كان السٍمة الأساسية للوجود الثائر في كل البلد إثمد ( أصلي)، خلاصة إطارات محروقة بِحُب كان جميل ومتجدد..ومواسى يبعث على الأمل نصحى كل صباح ونعرف منه أخبار الثورة وعين شارعنا زي عين العروس نفرح بيهاونغمِز ليها وتضحك مطمئنة وتقول: مسنودة بي شباب، عزوني وسمحوني ، وين غاب؟؟ وما عادت شوارعنا زاهية ونايرة ؟؟ عاود التراب طغيانه على كُحل الشوارع واشتقنا للصيحات وخرمنا للبمبان ودسديس الشباب في الحوش وVPN ..وحول لي رصيد..البيان طلع ، وا خوفي من الصمت المريب وعيون الشارع البيضا ومن زحف التراب اكوام على أثر الشهيد، والدم وكبر الهم
تماضر يا حبيبة الليلة يوم التوب الابيض كحل اللساتك وهتاف الشوارع في ام در البريدها الليلة يبدأ من بيوت رائدات المسيرة ، ناس السريرة الصوفي وفاطنة السمحة وعطر الصندل ومدارس المليك وكل الجميلات المنيرات . ما محتاجين غير حناجر وما معانا الا وعي حاضر ووطن نتمناه عاااالي
وطن لكل بنيه من غير تهميش ولا تكويش دمتي يا حبيبة
Post: #3 Title: Re: كُحل الشوارِع Author: محمد حمزة الحسين Date: 03-07-2019, 12:57 PM Parent: #2
Quote: ، وين غاب؟؟ وما عادت شوارعنا زاهية ونايرة ؟؟ عاود التراب طغيانه على كُحل الشوارع واشتقنا للصيحات وخرمنا للبمبان ودسديس الشباب في الحوش وVPN ..وحول لي رصيد..البيان طلع ، وا خوفي من الصمت المريب وعيون الشارع البيضا ومن زحف التراب اكوام على أثر الشهيد، والدم وكبر الهم
يا تماضر الشعراء أكثر إحساساً ورهافة في الحس والوجدان أسئلتك محل تساؤل وقاموا علينا وشاكلونا ...
تجمع المهنيين بالغ يا تماضر مدة التخفي وراء الأكمة طالت فلا إطمأن الواقفون علي حافة الأرصفة يرفعون أكف الضراعة لنجاح الثورة للإندياح ، ولا برّد حشاء المارقين والمفجوعين بالفقد العزيز ... وكمان عايزين يشككوا في البلدوزرات والذين رهنوا وجودهم بالخروج دون حساب لفواجع الزمن ولا خذلان المناضلين ، ابان صدوراً مليئة بالحسد من نجاحات المؤهلين لمجرد إنهم قالوا ربنا الله ... عايزنها حمرا لكنها ابت تطلع فطلعت بيضاء مكسوة بي توب حبوبا أم الحسن بت أُومحُمّد.
الحبيبة إخلاص المجد بهن..والمجد لهن ، كنت في شارع العرضة .. شهدت إستعراض القوة الجبان للكجر ولاحظت المرة دي معاهم ضباط بي رتب اعتقلوا عدد من الطالبات..الله ينتقم منهم وكمان اعتقال عشوائي ومزاجي ، برجع ليك لاحقاً يا غالية ،
الأخ محمد حمزة الحسين ، ما قادرة اركز معاك بس يا ريت توضح لي منو القالوا ربنا الله؟ ومنو القالوا عايزنها حمرا..؟ ، الثورة ثورة الشعب السوداني المهنيين جزء من الشعب ، والشارع للجميع الشرفاء جميعهم خرجوا ونطقوا بكلمة الحق التي استعصت على الأفواه التي أسكتها السحت. ، خفت على الثورة من الهمود لكن واثقة إنه النصر قريب اصبر لترى نهاية الظلم والظالمين
الأخ محمد حمزة الحسين ، ما قادرة اركز معاك بس يا ريت توضح لي منو القالوا ربنا الله؟ ومنو القالوا عايزنها حمرا..؟ ، الثورة ثورة الشعب السوداني المهنيين جزء من الشعب ، والشارع للجميع الشرفاء جميعهم خرجوا ونطقوا بكلمة الحق التي استعصت على الأفواه التي أسكتها السحت. ، خفت على الثورة من الهمود لكن واثقة إنه النصر قريب اصبر لترى نهاية الظلم والظالمين
Post: #7 Title: Re: كُحل الشوارِع Author: محمد حمزة الحسين Date: 03-07-2019, 02:56 PM Parent: #6
Quote: ، والشارع للجميع الشرفاء جميعهم خرجوا ونطقوا بكلمة الحق التي استعصت على الأفواه التي أسكتها السحت.
