من عجائب السودان: 👈 وزير الداخلية لي هسع ما عارف سبب كراهية الناس للحكومة...... 📌 أقول لك ولا تزعلشي ؟ . 👈 الريس بي كلامه في اثيوبيا مفتكر طريقة تعامل كتائب الظل والقوات النظاميه وقتلهم للمتظاهرين دي طريقه حضارية 📌 يا ربي يكون قاصد طريقة حمارية ؟ . . 📰 الوطن: 👈 البشير: 2019 عام إسكات البندقية و (كتائب الإسناد) ليست للقتال. 📌 لعلمك يا ريس نحن عندنا بقى اسكات ناس رب رب رب واشباهه أهم من اسكات البندقية . 📰 الوطن: 👈 قوي معارضة تتمسك بتشكيل حكومة إنتقالية. 📌 حكومة انتقالية حكومة بنجالية المهم نزح الكابوس دا . 📰 الوطن: 👈 مجلس التخصصات: إضراب الأطباء خطوة غير مدروسة ومتهورة. 📌 عادي اعتبروها زيها وزي الخطوات غير المدروسة ال بي تطحن فينا ليها 30 سنة دي . 📰 الوطن: 👈 مجلس الوزراء يدرس خطة تنمية حزام الصمغ العربي. 📌 أوع يكون عاوزين يبدلوا الحزام بي (تِكه) والا (كباسين) . 📰 الصيحة : 👈 قيادي بـالوطني يطالب الأجهزة الأمنية بعدم تعرض المعتقلين للأذى. 📌 نعتبرها ليهو تلجه مقبولة . 📰 الصيحة : 👈 وكيل التربية لـ”الصيحة”: على المعلمين المعارين لسلطنة عمان العودة. 📌 للخاذوق ؟ . 📰 الصيحة : 👈 مجلس الصحافة يكشف عن تراجع كبير في توزيع الصحف. 📌 مجلس الصحافة دا عميان من تراجع مستوى المضمون الصحفي ذاتو ؟ . 📰 الصيحة : 👈 البشير يحذر من كتائب إلكترونية هدامة. 📌 قصدو الجداد الالكتروني والا حاجة تانية ؟ . 📰 الأخبار: 👈 مصادر: بنوك تبيع الدولار لمستوردي الأدوية بالسعر الموازي 📌 لو البنوك دي بنوك اسلامية يبقى رزق ساقه الله لهم . 📰 الأخبار: 👈 فرنسا تعلن إحباط محاولة انقلاب عسكري بتشاد 📌 دي بشريات العلاقه مع اسرائيل . 📰 مصادر: 👈 البشير يكشف معلومات جديدة عن كتائب الإسناد 📌 يكون غيروا اسمها من كتائب الظل الى كتائب الاسناد ؟ . 📰 التيار: 👈 تشكيل لجنة لتوفيق أوضاع العاملين في الميناء الجنوبي 📌 خلاص طالما شكلوا لجنة يبقى موضوع الميناء انتهى . 📰 التيار: 👈 أحمد بلال: نشاهد هذه الأيام موجة عارمة من الكراهية 📌 نان هي داب كراهية ؟ كراهية زَبَدها واقف على حيلو . 📰 التيار: 👈 وزير الدولة بالنقط لـــ” التيار أزمة الوقود الأسبوع المقبل 📌 وزير النفط دا العاجبني فيه باله طويل ومابيخجل .
📰 السوداني: 👈 البشير: كتائب الإسناد ليست للقتال 📌 للحنة والتزين ، موش كدا يا وداد ؟ . 📰 السوداني: 👈 ” السوداني ” تتقدم وتحرز المركز الثاني لأكثر الصحف انتشاراً 📌 فرحانين أوي . 📰 السوداني: 👈 تجمع المهنيين: يجب تحرير الدين من الدولة 📌تحرير شنو الدولة دي فقدت الدين زماااان . 📰 المجهر: 👈 مجلس الصحافة يعلن نتيجة التحقق من الانتشار : المجهر في المركز ” الثالث ” من بين “26” صحيفة شاملة 📌 هو المركز الاول يوزع 14 الف يعني التالت كم . 📰 آخر لحظة: 👈 الكاروري: ” الوطني في زنقة كيف مايقبل بحكومة انتقالية ؟” 📌 الوطني يقبل والا ما يقبل مافي زول سائل فيه ذاتو . 📰 آخر لحظة: 👈 توقيف مدير شركة متهم بخيانة الأمانة 📌 عجيييب ، أكيد ما كوز . 📰 آخر لحظة: 👈 وزير الداخلية: جيل الشباب تعرض لإهمال كبير 📌 لكن قادر يجيب حقو من الناس الاهملوهو . 📰 الإنتباهة: 👈 (الإنتباهة) .. (12) عاماً على عرش الصدارة 📌 دا من ايام ذبح الثور الاسود موش كدا ؟ . 📰 الإنتباهة: 👈 إنقلاب بـ(الشعبي) وتكوين أمانة ظل.. 📌 انكسر المرق واتشتت الرصاص ومات الكان بجيب الهواء من قرونو . 📰 الإنتباهة: 👈 معمل “إيثانول” يثبت وجود كحول في حلويات أطفال 📌 ديل اصحاب المشروع الحضاري عاوزين يعلموا الاطفال العرقي .. . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة