عواسة المؤتمر الشعبي بي قرقريبة على الحاج

09:23 AM February, 22 2019

سودانيز اون لاين
محمد حيدر المشرف-دولة قطر
مكتبتى
رابط مختصر

شكرا للصديق الصحفي انقابو ..

قرأت بيان و (مناصحة) المؤتمر الشعبي .. واري في هذه (العواسه) الخير الكثير ما يصب في صالح الثورة المنتصرة بتسقط بس.

قرأت فيما قرأت عن على الحاج رفضه للقتل .. وكتر خيرو ان يرفض قتل الشباب السوداني .. ذلك الشباب الطالع للشارع بالهتاف ليس الا .. هتاف تسقط بس و ستسقط بس..

شكر الله سعيكم ايها الاسلاميون .. وحسنا فلتوقفوا القتل لو استطعتم لذلك سبيلا .. والشعب السوداني متم امره ولو كرهتم .. امر تسقط بس.

ثم عوسوا عواستكم وتكتلوا مع النظام .. لتاخذوه بعيدا عن محور التطبيع الثقافي مع (فسطاط الشر) لو شئتم.. او ذلك الدجل القديم ...

وفي ذلك نصر سياسي للثورة السودانية .. وتشبيك مصلحي بينها والعالم الحر .. تشبيك لم تسعى اليه ثورتنا الغفارية .. اشعلها الشعب السوداني وحده .. وسار بها وحده .. وسينتصر لها وحده .. لكن زيادة الخير .. خيرين .. بل ثلاثة .. تسقط بس .. وتتلموا كلكم في فسطاط واحد وانتم كذلك.. تتلموا عشان تسقطوا بس.

للثورة مكنيزميتها الداخلية .. ما هي لازم تتقاطع مع مصالح قائمة .. عشان كده كنت طوالي مرحب باي كلام عن انضمام الاسلاميين ليها .. ترحيب راقد فوق راي .. الراي الاول تطهير الخطاب الثوري من اي خطاب اقصائي .. وده حاجة مهمة بالمناسبة .. والراي التاني انو الثورة براها بتصنع اصطفافاتها بصورة تلقائية جدا و ح يتلمو الكيزان كلهم في لباسهم الواحد القذر داك .. على المستوى القيادي اعني .. وبي كده نصل للراي التالت انو الحالة دي ح تضعفهم جدا و سمعنا و ح نسمع بالانشقاقات اكتر وتوسيع الفجوة بين القيادة والقاعدة ..

لم استطع نقل البيان المناصحة لضعف ذاتي في التعامل مع الموبايل

يدكم معانا يا اصحاب .. لو زول ممكن ينزلوا هنا