موقِعة ذآت السرآوِيّل ...

موقِعة ذآت السرآوِيّل ...


03-17-2019, 05:08 AM


  » http://sudaneseonline.com/cgi-bin/sdb/2bb.cgi?seq=msg&board=500&msg=1552795735&rn=0


Post: #1
Title: موقِعة ذآت السرآوِيّل ...
Author: معاوية المدير
Date: 03-17-2019, 05:08 AM

05:08 AM March, 16 2019

سودانيز اون لاين
معاوية المدير-بكندا محافظة البرتا
مكتبتى
رابط مختصر




Post: #2
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 05:14 AM
Parent: #1

قالوا العربي وِدِر مِنّو شِلِن في السوق، لآفي يفتِش ؤ يسوي
غايتو أنا قبل الليلة نفر دي النادرة ما بِقت علي !!!.

غايتو قبل الليلة نفر دي النادرة لا حِكت لا بِقت !.
فعلاً أمر مُثير للدهشة والإندهاش والخُلعة كمان،
شي لا يُصدق أبداً . والله صحي ...

Post: #3
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 05:24 AM
Parent: #2

العُهدة يا بشر، في حاجة أسِما العُدة ؤ في القوات النظامية النظامي
قبل ما يستلم الشُغُل بيمشي يستلم العُهدة والعهدة في القوات
النظامية يكون المنتمي للقوات النظامية مسئول عنها مسئولية
تآمة، خاصةً السلآح من الصاروخ للعصاية .
القاش عُهدة، الأظبليطة عُهدة، شنطة الجِرآية عُهدة، الخوذة عُهدة،
النياشين عُهدة، الشرلبلت عُهدة والبناطلين عُهدة فكيف زول بتاع
قوات نظامية ينسى بنطلونو في حلبة المظاهرة !، أيوا نسيان
أرجو الناس ما تحولآ لشِي تاني ...

Post: #4
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 05:30 AM
Parent: #3

غايتو نفر دِي النادرة أظنها في تأريخ البشرية ما حصلت !،
عِشان كدي أنا مِتعجِب ؤ مستغرِب ؤ يا ريت ألقى تفسير
للحادثة دي عِلماً بأنها تكررت !، هسّع العسكري دا يمشي
يقول للضابط المسئول شِنو ؟ ؤ ياربي مشى شكلو كيف،
ؤ بعد نِسى البنطلون هل كان لآبس حاجة تحت بنطلون
السجم دا ؟.

إنتو دحيّن مُش في وآحد قال، نحن جنودنا ما بيجرو ؟،
ؤ وآحد قال مستعدين يحمو النظام ؤ يدافعو عنّو
بأرواحهم ؟، وأظِنّو نفس الزِويّل ...

Post: #5
Title: Re: موقِعة ذآت السرآوِيّل ...
Author: ABUHUSSEIN
Date: 03-17-2019, 05:32 AM
Parent: #3

سلام يا أصلع
ســؤال :-
ثوار بري هم البملصو للكجر بناطليهم يعني بالإكراه ...؟؟؟
و ل
الكجر براااااااااااااااهم بمصلوا بناطلينهم دي ..؟؟؟؟؟


Post: #6
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 05:40 AM
Parent: #5

Quote: سلام يا أصلع
ســؤال :-
ثوار بري هم البملصو للكجر بناطليهم يعني بالإكراه ...؟؟؟
و ل
الكجر براااااااااااااااهم بمصلوا بناطلينهم دي ..؟؟؟؟؟


سلآم يا رآستا .
تصدق أنا زآتي الحكاية دي محيراني !، عموماً في ملص حاصل
وسط الجماعة ديّل، ومسألة الإكراه دي ما ظنيتا وآردة، يبدو
إنّو في تراجي بين الطرفين، أُووووبس أقصد تراضي فوقعت
الجيّم رُب في محل الضاض، عفواً يا أُستاذة .
لكن يا ربي يخلو السراويل ؤ ما يشيلوها معاهم ليه ؟...

