Post: #2
Title: Re: يا جماعة دة واقع ولا خيال
Author: Osama Mohammed
Date: 02-27-2019, 07:30 AM
Parent: #1
دة تمن السكات زمن طويل .
|
Post: #3
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 07:31 AM
Parent: #1
الواحد قرأ بقدر ما اتاحت له الظروف ومنذ زمن مبكر جدا جدا
قرأ ما تيسر عن الاديان والماركسية والنظريات المثالية
وما تيسر عن تاريخ العالم خيره وشره
وقرأ عن المادية التاريخية
ونظرية التطور
وعن ممارسات الحكام في كل انحاء الكون قديما وحديثا
قراءات متفرقة واستماع
ما يحدث
لم يمر علي حتي في قصص الخيال العلمي ولا الروايات
كتير جدا بتخيل انو دة لا يمكن ان يكون واقع
كأنه كابوس
لا يمكن ان يكون هذا حقيقيا
|
Post: #4
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 07:33 AM
Parent: #3
سكات وين يا اسامة؟
لم يمر العام او نحوه واستشهد 28 ضابط قالوا لا
ولم تفرغ السجون منذ مجيئهم من سجناء الرأي
لم يصمت الجميع
|
Post: #5
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 07:40 AM
Parent: #4
حفظ الابدان مقدم علي حفظ الاديان
من القواعد الاساسية التي قرأتها في مكان ما
واجدها منطقية جدا فالرسول (ص) طلب من احد الصحابة ان يكفر اما معذبيه . حفاظا علي نفسه
ما يحدث الآن لا تبرير له سوي حب الشهوات والسلطة والمال
|
Post: #6
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 07:44 AM
Parent: #5
خليهم القابضين علي السلطة ديل مستفيدين
انا في البجدو ليهم المبررات ويدافعون عنهم تارة بأسم الدين واخري خوفا من الشيوعية و لا اسرائيل ولا
يقال ان يوم القيامة يقف الناس في الصراط ويتمنون الانصراف ولو الي جنهم
|
Post: #7
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 07:51 AM
Parent: #6
بقا المنطق واللغة تأبى علي في التفكير
من هول ما اري واسمع واقرا واشاهد
خذلت في اعضاء هنا ظننتهم يتمتعون بقدر من الذكاء والانسانية والاحساس
ولا الخجل ساي
الواحد يخجل من المجاهرة بما تألفه النفس السليمة من العيب والظلم والقهر
اننا نتجمل امام من يحترمنا او نحترمه
حتي في النكات البذيئة نحجم عن قولها امامهم لأنهم يظنون خيرا بنا
ولكن اتذكر حديث رسولنا الكريم معنا
انهم هتكوا ستر البراء والبريئات فنزع الله عنهم سترهم ونزع منهم الحياء
فكأنهم وعذرا للوصف
كأنهم يتغوطون امام الناس غير مستترين
|
Post: #8
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 07:56 AM
Parent: #7
ياخ اخجلوا واختشوا وقولوا عيب
قولوا آلمكم دهس اطفال دون الخامسة
ولا التسور داخل المنازل والجامعات
ولا
ولا
لكن حكاية منطق وكتابة منمقة
من وين بتلقو نفس تلونو كتابتكم وتنظموها
ما عندكم اطفال ولا اسر
ولا حس
حريقة تحرق عمر البشير ومن والاه ومن دعمه
افسدتم حياتنا افسد الله حياتكم
وتلقوهو في جناكم بل في احب اطفالكم لكم
|
Post: #9
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 08:35 AM
Parent: #8
رضيع ياخ
يا الهي رضيع
الاستهتار في القيادة داخل الاحياء
الواحد في الطريق السريع لو ضرب ليهو كلب بقيف وينزل ويشوفو
هل الطوارئ تبيح القيادة بأستهتار وتهور داخل الاحياء او المدن ؟
ودة ما اول حادث
|
Post: #10
Title: Re: يا جماعة دة واقع ولا خيال
Author: Khalid Abbas
Date: 02-27-2019, 08:42 AM
Parent: #1
فقدنا عنصر الدهشة
|
Post: #11
Title: Re: يا جماعة دة واقع ولا خيال
Author: علي دفع الله
Date: 02-27-2019, 08:54 AM
Parent: #10
قريت عناوين الصحف في مجموعة فيس بوك تاافهة لقيت نفسي جواها
كل العناوين تتكلم عن هبوط سعر الدولار الى 55 جنيه
يا اخي تفوووو علي صحفييكم وصحافتكم
ولا صحيفة نوهت لي موت ودهس الاطفال
يا حفيظ اشعر برغبة الانتقام
موت الاطفال حااار
موت الشباب احر
اهانة المراءة قعطة من للجمر
يا اخي سقوطهم لا يكفينا
|
Post: #12
Title: Re: يا جماعة دة واقع ولا خيال
Author: علي دفع الله
Date: 02-27-2019, 08:55 AM
Parent: #10
مكرر
|
Post: #13
Title: Re: يا جماعة دة واقع ولا خيال
Author: الحجاج الصادق
Date: 02-27-2019, 09:00 AM
Parent: #10
أتفق معك في كل ما ذكرت
تحولات غريبه طالت المجتمع السوداني خلال الثلاث حقب الماضية.
