Post: #2
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 06:43 AM
Parent: #1
ما ينط لي واحد مزايدا ويقول لي
الوقت للثورة
ولا صوت يعلو علي صوت الثوار
مالو؟
نثور ونحب
ما نحب كمان ؟!
والحب لو ما كان دفعة معنوية للامام اكيد ما بكون للخلف
|
Post: #3
Title: Re: بمناسبة عيد الحب وكدة
Author: muntasir
Date: 02-12-2019, 06:47 AM
Parent: #2
حب أيه اللي انت جاي تؤول عليه جيب ليها رغيف ، كمان جابت ليها من الأمام وبالجنبة هابي ڤالنتاين شيخ العرب
|
Post: #4
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 06:52 AM
Parent: #3
بقيت مندس 😆 يا منص
وانت ومن تحب في عوالم السعادة
اصلنا نحن ناس محبة
ياخوي مع الراهن دة الحجل بالرجل لا خلف ولا امام مافي زول يقراها الامام 😆
|
Post: #5
Title: Re: بمناسبة عيد الحب وكدة
Author: Haytham Ghaly
Date: 02-12-2019, 07:48 AM
Parent: #4
يقول البعض وما عارفهم منو..
ان اقوى قصص الحب واصدقها نشأت في المعارك تحت وابل الرصاص
واصوات البنادق والمدافع
|
Post: #6
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 08:52 AM
Parent: #5
هو زاتو يا هيثم غير الحب المحركنا شنو؟
الحب يسمح
|
Post: #7
Title: Re: بمناسبة عيد الحب وكدة
Author: يوسف الطيب احمد إدريس
Date: 02-12-2019, 09:35 AM
Parent: #6
|
Post: #8
Title: Re: بمناسبة عيد الحب وكدة
Author: عبداللطيف حسن علي
Date: 02-12-2019, 09:43 AM
Parent: #6
عينا حبيبتي تجمعا مهنيين
وخصر حبيبتي اضيق من افق الفاتح عزالطين
|
Post: #9
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 10:49 AM
Parent: #8
حباب يوسف
قول واحد
|
Post: #10
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 11:00 AM
Parent: #9
واهديك يا عبداللطيف ابياتا من ايمن ابوالشعر
وذوبي بدمعي بريقَ التحدّي
كما ذابَ عطرٌ على جمرِ صيفْ
فندّى الهَجيرْ
ومرّي برَعشي تزدْ بي صَلابَةْ
وكوني سَحابَةْ
وفيئاً وظِلاً وغابَةْ
وغمداً إذا عُدتُ أرتاح كي يَحتويني
سألتُكِ حينَ الظلامُ صقيعُ القناعَةْ
وحينَ التراخي عنِ الدربِ كأسُ الوداعَةْ
بأن تحرقيني ادفعيني
إلى الشمسِ أحضرُ جَذوَةْ
وفي عُنفوانِ شبابي تمرّي
ليغدو حنيني على الدربِ نَخوَةْ
وحينَ يهدُّ المسيرُ يَقيني
ونعشُ النعاسِ يُسجي عُيوني
على ناهِديكِ افرشي ليَ غَفوَةْ
وكالمهرَةِ البكرِ كوني .. اقنعيني
بأني على ظهرِ صَهوَةْ
لأغفو وتصحو بروحي الرجولَةْ
ورشي على وجنتيَّ حكايا البطولَةْ
وقولي
أحبكَ تمشي إلى الفجرِ تمشي
فأرشفُ قُبلةْ
تسيرُ بنبضيَ شُعلةْ
وزاداً لرِحلَةْ
ألم ُّجراحي
وأغرسُ فوقَ النزيفِ سلاحي
وأمشي
حصانِيَ نعشي
بعينيَّ يرنو مدارُ التوثُّبِ
أفلتُ من جاذبيةِ كلِّ الرواسبِ
يصحو بريقُ الهدفْ
أفجِّرُ رعشي
وكالصَّخرِ رِمشي
وأمشي
بدربٍ لهُ وجهةٌ واحِدةْ
فألمَحُ في الدربِ حشدَ الرِفاقْ
وأنسى بزحمِ المواكبِ ذاتي.. أطيرْ
تضيعُ ملامحَ وجهي
ويبقى المسيرْ
فأشعرُ أنَّكِ فِكرَةْ
وأومنُ أنكِ ثورةْ
|
Post: #11
Title: Re: بمناسبة عيد الحب وكدة
Author: Osman Awoda
Date: 02-12-2019, 11:34 AM
Parent: #10
عينا حبيبتي نقابتا عمال
عيونها ملصقات
وشعرها يمتد منشورات
وصوتها هتاف
،،،
غزل شيوعي مندس ومخرب
|
Post: #12
Title: Re: بمناسبة عيد الحب وكدة
Author: muntasir
Date: 02-12-2019, 11:40 AM
Parent: #11
اها خلاس الشيوعين دايرين يسرقو الحب،هابي ڤالنتين أونكل عووضة
|
Post: #13
Title: Re: بمناسبة عيد الحب وكدة
Author: Osman Awoda
Date: 02-12-2019, 11:45 AM
Parent: #1
يا مونز مية مرات قلت ليك انا
من عائلة محافظة .