Post: #7
Title: Re: موقِعة ذآت السرآوِيّل ...
Author: محمد بدرالدين
Date: 03-17-2019, 06:30 AM
Parent: #6


تحايا الثورة و النضال
ابداع والله استاذ معاوية
عنوان رائع و موفق جدا
موقعة ذات السراويل
دسامة و ضخامة العنوان يكفى
ليبوح بكل شىء
.. سلمت يمينك
و اللهم نصرك و فرجك عاجلا
مودتى و تقديرى

Post: #8
Title: Re: موقِعة ذآت السرآوِيّل ...
Author: adil amin
Date: 03-17-2019, 03:03 PM
Parent: #7

Quote: موقِعة ذآت السرآوِيّل ..


السروايل دي كانت مليانة قمل وختوها في الشمس حسب توجيهاتك يا ود المدير "المقررررد"
جو الثوار شالولها قالو غنائم
وعلى قدر اهل العزم تاتي العزائم
انتو اقلعو كلاش ولي دوشكا
عشان نزغرت ليكم
يا حكامة كندا

Post: #9
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 03:34 PM
Parent: #8

Quote: تحايا الثورة و النضال
ابداع والله استاذ معاوية
عنوان رائع و موفق جدا
موقعة ذات السراويل
دسامة و ضخامة العنوان يكفى
ليبوح بكل شىء
.. سلمت يمينك
و اللهم نصرك و فرجك عاجلا
مودتى و تقديرى


حِميّد يا حبيب يُرفع لك التمام يا مناضل .
نسأل الله أن ينصر الثورة ويُكلل مجهود الشباب بالنجاح .
يأخ القوات النظامية دي علي مر العصور والأجيال كانت
مضرب مثل للشجاعة والبسالة والمروءة، الليلة ناس عمّك
علي عثمان جابولنا هذا المسخ المشوّه الذي يشبههم فكلهم
أشباه رجال .
عليك الله من ربنا خلقك شُفتلك عسكري بيجري يخلّي
سروالوا ؟، هكذا يكون حال البلد عندما يحكمها المخنثين ...

Post: #10
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 03:47 PM
Parent: #9


Post: #11
Title: Re: موقِعة ذآت السرآوِيّل ...
Author: adil amin
Date: 03-17-2019, 03:51 PM
Parent: #10

عدم الشغلة علم القرد المشاط وده مستوى ناس تسقط بس مهرجين ساكت
https://up.top4top.net/


وفي بندول جاهز ليك...اكسترا

Post: #12
Title: Re: موقِعة ذآت السرآوِيّل ...
Author: معاوية المدير
Date: 03-17-2019, 04:12 PM
Parent: #11

Quote: عدم الشغلة علم القرد المشاط وده
مستوى ناس تسقط بس مهرجين ساكت
وفي بندول جاهز ليك...اكسترا


عادل قملة يا قريبي أعرض عن هذا فأنا أخوك ؤ بحبك ؤ دايرك
تِنجلِخ ؤ تحُك كدوبك ؤ تتنفض من القمُل القرّب يكملك دا
فدحين أجآد أخوي لا تقول مهرجين وامِش جيب سروالك من
الهجيرة ...

Post: #13
Title: Re: موقِعة ذآت السرآوِيّل ...
Author: adil amin
Date: 03-18-2019, 04:17 AM
Parent: #12

Quote: عادل قملة يا قريبي أعرض عن هذا فأنا أخوك ؤ بحبك ؤ دايرك
تِنجلِخ ؤ تحُك كدوبك ؤ تتنفض من القمُل القرّب يكملك دا
فدحين أجآد أخوي لا تقول مهرجين وامِش جيب سروالك من
الهجيرة ...


https://up.top4top.net/
حبة الصباح وحبة المسا وصية من دكتور نافع علي نافع
تفارق اولاد الخرطوم بعترف بيك غير كده بس البندول دي يا معاوية المهرج الكبير

Post: #14
Title: Re: موقِعة ذآت السرآوِيّل ...
Author: قسم الفضيل مضوي محمد
Date: 03-18-2019, 09:08 AM
Parent: #13

Quote: بس البندول دا يا معاوية المهرج الكبير

البندول برفع لصاحبك دغتو ...
شوفلو تحاميل احسنلو ...
تحاميل بس ......
.
.
عليك الله يا عادل ما تاخدك بي ابصلعة دا رأفة ...
جيهو جيهة تمام وانا من وراك بجيب ليك الحُجار ......
.
.
.

