طبعا السلمية لا تعني عدم الدفاع عن النفس، ومحاولة تجريد المعتدي من سلاحه ومحاولة منعه من الاعتداء بشتى الطرق منها المتاريس ومنها القذف بالحجار ومنها إرجاع قذائف البمبان.
ليس لهذه الثورة من طريق غير السلمية. الجبخانة والسلاح الناري هما مقتل الثورة وهما ما يريده النظام حتى يتمكن من حصد الثوار.
ياسر
03-20-2019, 08:05 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
تحايا الثورة و النضال ود المدير الثائر نعم الكيزان لا يعرفون الا لغة القوة و مليشاتهم الطلابية ف الجامعات و دور العلم تشهد بذلك الاسلام دين لا يقاوم .. و الرسالى بالطبع يكون كذلك و بالتالى سلاحه الناجع هو الحوار و الاقناع و هؤلاء بعيدون عن روح و تعاليم الدين الحنيف لهذا كان او كانت القوة ديدنهم و سلاحهم و منطقهم .. .. و سلميتنا سلاح امضى و اقوى و الذى سيوجعهم هو وقف تدفق المال و الدعم من بعض الدول و المنظمات كسب هذه الدول لصالح الثوار او تحييدهم سيكون فيه الضربة القاتلة و كسر سلبية البعض و الذين يتفرجون على المسيرات بل ع ضرب الثوار و استباحة البيوت مهم جدا و قد يكون هو الفيصل فى المعركة .. نتائج التفكير الايجابى ف كيفية الاستفادة القصوى من معطيات الواقع و ابتكار الادوات و الوسائل و ارساله للمعنيين دون نشره برضو مهم .. و اللهم فرجك و نصرك مودتى و تقديرى
03-20-2019, 09:43 AM
Osman Mahmoud Osman Mahmoud
تاريخ التسجيل: 09-05-2017
مجموع المشاركات: 581
الشعب السودان يكافح بمقاومة مسلحة منذ اكثر من اربعين سنة .. وخاض واحدة من اطول الحروب الأهلية .. المقاومة المسلحة في السودان الآن كلامي كلامك دا ربما هي الأقوى والأكثر عدد وتنوع من الموجودة في كل دول العالم .. يعني بي اختصار تشوف جهتك في السودان دا او اقرب نقطة ليك وطوالي تشيل سلاحك .. الموضوع ما صعب .. وهو حق مشروع لكل سوداني .. الداير يشيل السلاح داااك السلاح.
Quote: تسلحوا حتي تمرقوا واللآ أقعدوا في بيوتكم ؤ كتّر خيّركُم ؤ بارك الله فيكم تب ما قصرتوا ...
بس هنا دي مقاومة سلمية .. يعني عشان ما تقعدوا تعدوها تنظير وكلام كتير. متاح ليك ياخ تشيل السلاح ولكل من اراد، إنضمَّ لأي فصيل لأي مقاومة مسلحة .. لييه تقولوا لأصحاب النضال السلمي، والمقتنعين بذلك شيلو سلاح ..؟
مسألة الدفاع عن النفس في الحراك السلمي تتم بدراسة، ما بي تهور يمكن يضاعف من الضرر ..
بعدين ما من الساهل أي مواطن في الشارع يتدخل عشان يمنع اعتقال او ضرب شخص ..! الموضوع ما فوضى ساي .. والموضوع ما حصّل درجة معركة مفتوحة بين الشعب والشرطة ..! لعلمكم من مصلحة الثورة السلمية نفسها المحافظة على شكل المؤسسات العسكرية برغم المصائب الفيها حتى اسقاط النظام .. وبعد داك الكلام حا يكون عن تغيير النظام. بس في الأول اسقاط النظام.
