(adsbygoogle = window.adsbygoogle || []).push({});طباخ السفير فى رومانيا يروى لايف
Post: #2 Title: Re: *** طباخ سفير السودان فى رومانيا يروى وقسم Author: احمد حمودى Date: 03-03-2019, 03:59 PM Parent: #1
وغندووور يقول مافى رواتب من كم شهر للبعثات الدبولوماسية وغندوور كان عارف ما هو الوزير كل اسبوع 100 الف دولار والكيزان مناشير طالعين ماكلين ونازلين ماكلين وحتى سفارة رومانيا لا ايراد لها كلها جاية من دول الخليج \ شى بالمواد الغذائية وشى بالاوانى المنزلية والله ماهزل هذا زمانك فامرحى لاغزا فيكم بركة يا كيزان يامجرمين
Post: #3 Title: Re: *** طباخ سفير السودان فى رومانيا يروى وقسم Author: طارق عمر مكاوي Date: 03-03-2019, 05:20 PM Parent: #2
سفير مخلوع وشرفان .. وده الحاصل علي مستوي أغلب مؤسساتنا ..
Post: #4 Title: Re: *** طباخ سفير السودان فى رومانيا يروى وقسم Author: منتصر عبد الباسط Date: 03-03-2019, 06:02 PM Parent: #3
هم أصلا لا يطمئنون إلا للفاسدين الفاسد يتم تعيينه وترقيته والشريف تتم تنحيته لأن الفاسد سيسكت للفاسد الآخر فالفساد هو الأصل لديهم من أعلى الهرم كلهم يعين بعضهم ويعضد بعضهم بعضا على الفساد ليبقى النظام الفاسد باقيا.
Post: #5 Title: Re: *** طباخ سفير السودان فى رومانيا يروى وقسم Author: Asim Ali Date: 03-03-2019, 06:29 PM Parent: #3
نموذج من نماذج الفساد حتى هنا فى السودان تختلف باختلاف طبيعه عمل المؤسسه ولكن فى النهايه سرقه واهدار المال باسم الحوافز والاجتماعات وتعيينات للاقارب من دون خبره او كفاءه او حتى شهاده تؤهل للوظيفه. عندنا فى العمل نشاط اافطار كان يخصمو قسرا من المرتبات حاول فعلها معى المحاسب فاخبرته انى لن استلم الا مستحقاتى كامله وسبب رفضى ومقاطعتى له انى عارف انو منشط عام من برامجهم التنظيميه فى العمل وبيمولو هو من قروش العاملين بدل صرو عليه من مال الجهه صاحبه البرنامج. هملو صندوق خيرى حسب ادعائهم واشتراكات شهريه تدفع باستمرار ورغم ذلك الصندوق لايستجيب الا لاشخاص منهم او المؤلفه قلوبهم .وبعض من البسطاء حدثت ليهم ظروف بدل دعمهم حسب الفئات الموجوده فى اللوائح (وفاه /مرض/ محادثه ....) يكون الرد ليهم انتظرو حتى تجتمع اللجنه وتصدق بصرف المبلغ. احد المدراء السابقين قام بتعيين احد قريباته وكانت تحضر لتجلس مع سكرتيرته بعد نهايه اليوم حتى ينتهى من اعماله(اجتماعات وهلمجرا من اسباب الماكله) وتعود معاهو فى سيارتووالمضحك ان فتره انتظارها له تسجل لها ضمن الساعات الاضافيه . داغير من يتاح لهم السفر باسم التدريب والدراسه والمشاركه بالخارج دا فلم براهو. والجراب مليان بمصائب زى دى من نماذج الفساد
Post: #7 Title: Re: *** طباخ سفير السودان فى رومانيا يروى وقسم Author: عبدالعظيم عثمان Date: 03-03-2019, 08:03 PM Parent: #6
السفير دا تعبان تعب الموت معقولة يبركت الزول المسكين دا 100 دولار كل شهر وبالغمتي (بعيد من أنظار الدبلوماسيين) دا زول تعبان وجبان
Post: #8 Title: Re: *** طباخ سفير السودان فى رومانيا يروى وقسم Author: Asim Ali Date: 03-03-2019, 10:07 PM Parent: #7
النوع دا ياجماعه مخلوع - ماداير اقل مستجد نعمه- انما مستجد كل شىء . زى النوع دا لو ما العصابه دى باركه فوق البلد 30 سنه . ازى دا وعينتو كان ممكن يكونو شنو ؟؟؟ واسهامو وقيمتو فى المجتمع كان ممكن يكون شنو ؟؟؟ ناس مصنوعين من طينه نكرات ليصبحو اصحاب مناصب وسلطه والمصيبه ان يمثلوا وطن امام العالم
Post: #9 Title: Re: *** طباخ سفير السودان فى رومانيا يروى وقسم Author: سيف اليزل سعد عمر Date: 03-03-2019, 11:06 PM Parent: #8
سفارات السودان دى فيها فساد اشكال وانواع..
