قطية فرتقوا بنو بي قشووو

04:27 PM March, 13 2019

سودانيز اون لاين
حسن ادم محمد العالم-اديس-ابابا
مكتبتى
رابط مختصر

*مثل دارفوري*

*قطية فرتقوا بنو بي قشووو*
هكذا هم اهل دارفور المختصر المفيد كما قال صديقي
الجميل عمر قمر وهذا هو لسان حال البشير وايلا
وعصابة الاسلاميين التي بشرتنا ان البشير قرر
الوقوف في مسافة متساوية من الكل
وسيشكل حكومة كفاءات سودانية لا تستثني
احد ولكن انما أعلن البشير عبر ايلا حكومة
الكفاءات المزعومة اكتشف الجميع انهم نفس
الوجوه والملامح والشبه والامر لا يعدو
ان يكون تدوير نفايات ولكن هذه العبارة
هي عنف لفظي فالافضل ان نستعيض
عنها بقول اهلنا في دارفور
قطية فرتتقوا بنو بي قشووو

التشكيل الحكومي الجديد - قائمة الوزراء

رصد #شبكة_سودان_ناو

1. فضل عبد الله فضل وزيرا لرئاسة الجمهورية.
2. أحمد سعد عمر خضر وزيرا لمجلس الوزراء.
3. أ.د.بركات موسى الحواتي وزيرا لديوان الحكم الاتحادي.
4. د.الدرديري محمد احمد الدخيري وزيرا للخارجية.
5. بشارة جمعة ارور وزيرا للداخلية.
6. محمد احمد سالم وزيرا للعدل.
7. د.محمد أبو فاطمة عبدالله وزيرا للمعادن.
8. اسحق ادم بشير جماع وزيرا للنفط والغاز.
9. د..عثمان التوم حمد وزيرا للري والكهرباء.
10. مجدي حسن يس وزيرا للمالية.
11. الخير النور المبارك وزيرا للتربية والتعليم.
12. حسن اسماعيل وزيرا للاعلام والاتصالات وتقانة المعلومات.
13. رضوان محمد احمد مرجان وزيرا للزراعة والغابات.
14. حامد محمد النور احمد ممتاز وزيرا للصناعة والتجارة.
15. حاتم السر علي وزيرا للنقل.
16. السمؤال خلف الله القريش وزيرا للثقافة والسياحة والآثار.
17. الفريق د.سعاد الكارب وزيرا للضمان الاجتماعي.
18. بحر ادريس ابوقردة وزيرا للعمل والاصلاح الإداري وتنمية الموارد البشرية.
19. ابراهيم يوسف محمد وزيرا للثروة الحيوانية والسمكية.
20. د.الصادق محجوب الطيب الفكي هاشم وزيرا للصحة
21. سهير احمد صلاح وزيرا للتعليم العالي والبحث العلمي.

نجي لرشاقة الحكومة تصوروا جزء من الرشاقة
انو وزراء الدولة عددهم ١٨ وزير ماشاءالله

.
واصدر المرسوم بتعيين ابو بكر عوض حسنين وزير دولة برئاسة الجمهورية
وخالد حسن ابراهيم وامنه ضرار وزيري دولة لمجلس الوزراء
واسامة فيصل وعمر بشير منيس للخارجية
ومصطفي حولي للمالية وابو القاسم الامين بركة وابو القاسم امام وزيري دولة بالحكم الاتحادي
وابراهيم ادم ابراهيم التربية والتعليم
ومني فاروق الاعلام ونهار عثمان نهار للزراعة والغابات
وسعد الدين حسين البشري النفط والغاز
واحمد ادم كابو الري والموارد المائية
ومصطفي محمود النقل والتنمية العمرانية
ومحمد طاهر الامين الثروة الحيوانية والسمكية
وتابيتا بطرس التعليم العالي وسمية اكد الثقافة والسياحة
واحمد محمد عثمان الضمان الاجتماعي

نفس العقلية الخربة هي التي تدير البلد وتشكّل وزارات الترضيات ..
وتوزع في قوت الشعب زي المرارة تريد ارضاء المتحلّقين ..
على قصعة الشعب الخاوية قاتلهم الله بالله السودان ده ..
عايز كمية الوزراء والوزارات ووكلاء الوزارت والجيش الجرار ده ..
عشان يديروا شنو ؟ !! بلد مافضل فيها شي كلو اتنهب وهؤلاء الحرامية ..
لازالوا مصرين على حلب المواطن والسرقة من ماله وقوته ..
عبر الضرائب والجبايات والغرامات بتاعة المحاكم والسمسرة !!! ..
جايين من وين الناس الماعندها إحساس دي بالله .. تبا لهم يأخ ..
تسقط بس .. يغوروا ويفارقونا هم وهؤلاء الجشعين الزيهم ..
وهل جيش الوزراء عديم الاحساس ده ماعارف ..
انه المخصصات البياكلوها في بطونهم دي ياكلوا النار ..
كلها من جيب المواطن المسيكين الغلبان ده ؟ ..
وبرضو عايزين يدوهم من مال اليتامى والمساكين والناس التعبانه ..
المالاقيه تاكل وجبتين في اليوم ولا عارفه تأكل صغارها عيش حاف ..!! ..
قاتلكم الله .. تسقط بس .. تسقط بس .. تسقط بس ..

حبيبنا ودالقوز مشكور علي المرور
تعرف الحكومة دي في ازمه بدليل
ان الجبوري والهندي عزالدين
ومعهم ربيع عبدالعاطي تحسروا
علي حكومة الكفاءات وسكبوا
حبر وكلام كثير ومعه عويل
ولسانهم تسقط بس
اما كبيرهم كمال عمر
عمل مناحة من تعظيم الذات
والبكاء علي الترابي والمؤتمر الشعبي
حتي الوصول لإدانة قياداته من علي
الحاج وغيره وختمها بتسقط بس
اعتقد البشير ذات نفسه سياتي
ذات صباح ولسان حاله تسقط بس

*قطية فرتقوا بنو بي قشووو*
هكذا هم اهل دارفور المختصر المفيد كما قال صديقي
الجميل عمر قمر

============

حبيبنا حسن العالم .. كلام جميل
التحية لأهلنا في دارفور
المثل لخص العملية المهينة في عدة كلمات

يا سلام إذا اردت أن أجاري المثل من واقع أهلنا في الشمال يكون :
(( الساقية فرتقوا وركبوا بي خشبو ))

الغريب أن يكون القبح ملهماً لدينا في السودان
لإنحسار الجمال

تعجز الحروف ..
شكراً حبيبنا حسن ( المثل عجبني مرة )

استاذنا علي عبدالوهاب ليك التحية
القبح اصبح ملهمأ في ازمنة الكيزان
لان نفوسهم خالية من الجمال
لذا اصبح عفاف عارا
والطهر عيبا
والعدل جورا
هولاء يطلون الاشجار الجرداء باللون الأخضر