ما تشاغل ياخ.
|
Post: #14
Title: Re: بمناسبة عيد الحب وكدة
Author: محمد البشرى الخضر
Date: 02-12-2019, 01:17 PM
Parent: #13
سبقني يوسف في النطة! كنت عايز اقول ليك الوقت للبتاع لكن خلاص اديك برية تانية بدلها:
لسة عيد الحب باقي ليه يومين :)
|
Post: #15
Title: Re: بمناسبة عيد الحب وكدة
Author: HAIDER ALZAIN
Date: 02-12-2019, 02:35 PM
Parent: #14
مشكورين يآخ ذكرتونا والله..
زمان كان بيذكرونا ناس الاحتفال حرام ويهود وهلمجرا ..
بارك الله فيك اخ عبد الحفيظ وجزيت خيراً
|
Post: #16
Title: Re: بمناسبة عيد الحب وكدة
Author: عبدالمنعم الطيب حسن
Date: 02-12-2019, 03:08 PM
Parent: #15
لا معنى للحياة
بدون حب وقضية؛
........
صدرها انتفاضة
وخصرها اضيق من افق برجوازي صغير؛
.......
بالعكس انا غايتو ايام الثورة دي
شاعر بنفسي زدت طولا
والمؤكد انني
(بتكشم)براي؛
|
Post: #17
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 05:19 PM
Parent: #16
يا عم عووضة ما سمعت القدال قال
والبنوت عيونهن هارجة
زي جهر الكهارب الفي المدينة
عاين
صاح بأسم الحب ارسل ليك تحياتي
لكن جمال الهدف لم يمنع من قبح ان اقول هذا شعر قبيح وشين
هابي فلانتاين داي يا عمو
|
Post: #18
Title: Re: بمناسبة عيد الحب وكدة
Author: عبدالحفيظ ابوسن
Date: 02-12-2019, 05:24 PM
Parent: #17
يا ودو
لازم يكون البوست هسة ياخ عشان لامن بعد يومين اكون عرفت الهدية
خليك عميق
|
Post: #19
Title: Re: بمناسبة عيد الحب وكدة
Author: Kamal Alalla
Date: 02-12-2019, 07:41 PM
Parent: #1
المسطول قالوا ليهو الليلة يوم الطفل قام مشى بال في المرتبة
الزول دا فتشو قول ليهو بعد يومين عيد الحب
|
Post: #20
Title: Re: بمناسبة عيد الحب وكدة
Author: عبدالحفيظ ابوسن
Date: 02-13-2019, 06:25 AM
Parent: #19
القصة عصرت يا حيدر
احتمال بارات زاتو تفتح
وشواطي سياحية
|
Post: #21
Title: Re: بمناسبة عيد الحب وكدة
Author: عبدالحفيظ ابوسن
Date: 02-13-2019, 06:37 AM
Parent: #20
يا منعم
بنادق وين البتمنعنا العديل والزين !؟
حبو غنو الدنيا مازالت ثورة
|
Post: #22
Title: Re: بمناسبة عيد الحب وكدة
Author: محمد جمعه الخير
Date: 02-13-2019, 08:17 AM
Parent: #21
غايتو يوم الخميس علماء السلطان ماحيعرفو يعكسو ولا يشوتو . ( احتفال باعياد النصاري + خروج علي الحاكم )
 
|
Post: #23
Title: Re: بمناسبة عيد الحب وكدة
Author: عبدالحفيظ ابوسن
Date: 02-13-2019, 09:31 AM
Parent: #22
