Post: #1 Title: توضيح للجميع:شخصي الضعيف بكري ابوبكر ليست لي اي علاقة بجمع التبرعات لدعم المصابيين Author: بكرى ابوبكر Date: 02-08-2019, 05:37 AM Parent: #0
سلام و تحية وبعد تصلني العديد من الرسائل من داخل امريكا و خارجها عن حملة التبرعات التي يقوم بها الاخ بكري علي من مدينة سياتل لدعم المصابيين و اسر الشهداء في السودان، عبر موقع الفيسبوك ...
أشكر جزيلاً كل من اتصل بي للتبرع لدعم الثوار و اسر الشهداء و بهذا أؤكّد للجميع أنّه لم تكن لي ولن تكون لي أي علاقة بعمليات جمع تبرعات أو تحصيل أموال بأي شكل من الأشكال. لدعم الشهداء و المصابيين في الثورة
و أتمنى للاخ بكري علي التوفيق والنجاح في هذا العمل النبيل
شكراً للجميع بكري ابوبكر بيوريا اريزونا
Post: #2 Title: Re: توضيح للجميع:شخصي الضعيف بكري ابوبكر ليست Author: Kabar Date: 02-08-2019, 06:31 AM Parent: #1
سلام يا صديقي..
الرحمة والمغفرة لكل شهداء الثورة السودانية من الشباب الجميل النبيل ، وامنيات بعاجل الشفاء للجرحى والمصابين..!
كتر خيرك على هذا التوضيح..
جاتني فكرة بخلق تجمع باسم عضوية سودانيز اونلاين..لنفس الغرض ولكني صرفت النظر لأني اكتشفت ان استقلالية سودانيز اونلاين هي اهم ثروة تقدم للسودان..أي في موقف توفير مساحة التعبير للجميع..يعني لو حكومة القادم عملت سيك ميك ، اهل سودانيز اونلاين بتكون ليهم القدرة يقولوا البغلة في الإبريق دون ان يبتزاهم احد بحكاية انتو دعمتوا وفعلتوا وتركتوا..!
تجربة الأصدقاء في مدينة كالقري (عندهم جسمين:جالية سودانية ونادي سوداني ، في كسر من الثانية الوطنية تخلوا عن كل اختلافاتهم في وجهات النظر العابرة واجتمعوا من اجل فعل وعون لثورة الشباب السوداني )..تجربة مهمة للغاية واستوعبت كثير من الدروس واهمها درس الثقة..فحاليا تجمع التبرعات عبر لجنة مكونة من اشخاص (بمختلف الميول الثقافية والسياسية والإجتماعية والجهوية..الخ)..لجنة فيها ناس تحظى باحترام وثقة كل السودانيات والسودانيين في مدينة كالقري..واتمنى ان تعمم هذه التجربة في كل مجتمعات الدياسبورا السودانية..الجماعية مهمة للغاية..!
مع احترامي لجهود اخونا بكري علي من سياتل ، ولكن الجماعية مهمة للغاية لأن الشباب في الشوارع السودانية علمنا دروس كتيرة ومهمة ، منها مسألة الشفافية وسد الباب البيجيب الريح (ابواب الشبهات وكده)..!
كبر
Post: #3 Title: Re: توضيح للجميع:شخصي الضعيف بكري ابوبكر ليست Author: Deng Date: 02-08-2019, 08:29 AM Parent: #2
سلامات يا بكري.
بكري علي ده شخصية مشبوهة، وتدور حوله عدة أسئلة
Post: #4 Title: Re: توضيح للجميع:شخصي الضعيف بكري ابوبكر ليست Author: Yousuf Taha Date: 02-08-2019, 08:57 AM Parent: #3
Quote: بكري علي ده شخصية مشبوهة، وتدور حوله عدة أسئلة
Post: #5 Title: Re: توضيح للجميع:شخصي الضعيف بكري ابوبكر ليست Author: عبدالعظيم عثمان Date: 02-08-2019, 09:07 AM Parent: #4
أفصح يا دينق إذا عندك معلومات مؤكدة أفصح عنها في الوقت دا بالتحديد المجاملات والغتغتة مضرة جدا اي عمل بإسم الثورة والثوار والشهداء يجب أن يكون زي صحن الصيني لافيه شق ولا طق
Post: #6 Title: Re: توضيح للجميع:شخصي الضعيف بكري ابوبكر ليست Author: محمد البشرى الخضر Date: 02-08-2019, 12:08 PM Parent: #5
طبعا ومن غير دينق بكل المجانية الفي الدنيا يطلّع زي بكري علي شخصية مشبوهة!!! دا بروفايل بكري على في اللينكد إن لمن يريد معرفته و مقارنته بـ دينق!! البنقرات كيبورد عايز يطلّعه مشبوه!
ودي مقتطفات من سيرته الذاتية: Results-oriented aerospace business and engineering leader focused on delivering exceptional financial and technical performance. My management skills and strong business acumen are complemented with a solid technical background sharpened by working for industry leaders. I have helped Fortune 500 aerospace and defense companies capture market value by transforming cutting-edge technologies into innovative products.