Post: #10 Title: Re: *** طباخ سفير السودان فى رومانيا يروى وقسم Author: muntasir Date: 03-04-2019, 03:39 AM Parent: #9
كلهم من أكبرهم لي اسفلهم وكلهم سفلة ارجعوا لي ٨٩ وشوفوا تاريخهم تعرفونهم السفلة لكن دنيا بت كلب ياخ ديل مفروض يسوا ليهم طابور و تفتيش لباسات زي حق ناس زمان زمن القراية بالجلابية عشان تشوفو العجب تحت البدل أدتكم الدنيا يا اولاد أم زقدة بت الكلب يا رومانيا
Post: #11 Title: Re: *** طباخ سفير السودان فى رومانيا يروى وقسم Author: محمد بدرالدين Date: 03-04-2019, 06:25 AM Parent: #10
عجائب قدرة الله و هذا دليل اخر لفشل مشروعهم الحضارى التمكين للقوى الامين !!! و القوى الامين يسرق عرق مخدومه و للاسف !!! و الترابى يحاول يبرىء نفسه و يقول كانوا اخوان لنا و فتنتهم السلطة !! و هو من يتحمل وزر كل شىء .. لانه معلمهم الاول .. و تستر على كل جرائم و اخطاء حزبه .... لهذا كانت دعوة الحرية و العدالة و الدمقراطية و حكم القانون هذه الحادثة و مثيلاتها .. يجعلنا ان نقف و ننظر م الذى دعى السفير لهذا اهو الفوضى و الترضيات و عدم المساءلة و المتابعة ؟ ام الفساد الذى ضرب كل اجهزة الدولة ام ضعف التربية الحزبية .. و السؤال الملح كيف نتجنب مثل هذا و نصلح حال هؤلاء المساكين خلقا و ننقذ الوطن من مثل هؤلاء و انما الامم الاخلاق ما بقيت فان هم ذهبت اخلاقهم ذهبوا و كيف نجعل الجميع يهتفون وطني لو شغلت بالخلد عنه .... نازعتني إليه في الخلد نفسي ..... اختلاف مناهجنا و رؤانا و افكارنا يجب الا يجعلنا نختلف فى الاخلاق !! يجب ان نتفق ف الاخلاق و الوطن ... و ان لا ياتونا بتبريرات واهية و هم يدفعون بالحقر و الباطل عن عضو حزبهم و مسئولهم الحكومى ان نتعامل بصدق و شفافية دونما غرض مخفى مثلا ان تتحقق من مثل هذه الافادات ان ثبت يحاكم .. و الا يبرىء ساحته انا اتحدث عهد ما بعد الثورة .. لان عهد الظلم و القتل و الكنكشة التمكينية لا مجال معه للعدالة و محاكمة اهل التمكين .. هدانا الله جميعا لما فىه الخير و انها لثورة حتى النصر و هذا تباشيره .ان يتواصل سقوطهم المزرى و يكشف عنه علنا جهارا نهارا بفعل مواطن صالح و ما منبر شات عنا ببعيد و لا قناة البعشوم اللهم نصرك و فرجك مودتى و تقديرى للجميع
Post: #12 Title: Re: *** طباخ سفير السودان فى رومانيا يروى وقسم Author: Elhadi Date: 03-04-2019, 06:47 AM Parent: #11
السفارات والقنصليات مستنقع آخر من مستنقعات السرقة والفساد
والأمر ليس قاصر على رومانيا وحدها بكل تأكيد..
