دبابيس من صحف اليوم 13 مارس 2019 م

12:48 PM March, 13 2019

سودانيز اون لاين
Abdulhaleem Osman-Sudan
مكتبتى
رابط مختصر

من عجايب السودان :
👈 اضافة لما نشرناه من قبل عن استغلال ضعاف النفوس لأزمة السيولة وايهام الناس بأن الصراف الآلي خالي من النقود حتى ينصرف الناس وينفردوا هم بالسيولة داخل الصراف ليسحبوها ببطاقاتهم المتعددة
فقد حكى لي الصديق (اسامة شريف) عن نوع آخر من الاستنكاح وهذه المرة عن طريق رجال القوات النظامية فقد ذهب أسامة بصحبة احد الاصدقاء الى مجمع السجانه لغرض عمل تاشيره لوالدة صديقه التي تنوي السفر الى احدى الدول الخليجية يقول أسامة : قدامنا كان فى اكتر من خمسين شخص وخلفنا اصطف تقريبا" قدرهم وكان هنالك (3) عساكر و معاهم ضابط فى الصاله دى لاحظنا انا وصاحبى المشيت معاهو لامن قربنا (والكلام لاسامة) من الكاونتر الزول الواقف شايل جوازين العسكرى قال ليهو 260 جنيه الراجل دفع المبلغ العسكرى ناول القروش للعسكرى الجنبو و طلع بطاقة صراف آلى و شختها فى الماكينه و بقى شغال كده لامن جاء دورنا أنا قلت لصاحبي ما تديهو كاش اديهو البطاقه و فعلا سددنا رسومنا بالبطاقه لكن اى زول دفع كاش العساكر ما دخولوهو خزنة الحكومه يشيلو الكاش و يشختو بى بطاقتم .... انتهى
📌 زى ديل بي يلموا الكاش دا لحساب منو يا ربي وعندهم كم بطاقة والبطاقة فيها كم 260 جنيه علما بأن مرتب الواحد فيهم لا يزيد عن 2600 جنيه يعني 10 شختات من ابو 260 جنيه والمرتب يخلص و بلموا كم من السيوله علماً بان خدمة المساء من سته لى تسعه
.
📰 من عجايب السودان :
👈 من ضمن الفوضى الكبيرة التي نتجت عن قانون الطوارئ غير استباحة المنازل التي حملتها الفيديوهات المنتشرة فقد برزت ظاهرة أخرى ....
فقد حكى أحد المواطنين بأن مجموعة ترتدي ملابس رسمية دقوا باب منزل والدته وقالوا لها عندنا أمر تفتيش أخته فتحت الباب ودخلو وقفلوا باب الشقه خلفهم وشالوا المفتاح وقالوا ليها جيبي العمله العندك واوعك تكوركي والا حا نضربك قالت له ماعندي اي شي دقيقه اضرب لاخوي اكلمه قلعوا منها التلفون ودخلو فتشوا الشقه وسرقوا دهب امه وأشياء أخرى وتلفون أخته وقالوا ليها لو كوركتي حنضربك هنا وما في زول بجيب خبرك........
📌 تقول لي الطوارئ مقصود منها القطط السمان.....
.
📰 خبر من خارج الصحف السودانية :
👈 آر تي اليوم : أردوغان يصف متظاهرات "بالوقحات والمسيئات للإسلام"..
بعد تداول فيديو بشكل كبير على شبكات التواصل لسيدات يهتفن ويصفرن أثناء مسيرة احتجاجية نسوية تطالب بمزيد من الحريات في يوم المرأة العالمي بتركيا، خرج الرئيس رجب طيب أردوغان ليتهمهن بإهانة الإسلام والأذان ويصفهن بـ"الوقحات".
📌 الكيزان ديل محل ما يكونوا موتن وسمهم المظاهرات