الناس تواصل بنفس هذا النهج .. وحق الدفاع عن النفس هو حق قانوني وشرعي .. فقط أخي الثائر من أهم شروط السلمية الإنتصار بخسائر اقل .. وكلنا يعلم تأخر الإنتصار، وإطالة مدة الثورة ايضًا هو انتصار .. لأننا بنتكلم عن تربية وطنية .. لازم تترسخ لدي كل سوداني الثورة والإحتجاج وكلمة لا .. ودا اساس التغيير ..
ما تتهوروا ما تستعجلوا اصبروا والفورة مليون.
.
03-21-2019, 12:45 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: العربات تهدي وتتفادي صدمهم وهم يضربوا في الشباب ضرب الجن صدمهم قطر ، تدجين ٣٠ سنة وترويع ما حصل مشروعهم هو مشروع نزع الكرامة والنخوة وتطويع وترويع ملعونين في القبل الاربعة يا كيزان
لعنة الله علي كل كوز وعلي كل من حدث نفسه بالتكوزُن، نلعنهم لأنّ مشروعهم هو ما وصفتيه يا إخلاص ولكنا في نفس الوقت نعيب المتفرجين علي ضرب الشباب والشابات والمتفادين المجرمين خشية أن تدهسهم سياراتهم الفارهة . العيب في الشعب وليس في رباطة عصابة البشير ...
03-21-2019, 12:54 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: واحدين شاهرين كلاشنكوفاتهم يقطعوا الشارع ويضربوا في الرصاص والعربات تقيف لهم وهم جاريين ورا الشباب
الشباب ما قصروا
الشباب ما قصروا فعلاً فهم لقُرآبة الـ90 يوم يجاهدون ولا يجدون المساندة من المواطنين، والمواطنون ليتهم لزموا بيوتهم بدل أن يتفرجوا علي الشباب وهم تحت رحمة هروات الرباطة وأبواتهم . بقدر ماهي مُفرحة جسارة الشباب وشجاعتهم بقدر ما هو مُحبط ومُقرف منظر المواطنين وهم يتجولون وسطهم متسوقين وإلي أعمالهم وأشغالهم بسياراتهم مُنصرفون وكلما وقع شاب أو شابة في قبضة الرباطة وقفوا يتفرجوا مُتلذذين بالفرجة كأنهم في أحد دور السينما !!!...
03-21-2019, 01:00 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: افتكر إنتهت مدة سلمية سلمية ، بعد كده كل زول يطلع بجبخانته
إفتكر يا ترهاقا مسألة سِلمية دي ما تركت بيت وبر أو بيت مَدَر إلآ دخلته وفي المقابل الجميع يسمع ويرى إنها تُقابل بالبطش والسحل والضرب وإستعمال الخوازيق والتفنُن في أصناف العذاب والإضطهاد، نحن نحُث الشباب للتسلُح لا لكي يقابلوا العُنف بالعُنف ولكن ليدافعوا عن أنفسهم طالما الحكاية جابتلها متفرجين ...
03-21-2019, 01:33 PM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 51133
مخجل جدا منظر الذين يتفرجون. ما تنسى 30 سنة من التضليل والكذب وغسل الدماغ. ما تنسى هناك من هم تابعون لجهاز الأمن في هذه العربات وفي هذا الحضور المتفرج بغرض إظهار أن الشارع ليس مع المظاهرات. بل بعضهم يشارك في بداية المظاهرة ثم من أول ضربة بمبان يقومون بالفرار والصياح كي يفر المتظاهرون وبالفعل حدثت بعض المرات.
الشارع في هذه المظاهرات يتدرب على مقاومة الطغيان بصورة عملية ومستمرة.
ثورة سلمية حتى النصر مع كل أساليب الدفاع عن النفس المشروعة. وتكتل الثوار لمنع الاعتقالات والتصدي للذين يضربون.
