Post: #1
Title: يا جماعة شنو حكاية فناننيين البقو ابواق للنظام ديل..!
Author: د. بشار صقر
Date: 03-15-2019, 03:13 PM
Parent: #0
03:13 PM March, 15 2019 سودانيز اون لاين
د. بشار صقر-
مكتبتى
رابط مختصر
...
فرفور.....البتقال عنه ان صح حاجة شينة خالص....
وطه سليمان...يقال عندو حفلة في ماليزيا كان بروج لنظام المؤتمر الوطني....فركشته الثوار...
وتانيين ...
..... ......
زمان عمالقة الفن يغنون للحريات و قيم التحرر....وكانو ايقونات تحررية....حيقية
اما في زمن هذا النظام فان حال بعد المنتمين للفن بتحنن ....
ماذا يبقى للفنان عندما يتحول الى بوق ...............................................لنظام فاسد... و منبوذ...
|
Post: #2
Title: Re: يا جماعة شنو حكاية فناننيين البقو ابواق ل�
Author: Asim Ali
Date: 03-15-2019, 06:12 PM
Parent: #1
سلام عليكم
قناعتى ان كثيرين من يعرفون فى الداخل كقوى ناعمه لم تفتح لهم الابواب للانتشار والحركه الا بتقديم تنازلات او هم جزء من اله النظام التى تتحكم وتدير الراى العام.
فى المنبر هنا واحد بيلمع فى فنانه ولما ذكرت له انها ليست الا جزء من النظام وتمارس نوع من الدبلوماسيه الشعبيه للنظام برحلاتها وحفلاتها الاقليميه المثيره للجدل فما كان منه الا دافع عنها واطلق عليها صفه مناضله .
دا غير الكيزان عديل منهم لمعو لفتره وانزووا
|
Post: #5
Title: Re: يا جماعة شنو حكاية فناننيين البقو ابواق ل�
Author: د. بشار صقر
Date: 03-16-2019, 00:16 AM
Parent: #2
هلا عاصم
كلامك صحيح و لكن الثورة و حركة الشارع مفروض يلهمهم على تغيير المسار و المساهمة بصوت عالي في التغيير.... لان التاريخ لن يرحم المتقاعسين عن المساهمة في تحقيق احلام شعوبهم في التحرر
|
Post: #3
Title: Re: يا جماعة شنو حكاية فناننيين البقو ابواق ل�
Author: محمد البشرى الخضر
Date: 03-15-2019, 08:57 PM
Parent: #1
سلام دكتور بشارة
فرفور كان له لقاء في احدى الصحف سئل عن علاقته بجهاز الأمن قال أنه موظف في الجهاز عديل كدا في الشؤون القانونية او ما شابه ما متذكر
لكن موضوع طه سليمان مختلف, الحفل الاشرت ليه كان في الهند وليس ماليزيا وليس لصالح الكيزان الحفل الاصلي طلبت السفارة السودانية الغؤه لأن البوستر كان مكتوب عليه شعار تسقط بس وهو من تنظيم شكرة تتولى تنظيم موضوع العلاج بالهند احد شركائها على ما اعتقد سوداني
وبعد الغاء الحفل قاموا بتنظيم تكريم صغير في مطعم لكن دخل عليهم بعض الشباب في بلطجة واضحة وكريهة تعكس صورة غير كريمة للثوار و نشروا تسجيل لما جرى
هذه الثورة ثورة حقوق ووعي في المقام الأول لذا ليس في صالحها تخوين الناس بلا هدى أو دليل و الاندفاع وراء العواطف الهائجة
|
Post: #4
Title: Re: يا جماعة شنو حكاية فناننيين البقو ابواق ل�
Author: د. بشار صقر
Date: 03-15-2019, 10:32 PM
Parent: #3
هلا البشرى
في مصادر مختلفة عن حفل طه سليمان
نتمنى يكون معلومات المتداولة غير صحيحة ومشكور على التصحيح مكان الحفل
يومين ديل الحكومة زي ابو اللصيق تود تجير اي فرقعة لصالحها ولذلك يتطلب من اي فنان يهمه امر مستقبله ان يكون فتنا في هذه الايام..... الحساسة
|
|