الثلاثاء 19 مارس 2019 رصد ومتابعة وتوثيق أحداث انتفاضة السودان

10:14 AM March, 19 2019

سودانيز اون لاين
Yasir Elsharif-Germany
مكتبتى
رابط مختصر

الثلاثاء ١٩ مارس:
- إضراب عام للمهنيين والحرفيين والعمال.
- إطلاق حملة المقاطعة الاقتصادية ليوم واحد
(سنصدر لاحقاً رصداً دقيقاً لعدد من السلع والخدمات المرتبطة بالنظام كلياً أو جزئياً والدعوة لمقاطعتها).
- تظاهرات الجامعات والمعاهد العليا.
- مظاهرات ليلية مشتركة بين لجان الأحياء المتجاورة.
- عمل دعائي للجان الأحياء.

تجمع المهنيين السودانيين
9 Std. ·

أنشر كلامك قول
ما تخشى قولة الحقّ
ما ترضى عيشة الذل
يلاك قوم الحق

إضراب المهنيين والحرفيين والعمال

#موكب19مارس
#مدن_السودان_تنتفض

تجمع المهنيين السودانيين
12 Std. ·

موجهــات الإضــراب

◼موجهات عن طبيعة الإضراب :

▪الإضراب الشامل :
ويتم فيه التوقف عن العمل تماماً ويجب الذهاب إلى مكان العمل ورفع مطالب وشعارات الإضراب في مكان العمل ويكون في القطاعات التي لا تؤثر بصورة مباشرة على صحة وحياة الناس، على سبيل المثال لا الحصر :

✔إعتصام طلاب الكليات عن المحاضرات، والأنشطة الأكاديمية والواجبات الدراسية اليومية.
✔ إضراب الصحفيين عن الصحف الورقية والإلكترونية مع الالتزام بنشر الأخبار الطارئة المتعلقة بالسلامة والأمن والكوارث ونشر اخبار الثورة.
✔ شركات القطاع الخاص والقطاعات الإنتاجية، ينفذون الإضراب بعد الوصول إلى أماكن عملهم.
✔ المهنيين والعمال وأصحاب العمل ينفذون الإضراب بعد الوصول إلى أماكن عملهم.
✔ أساتذة الجامعات يقومون بتنفيذ الإضراب بعد الوصول إلى أماكن عملهم.
✔ المصرفيين ينفذون الإضراب الشامل بعد الوصول إلى أماكن عملهم.
✔ البياطرة ينفذون الإضراب بعد الوصول إلى أماكن عملهم مع الالتزام بتغطية الطوارئ.

▪الإضراب الجزئي :
ويكون بالتوقف عن أداء المهام التي لا تؤثر بصورة مباشرة على صحة وحياة الناس، ويتمثل في :

✔ إضراب المحاميين والقضاة ويكون عن كل الأنشطة ما عدا المتعلقة بالثورة والثوار.
✔ إضراب الأطباء وأطباء الأسنان والقائم لأكثر من شهرين عن جميع الحالات ما عدا الطارئة، يستمر كما هو بالالتزام المهني والأخلاقي.
✔ إضراب الكوادر الطبية (الصيادلة، المختبرات الطبية، التمريض، الأشعة، التخدير العلاج الطبيعي) يكون عن جميع الحالات ما عدا الحالات الطارئة في أقسام الحوادث والطوارئ والغسيل الكلوي، الحضانات والعناية المكثفة.
✔ شركات الخدمات مثل الإتصالات والكهرباء والمياه يتم التوقف عن أداء كافة الأنشطة ما عدا الأنشطة الفنية (المهمة لاستمرارية الخدمة).