هوي يا كمال ما تفسد لينا عيد الحب بالنكات الانصرافية 😆😆
خليك جادي و حيبيب
هابي فلانتاين داي
|
Post: #24
Title: Re: بمناسبة عيد الحب وكدة
Author: عبدالحفيظ ابوسن
Date: 02-13-2019, 09:35 AM
Parent: #23
يا محمد جمعة دة كان قبل الاعلان الرئاسي الذي اتت به الثورة 😆😆😆
نش قال مفارق الشريعة كم وكمين درجة كدة
هسة احتمال الحكومة تعلنو اجازة رسمية
بقت عليهم
مرة عيد الضحية جانا في رمضان لا عرفنا نشرب الابري ولا ناكل اللحمة
|
Post: #25
Title: Re: بمناسبة عيد الحب وكدة
Author: يوسف الطيب احمد إدريس
Date: 02-13-2019, 05:18 PM
Parent: #24
قول 2
| Quote: سبقني يوسف في النطة! |
أب سن نعلك طيب
تحية بنكهة الثورة
وتحايا عبرك لأهلنا الماحياب في الحلة الجديدة وجميع ناس كوستي
|
Post: #26
Title: Re: بمناسبة عيد الحب وكدة
Author: عبدالحفيظ ابوسن
Date: 02-13-2019, 05:35 PM
Parent: #25
يصل يا يوسف مش تقصد ال الماحي احمد المصطفي؟
بعدينك
اها
مفلتن وثاير معانا ولا كو
|
Post: #27
Title: Re: بمناسبة عيد الحب وكدة
Author: يوسف الطيب احمد إدريس
Date: 02-13-2019, 06:31 PM
Parent: #26
Quote: يصل يا يوسف مش تقصد ال الماحي احمد المصطفي؟
بعدينك
اها
مفلتن وثاير معانا ولا كو |
نعم آل احمد المصطفى الماحي
نفلتن وين في السعودية بنين على قول أخونا عباس الدسيس الله يطراه بالخير
أما الثورة فمعاكم قلباً وقالباً
بالمناسبة وين صاحبك معاوية الزبير
غريبة أنو غايب من المنبر مع الحراك الثوري
إن شاء الله طيب
|
Post: #28
Title: Re: بمناسبة عيد الحب وكدة
Author: عبدالحفيظ ابوسن
Date: 02-13-2019, 07:04 PM
Parent: #27
شديد ولضيض
ولكنه شخص حساس وجاد
يأخذ امر بالكتابة بصرامة حادة
فاهمني ؟
|
Post: #29
Title: Re: بمناسبة عيد الحب وكدة
Author: عبدالحفيظ ابوسن
Date: 02-14-2019, 06:23 AM
Parent: #28
happy valentine day
|
Post: #30
Title: Re: بمناسبة عيد الحب وكدة
Author: جلالدونا
Date: 02-14-2019, 06:36 AM
Parent: #29
قال ليك واحد احتفل بالفلنتاين صحا الصباح عندو فلايت
والله صحى
|
Post: #31
Title: Re: بمناسبة عيد الحب وكدة
Author: عبدالحفيظ ابوسن
Date: 02-14-2019, 06:39 AM
Parent: #30
يكون ما متعود
الكلام علي الخبرة
خبرة وخيت
|
Post: #32
Title: Re: بمناسبة عيد الحب وكدة
Author: يوسف الطيب احمد إدريس
Date: 02-14-2019, 10:14 AM
Parent: #31
يب
|
Post: #33
Title: Re: بمناسبة عيد الحب وكدة
Author: عبدالحفيظ ابوسن
Date: 02-14-2019, 12:45 PM
Parent: #32
لن اعتذر.....