Post: #15
Title: Re: موقِعة ذآت السرآوِيّل ...
Author: adil amin
Date: 03-18-2019, 09:26 AM
Parent: #14

Quote: البندول برفع لصاحبك دغتو ...
شوفلو تحاميل احسنلو ...
تحاميل بس ......
.
.
عليك الله يا عادل ما تاخدك بي ابصلعة دا رأفة ...
جيهو جيهة تمام وانا من وراك بجيب ليك الحُجار .

اول حاجة بعرفك من وين ؟؟...بتعرف شنو انت عن عطبرة ..؟؟
تاني
انت مع طه سليمان وسنتر الخرطوم وعوض دكام ولي مع تسقط بس ...
الفرز هنا في البوست ده كده بس
المع والضد طه سليمان بس
****
الزول ده جنو سروايل تقول كان شغال في سوق حاج الريح ..
والله الا يقول الروب واسف يا خالي ,,

Post: #16
Title: Re: موقِعة ذآت السرآوِيّل ...
Author: محمد بدرالدين
Date: 03-18-2019, 09:39 AM
Parent: #15


احييك يا دكتور
عطبرة و حاج الريح
تانى الكلام انتهى
زدت البوست جمال ..( و كل اناء بما فيه ينضح ).. و سيتهادى كالاتبرواى فى ترقرقه و سريانه الابدى نحو المصب
جملت نفوسنا و جركت الشجون لجمال و عشق مناطقنا فى وطننا الحبيب
كونوا هكذا ابناء الوطن الجميييل لبنائه بالمودة و المحبة ...
و معا لوطن الحرية و العدل
مودتى و تقديرى

Post: #17
Title: Re: موقِعة ذآت السرآوِيّل ...
Author: adil amin
Date: 03-18-2019, 09:47 AM
Parent: #16

بس يحدد اب صلعة
هو مع طه سليمان ولي مع تسقط بس

Post: #18
Title: Re: موقِعة ذآت السرآوِيّل ...
Author: دفع الله ود الأصيل
Date: 03-18-2019, 10:12 AM
Parent: #13

سلام لو المديرو كل من تداخل مع أو ضد؛رغم مجرد
انطباعي، و لعله كذبٌ ( و إنَّ بعض الظن أثمٌ ) أنك منش لة
الجماعة الرافعين القزاز حبيتين؛ و لكن تسمح لينا بأول أو تاني
تداخل معاك ،أرجو أن يكون موفقاً. دي كبسولة سبق لنا نشرها
ضمن سلسلة "الخيل تجلب و اللغف لي حماد" كانت بعنوان:

® اعترافات مؤلمة لشهيد رغم أنفهπ√.
او إن شئتَ سمها( << مذگرات / شهيد أوانطة)
iهذا، مع اعتذارنا سلفاً لاخنا ( Adil /amin)

[}حيثُ وُجِد جنديٌّ مقتولاً (فطيساً) و في جيبه قصاصة يقول فيها :
إذا ما مُتّ، شهيداً فلا تصدقوا كل شيء . فإن قالت لكم أمي في برنامجٍ
تلفزيونيٍّ هايف : "حمدا لله ، فلقد تحقق لابني ما كان يتمناه من نَيْل شرف
الشهادة في( ساحات الفداء) و كان يقول لي: الوطن دا غالٍ و علينا بذل الدم
و الروح رخيصة دفاعا ًعن ترابه و ذوداً عن حياضه " ؛ فلا تصدقوها أبداً
فأنا لم أقل شيئا من ذلك و أنا مثلكم ، أحب الحياة و أمقت الموت سدىً ، لكنّ
تلك المذيعة ذاتَ الحُمرةِ الفاقعة و ( الجضيمات المُلُسْ)لا بد أنها قد أقنعت أمي
لتقول عني كل ماقالت و هي خالية الذهن عنني لكونها ليستْ أمي أصلاً.