ففي كل سفارة من سفارات وممثليات النظام تشهد عدة أنواع وأصناف من جرائم السرقة والاحتيال والبقوا يتفننوا فيها كمان
لكن أجوع من قصة سفير النظام برومانيا ده ما قابلني، يغش في العزومات باسم السفارة ليوفر حق الأكل له ولأسرته :)
انتو رومانيا دي ما فيها فود استامب ؟؟
Post: #13 Title: Re: *** طباخ سفير السودان فى رومانيا يروى وقسم Author: عبدالعظيم عثمان Date: 03-04-2019, 07:26 AM Parent: #12
الكيزان حرامية مافي شك في ذلك لأنه الشعب بي عفوية شديدة بيهتف كل يوم سلمية سلمية ضد الحرامية
بس قصة سفير رومانيا دي قصة براها ياخي حتى الحرامي بيكون عنده شوية أخلاق الإستقواء على الضعفاء واكل حق الناس المساكين خصلة وسخة شديد زول مسكين ضعيف محتاج يشتغل عمل بسيط تقوم انت تجي تأكل قروشه بالطريقة الدنيئة دي ياخي تبا لك بكل اللغات
Post: #14 Title: Re: *** طباخ سفير السودان فى رومانيا يروى وقسم Author: طارق عبد الله Date: 03-04-2019, 07:35 AM Parent: #1
من صور الفساد أن يكون للسودان سفارة في رومانيا أصلاً بصرف النظر عن هذا السفير!! البلد صغير وغير مؤثر ولا توجد فيه جالية سودانية كبيرة فما الداعي لعمل سفارة هناك وإهدار أموال دافعي الضرائب خصوصاً مع وجود أولويات أكثر إلحاحا داخل الوطن؟
Post: #15 Title: Re: *** طباخ سفير السودان فى رومانيا يروى وقسم Author: Deng Date: 03-04-2019, 08:19 AM Parent: #14
سلام يا حمودي.
الكيزان مستواهم واطي وحقير جدا.
قبل هذا السفير الوضيع، كشفت ويكي ليك عن خطاب لثمان مصطفى إسماعيل يشحت فيه السفير السعودي لكي يذهب للحج على حساب السعودية. وعثمان مصطفى إسماعيل هو نفس الرجل الذي قال "قبل مجئ الاإنقاذ الشعب السوداني كان شحات"
لا أعتقد بأنه يوجد في عالم اليوم أسواء من الاخوان المسلمين.
Post: #16 Title: Re: *** طباخ سفير السودان فى رومانيا يروى وقسم Author: كمال معتصم احمد السيد Date: 03-04-2019, 08:33 AM Parent: #15
للاسف الحكاية ما كوز
... معظم الشعب السوداني
الا من رحم الله
لما يلقى فرصة في المال العام
برتع فيه رتع الغنم الجعانة
عندنا في المستشفى بعض الممرضين
بسرقواحتى الشاش وعدة العمليات....
بالله ما تعملوا لنا فيها الشريف الرضي
Post: #17 Title: Re: *** طباخ سفير السودان فى رومانيا يروى وقسم Author: Yasir Elsharif Date: 03-04-2019, 08:55 AM Parent: #16
Quote: للاسف الحكاية ما كوز
... معظم الشعب السوداني
الا من رحم الله
لما يلقى فرصة في المال العام
برتع فيه رتع الغنم الجعانة
عندنا في المستشفى بعض الممرضين
بسرقواحتى الشاش وعدة العمليات....
بالله ما تعملوا لنا فيها الشريف الرضي
تقول معظم الشعب السوداني؟؟
أفتكر أنك ظلمت هذا الشعب يا كمال!!
