوكأ عليها، النصر صبر ساعة
لابد من خروج كل الناس الشوارع
وتسقط بس
|
Post: #7
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-23-2019, 06:16 AM
Parent: #6
النظام راهن علي الوقت وراهن علي القمع
وتوقع ان القمع المفرط سوف يقضي علي الثورة
في أيامها الأولي ، ولم ينجح
قام بعملية إعتقالات غير مسبوقة في تاريخ السودان
واستمر الحراك واستمرت الثورة
دي ثورة كاملة الأركان
تفجر بركان الغضب يوم 13ديسمبر في الدمازين
دي ثورة كل السودان، داخلين علي الشهر الرابع
والنظام حارت قواه وترنح
الزمن الراهنو عليه بقي وبال عليهم
مزيد من تصدع النظام وحزبه الحاكم
وآن الآوان ان يتقدم الثوار نحو القصر
خلال الإيام القادمة بجموع هادرة وتقتلع هذا الدكتاتور
خلال اربع أشهر هذا النظام لا يريد أن يسلم السلطة الي الشعب
مافي مجال غير الزحف والخروج الي كل الشوارع
من كل الحارات لإسقاط حكومة الفساد والقتل
الفرصة أمام شعب السودان ليصنع تاريخ جديد
للأمة السودانية.. كل واحد عليه دور يقوم به
وتسقط بس
|
Post: #8
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-23-2019, 08:20 PM
Parent: #7
بكرة موكب العمال
تسقط بس
القصر يتحرق دي ما شغلتنا
بكرة الشارع
بكرة الموكب
|
Post: #9
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-23-2019, 08:37 PM
Parent: #8
عمال الموانئ
الغبش التعاني
لقاطة القطن
العرقن بصب
العتالي وسواقين الدرداقات
غسالين الصحون وعواسات الكسري
ستات الشاي وحفارين الآبار
سواقين الرقشات والبطاحات
غسالين العربات و الترابلة والنقاشين
البنايين وعمال الحصاد
النجارين والحدادين والخراطين
المكنيكية والسقايين
الكهربجية والعجلاتية والمكوجية
الفراشين والسمكرجية والتمرجية
الكهربجية والساعاتية والكناسين
الطباخين والرواعية والمزارعين
عمال الدريسة وعمال اليومية والمقطوعية
الخدرجية والجزارين
كل العمال
الكادحين ملح الأرض
بكرة الأحد 24 مارس 2019
موكب العمال
|
Post: #10
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-23-2019, 09:17 PM
Parent: #9
موكب بكرة دا واحد من أهم المواكب
انا شخصيا عندي علاقة مباشرة بالعمال
وشكل كفاح العمال جزء من وعي المبكر
بالعمل النقابي، الثقافة العمالية، والعمل الدؤوب
العمال ديل ناس سمحين جدا، ومعطائين جدا
صادقين جدا، وناكرين لي ذواتهم..
عرق العمال وبساطة المجتمع العمالي مخزن للقيم
والتكاتف والتراحم..
موكب بكرة دا موكب تاريخي
ويوم لتكريم كفاح العمال
تكريم لكل كادح ويسعي بجد في هذه الحياة
موكب العمال 24مارس 2019
|
Post: #11
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-23-2019, 09:21 PM
Parent: #10
العمال أصحاب المصلحة الحقيقية في التغيير
الناس البكونوا شغالين لغاية اخر قطرة عرق
وفي الاخر بيقع مصروع بالفشل الكلوي
او داهمه ضغط الدم او نوبة من نوبات السكري
دون رعاية صحية
بيقعوا من طولهم واقفين مثل النخيل
ناس هامتهم عالية
ارادتهم قوية تفتت الصخرة
بكرة يومهم
بكرة موكب العمال
|
Post: #12
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-24-2019, 11:01 AM
Parent: #11
الليلة موكب العمال
الناس الصبروا سنين
علي الحالة المادغرية
|
Post: #13
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-24-2019, 12:49 PM
Parent: #12
المواكب مرقت
تسقط بس
|
Post: #14
Title: Re: جدول سقوط النظام 23مارس - - 6أبريل 2019
Author: Abdullah Idrees
Date: 03-24-2019, 10:10 PM
Parent: #13
بوست هام
ما عارف ليه الناس ناسية انو 6ابريل باقي ليهو اسبوعين بس
مفروض اليوم ده بالذات الناس تكون شغالة ليهو من شهر
ندوات وفيديوهات وشغل تقيل
لانو ممكن يشكل نقطة مفصلية في مسار الثورة
ممكن يديها زخم غير عادي لو اشتغلو ليهو كويس