Quote: قروب المنبرشات احسن ما حصل في الثورة قروب الحيطة والبوهية يواصل المسيرة فاضل قروب العصايا خرطوشهم وعصايتهم لو هم انجلدوا بهم كان عرفوا شئ
نصهم دخل الامن عشان ما ينجلد ويعيش منغنغ ويطلع في رأس الناس وروهم الذلة الجد في الحلة ومحل ما يمشوا
لا بُدّ من قروب العصايا لأن من امن العقوبة اساء الادب، وإفتكر إساءة الأدب ما أصبحت دايرالآ رفع ضو فالكلآب إنتهكت حُرمة بيوت الناس وأسمعتهم أقذر وأفظع الألفاظ وأخذت بناتهم وأولآدهم علي عينك يا تاجر، وذلك كله مرده للمواقف السلبية من قِبل المواطنين وهذه هي عاقبة الفِرجة . إفتكر من يوم بدأت الثورة وحتي اليوم فترة كافية جداً لتغيير النمط الذي يتعامل به الثوار مع هاؤلاء الأنجاس، يعني بعد دا ما يدوهُن فرصة يجو مارين بجنبهم متمسكنين ؤ عاملين فيها حمائم سلآم يتردموا إن أتو متأبطين الشر أو مسالمين وأيّ عسكري يتقبض يتشدّأ ؤ ينجلد لآمن يبول ؤ يتصوّر حتي يُطلق صراحه لأنو في المعتقلآت مافيش رحمة . يأخ أقولكم المواطن البيتفرج زاتو أردموهوا ...
03-22-2019, 03:55 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: الشعب السودان يكافح بمقاومة مسلحة منذ اكثر من اربعين سنة .. وخاض واحدة من اطول الحروب الأهلية .. المقاومة المسلحة في السودان الآن كلامي كلامك دا ربما هي الأقوى والأكثر عدد وتنوع من الموجودة في كل دول العالم .. يعني بي اختصار تشوف جهتك في السودان دا او اقرب نقطة ليك وطوالي تشيل سلاحك .. الموضوع ما صعب .. وهو حق مشروع لكل سوداني .. الداير يشيل السلاح داااك السلاح.
أولاً أنا البحدد جهتي، يعني لا إنت لا غيرك بيقدر يوجهني . ثانياً هذا خارج إطار موضوعنا ...
03-22-2019, 08:47 AM
Osman Mahmoud Osman Mahmoud
تاريخ التسجيل: 09-05-2017
مجموع المشاركات: 581
Quote: أولاً أنا البحدد جهتي، يعني لا إنت لا غيرك بيقدر يوجهني . ثانياً هذا خارج إطار موضوعنا ...
ايواااااا انت والغيرك يعني يقدروا يوجهوا الثوار، وتقول بكل بساطة كتر خيركم أقعدوا في بيوتكم لو ما شلتوا سلاح .. تمام تمام ..!
ما توهم نفسك انا ما قاصدك انت شخصيًا .. الكلام عن اصحاب مثل هذه الأفكار. لأنو الموضوع لو واقف على شخص واحد مثلًا انت ولَّ غيرك أكيد ما خطير .. لكن شوف الردود في البوست دا .. فيه ردود متفقه مع الفكرة .. وصراحة الواحد يستغرب جدًا من طريقة التفكير! ..
سلمية سلمية ضد الحرامية .. ما قادر تستوعب الفكرة .. دي مشكلتك .. يعني ناس مسالمين وبكل سلمية دايرين يسقطوا النظام ومقتنعين بالكلام دا .. برضيك ما فهمت ؟!
حمل السلاح في وجه النظام هو حق اصيل من حقوق أي مواطن سوداني .. وعلى كل من يريد حمل السلاح عليه أن يبين عبر أي وسيلة تناسبه وبوضوح تام وبأي لغة تناسبه بعدم تمثيله او انتساب عمله لثورة ديسمبر المنتصرة.
فقط من يخرج في المواكب والمظاهرات والإعتصامات السلمية حاملًا السلاح وحتى لو وجه سلاحه نحو كلاب النظام فهو لا يمثل الثورة السلمية، ويُعتبر مدوس ينوي تخريب ثورة الشعب السوداني المنتصرة.
كل الثوار يعلمون أن معركتهم هي مع من في القصر وليست مع كلابه ..
كل الثوار يعلمون ان التصدي اللحظي لسيارات الكجر بالحجارة او المتاريس او المبروكة ينصب هذا في ايطار الدفاع عن النفس فقط، ومن اجل انجاح المظاهرة او الإعتصام او غيره من حقوقهم الأساسية.
كل الثوار يعلمون أن هذه الكلاب مرصودة ومعروفة وسيأتي يوم حسابها بالقانون لا بالهمجية ..
كل الثوار يعلمون هنالك من يعمل لجر ثورته السلمية الى ثورة عنيفة وهي خطة واضحة من النظام يستخدم فيها الأغبياء الذين يخدمون خطه ..
وكل الثوار يعلمون أن سقوط النظام بهذه الطريقة يمكن أن يتم في الغد ويمكن ان ينتظر لعام كامل ويمكن أن ينتظر أكثر من ذلك ..
وكل الثوار يعلمون أن هذه هي تجارب عملية في أرض الواقع مع النظام لكي يسلم السلطة، قبل لحظة الحقيقة لحظة العصيان المدني الشامل والإعتصامات المتواصلة في الميادين وتعطيل الحياة نهائيًا في البلاد، وسقوط النظام بالطريقة الصعبة التي لا يتخيلها ولا يستوعبها .. لا النظام ولا اعوانه ثقيلي الحس والدم.
.
03-22-2019, 11:48 AM
عمر التاج عمر التاج
تاريخ التسجيل: 02-08-2008
مجموع المشاركات: 5337
مافي حاجة اسمها مظاهرات أو ثورة سلمية، المظاهرات من الله ما خلقنا بتتم فيها مواجهات بين هراوات الشرطة وبمبانها ورصاصها، وبين أسلحة المتظاهرين التي تبدأ من الطوب والحجارة، وتمر بمرحلة الكر والفر في الأحياء واصطياد التأشيرات، وتنتهي باستخدام الأسلحة الخفيفة والثقيلة، إذن :في حاجة اسمها ثورة مسلحة، وثورة قوية وثورة ضعيفة. الثورة الضعيفة هي التي تستجدي الأمن الا يضربها أو يعتقل افرادها ولكنها ان وجدت فرصة في خصومها حاتدوسهم دوس، يكتبون ملايين التغريدات ليخبروا العالم اننا مسالمون ولكننا نضرب في بيوتنا، والعالم عارف، والقنوات شاهدة، والصحف مصدقة، ولكن الضعيف لا مكان له بين الثورات.. والثورة القوية هي التي تخاف منها قوات الأمن والشرطة، فلا تكاد تعتدي عليها الا من وراء معتقلات وسجون، ولكن طالما هم في الشارع يهتفون ويمارسون حقهم في التظاهر، تنظر إليهم التاتشرات شذرا، يراقبونهم وينأون عنهم حفاظا على أنفسهم لا الثوار. القوة لها مصدرين، الأول والأهم هو الكثرة والغلبة العددية في وجود الثقة والقضية، والثانية هو ان تكون الثورة محمية. تحياتي يا مدير يا كبير.
03-22-2019, 03:31 PM
Kostawi Kostawi
تاريخ التسجيل: 02-04-2002
مجموع المشاركات: 39983
Quote: طبعا السلمية لا تعني عدم الدفاع عن النفس، ومحاولة تجريد المعتدي من سلاحه ومحاولة منعه من الاعتداء بشتى الطرق منها المتاريس ومنها القذف بالحجار ومنها إرجاع قذائف البمبان. ليس لهذه الثورة من طريق غير السلمية. الجبخانة والسلاح الناري هما مقتل الثورة وهما ما يريده النظام حتى يتمكن من حصد الثوار.