[} أما رفيق سلاحي ذاك الذي حمّل صورة ً لي على صفحته في الفيس فهو
أفاكٌ أثيمٌ و كم مرة طلبت منه أن يساعدني للنفاد بجلدي لكنه كان يتهرّب مني .

[} و أما صاحب الفخامة.. فلا تصدقوه أبدا و هو يتغنّى بِـروحي القتالية العالية
و حبي منقطع النظير للوطن في حفل تأبيني المسمى جزافاً ب (عُرْس الشهيد) .
أترونَ طقمه الأنيقَ ذاك؟ لقد اشتراه من اختلاسه للمعونات المخصصة لنا،
نحن أبناء المساحيق في أرض هذا البلد و وقود للحروب التي هم يوقدونها.

[} أما ابناء أصحاب السيادة و السمو العاطفي فهم إما خارج أسوار الحدود مترفين
يتسكعون بالطرقات و علب الليل في مدن بعيدة تنوم وتصحى على مخدات الطرب.

[} و أما سيّدي المقدّم فربما كانَ حزنه منطقياً قليلاً ، فقد خسر بِـرحيلي مبلغاً
معتبراً كنت أرشوه به بلا أريحية و ولا سخاء ، أنما مُكرهاً أخاك لا بطل على
شكل هدايا عينية أو ( رصيد شحن موبايل) كي أسترد بعضا من حقوقي .

[} و هؤلاء الذين يطلقون الرصاص في الهواء بتشييع جثماني، ترى
من هم؟! لم أرهم أبداً يخرجون معنا في أية سرية او يخوضون أية معركة.
كما أني لم أكنْ بطلاً كما يقولون و لا أعرفشيئا عن البسالة أو شعارات حب
الوطن و القائد الملهم ، و لكن للبندقيةِ إغواءً كما للنساء تستفزُّ الرجولةَ الحمقاء.
إن مُتّ برصاصٍةٍ، أو بقذيفةٍ هاون طائشة تگون فد سقطت سهواً و محض
مصادفةٍ بقربي قدرا، أو إنْ مُتّ قهراً فإنما تتعدد الطلقات و الموت واحد.

[} فلا تصدقوا سوى لحظات انكسارَ أبي و غصةً عنيدةً تغالب حلقه حزنا لفراقي ،
أو تنهيدةَ نبيلةً تخرج من جوف أمي الحبيبةٍ ، و دمعة سخينة تترحلق بجسدها المائي
الحلزوني على وجنتيها ، و لطالما طمأنتُها گذبا بأنْ أكونَ بخير و لكني خذلتها حينما
التحقت (مرتزقا) خارج أسوار الوطن، ليس للجهاد للأسف و لكن لِـمكافحة الفقر
و البحث عن لقمة العيش وحتى أظمن لي ولاسرتي مصدر دخل ثابت.

[} و هذه حقيقة كل واحدٍ منا بمليشيات دعم ( سحق) قوى الشعب العاطلة.
فلا نامت أعين الجبناء و من يتشدقون بِـنضالنا. و لطالما سألت نفسي لماذا
فقط أبناء الفقراء يا قلبي هم ( المقتولون كمد) دفاعاً عن مزعة وطنٍ لا يملكون
شبراً على ترابه؟! وتباع عليهم قبورهم؟!لماذا لم نسمع قط باستشهاد ( مسعولٍ
كبير زاير البلد ؟!) أو ابن أي مسؤول في سبيل الوطن الجريح؟! فهل وجدت
الجواب بعد موتي؟! أنا آسف يا وطني، إذ لم أمت لأجلك و لم احبك يوما ؛
و إنما مت لأجل لقمة العيش في وطن لم يوفر أبجديات متطلبات حياتي!