◼الموجهات الخاصة بشكل الإضراب :

✔يبدأ الإضراب يوم الثلاثاء 19 مارس2019م الساعة السابعة صباحاً لمدة 24 ساعة فقط.
✔ يشمل الإضراب المهنيين والطلاب بالجامعات والعمال والحرفين في الخرطوم والولايات.
✔ الالتزام بالحضور لأماكن العمل في الإضرابين الشامل والجزئي.
✔ الالتزام بلبس ديباجة موحدة للإضراب في المنشأة او الكلية المعينة .
✔ الالتزام برفع شعارات الإضراب مثل إضراب 19 مارس من أجل تحسين وضع المهنيين او للطلاب لا تعليم في وضع أليم، مقتل طالب مقتل أمة.
✔ الالتزام بلبس الزي الذي يوضح طبيعة المهنة ويفضل أن يكون موحداً أو متقارب.
✔ العمل على توثيق الإضراب عن طريق الصور الفوتوغرافية الجماعية والفردية ويمكن عمل فيديوهات تردد فيها شعارات الإضراب.
✔ العمل على توعية الناس بأهداف وطبيعة الإضراب.
✔ رفع إخطار موجز عن الإضراب وأهدافه وطبيعته.
✔ تكوين لجان الإضراب في أماكن العمل.

#موكب19مارس
#مدن_السودان_تنتفض

اقتراح ممتاز

ــــــــــــــ
حسام شبلاق
السلام عليكم معشر الثوار
عندى اقتراح ياريت توصلوه للسادة تجمع المهنيين، زى ماكانت فى مواكب خُصصت للطلاب والعاطلين والخريجين والمرأة ومعظم فئات المجتمع، لكن فى شريحة نحن محتاجين لوقوفهم معانا ياريت يتخصص ليهم موكب باسمهم و أكيد كلنا ح نشارك معاهم لأننا محتاجين وقفتهم معانا.
فئة المعاشيين فئة كبيرة جدا ومن ضمن الفئات المظلومة الأفنو زهرة شبابهم فى خدمة الوطن والآن لايحصلوا الا على الفتات!! معاش لايكفى حتى مصروف شخص لأسبوع واحد!!!
برضو عشان نشوف الجماعة ح يقدرو يقولو عليهم جرزان ومرتزقة ولا ح يلتزموا الصمت بس
ياريت توصلو الإقتراح وأكون شاكر ليكم جدا

وهذا نقد بناء في صفحة تجمع المهنيين:

Obadah Omar
انتو عارفين مشكلتكم شنو بتعملو اعلان الليلة وبكرة الحاجة ! زي الزول البقراء الليلة وبكرة الامتحان لازم لما تعملو كده اكيد ما حيصل لكل السودانيين لكل لو قبل الموعد بيوم كان في نشر انو الحاجة دي حتحصل الله غالب بس لايك لو شايف الكلام صح

تجمع المهنيين السودانيين
9 Std. ·

#حصاد_اليوم
#موكب18مارس
#مدن_السودان_تنتفض

حزب المؤتمر السوداني
2 Std. ·

♻ أساتذة وخريجون من جامعة الجزيرة ينفذون وقفةً ثورية في مجمع الاعدادية
================================

19 مارس 2019
الخرطوم

نفذ أساتذة وخريجون من جامعة الجزيرة وقفةً ثورية في مجمع الاعدادية صباح اليوم الثلاثاء في مدينة ودمدني.
هذا وتنتظم مقار الشركات والمصانع وعديد المؤسسات في سائر البلاد وقفات احتجاجية دعت لها القوى الموقعة على إعلان الحرية والتغيير في إطار جهود المقاومة وفي سبيل اسقاط النظام واحلال بديل ديمقراطي يعبر عن تطلعات الشعب السوداني.