حباب أُستاذنا ود الشريف . بكل أسف يا ياسر في ناس فهمهم للسلمية إنو الزول يكسروهو ؤ يدقوهوا دق العيش ؤ ما يرفع إيدو وإلآ إذا رفعا يكون خالف مبدأ السلمية !. هاهي السلمية تُقابل بالوحشيةوقد كثُر المتفرجون من أبناء السودان حتي بدأ التزمُر ملازماً لفديوهات المظاهرات، إفتكر القاء اللوم يجب أن يكون علي المتقاعصين من ناس البلد ...
03-23-2019, 09:59 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: نعم الكيزان لا يعرفون الا لغة القوة و مليشاتهم الطلابية ف الجامعات و دور العلم تشهد بذلك الاسلام دين لا يقاوم .. و الرسالى بالطبع يكون كذلك و بالتالى سلاحه الناجع هو الحوار و الاقناع و هؤلاء بعيدون عن روح و تعاليم الدين الحنيف لهذا كان او كانت القوة ديدنهم و سلاحهم و منطقهم .. .. و سلميتنا سلاح امضى و اقوى و الذى سيوجعهم هو وقف تدفق المال و الدعم من بعض الدول و المنظمات كسب هذه الدول لصالح الثوار او تحييدهم سيكون فيه الضربة القاتلة و كسر سلبية البعض و الذين يتفرجون على المسيرات بل ع ضرب الثوار و استباحة البيوت مهم جدا و قد يكون هو الفيصل فى المعركة .. نتائج التفكير الايجابى ف كيفية الاستفادة القصوى من معطيات الواقع و ابتكار الادوات و الوسائل و ارساله للمعنيين دون نشره برضو مهم ..
حباب الزول السمح محمد بدر الدين . كل ما ذكرت عن الكيزان صحيح ويعرفه القاصي والدآني، وبالنسبة لسلميتنا أهلنا قالوا، العندو ضهر ما بيدقا فوق بطنو، ووضح جلياً أن سلميتنا ما عندها ضهر وقد كثر الدق فوق بطُنا، والسوآد الأعظم لا قالوا خيراً لا صمتو بل إستمراوا قهر الثوار ووقفوا متفرجين !، يعني عادي الواحد يقعُد يتفرج لحدي ما يفتح البنك يحبي لحدي ما يصل الموظف !...
03-24-2019, 02:22 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: لعلمكم من مصلحة الثورة السلمية نفسها المحافظة على شكل المؤسسات العسكرية برغم المصائب الفيها حتى اسقاط النظام .. وبعد داك الكلام حا يكون عن تغيير النظام. بس في الأول اسقاط النظام.
يا راجل مؤسسات شنو البتتكلم عنها إنت سوا كانت عسكرية أو مدنية !، ثم إنت عايز تسقط النظام واللآ عايز تغيّر النظام ؟...
03-24-2019, 02:33 AM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: بس هنا دي مقاومة سلمية .. يعني عشان ما تقعدوا تعدوها تنظير وكلام كتير. متاح ليك ياخ تشيل السلاح ولكل من اراد، إنضمَّ لأي فصيل لأي مقاومة مسلحة .. لييه تقولوا لأصحاب النضال السلمي، والمقتنعين بذلك شيلو سلاح ..؟ مسألة الدفاع عن النفس في الحراك السلمي تتم بدراسة، ما بي تهور يمكن يضاعف من الضرر .. بعدين ما من الساهل أي مواطن في الشارع يتدخل عشان يمنع اعتقال او ضرب شخص ..! الموضوع ما فوضى ساي .. والموضوع ما حصّل درجة معركة مفتوحة بين الشعب والشرطة ..!