.ه.
.ه.
📰 أخبار اليوم:
👈 ابن عوف زار مصر ونقل رسالة من البشير للسيسي
📌 تسمع ابن عوف تقول دا صحابي ناقل رسالة من عمر ابن الخطاب لكسرى
.
📰 أخبار اليوم:
👈 الأمن يقتحم وكرا غرب أم درمان ويضبط كمية كبيرة ومتنوعة من الأسلحة
📌 هو الأمن دا أصلو ما قاعد يكتشف الأوكار دي الا لما تكون الحكومة مزنوقه في ركن ؟
.
📰 أخبار اليوم:
👈 اتفاق على نشر قوات مشتركة على الحدود بين السودان واثيوبيا
📌 بين الحدود والا داخل الحدود لأنه حسب علمنا الجيش الاثيوبي داخل الحدود
.
📰 أخبار اليوم:
👈 (الوطني) يبحث التحديات في ظل الطوارئ
📌 والله لو بحثتوها في ظل راكوبة غير تسقط بس مافي ليكم طريقة
.
📰 أخبار اليوم:
👈 مبعوث الرئيس الروسي لأفريقيا يزور البلاد الجمعة
📌 أوع يكون جايي يفتش العقرب القتلت زولهم داك
.
📰 أخبار اليوم:
👈 المالية توجه بنك السودان بتوفير السيولة لشراء القمح
📌 ههههها هو البنك كايس سيولة يشرب في حلقه قمح شنو ؟
.
📰 الوطن:
👈 “الإستئناف” تلغي حكم الجلد على (9) متظاهرات
📌 أها الناس الجلدوهم ديلاك حقو يقتصوا من القاضي والا كيف ؟
.
📰 الوطن:
👈 استقالة صلاح كرار من المؤتمر الوطني ومجلس الولايات
📌 أصلا هو كان لا حنظلة لا بطيخة لا مسؤول ولا عنده كتايب ظل
.
📰 مصادر:
👈 (مصادر) تكشف أخطر وثيقة لعزل الإسلاميين في السودان
📌 الاسلاميين عزلوا أنفسهم باكلهم مال الشعب وتبديد خيرات البلد
.
📰 مصادر:
👈 تغتصب الأراضي من المواطنين وتوزعها على نافذين بالقضارف
📌 ياهو دا شغلهم
.
📰 مصادر:
👈 مذكرة إعتقال في مواجهة مسؤول كبير على خلفية التواطؤ مع شركة وهمية
📌 ههههه أها كله زي دا
.
📰 المجهر:
👈 الرئيس “عبدالفتاح السيسي” يؤكد دعم مصر الكامل لأمن وإستقرار السودان
📌 ياعم أمن بلدك الأول
.
📰 السوداني:
👈 مركز المعلومات: خدمات الدفع الإلكتروني بلغت حوالي (80%)
📌 قول والله
.
📰 آخر لحظة:
👈 الشعبي: (وزراء عشقوا السلطة وعايزين يرجعوا بالطوارئ)
📌 والله لو بقوا زي مجنون ليلى برضو حا تسقط بس
.
📰 آخر لحظة:
👈 السجن لـ(34) تلميذ أساس أقاموا حفلاً ماجناً
📌 أها الحفل دا شربوا فيه عصير كابو والا شامبيون
.
📰 الصيحة:
👈 ضبط أسلحو في (أم درمان) ومهمات عسكرية بـ(جبرة)
📌 المرة دي مافي حشود اماراتية مصرية اريتريا على الجبهة الشرقية ؟
.
📰 الصيحة:
👈 أحمد بلال لـ(الصيحة): تعرضت لهجوم كاسح من قيادات بالوطني
📌 على قول المصريين آخر خدمة الغُز علقة
.
📰 الإنتباهة:
👈 (الانتباهة) تكشف ملامح حكومة الكفاءات الجديدة
📌 كفاءات يعينها البشير ؟ ليه جنَّ
.
📰 الإنتباهة:
👈 صلاح كرار لـ(الانتباهة): ملاحقة (الحرامية) تحتاج لـ(من اين لك هذا؟)
📌 زي من أين لك هذا بتاعة المرحوم مجدي ؟
.
.
📌ابووضاح 📌