وممك ن يطلع الناس كلها برة ودي الحاجة المفقودة الى الان
|
Post: #15
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-26-2019, 06:43 AM
Parent: #14
سلامات عبدالله
الشعب السوداني بيده الأن إسقاط هذا الطاغية
تجمع المهنيين وضع الخطة والجدول
الوقت للعمل والحشد والإستعداد
النظام سقط فعليا
تبقي فقط أن يتقدم الشعب السوداني ويأخذ حقه المسلوب
زي قصة النبي سليمان ميت وتبقي فقط من يزيح العصا التي يتوكأ عليها الطاغية
تسقط بس
|
Post: #16
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-26-2019, 06:56 AM
Parent: #15
السودانين خاج العاصمة يجب أن يزحفوا نحو العاصمة بشتي السبل
لو كل يوم إنتقل 20 أشخاص من كل ولاية للعاصمة يوميا
20 من المناضلين الملتزمين بقضية الشعب السوداني
ومن أصحاب المصلحة في إسقاط النتظام ومن الشباب
هذه الخطوة مهمة جدا
في إنتفاضة 1964 وفد مواطني كسلا بالسكة الحديد دخل العاصمة
صباح يوم الإنتفاضة وكان قوامه 3000 كان سندا قويا وداعما للإنتقال
وقوي الإنتفاضة وموقف قوي
مهم جدا توافد المواطنين الي العاصمة والقضاء علي هذا النظام
يحتاج عمل نوعي وحشد وتوحيد للقوي
|
Post: #17
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-26-2019, 07:47 AM
Parent: #16
الثورة عمل تراكمي مستمر ، سيسقط النظام خلالها
تجمع المهنيين وضع جدوله ل15 يوم وحدد ملامح
المقاومة السلمية خلال هذه الفترة، ويوم تتويج هذا المجهود
هو السادس من أبريل 2019 وهو يوم خالد في وجدان الشعب
السوداني ومرتبط بساعات الخلاص والإنعتاق من الديكتاتورية
قد ينتصر الشعب السوداني هذه المرة ولكي يحدث هذا الإنتصار
يجب أن يتحرك أصحاب المصلحة الحقيقية في التغيير
ويجب أن يتحرك الشعب السوداني زاحفا نحو قصر الطاغية
هذا العمل يحتاج الي تحضير كبير ويحتاج الي تضحيات كبيرة
أمام الثورة الان ايام حاسمة ستصعد جماهير شعبنا من المقاومة
بهدف تحقيق النصر في يوم معلوم، ستستعد له السلطة
وسيحشد له الكيزان ولكن إرادة الشعوب دائما غالبة
وسينتصر الحق في مواجهة الباطل
المسؤلية كبيرة علي الجميع ، قوي سياسية
منظمات مجتمع مدني، زعامات دينية
يجب أن يزحف الشعب السوداني نحو قصر
الطاغية خلال الأيام القادمة والإستعداد ليوم الحسم
هي مجموعة معارك مع هذا النظام نكسب بعضها ونخسر
بعضها ولكن لابد أن نكسب هذه الحرب مع هذا النظام الفاسد
لن تفلت الأفعي وان حصنت أوكارها
وتسقط بس
|
Post: #18
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-27-2019, 06:37 PM
Parent: #17
بكرة الموكب
بكرة الموكب
بكرة الموكب
خميس الثورة السودانية
تسقط بس
|
Post: #19
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-28-2019, 01:15 PM
Parent: #18
إنطلقت مواكب حماية الطفل
عشان عيون أطفالنا ما تضوق الهزيمة
فاشر السلطان من بدري في الشارع
تسقط بس
|
Post: #20
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-28-2019, 01:36 PM
Parent: #19
مواكب الحياة للأطفال تنطلق
ودا واحد من أهم المواكب
الثورة دي ثورة وعي وثورة رهان علي المستقبل
المستقبل سيكون حاضر أطفال اليوم
من حق أطفال السودان حياة كريمة
فيها الصحة والتعليم والفرص المتساوية بين الأطفال
تسقط بس
|
Post: #21
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-28-2019, 07:24 PM
Parent: #20
الثورة دي مدهشة
تسقط بس
مواكب زي المطر
الكجر في حالة يأس
القوات الأمنية مرهقة حد الإنهيار
تسقط تسقط تسقط بس
|
Post: #22
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 03-29-2019, 02:30 PM
Parent: #21
تجمع المهنيين يحي ذكري المناضل الراحل
يوسف كوة مكي يوم الأحد 31 مارس 2019
تسقط بس
|
Post: #23
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-02-2019, 08:29 PM