يا بني آدم ما تتحمّس في الفارغة ساكت أرجع أعد القرأة عشان تفهم، أو أقرأ العنوان فقط بدون هوّشة بيكفيك . بأختصار ؤ بعد مرور كل هذه الشهور علي الإحتجاح علي سياسات العصابة الحاكمة البلد إتضح إنو الشعب السوداني غير متجاوب مع المحتجين، وعليه أنا أسديت نُصح للمحتجين المتضررين ومن حقهم العمل به أو تركه ...
03-24-2019, 04:53 AM
محمد عبد الله الحسين محمد عبد الله الحسين
تاريخ التسجيل: 01-02-2013
مجموع المشاركات: 11562
ود المدير سلامات اعتقد إنه الناس بتمشي خطوة خطوة و بتقرأ.. و سلمية دي ذاتها أعتقد درجات أو مستويات... يعني الناس ظلعوا مظاهرات ..و الحكومة استخدمت العنف بشكل متزايد...ده في مرحلة معينة بخلي بعض المشاركين في الثورة يترددوا أو يتوقفوا عن المسشاركة... ديل عددهم كم؟؟ ما معروف..لكن أكييد بكون في دهة بترصد و بتقرأ تأثير درجة العنف المستخدم من جانب الحكومة.. و اعتقد تلقائيا بيكون في رد فعل من جانب المتظاهرين في شكل مقاومة..مقاومة بتكون خفيفة شوية...متاريس...رد بمبان..إطلاق حجارة... محاولة لمقاومة الاعتقالات بواسطة مجموعات .. استخدام المولوتوف...و أعتقد دي آخر مرحلة في السلمية...و لما يكون في عنف متبادل..بعض الأطراف المؤثرة بتتدخل عشان تحافظ على النظام...
مجرد وجهة نظر أو تصوّر...يعني العنف المحسوب ممكن يفيد...
03-24-2019, 10:18 AM
HAIDER ALZAIN HAIDER ALZAIN
تاريخ التسجيل: 12-27-2007
مجموع المشاركات: 22731
Quote: بأختصار ؤ بعد مرور كل هذه الشهور علي الإحتجاح علي سياسات العصابة الحاكمة البلد إتضح إنو الشعب السوداني غير متجاوب مع المحتجين، وعليه أنا أسديت نُصح للمحتجين المتضررين ومن حقهم العمل به أو تركه ...
سلامات يا حبيبنا .. بيقولوا اللعوج راي والعديل رأي ..
ونصيحتك سمحة في عمومها اكان تكمل جميلك بدون اقعدوا في بيوتكم دي
لانه في ناس برضهم عاوزين يطلعوا يعبروا عن رفضهم للنظام والحكومة ويطمحوا في تغيير بدون إراقة دم .. وبعضهم بيطلع وعارف انه حا يعتقل وتوجه ليه تهم في ظل نفس النظام والقانون بتهم التظاهر او الشغب او التدجمهر والازعاج وما عاوزها تتحول لإتهام بجرائم جنائية او حيازة سلاح ..
فأدي كل زول فرقة يعبر بإمكانياتو وقدرته على تحمل تبعات رفضه خاصة انه مافي مظلة بتحميهو إلا بعض الناشطين والمتطوعين ومظلات حزبية متهالكة وتعبانة..
ثم اتخيل كدي في زول عندو كلاش .. والا عتر ليهو قرنيت او اربجي وسمع نصيحتك ومرق الشارع..! النتيجة هل هي خوف مليشيات النظام واجهزته والا حايفرحو وينبسطوا جداً بالرزق دا..
ياخي ديل بحثوا بحث عشان يلقوا ليهم خرطوش في شنطة شيوعية وفشلوا فمبالك يخرج ليهو شاب شايل طبنجة..