وأنت بنفسك قلت: "بعض الممرضين"
Post: #18 Title: Re: *** طباخ سفير السودان فى رومانيا يروى وقسم Author: كمال معتصم احمد السيد Date: 03-04-2019, 09:05 AM Parent: #17
تتخيل حتى لمبات الكهرباء
تتعرض للسرقة من قبل بعض العاملين في المرافق الحكومية ..
هناك ثقافة سيئة في المجتمع السوداني باستباحة المال العام
Post: #19 Title: Re: *** طباخ سفير السودان فى رومانيا يروى وقسم Author: Yasir Elsharif Date: 03-04-2019, 09:09 AM Parent: #18
Quote: تتخيل حتى لمبات الكهرباء
تتعرض للسرقة من قبل بعض العاملين في المرافق الحكومية ..
هناك ثقافة سيئة في المجتمع السوداني باستباحة المال العام
نعم دا حاصل.. ولكن نقطتي هي: ليس من معظم الشعب السوداني!!
Post: #20 Title: Re: *** طباخ سفير السودان فى رومانيا يروى وقسم Author: محمد بدرالدين Date: 03-04-2019, 10:03 AM Parent: #19
السلام عليكم دكتور كمال كتبت (بالله ما تعملوا لنا فيها الشريف الرضي) منو العامل الشريف الرضى ؟
كلنا او معظمنا نستنكر مثل هذه الافعال و لا نرضاها لاحد و لا احد يزكى نفسه على الله .. .. اللهم احفظ البلاد و العباد و اهدنا طريقك المستقيم
Post: #21 Title: Re: *** طباخ سفير السودان فى رومانيا يروى وقسم Author: كمال معتصم احمد السيد Date: 03-04-2019, 11:09 AM Parent: #20
الاخ محمد بدر الدين وعليكم السلام ورحمة الله
قصدي ان استحلال المال العام
ثقافة متجزرة في المجتمع السوداني
وتعتبر نوع من الفهلوة والشطارة
..... والكيزان ما هم إلا افراز لهذه الثقافة السودانية المدمرة ....
لذلك تجد هناك فرق
بين كيزان السودان وتركيا ...
Post: #22 Title: Re: *** طباخ سفير السودان فى رومانيا يروى وقسم Author: محمد حمزة الحسين Date: 03-04-2019, 12:36 PM Parent: #21
مشتريات صيانات ورش عمل كمشنات لي خدمات زبائن عبر السفارة ... ديل الكيزان بشيلو كدا ... لكن... 100 $ من الطباخ عشان كدا انا شككت في الروايا من اصلها وفصلها موش لو حلف ...
قرأت رد منسوب للسفير في الواتساب ينفي كلام الطباخ السوداني ويصفه بالكذب أولاً : الكوز ما تصدقوه حتى لو لحس المكوة حارة . ثانياً : الكوز توقع منه كل أمر مستقبح . ثالثاً : أرسلنا لصديق مقيم في بوخارست لاستجلاء الأمر . لكن أحس الصدق في كلام ود البلد الطباخ . نتريث لنرى .. الكيزان ياكلو مال النبي
Post: #42 Title: Re: *** طباخ سفير السودان فى رومانيا يروى وقسم Author: حسين يوسف مكى Date: 03-07-2019, 10:01 AM Parent: #17
المؤسف والمخجل انه بعضهم علي علم و وعى وادراك وزول تلاقيه عندو شهادات اكاديمية مالية الفضاية، وفي النوع ال يكافي البلا بكون متفقه في الدين و اول من يفسد.. ياخ حاجه محزنة..الناس ديل ما بخجلوا؟ مال السحت ال بياكلوه ده ما بخافوا علي اسرهم .. اللهم زلزلهم زلزالا وارينا فيهم يوما اسود