إعلام حزب المؤتمر السوداني
#موكب19مارس

لجنة صيادلة السودان المركزية
3 Std. ·

و يستمر المد الثوري ... و صيادلة السودان في عملهم السلمي و رفضهم لكل أشكال البطش و التنكيل و التلاعب بصحة المواطن و استقرار الدواء وهذا جانب من وقفة احتجاجية لصيادلة الشركات

#لجنه_صيادله_السودان_المركزيه
#موكب19مارس
#مدن_السودان_تنتفض

حزب المؤتمر السوداني
5 Std. ·

♻ عمال وموظفون في شركة ببسي كولا ينفذون وقفةً ثورية
================================

19 مارس 2019
الخرطوم

نفذ عمال وموظفون في شركة بيبسي كولا وقفةً ثورية أمام المقر الرئيس للشركة صباح اليوم الثلاثاء في العاصمة الخرطوم.
هذا وتنتظم مقار الشركات والمصانع وعديد المؤسسات في سائر البلاد وقفات احتجاجية دعت لها القوى الموقعة على إعلان الحرية والتغيير في إطار جهود المقاومة وفي سبيل اسقاط النظام واحلال بديل ديمقراطي يعبر عن تطلعات الشعب السوداني.

إعلام حزب المؤتمر السوداني
#موكب19مارس

الثورة والتغيير ليست فقط مظاهرات وإنما هناك وسائل أخرى مثل وسيلة المقاطعة التي يتم تفصيلها هنا:

ـــــــــــــ
تجمع المهنيين السودانيين
2 Std. ·

ليه نقاطع وكيف ؟؟

تاني نداء لي اهل الحوبة والحارة في العاصمة والولايات وفي القرى والفرقان وفي الحلّال وفي أي بيت. نداء من نوع تاني لا فيه مشي لا هتافات صوت لا بمبان وأكيد ده ولا بهمكم شيّالين تقيلة شباب وشيّالين تقيلة شيوخ وسدّادات فرقة عمّات وخالات وامهات لو الحيل شدّاكم.
لكن ده محلكم زاااتو جيناكم فيه
مقاطعة وحصار الحرامية وشركات الحرامية والنظام والمال السحت ونقاطعهم عشان نقفل بلف مواردهم ال لا مشت لي تنمية لا لي خدمات لا لي مسكين لا مريض وخاصة أهلنا في الريف والولايات البعيدة. لو عيان ساي إلا تجي الخرطوم للعلاج لافي حكيم في المستشفى لا دواء في الشفخانة. لا كمان مشت لي محتاج لأنهم حرامية بتمشي ليهم هم وبتمشي لي أجهزتهم الحامية سرقاتهم وحامية ظلمهم واي جنيه يوصلهم مننا معناه جنيه ضد اولادكم وبناتكم وضد الشهداء أحباب الشعب وضد الثورة.
اها مش جيناكم في محلكم ؟؟
ده هو علمكم وتجربتكم الحسمت ثوراتكم بأقل تكلفة وأقل شهداء وأقل دم ؟؟
مش عملتوتها في أكتوبر وفي مارس ابريل ؟.
يلا اسي عاوزنكم تعملوها مع الأسوأ من ديلك كلهم.
جيبك عندك وايدك عندك ما تدخل ايدك في جيبك إلا تعرف قرشك ماش وين.
ده القرش الأبيض لثورة سلمية ضد الحرامية اها ضد الحرامية دي بقفل بلف قروشنا منهم.
قرش ماشي ليهم أو لي أي واحدة من شركاتهم يشموا قدحة.
طيب الحرامية منو وشركاتهم ياتها ونقاطع منو بعد ليه وكيف دي ح نجي نقعدها ليكم تب بي قائمة كاملة راصدين فيها أهم شركاتهم ف ارجونا في التفصيل نديكم النجيضة بي قائمة كاملة وكده ح ننشفهم لما ننشف خزينتهم وينشف ريقهم وبردلب يقعوا ونقوم نحن.
يلا دي محلاتكم والبيوت انتو اسيادها اعرفو قروشكم ماشة وين ولي منو.
والشعار جنيهنا يحرم عليهم وعلي شركاتهم
و كده ح تبرك رب
وتسقط تب
وننهض هوووب

#حنبنيهو

تجمع المهنيين السودانيين
8 Std. ·

#حصاد_اليوم
#موكب19مارس
#مدن_السودان_تنتفض