ولن اقدم التبرير...
بأنني اليوم ساتجاوز الخاص...
فليحتفل العالم كل بليلاه.......
واعلن اليوم إحتفائي وحبي لحواء بلادي..
ففي يوم الحب اقول اقول قلبي يسعكم كلكم وكل عقلي لكم حروفا تسطر عشقي وتركع في محراب حبكم..وأفتخر....
حبي..
لكل من تعطرت بحبات العرق وهي تحث الخطي في دروب الثوره..تتابع المسيرات..تساهر الليالي..تجمع الدعم...تدعو للتظاهر..وتنام وهي تحلم بوطن جميل..
حبي..
لكل من تغطت ملامحها فزادتها جمالا ذرات التراب والغبار وهي تسعى بين الدروب تهتف بحب الوطن..وتوزع في اخبار الحراك وتنظم الصفوف لوقفتنا القادمه.
حبي...
لكل خصلة شعر طائشة على جبين حواء بلادي وهي غير عابئة بتزيينها او إعادتها لحظيرة التأنق والجمال..فالهم هو بناء الغد وبناء مستقبلا فيه بنات عزه لا يسلط عليهم قانونا للنظام العام بل يحكمهم إرث شعبنا في أحترام المرأة الإنسان سيدة نفسها تعرف انها ليست مجرد جسد ليمنع من العالم ولها من الوعي لتعلم انها ليست سلعة لتعرض...
حبي....
لكل لمسة احمرار او سواد رسمها على جسدك النبيل ضربة من عسعس الظلم وزبانيته بلا حياء ولا قلب فلم تخرج من فمك سوى تنهيدة معجونة بالألم تهتف حريه سلام وعداله...
حبي...
لكل عيون لم تنام مهمومة بالثورة والحراك جالسة خلف الاسوار تحلم بيوم الحريه يعتقدون انهم حبسوها في سجون النظام ولم يدري انهم هم المسجونون...وحواء بلادي وهي في الحبس تناضل وغني للوطن...يارذاذ الدم حبابك ...فتهتز قلوبنا فرحا ..وترتجف أطراف نمت بالظلم والأفساد تبحث عن الأمان ولكن هيهات..
حبي....
لكل قبضة مخضبة بالمداد وهي تخط شعارات الثورة والأمل..ولكل عين سكبت من الدمع قطرات تزيل غازات وقنابل الاوباش..او جدولا نبع منها يغسل الأحزان والألم لصورة شهيد غادرنا للجنان ..اولصورة مناضل توشح بالجراح من أثر الظلم والتعذيب..
حبي...
لكل من تودع أمها وهي تغادر في الصباح لتقوم بواجبها في شوارع الثوره وقفات وتظاهر تحمل روحها في يدها وصدرها مفتوح ولا تعلم ان كانت ستعود ام لا.لا تهاب مصيرها وهاجسها مصير الوطن .ليس على وجهها من زينة سوى مسحة ماء وتعطرت باليقين وحب الوطن فعبقت وازدان المكان بأريجها .....وأيضا لأمها وهي تعلم الي اين تسير بنتها فيصارعها قلب الوالده خوفا عليها وحب الوطن...فتكون الغلبة لعشق الوطن فتمسح على جبينها وتعطيها مباركتها وتعلم انها قد لا تعود وان عادت قد تكون مضمخة بالجراح فتمسج على جبينها مرتين بكل حب وتقول لها(ودعتك الله ....ويحفظك من كل شر)....لتنطلق لتؤدي واجبها ولتسطر للتاريخ يوما في طريق الحريه والجمال.......
وبك يزدان الفالانتاين....فيا نساء العالم أسمعوا وأهتفوا لحواء بلادي وعمدوها قديسة لهذا اليوم فهي التي خرجت مضحية بروحها لتزرع الحب ...
فيا حواء بلدي وانت تصنعين الغد المشرق
ولك كل ورود العالم..واجمل تهنئة نقول بك ومعك .(ستسقط بس)
ولك حبي.........
مجدي إسحق
|
|