سلام دكتور ياسر الشريف و التحية عبرك لدكتور كمال المعتصم قبل كم يوم كنت شغال فيلم وثائقي لي جيمي فاردي الكنتا انا جارو في نفس الحارة في شيفيلد تعرف انو في شبه كبير بينك و بين جيمي فاردي يا كمال ؟ https://www.0zz0.com انت جيت متين و مع منو وشايت وين ؟ عشان نقدر نتفاهم و كده و في النهاية ح ارجع لموضوع البوست لانو عندي معلومات ربما تكون مفيدة عن سفير السجم موضوع البوست و التحية ليك يا أحمد حمودي يا حبيب
Post: #24 Title: Re: *** طباخ سفير السودان فى رومانيا يروى وقسم Author: محمد محمد قاضي Date: 03-04-2019, 07:53 PM Parent: #1
Quote: والكيزان ما هم إلا افراز لهذه الثقافة السودانية المدمرة
ما دام ثقافة كيزان تركيا سيم سيم بالله شوف لينا ثقافة أهلك الألمان نقي لينا منهم حاجات كويسة نعمل بيها إفرازات جديدة عسي ولعل@ زولك الكوز المدمر ده طلع الطباخ المسكين ذاااتو كذاب وسعادة السفير عبد الحفيظ العوض وحرمه وخالد طلعوا براءة .. ثقافة متجزرة
@ إذا مل لقيت عند الألمان شوف ثقافة أهلك العرب برضو تسقط بس
Post: #25 Title: Re: *** طباخ سفير السودان فى رومانيا يروى وقسم Author: محمد محمد قاضي Date: 03-04-2019, 07:53 PM Parent: #1
Quote: والكيزان ما هم إلا افراز لهذه الثقافة السودانية المدمرة
ما دام ثقافة كيزان تركيا سيم سيم بالله شوف لينا ثقافة أهلك الألمان نقي لينا منهم حاجات كويسة نعمل بيها إفرازات جديدة عسي ولعل@ زولك الكوز المدمر ده طلع الطباخ المسكين ذاااتو كذاب وسعادة السفير عبد الحفيظ العوض وحرمه وخالد طلعوا براءة .. ثقافة متجزرة
@ إذا مل لقيت عند الألمان شوف ثقافة أهلك العرب برضو تسقط بس
Post: #26 Title: Re: *** طباخ سفير السودان فى رومانيا يروى وقسم Author: محمد محمد قاضي Date: 03-04-2019, 07:53 PM Parent: #1
Quote: والكيزان ما هم إلا افراز لهذه الثقافة السودانية المدمرة
ما دام ثقافة كيزان تركيا سيم سيم بالله شوف لينا ثقافة أهلك الألمان نقي لينا منهم حاجات كويسة نعمل بيها إفرازات جديدة عسي ولعل@ زولك الكوز المدمر ده طلع الطباخ المسكين ذاااتو كذاب وسعادة السفير عبد الحفيظ العوض وحرمه وخالد طلعوا براءة .. ثقافة متجزرة
@ إذا مل لقيت عند الألمان شوف ثقافة أهلك العرب برضو تسقط بس
Post: #27 Title: Re: *** طباخ سفير السودان فى رومانيا يروى وقسم Author: كمال عباس Date: 03-04-2019, 08:12 PM Parent: #26
Hi أخبار سياسية الخارجية: تحقيق حول اتهامات فيديو لسفيرالسودان ببخارست
2019-03-04 19:37:33.000 | مشاهدة 22 | مشاركة الخبر علي : | | طباعة : الخرطوم 4-3-2019(سونا)-أصدرت وزارة الخارجية تعميما صحفيا اوضحت فيه انها اطلعت على فيديو نشرته بعض مواقع التواصل الاجتماعي يتضمن اتهامات لسفير السودان ببخارست، وإذ تؤكد وزارة الخارجية أنها تتابع بدقة كل ما ينشر بشأنها أو شأن منسوبيها، فإنها تطمئن المواطن السوداني بأن للوزارة من اللوائح والنظم ما هو كفيل بالتصدي لأي ممارسات خارجة عن القانون.