<< مذگرات / شهيد أوانطة>>

Post: #19
Title: Re: موقِعة ذآت السرآوِيّل ...
Author: قسم الفضيل مضوي محمد
Date: 03-18-2019, 12:12 PM
Parent: #18

.
.
عادل أمين يا فردة ...
انت مفتكر عطبرة دي مركز الكون ولا شنو !!
ولو انت عطبرة دي عاجباك شديد كدة ومكسر فيها قدر دا ...
مالك مرقتا خليتا ومشيت قعدتا في كهوف تورا بورا !!!
بعدين قبل كدة اتفتح بوست في المكان دا عنوانو (خط 17 ونص) ...
كان بتكلم عن عطبرة وناس عطبرة ، مالك ما جيت معتبو يا عادل ؟
ولا انت شغال بمبدأ الخواف ربى عيالو !
.
.
عموما ...
انا من جماعة طه سليمان وسنتر الخرطوم وحرامي القلوب تلّب ...
لكن في البوست دا تحديدا أنا معاك قلبا وقالبا ...
كبع لينا الزول دا كبيع شديد ...
بس كمان اختى الرُكَب عشان تلج كندا بيكون عامل ليه هشاشة في العظام ...
.
.

Post: #20
Title: Re: موقِعة ذآت السرآوِيّل ...
Author: adil amin
Date: 03-18-2019, 04:09 PM
Parent: #19

Quote: احييك يا دكتور
عطبرة و حاج الريح
تانى الكلام انتهى
زدت البوست جمال ..( و كل اناء بما فيه ينضح ).. و سيتهادى كالاتبرواى فى ترقرقه و سريانه الابدى نحو المصب
جملت نفوسنا و جركت الشجون لجمال و عشق مناطقنا فى وطننا الحبيب
كونوا هكذا ابناء الوطن الجميييل لبنائه بالمودة و المحبة ...
و معا لوطن الحرية و العدل
مودتى و تقديرى


حياك الله يا محمد بدر الدين
يا نسمة يا جاية من الوطن
ايام زمان ما برجعن

Post: #21
Title: Re: موقِعة ذآت السرآوِيّل ...
Author: adil amin
Date: 03-18-2019, 04:12 PM
Parent: #20

Quote: عموما ...انا من جماعة طه سليمان وسنتر الخرطوم وحرامي القلوب تلّب ...لكن في البوست دا تحديدا أنا معاك قلبا وقالبا ...كبع لينا الزول دا كبيع شديد ...بس كمان اختى الرُكَب عشان تلج كندا بيكون عامل ليه هشاشة في العظام ...

الزول وده والقذافي وجهين لعملة واحدة يا الحبيب
قال علي من الج.رذان المقملين
وان شاء الله يلاقي نفس المصير
واشتريت عود لي شهرين منتظر تسقط بس ونحن راجعين في المغيرب
يا انا يا هو في عطبرة ...البحر ما يتحمل تمساحين
والسلام تحية

Post: #22
Title: Re: موقِعة ذآت السرآوِيّل ...
Author: HAIDER ALZAIN
Date: 03-19-2019, 09:36 AM
Parent: #21

البتعجب فيك يا شيـخ عادل اميـن انك زول حبوب ووهيــط ..
اي محل تلقاهو بتفرش في برشك وتبروقتك تاخد راحتك وتقعد تحجي الناس ..
حتى وان فرشت تحت ضل سروال عسكري هاري فيهو برضك فارش فارش..

Quote: يا انا يا هو في عطبرة ...البحر ما يتحمل تمساحين


متاكد تمساحين والا تمساح وورل :) ...

Post: #23
Title: Re: موقِعة ذآت السرآوِيّل ...
Author: adil amin
Date: 03-19-2019, 03:30 PM
Parent: #22

Quote: متاكد تمساحين والا تمساح وورل :) ...

خلي يجي يعوم معاي عكس العرق...
اذا قطع البحر تمسا ح اذا اتفنس ورل
اذا اتفنس الختمي يبقى شيوعي في الشمال
واذا اتفنس الانصاري ببقى كوز
هذه "اتفنس" من ادبيات الحزب الشيوعي الرفيعة المستوى
وينو سيد البوست بلع البندول؟؟
فاتح لينا دكان هدوم في البورد