Post: #1
Title: دبابيس من صحف اليوم 04 مارس 2019 م
Author: Abdulhaleem Osman
Date: 03-04-2019, 02:12 PM
01:12 PM March, 04 2019 سودانيز اون لاين
Abdulhaleem Osman-Sudan
مكتبتى
رابط مختصر
من عجايب السودان :
👈 الطالب محمد الغالي حارن طالب السنة الاخيرة كلية الصيدلة حكم عليه ب 7 سنوات سجن بتهمة توزيع منشورات ثورية ، بينما ابن الوزيرة تهاني تورالدبة قبض عليه متلبسا في تجارة المخدرات حكم عليه بسنة سجن مع وقف التنفيذ حتي لايتضرر من مستقبله التعليمي.......
📌 هسع دا موش سبب قوي يخلي الناس يقولوا تسقط وتروح في ستين داهية ؟.......
.
📰 خبر لم يرد في الصحف السودانية :
👈 صول الريئس السيسي للخرطوم وعباس كامل مدير المخابرات المصرية ومدير مكتب السيسي الى مطار الخرطوم الساعه 4 صباحا تحت حراسه مشدده وتكتم شديد.....
📌 الحلوة دي قامت تعجن في البدرية والديك بينده كوكو كوكو في الفجرية يللا بينا على باب الله يا صنايعية يجعل صباحك صباح الخير يا اسطى عطية....
.ه.
.ه.
📰 الانتباهة:
👈 معلومات جديدة حول اغتيال إسرائيلي بالجنوب
📌 يا ناس الانتباهة أطلعوا من الجنوب دا
.
📰 الانتباهة:
👈 دخول شاي”تخسيس” غير صالح للاستخدام الآدمي
📌 حقو يسقوهو للناس الجابوهو
.
📰 الانتباهة:
👈 “الطوارئ” تشل سوق العملة...
📌 دي ما الطواري ديل الجماعة الكانوا فوق ونزلوهم لكن لو عادوا حا يكونوا أسوأ مما كانوا
.
📰 الانتباهة:
👈 فك حظر التجوال بنهر النيل
📌 هو بالله كان فيها حظر تجول ؟
.
📰 الانتباهة:
👈 قرار وشيك بإطلاق سراح جميع المعتقلين ومحكومي الطوارئ
📌 قرارات هي والا كوشتينه ال كل لعبة بي توزيعه جديدة دي
.
📰 الانتباهة:
👈 المعارضة تتفاكر حول من يتولى قيادة المرحلة الانتقالية
📌 أوعكم من عجوز يفكر فيها
.
📰 الأخبار:
👈 “الأخبار” تكشف دور المؤتمر الشعبي في حل الحكومة وإعلان الطوارئ
📌 خلوها مستورة
.
📰 الأخبار:
👈 تفاصيل جديدة عن القمح المصري
📌 أيوا شنفوا أذنينا بالله
.
📰 الأخبار:
👈 الرئيس التركي يشيد بالوفد السوداني
📌 الوفد بتاع نافع وأمين ؟
.
📰 الأخبار:
👈 سلفاكير يقطع زيارة داخلية ويعود إلى جوبا لاستقبال أبي أحمد
📌 يلا خلي اسحق فضل الله يتحفنا بي طلسم طلسمين كدا عن الموضوع دا
.
📰 الأخبار:
👈 ضبط شبكة تنشط في تزوير فئات العملة الجديدة
📌 دي الورطة ال بي تفكنا منها شنو ؟
.
📰 الأخبار:
👈 رئيس حزب الأمة الفيدرالي”نهار” يستقيل من البرلمان
📌 خير ما فعلت والله يا نهار
.
📰 الأخبار:
👈 منظمة سودانية: - مسلك”الجزيرة” غير مهني وغير راشد
📌 طولوا بالكم لحدي ما تنتهوا من نقل الكفالة
.
📰 الصيحة:
👈 الكشف عن”144″ شركة حكومية مخالفة للقانون
📌 الحكومة ذااااتها أم 44
.
📰 الصيحة:
👈 بدء صرف مستحقات متضرري حادث الباخرة عشرة رمضان
📌 ماشاءالله.... ياخ دي الطفل ال جدعته أمه ونجا من الغرق داك هسع يكون عرس ولد
.
📰 الصيحة:
👈 البشير : 2019 عام الشباب وافتتاح المدينة الرياضية بعد ثلاثة أشهر
📌 هو من ناحية عام الشباب فهو فعلا عام الشباب لذلك لا مكان فيه للكهن الديناصورات
.
📰 الصيحة:
👈 مباحثات بين البشير ورئيس الوزراء الإثيوبي في الخرطوم اليوم
📌 بعد يرجع من جوبا ؟
.
📰 الصيحة:
👈 السفارة الأمريكية تعلن عن حوار مع السودانيين بـ”فيسبوك”
📌 مرحب ، بس اوعوا لنا من حمار أقصد حوار قاعة الصداقة
.
📰 آخر لحظة:
👈 الحكومة تضع يدها على ملفات الفساد
📌 المشكلة في الملفات دي كوللللها تدق في العتبة بتاعة اخوان ماوكلي
.
📰 آخر لحظة:
👈 ضبط أموال طائلة في طريقها إلى مناطق التعدين
📌 يعني شنو ،، ما ناس ماشين يشتروا دهب
.
📰 آخر لحظة:
👈 تنقلات واسعة لـ”119″ مستشارًا بوزارة العدل
📌 رقم حلو حداشر سبتمبر
.
📰 آخر لحظة:
👈 لقاء مغلق بين قوش ورئيس القضاء
📌 زعتر لي لأمشمش لك
.
📰 آخر لحظة:
👈 اتحاد العمال : شعارنا” تنتج بس وتسكت بس”
📌 غايتو (تسكت بس) دي الاتحاد زين متمكن منها الا (تنتج بس) دي يمكن تغلبكم
.
📰 آخر لحظة:
👈 والي نهر النيل : سنحارب الفساد والمفسدين
📌 ووذلك واضح من محاولتك ارجاع الأراضي التي نزعت من اسامه داؤود واعادتك تعيين معتمد ابوحمد
.
📰 المجهر السياسي:
👈 السجن”4″ أشهر والغرامة في مواجهة”7″ محتجين بالخرطوم
📌 ونعم العدالة
.
📰 المجهر السياسي:
👈 المؤتمر الوطني يعتزم ابتدار اتصالات جديدة مع قوى المعارضة
📌 الا يشوف المعارضه المتهالكه بتاعته ديك
.
📰 المجهر السياسي:
👈 وزير المالية : انخفاض الدولار نتيجة للإجراءات الاقتصادية المستمرة
📌 الدولار لم ينخفض يا وزير المالية صلح كلامك
.
📰 السوداني:
👈 تحقيق لـ”السوداني” يكشف تفاصيل مثيرة حول تجارة الدولار
📌 والله نحن تاني فيلم هناي ما يثيرنا
.
📰 السوداني:
👈 أسرة تتخلى عن توأم سيامي بأحد المستشفيات بسبب الفقر
📌 حسبنا الله ونعم الوكيل
.
📰 السوداني:
👈 توقيف عميل بالخرطوم يعمل لصالح أخطر عصابة اتجار بالبشر
📌 ما عنده علاقة باي اخوان والا ابن دستوري يخارجو ؟
.
.
📌ابووضاح 📌
|
|