كما تؤكد الوزارة أن ما ورد من اتهامات في الفيديو المذكور سيكون موضوعاً للتحقيق وفقاً للقانون واللوائح
Post: #28 Title: Re: *** طباخ سفير السودان فى رومانيا يروى وقسم Author: كمال عباس Date: 03-04-2019, 08:17 PM Parent: #27
يامحمد حمزة حسين اها الخارجية بذات نفسها قررت التحقيق في الاتهامات !! ولم تشكك او تطعن فيها !!
بل تعاملت. معها كاتهمات جادة وتستوجب التحقيق !! هل أنت ملكي اكثر من الملك ؟
Post: #29 Title: Re: *** طباخ سفير السودان فى رومانيا يروى وقسم Author: كمال عباس Date: 03-04-2019, 08:30 PM Parent: #28
اخ كمال معتصم تحية معقولة في سبيل تعميم الجرم وتخفيف وقع فساد الكيزان. تقوم تجرم شعب بحاله وتدمغه بالفساد ونهب. المال العام ؟
اغلب الشعب السوداني طاهر اليد وعفيف ونزيه !! هناك قلة فاسدة نعم !!
اما للكيزان كتنظيم وكوادر فهم اكثر الأحزاب فسادا ونهبا وسرقة !!
حتي في العهد الديموقراطية أيام دولة القانون كانت اكثر أوجه الفساد المثبت. تطالهم - المحلب -القصر العشوائي -سرقة كهربة المسجد بواسطة بدر الدين طه
هل وصف شعبنا عبود بالسرقة والفساد المالي ؟أهل اتهم ازهري او المحجوب او عبد الخالق بالسرقة ؟
النظام الحالي مفسد علي مستوي قمته وكوادره -وهو من استن فقه التحلل واعترف هيئاته بالفساد - من أين للبشير وإخوته وزوجته بهذه الأملاك والثروات !؟ من أين لقادته ومتنفذيه بالثروات الفاحشة ؟ هل اتهم شعبنا أنصار آلسنة بالسرقة وهل اتهم شعبنا او حتي أنصار السنة بالسرقة ؟ هل طالت تهم الفساد صادق عبد الله عبد الماجد او الحبر نور الدايم بالسرقة والنهب ؟
Post: #30 Title: Re: *** طباخ سفير السودان فى رومانيا يروى وقسم Author: كمال عباس Date: 03-04-2019, 08:50 PM Parent: #29
تحقيق الخارجية بس أوعي يكون مجرد. امتصاص للغضب وقتل للقضية الساخنة ثم يعقبه تحلل آو تبرئة !! المهم ان التوثيق والتسجيل. ضروري وهو امر اصبح يقلق مضجع النظام ويهزه مزيدا من الفضح والتعرية والتسجيل -فيس واتساب -يوتيوب ومسجات أسلحة هامة في معاركنا اليومية مع السلطة القمعية والفاسدة !
Post: #31 Title: Re: *** طباخ سفير السودان فى رومانيا يروى وقسم Author: كمال معتصم احمد السيد Date: 03-05-2019, 05:41 AM Parent: #29
الاخ كمال عباس بعيدا عن العواطف والمثاليات
خلينا في أرض الواقع
للاسف استباحة المال العام
هي ثقافة مجتمع عندنا في السودان
تبدأ من سرقة لمبات المرافق الحكومية
والاجهزة الطيبة والادوية والشاش في المستشفيات
وهذا ما نعاني منه في مستشفى بحري
...
معظم من يرتكب ذلك لا علاقة لهم بهم بالكيزان
بل هي ثقافة عامة عندهم ...
والكيزان هم افراز لهذه الثقافة المجتمعية ....
ثانيا ليس كل السفراء كيزان خصوصا في الدول المهمشة
زي رومانيا ...
