Post: #1
Title: دبابيس من صحف اليوم 12 فبراير 2019 م
Author: Abdulhaleem Osman
Date: 02-12-2019, 02:31 PM
01:31 PM February, 12 2019 سودانيز اون لاين
Abdulhaleem Osman-Sudan
مكتبتى
رابط مختصر
🗣 من عجائب السودان:
👈 أصلو ما حصل يوم من الأيام تم تشكيل لجنة للتحقيق في موضوع أو فساد واتيحت للناس فرصة للتعرف على اسماء رئيس وأعضاء هذه اللجنة ولا حصل في زول عرف نتيجة التحقيق......
📌 بس المهم اتشكلت لجنة للتحقيق وانتهينا ،،،، اللي بعده
.
👈 الكيزان عندهم مساكة اسمها د. الجزولي دفع الله أول ما يشعروا انه اللعب فك منهم يجدعوا المساكه تسلمهم اللعب من جديد.
📌 أها الأيام دي شايفهم جدعوا مساكتهم لكن ما أظنها تمسكهم اللعب تاني
.
.
📰 الوطن:
👈 المؤتمر الوطني: لا مجال لحكومة انتقالية
📌 انتو مالكم ومالنا بعد تسقط أن شاءالله نعين (ألفه)
.
📰 الوطن:
👈 السجن و الغرامة لمدانين بالتحريض على التظاهر
📌 ركزوا على الغرامة السجن ما عندكم ليه أكل
.
📰 الوطن:
👈 وفود برلمانية تتفقد أوضاع حقوق الإنسان بالسجون
📌 عجييييب
.
📰 الوطن:
👈 ربط الخرطوم والقاهرة بخط السكك الحديدية بطول "600" كلم
📌 عقبال حلايب
.
📰 أخبار اليوم:
👈 مساعد الرئيس : التغيير لايتم بالتظاهرات والشعب يقرر من يحكمه في انتخابات ٢٠٢٠
📌 وانتوا ساعة غيرتوا الحكومة المنتخبة ما انتظرتوا الانتخابات ليه ؟
.
📰 أخبار اليوم:
👈 توضيحات رسمية حول ماتردد في وسائط التواصل الاجتماعي عن وجود ٣٠٠ جثة بمشرحة الاكاديمي .
📌 دا شغل جدادكم والناس عرفوهو من غير توضيح
.
📰 أخبار اليوم:
👈 قطر تطالب بشطب السودان من قائمة الارهاب.
📌 سيبكم من الارهاب شوفوا لنا الكباب
.
📰 الأخبار:
👈 إتجاه برلماني لسن تشريع يمنع ملاحقة “الرؤساء” بعد التنحي
📌 التنحي حاجة والقلع ال زي قلع الضرس حاجة تانية ، نحن في حياتنا دي عندنا رئيس واحد اتنحى والله يرحمه مات أها التشريع لزومو شنو؟
.
📰 الأخبار:
👈 تشكيل قوات مشتركة سودانية إثيوبية لحماية الحدود
📌 تاااني ؟
.
📰 مصادر:
👈 البشير: حرية التعبير مكفولة وتصدينا للمظاهرات (قانوني)
📌 اشرح ياريس ، والله دي أخير منها (علي بن الخطاب)
.
📰 التيار:
👈 تنوير بالجيش من رتبة النقيب حتى الملازم
📌 نحن معاكم لحدي تنوير ناس الإلزامية والمراسلات والفورة مليون
.
📰 التيار:
👈 انخفاض معدل التضخم الى 43.45%
📌 براااهو كدا ؟ يكون زهج ياربي ؟
.
📰 التيار:
👈 الإرصاد تتوقع استمرار أنخفاض درجات الحرارة
📌 جو حلو مع المظاهرات
.
📰 السوداني:
👈 الرئيس: الشعب السوداني يمارس حقه في حرية التعبير
📌 قال يمارس قال ، والله الشعب مسكين النوم ما قادر يمارسه بالنهار ضبان وبالليل باعوض
.
📰 السوداني:
👈 محكمة بحرينية تبدأ محاكمة سوداني بتهمة الإساءة للبشير
📌 البشير ناس حزبه قاعدين يسيئوا له أكتر من البحريني دا
.
📰 آخر لحظة :
👈 استجواب ضابط وزوجته متهمين في قضية مخدرات
📌 الاتنين ؟ ديل عاوزين يسيبوا اولادهم لي منو ؟
.
📰 الإنتباهة:
👈 شعبة الصادر: الحكومة تتستر على شركتين تهربان الذهب
📌 الحكومة دي ما مكنة قولوا هناي وهناي متسترين
.
📰 الإنتباهة:
👈 (الشعبي): علي الحاج لم يهرب.
📌 يهرب لي شنو ؟ البيت وبرد له وطريق الانقاذ والناس نسوهو
.
📰 الإنتباهة:
👈 مواطن يكسب حكماً ضد (الداخلية) وحكومة ولاية
📌 قول كسب اها ال حا ينفذ له الحكم منو ؟
.
.
📌ابووضاح 📌
عين علي الصحافة
|
|