Parent: #22
اي زول بيقدر يتحرك علي الخرطوم من خارج العاصمة
فليفعل.. النظام منتظر التشيع
يوم 6أبريل 2019 يوم السبت
عاوز ناس كتار في شوارع الخرطوم
الناس تطلع الشوارع وشايله معاها فرش المعجون
اي زوادة اي حاجة ممكن تعينك علي الإستمرار في
الشارع شيلها معاك
الشعب السوداني مصمم علي إنهاء حكم الكيزان
تسقط بس
|
Post: #24
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 07:13 AM
Parent: #23
تجمع المهنيين يطلق نداء الزحف نحو العاصمة
للسودانين للمشاركة في موكب 6ابريل 2019
من يستطيع أن يتحرك نحو الخرطوم من الثوار
فليفعل
النظام في إنتظار التشييع
تسقط بس
|
Post: #25
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 08:15 AM
Parent: #24
دقوا النحاس من ضي
صوب الشوارع هي
مافيش تخاذل تب
ما فينا زولا ني
مترس وجودك جد
عبي الهتاف يا جني
لا ترجا آخر الصف
قدام وأنت الضي
سوى الصفوف كالسيل
شعبا هميم بالحيل
ما اظنو يحكم يوم
دقنا بتلب ليل
اعوج وشوفه كمان
عاوز يعدل الميل
قدام وعازة هواك
قالت يمين جيد لي
عارفاه فاشي الضيم
عارفاه ولدا لي
ابدا بشيل حملي وبمسح عذابي البي
يا عازة انت أساس شرفك محال ينداس
هولك نضال موروث مرفوعة فوق الراس
|
Post: #26
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 08:58 AM
Parent: #25
كمية الرعب والخوف الذي يسري في جسد السلطة
قبل يوم 6ابربل ما طبيعي
نظام متهالك منتهي
منتظر التشييع
يوم السبت أمرقوا من أي مكان
يوم هز عرش الطاغية
تسقط بس
|
Post: #27
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 12:40 PM
Parent: #26
لم اري سلطة الإنقاذ والكيزان بهذا الخوف
خلال ال 30 سنة الماضية
البشير عنده خطاب للأمة يوم الجمعة (هكذا يقولون)
احمد هارون يطلب من شباب حزبه تظافة الشوارع
في 6ابريل
إستعدادات مكثفة
أبصار السلطة شاخصة في إنتظار نكير
الناس قالوا الروووووب عديل كدا
باقي بس إعلان السقوط
يوم السبت ابقوا كتار
النصر يحوم فوق سما الخرطوم
تحمله اراواح الشهداء
واشواق الثوار وتطلعات المعتقلين
يوم السبت دا يوم كبير
دا يوم كل الشعب السوداني
انجزوا فرضهم وينتظرون التتويج
تسقط بس
|
Post: #28
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 12:58 PM
Parent: #27
البشير عنده خطاب للأمة يوم الجمعة
قبل ساعات من يوم الموكب العظيم
في 6أبريل 2019
دلالات الكلام دا السلطة دي رقدت رز
فقدت زمام المبادرة بقت تشتغل بي رد
الفعل تجاه تحرك الثوار
كل الخطوات اللي قامت بيها السلطة خلال
ال100 يوم الماضية عيارة عن ردود افعال
أصبحت لا تمتلك من زمام المبادرة شئ
الكلام دا تحول كبير جدا في طريق إسقاط
النظام ، وبي حسابات النقاط دي 10/صفر
بالطريقة دي النظام منهار تماما
باقي التشييع بس
تسقط بس
إنت وخطابك
الناس حارسين خطاب تنحي وإستقالة
غير كدا تتبلا انت ونظامك يوم السبت
|
Post: #29
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 04:53 PM
Parent: #28
في خطوة يائسة وبائسة من الكيزان
يدعون للخروج يوم السبت نحو مسجد
جامعة الخرطوم، هذا المسجد له رمزية
مرتبطة بالحرب وينطلقون منه للمعارك
المواهيم ديل عاوزين يستعرضوا قوتهم
للسلطة، وسوف يحاولوا إفتعال معركة
وجر الثوار الي مواجهة، يجب الحذر
وتفويت الفرصة علي الوهم ديل
تسقط بس
|
Post: #30
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-04-2019, 09:15 PM
Parent: #29
يا عتمور الصبر الخوخ
يا ام زروق فاض بينا الكيل
عبي هتافك يا مدخورة
وستفي نارك عز الليل
دوسي الدقن الداست شرفك
كل غباش وبروس الميل
هزي العرش الفيهو العايب
6ابريل عشان البلد ترتاح
6ابريل عشان البلد ترجع
6ابريل عشان سودان بكرة
تسقط بس
|
Post: #31
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-05-2019, 12:11 PM
Parent: #30
بكرة
السبت 6ابريل 2019
مرة أخري سنخرج الشوارع
شاهرين هتافنا
ولسوف تلقانا الشوارع بالبسالات
بشة يخاطب يتكتم يزوغ من الخطاب
ما شغلتنا
الحل في البل
تسقط بس
موكب 6ابريل
|
Post: #32
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-05-2019, 02:05 PM
Parent: #31
ستكون مواكب السادس من أبريل بإسم السودان
الوطن الواحد الساعة الواحدة ظهرا بتوقيت الثورة
في العاصمة والأقاليم علي النحو التالي
-كوستي
-ربك
-الأبيض
-زالنجي
-سنار
-سنجة
-مدني
-المناقل
-الفاشر
-عطبرة
-الجنينة
-القضارف
-كسلا
-بورتسودان
تخرج المواكب السلمية لتسليم مذكرة رحيل النظام الي القيادات
والحاميات والوحدات العسكرية علي حسب الأقاليم
تحديد نقاط التجمع والمسارات تحددها قوي الحرية والتغيير في الأقاليم
#موكب6ابريل
#مدن_السودان_تنتفض
قوي إعلان الحرية والتغيير
٥ أبريل 2019
|
Post: #33
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-05-2019, 09:55 PM
Parent: #32
تخرج الآن مواكب متفرقة للتبشير والتذكير
بالموكب العرمرم بعد ساعات
6ابريل 2019 ابو المواكب وبداية التغيير الكبير
تجمع المهنيين جدد ثلاث نقاط لتجمع المواكب
التي ستتجه نحو القيادة العامة لقوات الشعب المسلحة
ثلاث نقاط رئيسيه
تسقط بس
|
Post: #34
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-06-2019, 12:35 PM
Parent: #33
السادس من أبريل يوم عظيم
يوم عرمرم
يوم الزلزلة
أرواح الشهداء تحلق فوق سماء
القيادة العامة لقوات الشعب المسلحة
يوم إسقاط الطاغية
سقطتت تب
|
Post: #35
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-06-2019, 01:09 PM
Parent: #34
تجمع المهنيين يناشد جميع سكان الخرطوم
بالتوجه الآن للقيادة العامة لقوات الشعب المسلحة
الميس قريب
|
Post: #36
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-13-2019, 07:24 PM
Parent: #35
قلنا ليكم يا كيزان يا مواهيم
دا آخر جدول من تجمع المهنيين
الذي إستمر لأربع أشهر
وكلمناكم دا جدول سقوط النظام
يا جبناء يا لصوص
قطركط صفر
سيقتلعون إقتلاعا من أرض السودان
انتو عار علي التجربة السياسية السودانية
انتو حقبة سوداء في تاريخ السودان
سنحكي عن إجرامكم وفشلكم وجهلكم وجشعكم وظلمكم
للأجيال الجديدة، سنحكي لهم عن إستغلالكم للدين وخداعكم
لأهلنا وسرقة مواردنا
|
Post: #37
Title: Re: جدول سقوط النظام 23مارس - - 6أبريل 2019
Author: عبداللطيف حسن علي
Date: 04-13-2019, 07:53 PM
Parent: #36
ياعطمة الزول الداهية دا منو في التجمع ؟
اقصد من اختار الطريق للقيادة رغم التجمهر وكسر ركبة قبلوا 
يبدو انو الناس ديل ماخدين ككورسات وتدريبات عالية التكنيك علي فن الثورة
|
Post: #38
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-13-2019, 08:05 PM
Parent: #37
تعرف يا عبداللطيف الشباب ديل مدهشين للحد البعيد
ومتناعمين بي صورة عجيبة جدا
كوادر شبابية من مختلف التنطيمات
عملت بي تجرد وما ظاهرين، قاموا بي دور
عندهم خبرة كبيرة في صراع الكيزان في الجامعات
الشباب ديل إنغمسوا في القضية الوطنية
واسقطوا حساباتهم السياسية تماما
علي الرغم من انه الأمن إعتقل أكثر من 60٪
من الشباب ديل في يناير. لكن مافي اي حاجة
وقفت.. لغاية ما سقطت
السودان أكبر من أن يحكمه الكيزان تجار الدين اللصوص
|
Post: #39
Title: Re: جدول سقوط النظام 23مارس - - 6أبريل 2019
Author: عبدالعظيم عثمان
Date: 04-18-2019, 03:16 PM
Parent: #38
Quote: ياعطمة الزول الداهية دا منو في التجمع ؟
اقصد من اختار الطريق للقيادة رغم التجمهر وكسر ركبة قبلوا |
يا عبداللطيف سيذكر التاريخ ان صاحب هذا الإقتراح
هو الباشمهندس : محمد فاروق سليمان
|
|