الكيزان بعينوا ناسهم
في سفارات الدول المحورية
ذات الاهمية والعائد المالي
Post: #32 Title: Re: *** طباخ سفير السودان فى رومانيا يروى وقسم Author: كمال عباس Date: 03-05-2019, 05:51 AM Parent: #31
اخ. كمال معتصم سفير السودان برومانيا كوز منذ الجامعة ،، ثانيا لماذا تحرص وبشدة. علي تبرئة المكيزان وتجريم كافة شعبنا او معظمه بوصمه بالسرقة والنهب او. علي. الأقل التخفيف من وقع نهب الكيزان باعتباره ثقافة وسلوك مجتمعي عام ؟ الكيزان كنظام. قارنه بنظام نميري وعبود والعهود الديموقراطية من حيث الفساد والسرقة ؟ وقارن الكيزان كتنظيم بجماعة أنصار السنة وجماعة صادق عبد الله. عبد الماجد ! وبالأمة والاتحادي حينما كانا حكاما او معارضين ؟؟!! اعني حجم الفساد والنهب نسبيا مقارنة بغيرهم !
Post: #33 Title: Re: *** طباخ سفير السودان فى رومانيا يروى وقسم Author: Deng Date: 03-05-2019, 10:25 AM Parent: #32
Quote: للاسف الحكاية ما كوز
... معظم الشعب السوداني
الا من رحم الله
لما يلقى فرصة في المال العام
برتع فيه رتع الغنم الجعانة
عندنا في المستشفى بعض الممرضين
بسرقواحتى الشاش وعدة العمليات....
بالله ما تعملوا لنا فيها الشريف الرضي
الكوز كمال معتصم.
يعني أنت هسع جاي تبرر للكوز المحتال ده ولا شنو؟
يجب أن لا ننسى فضائح الدبلوماسية السودانية بتاعت حادثتي نيويورك(تحرش جنسي في بار وفي قطار) وكشف الويكي ليك لمصطفى عثمان إسماعيل وهو يشحت في السفير السعودي علشان يدفعوا ليهو قروش الحج. كده قول لنا السلوك المشين ده كان من ضمن سلوك وأخلاق السودانين من قبل الإنقاذ؟؟
Post: #34 Title: Re: *** طباخ سفير السودان فى رومانيا يروى وقسم Author: Yasir Elsharif Date: 03-05-2019, 11:22 AM Parent: #33
يا كمال ياخي الترابي نفسه تحدث عن فساد جماعته وخاصة البشير وعلي عثمان. تاني شنو؟؟
Post: #35 Title: Re: *** طباخ سفير السودان فى رومانيا يروى وقسم Author: كمال معتصم احمد السيد Date: 03-05-2019, 01:10 PM Parent: #33
انا اتكلم عن واقع اعايشه في مستشفى بحري
شغل المثاليات والعواطف ده
ما بقسم معي ...
كل شيء مستباح من قبل الممرضين والعاملين
الاجهزة الطيبة ... الأدوية .. الشاش ... لمبات الكهرباء ..
حتى المراوح لو لقوا فيها فرصة ....
عشان كده قلت دي ثقافة مجتمع باكمله
الا من رحم الله ....
وكم مرة قبضوا ممرض بالثابتة
Post: #36 Title: Re: *** طباخ سفير السودان فى رومانيا يروى وقسم Author: محمد حمزة الحسين Date: 03-05-2019, 01:45 PM Parent: #35
Quote: بل تعاملت. معها كاتهمات جادة وتستوجب التحقيق !! هل أنت ملكي اكثر من الملك ؟
طبعاً مهنيه وكدا يا كمال عباس ... بعدين الفترة منعطف خطير ما بيستحمل الطناش ... نشوف التحقيق حا يقول شنو اريتك تقبل بي نتائجه
Post: #38 Title: Re: *** طباخ سفير السودان فى رومانيا يروى وقسم Author: حاتم إبراهيم Date: 03-05-2019, 10:25 PM Parent: #1
Quote: تتخيل حتى لمبات الكهرباء
تتعرض للسرقة من قبل بعض العاملين في المرافق الحكومية ..
هناك ثقافة سيئة في المجتمع السوداني باستباحة المال العام +++ قصدي ان استحلال المال العام
ثقافة متجزرة في المجتمع السوداني
وتعتبر نوع من الفهلوة والشطارة
شخصت المرض، باقي العلاج.