من ناحية تانية شخصيا بيمثلني تجمع المهنيين رافع شعار سلمية سليمة.. ولو بكرة بقى توجهه الناس تطلع بسلايقها بفتح الحفرة وبطلع ابو عشرة حقي :)
تحياتي
03-24-2019, 10:10 AM
Osman Mahmoud Osman Mahmoud
تاريخ التسجيل: 09-05-2017
مجموع المشاركات: 581
Quote: يا بني آدم ما تتحمّس في الفارغة ساكت أرجع أعد القرأة عشان تفهم، أو أقرأ العنوان فقط بدون هوّشة بيكفيك . بأختصار ؤ بعد مرور كل هذه الشهور علي الإحتجاج علي سياسات العصابة الحاكمة البلد إتضح إنو الشعب السوداني غير متجاوب مع المحتجين، وعليه أنا أسديت نُصح للمحتجين المتضررين ومن حقهم العمل به أو تركه ...
إتضح لي منو انو الشعب السوداني غير متجاوب ..؟ والذين في الشوارع ديل ياتو شعب ..؟! على ما أعتقد اسمها ثورة لإسقاط النظام .. وليست إحتجاج على النظام، لأنو ما ممكن يكون اسمها احتجاج وشعارها اسقاط النظام .. هذه ثورة وليست احتجاج كما يصورها إعلام النظام وحلفائه. بعدين كنا نسميهم ثوار مبادرين ومضحين .. وايضًا من اكتشافات هذا البوست إتضح انهم محتجين متضررين ..
ذي ما تقول يا ريتني لو إكتفيت بالعنوان .. انطباعي كان من عنوان البوست أن كاتبه داعم للثورة وثورجي دمو فاير ومتحمس لقتال النظام بإنطباعات عن بعض ما شاهد وشارك على تصد الشعب السوداني بالقوة في بعض المواقف لكجر النظام، وظن بهذا الإنطباع أن السلمي ما بتنفع مع الشعب السوداني طالما هو يقدر يتصدى وبالقوة للنظام .. من هذا الفهم دخلت البوست عشان اقول ليك: المقاومة الإنت شايفها دي تندرج في خانة الدفاع عن النفس لا تعتبر هجوم، وهي حق مكفول لمن اراد وعلى حسب اللحظة .. فشنو لقيت الفكرة داخل البوست في خط تاني تمامًا .. والفكرة اتضحت تمامًا بعد المقتبس اعلاه .. وللأسف الوقت غير كافي للرد على اوهام النظام .. وخاصة قد أخذ الأمر حقه كاملًا من النقاش وعلى وجه الدقة بعد ثورة سبتمبر 2013 ..
وشكرًا.
.
03-24-2019, 12:47 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
الشعب جيعان لآكِنو جبان شعار إترفع بعد قنعوا الشباب من هبة الشارع وهذه حقيقة لا جِدال فيها . يا جماعة لا تخدعوا نفسكم وأجهوا الحقائق وأبحثوا عن الحلول حتي تضربوا العصابة، مافِ طغيان بيسقط بلآحلآم والأوهام ...
03-24-2019, 12:59 PM
معاوية المدير معاوية المدير
تاريخ التسجيل: 03-24-2009
مجموع المشاركات: 14420
Quote: على ما أعتقد اسمها ثورة لإسقاط النظام .. وليست إحتجاج على النظام، لأنو ما ممكن يكون اسمها احتجاج وشعارها اسقاط النظام .. هذه ثورة وليست احتجاج كما يصورها إعلام النظام وحلفائه. بعدين كنا نسميهم ثوار مبادرين ومضحين .. وايضًا من اكتشافات هذا البوست إتضح انهم محتجين متضررين ..
لتصحيح المفاهيم دي ثورة . مطالبهم وإلتفافهم حولها هو السبب الذي جمعهم لا سوشيال ميديا لا تجمُع مهنيين ...
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
معاوية المدير
ترهاقا
Yasir Elsharif
محمد بدرالدين
Osman Mahmoud
عمر التاج
Kostawi
محمد عبد الله الحسين
HAIDER ALZAIN
فيس بوك
تويتر
انستقرام
يوتيوب
بنتيريست