إستكانه غريبه وخنوع غير مبرر
وخوف عظيم من اي تغيير .. كانما نعيش في الفردوس..
السلطان والصولجان تمكنوا منا دونما إنفكاك
كلمة الحق بقت مسيخه
الواحد بيكتب وبطنوا طامه من نفسوا زاتواا
عوووووووووووووووووووووووووع
|
Post: #14
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 09:40 AM
يا خالد
علي
الحجاج
في ياتو ليل نحن
في اي حقبة من حقب قبل التاريخ نعيش
|
Post: #15
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 09:52 AM
Parent: #14
غطي الجبال الليل
لكن صهيل الخيل
لكن هدير السيل
تحت الجبل مسموع
نار الغضب والجوع
تضوي عز الليل
|
Post: #16
Title: Re: يا جماعة دة واقع ولا خيال
Author: Yasir Elsharif
Date: 02-27-2019, 10:03 AM
Parent: #15
| Quote: وتلقوهو في جناكم بل في احب اطفالكم لكم |
سلامات يا عبد الحفيظ يا حبيب
هذا الدعاء غير مناسب، في تقديري. ما ذنب أطفالهم؟؟
سوف أسحب التعليق بمجرد حذفك له، وأتمنى أن تحذفه.
وأنا عارف أنو جاء بالغضب فقط وأن كثيرين يقولون بمثله.
ياسر
|
Post: #17
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 10:18 AM
Parent: #16
ياسر
ديل سدو منافذ الانسانية تجاههم
|
Post: #18
Title: Re: يا جماعة دة واقع ولا خيال
Author: Yasir Elsharif
Date: 02-27-2019, 10:21 AM
Parent: #17
برضو يا حفيظ
لا نأخذ البريء، خاصة الطفل، بجريرة المذنب.
|
Post: #19
Title: Re: يا جماعة دة واقع ولا خيال
Author: محمد حمزة الحسين
Date: 02-27-2019, 12:19 PM
Parent: #18
الدهس و(السكيب) سيكون عمل ممنهج بعد توقف استخدام الرصاص الحي ضد المحتجين ...
ضحايا الدهس قتل غير عمد وهي العفو أو التعويض في شكل ديات ...
لذا الحذر ... الحذر .. الحذر .
رحم الله المتوفى وجعله سلفاً صالح لذويه والزمهم الصبر الجميل .
السكيب مفردة يستخدمها العساكر في التدريب لكسب مزيد من قوة التحمل في حالة الوقوع في ايدي العدو ،
وتعني الجلد المبرح في مناحي متفرقه من الجسم من مجموعة مستعدة في زقاق ضيق ....
أنظر الفديوهات من جامعة مامون حميدة.