Quote: النوع دا ياجماعه مخلوع - ماداير اقل مستجد نعمه- انما مستجد كل شىء . +++ ناس مصنوعين من طينه نكرات ليصبحو اصحاب مناصب وسلطه والمصيبه ان يمثلوا وطن امام العالم
عفاريم عليك! الخلعات درجات ومستويات! على مستوى الوطن في ناس مخلوعين حتى بالكهرباء.
___ عادي يكاوشوا حق غيرهم.
Post: #39 Title: Re: *** طباخ سفير السودان فى رومانيا يروى وقسم Author: نادر الفضلى Date: 03-06-2019, 01:09 AM Parent: #38
سفير رخيص .. وأسرته كلها معقول يفرض أتاوة من عامل بسيط (الطباخ) وأخ زوجته معينو بتاع أمن (أذكر فى بوست فى السابق فتح عنه وذكر فيه ماهته ألفين دولار وساكن مع السفير وبيطلع له تذاكر سفر بالطائرة للسودان رغم أن الوظيفة محلية) والزوجة مشتركة فى فساد مواد الأكل الفاخر (اكل وجبات عزومات) ... رضوا أكل السحت لهم ولأبنائهم ولأنهم ما بشر طبيعى ضنو إستغلوا الطباخ يشتغل بدون عطل إسبوعية أو أن يدفعوا له أوفرتايم .. وعندما دفعوا له علاوم من مالية السفارة كان الغرض يدفعها للسفير!!
السكن مجانى بيت السفير .. الأكل مجانى .. النثريات من أتاوات رواتب وعلاوات الموظفين إضافة للشحتة من السفارات (من بلغاريا)
هذه العائلة الرخيصة .. مادياً بتكون عملت شنو ؟. أملاك فى أوربا .. الخليج .. مصر .. السودان؟ وحساب متلتل فى البنك .. بيكونوا مستمتعين ما خجلانين .. !
من الناحية العملية الرسمية أكيد ما فى إنجاز وتنمية علاقات تجارية أو ثقافية مع رومانيا!
صورة السفير عبد الحفيظ العوض سيد احمد الفكي https://www.0zz0.comhttps://www.0zz0.comبعملا النوع دا
انا شفتو الزول دا كان شهيد :)
Post: #41 Title: Re: *** طباخ سفير السودان فى رومانيا يروى وقسم Author: عمر التاج Date: 03-06-2019, 12:24 PM Parent: #40
ديل اختاروهم بعناية عشان يمثلوا بينا مش يمثلونا سوء الاختيار واختلال موازين الترقيات وغياب المحاسبة والتفتيش الدوري و المفاجئ وعدم التدوير الوظيفي بخلق أسوأ من كده
Post: #43 Title: Re: *** طباخ سفير السودان فى رومانيا يروى وقسم Author: نزار عبد الوهاب Date: 03-07-2019, 10:36 AM Parent: #1
Quote: هناك ثقافة سيئة في المجتمع السوداني باستباحة المال العام
دي ما ثقافة دي من باب الناس على دين ملوكهم ... وما شاء الله ملوكنا الكيزان مكفين وموفين فكانت النتيجة تشبه بهم ... لا حولا ولا قوة إلا بالله ... ربنا يفرج عننا بهلاك طغمة الكيزان الفاسدة ...
كراهيه الكيزان وفسادهم لاتعنى صدق كل من خالفهم على المستوى الشخصى يزعجنى جدا ابتزاز الاخرين بغض النظر عن خلفيته ... حتى النضال يحتاج إلى همه وبساله قصه الطباخ اصلها شخصى تهيأ الزمن لعرضها على مسرح الثوره فوجدت صدى وقبول وبمعزل عن هذه المؤثرات ف القصه كثيره الثغرات بل مبدئيه العداله لاترجح جانب على اخر اللهم إلا فى ميل الناس الطبيعى إلى من يرون ضعفه مقارنه بجبروت صاحب السلطه
اهم من القصص الشخصيه التوثيق الواعى لفساد النظام ورموزه
بعملا النوع دا