يا شاعرتنا المجيدة ... لا تمحقي الشرف والشرفاء ... فالشرفاء والشرف في السودان كثير ... كدا بتظلمي الشعب الغلبان بالبيغدو خماصاً ويروح بطاناً بالحلال وهو ساكت وقابض علي أحر من الجمر غلاء الأسعار المتصاعد يوماً بعد يوم ، بمتوالية هندسية شرسة ديل لا بعرفو تجمع المهنيين ولا سمعوا بالسحت البي يسكت الأفواهـ ... هؤلاء يرون في كل حركة بركة ومنتظرين بركات إيلا في أمل براق تحسيهو في عيوناتم المكحلا بالعرق ... وسعيدين ربنا نجاهم من صدمة معتز لانهم ما بيعرفو للصدمه إلا معني واحد هو عندما تصدم عربة مسرعة ، أحدهم وهو سارع بوزع فيما جادت به غلة اليوم من الكسب الحلال فزلت قدماهـ في نص الأسفلت فصدمته تلك العربه التي يقودها ، رجل سارع في مغازلة حبيبته بالموبايل الآي فون نمرة كم ما عارف ...
ممكن نديك امثله القالوا ربنا الله هم فتية نتمثل لهم بالبلدوزر عثمان ذو النون ... والذين يردونها حمرا هم دونك الساخطين علي الدين والإسلام بفعل رجال فلتت عقالهم وهم يريدون إصلاحاً فحسبوهم الإسلام وصوبوا سهامهم نحو الله والكعبة والعقيدة ... حتي الآن ليس لي وصف محدد لهوية تجمع المهنيين وهم متخفين خلف الحائط ويشجعون الفتيه أن جدعوا واصمدو إنا اليكم قادمون ...
الشوارع حلوة ياخية الشوارع صادقة يابنية الشوارع تهدأ ولا تخون تتجمل وتخرج كل حين تفتن ثوارها وعشاقها الحالمين وتركز اسودا بالبنبان مكحلين وكحلك ياشوارع ماهو سرقة، روجك ياشوارع ما هو شرقه لبسك يا شوارع ما هو خرقة وبوختك يا شوارع ما بوخة مرقة بس دي الشوارع لما تصدق لكل الصادقين فصبرا يا تماضر وشوقا جميلا يقر العين
ازيك تماضر ليك وحشة وسينتصر الشعب هكذا يحدثنا التاريخ
Post: #10 Title: Re: كُحل الشوارِع Author: هاشم الحسن Date: 03-08-2019, 10:23 AM Parent: #1
تحياتي تماضر؛ والبركة في الشوفة.
Quote: وا خوفي من الصمت المريب
قد ذهبت الريبة عن هذا الشعب.. وإن في الصمت لكلمتين، وبس: تسسسسسسسسسسقط بس!
أرخي سمعك! هو الــ"هدوء، ولكنه عاصفــــــة"! والبركان، آت.. آت.. عـلى مهله.
وكمان العجلة من الشيطان ومن أكبر أماني الكيزان، الزي محمد حمزة الحسين. ما شايفاهو كيفن قلقان ويسوّق في الشكوك؟؟
سيأتون، بهدووووء، وكالبركان.. حمم تغلي، وبدون كلفتة.. كدا تمام.. كل يوم موكب صغير، كل يوم قضية.. وكلو تمام.. لأنه يرسخ الوعي عميقا في عقول وقلوب الناس..
بل هو خوف المحبين يا تماضر يحجبهم القرب ويحرقهم الشوق لكنه امر مكتمل نسجت غلالته واحكمت اركانه سقط النظام سياسيا وقبله اخلاقيا وهزم مشروعه الكذوب النهر الخالد يصلح الان هندامه ليعود إلى مجرى تاريخه وسرده الابدى التحدى الحقيقى بناء إنسانيه ما قبل الانقاذ......