|
Post: #20
Title: Re: يا جماعة دة واقع ولا خيال
Author: عبدالحفيظ ابوسن
Date: 02-27-2019, 12:33 PM
Parent: #19
😭😭😭😭
نادت عليهم لمتم
ختت عشاهم وعشتم
وضحكت معاهم وضمتم
ولللنوم خلاص هي غطتم
ورقدت
سرحت بعيد
شافت وليداتا الصغار
والدنيا عيد
لابسين جديد
شايلين فرح ماليه حد
ومارقين علي الشارع نشيد
وسرحت كتير
قالت اكيد
بكبر جناي
ويسندني في الزمن البليد
ببقالي ايد
ويفتح لي باب الراحة
من تعبي العتيد
ويجيني يوم واجرتقم
والحلة كلها تحضرم
واغني وأعلن سيرتم
وزغردت
في سرها
والبسمة عزت ثغرها
وغمضت
وياريتا ما كان غمضت
في لحظة بس اتغيرت
كل الملامح جوة بيت
والحيطة رقدت في الحلم
واتهدا تاريخا السعيد
كجر السجم
عسكر صعاليق الزمن
كتلوا الوليد
والدم نشف جوة الوريد
والدنيا ضاقت كلها
والناس مكتر ذلها
والام صحت في حال جديد
مسخان وعدمان الطعم
مافيه غير هذا الالم
حرقة حشا
ونيران تزيد
يا حاكم البلد البليد
يا شلة الناس الوهم
ام العيال ايه ذنبها
فاكينلها الموت
يداعب حضنها
هذي العصافير الجمال
كيفن تموت من غير دليل
وليشن نكون ما عندكم
غير أمة ما بتسوى القليل
ولمتين تكتلوا كلكم
وما نلقا للقانون سبيل
يا ام مؤيد وجعتك
جاياك من حاكم عميل
جاياك من كوز السجم
الوزع الهم والعويل
جاياك من زولا سكت
خانع ومدسي وذليل
جاياك من كل البيوت
الاصلوا ما هتفت عديل.
لكن وحاة كل الشباب
كل الوليدات العفاف
حقك بجيك في حتتك
من كل ثائر ما بخاف
حقك تشوفيهو ويكون
من الشوارع والهتاف
يا الله صبر أمنا
ويا الله بدل همها
وقوينا نكتل همنا
.........
استغفر الله العظيم..
😭
|
Post: #22
Title: Re: يا جماعة دة واقع ولا خيال
Author: منتصر عبد الباسط
Date: 02-27-2019, 02:05 PM
Parent: #20
الأخ عبد الحفيظ لك التحية
هناك سلاح قوي كان يمكن استخدامه
وكان سيفتك ويقضي تماما على هؤلاء الشرذمة
الفاسدة بعد تعريتهم
لكن للأسف من لم يسمحوا بممارسة هذا السلاح الفتاك.
من قبل من ينسبون للمعارضين ولكن معارضهم للدين أشد
وهذا السلاح هو سلاح تعرية هؤلاء الفئة من دعواهم مبكرا
بأنهم كذبة ومنافقين والدين برىء منهم
وكذلك الأجماع على بيان خطل وبطلان فكر الأخوان
ومخالفته لصحيح الدين وأنه في كتابات حسن البنا أنه
فكر يدعو للإستيلاء على مال وممتلكاتهم الناس بالباطل
بعد الإستيلاء على السلطة هناك كثير من علماء الدين بالسودان وخارجه
يعلم بهذا وهم من مختلف المذاهب والطوائف
لكن لم يجدوا من المعارضة السودانية التقرب منهم
واجتذابهم ومحاولة اجترارهم لكشف زيف الكيزان
وفضحهم بأن لا ثمة علاقة بينهم وبين الإسلام
إلا علاقة الخصومة والتجريم لهم من قبل الدين
هذا السلاح كان يمكن أن يصطحب ويمارس مع غيره
وكان سيحقق نجاح كبير بفضحهم أمام اتباعهم من المستغفلين
لكن الفوبيا من الإسلام الوسطي كانت حاضرة من الكثير
.
|
Post: #21
Title: Re: يا جماعة دة واقع ولا خيال
Author: محمد محمد قاضي
Date: 02-27-2019, 02:03 PM
Parent: #1
تحياتي أبو سن وضيوفك
| Quote: ضحايا الدهس قتل غير عمد وهي العفو أو التعويض في شكل ديات |
محمد حمزة الحسين إنت مجرد من أي حس إنساني (طبعا الكوز أصلا ما بن آدم)
Quote: بكبر جناي
ويسندني في الزمن البليد |
القشير ما عندو جنا عشان كده ما بيحس بآلام الوالدين لمن يفقدو أولادهم
مصيره مصير القذافي وصدام وبئس المصير وتبا للكيزان ومن ولاهم
وتسقط بس
|
Post: #23
Title: Re: يا جماعة دة واقع ولا خيال
Author: عبدالحفيظ ابوسن
Date: 02-28-2019, 12:44 PM
Parent: #21
تشكروا جميعا
|
|