Specialties: Business Performance, Product Development, Engineering Management, Strategic Planning, Project Management, Strategic Partnership, Financial Planning, Consulting, Technology and Innovation.
Associate Director, Strategy and Business Development United Technologies December 2018 – Present 3 months Charlotte, North Carolina
Senior Manager Program Management United Technologies January 2017 – Present 2 years 2 months Hartford, Connecticut Area
Airbus Airframe Structures Engineer Airbus November 2013 – January 2017 3 years 3 months Wichita, Kansas Area
Gulfstream Aerospace Lead Airframe Structural Analyst Gulfstream Aerospace May 2008 – March 2012 3 years 11 months Savannah, Georgia Area
Boeing Structural Analyst Boeing June 2006 – February 2010 3 years 9 months Greater Seattle Area
Federal Aviation Administration Research Fellow Federal Aviation Administration December 2000 – June 2006 5 years 7 months Atlantic City, NJ
لاحظ الأخيرة عمل 6 سنوات في إدارة فيدرالية! ويقول ليك مشبوه دا عن سيرته العملية, طيب ماذا قدّم بكري علي لوطنه في الحراك الأخير بادر مع رابطة خريجي جامعة الخرطوم بجمع التبرعات لعلاج مصابي المظاهرات و مد يد العون لأسر الشهداء و له عدة تسجيلات يشرح فيها المبادرة و اين وصلت ووجوه الصرف بكل شفافية ادناه منقول من صفحة الحملة على سبيل المثال تحديث يوم 7 فبراير
Quote: نشرة الكنداكات والأبطال ٧ فبراير
بطلتنا التي تم دهسها بتاتشر سجمان خضعت اليوم لعملية ربط لكسور الحوض وخرجت منها بحالة مستقرة والحمد لله..
وصلنا بطل تعرض لضرب وحشي من الرباطة تسبب له بكسر في الرجل و أجرى عملية جراحية اليوم وهو بحالة مستقرة والحمد لله..
وصلنا اليوم بطل تعرض لإصابة في الرأس بواسطة عبوة بمبان وُجهت عليه بشكل مباشر و اُجريت له عملية صغيرة لتنظيف وتقطيب الجرح و خرج إلى المنزل و حالته مستقرة والحمد لله..
وصلنا بطل تعرض لإصابة بعبوة بمبان من مسافة قريبة جداً في البطن وهو ما زال تحت عناية الأطباء وفي إنتظار بعض الفحوصات وفي حالة مُستقرة و الحمد لله..
وصلتنا بطلة تعرضت لدهس بواسطة تاتشر سجمان وبالعناية الالهية هي بخير ولم تتعرض سوى لرضوض و جروح سطحية..
بطلنا المصاب بطلقه في الصدر حالته مستقرة
بطلنا المصاب بطلق مطاطي في الساق تمت المعالجة وخرج بالسلامة
بطلنا المصاب في العنق نتيجة السقوط بعد مطاردة خرج بالسلامة
بطلنا الحبيب المصاب في الرأس نتيجة الضرب الوحشي خرج بالسلامة
بطلنا المصاب نتيجة ضرب مبرح ستُجرى له عملية جراحية في اليد بعد قليل
بطلتنا المصابه في اليد نتيجة للضرب خرجت بالسلامة
بطلنا المصاب في يده اليسري نتيجة الضرب الوحشي أيضاً خرج بالسلامة والحمدلله
الله يحرق حشاهم زي ما حرقو حشانا
الفريق العامل بالسودان
د انشأ ويدير إذاعة الثورة السودانية على النت له عدة تسجيلات ايجابية داعمة للحراك و تقترح مبادرات تساعد في الوصول للهدف المنشود
السؤال ماذا قدّم دينق البشكّك في شخصية هذا عطاؤها - عدا عن قائمة الشاكلوه و عفصّوه في سودانيز اونلاين!!
السلام عليكم وتحياتي اخونا الباشمهندس بكري والاخوه الأعضاء انا ابوعبيده بابكر زميل ودفعه اخونا الباشمهندس دكتور بكري علي من خريجي جامعه الخرطوم في العام ١٩٩٨م وقد قمت بنشر عده مقالات في المنبر بخصوص حمله اخونا الرائع د بكري علي لكي يقوم الاخوه في المنبر وخارج السودان بالمساعدة الفعليه المحسوسة الماليه في الثوره للذين لم يقدموا شيئا لهذه الثوره غير التنظير وده طبعا من شيم بعض السودانيين اخونا د بكري علي يسكن معنا في ولايه كنتكت وليس سياتل اخونا بكري وهو في من ميسوري الحال هنا في امريكا ولايحتاج طبعا مثقال دولار لكي يسرقه بل هو من يعطي الناس من ماله الخاص ونحنا من الجامعه بنكره الكيزان ديل عمي وطلعنا مظاهرات في التسعينات واتجلدنا زي الغنم في السوق العربي وثلاثه يوم ما بنوم علي ظهرنا من اجل السودان فقط ولسنا بسياسيين ولا شيوعيين ولا يسار ولا يمين بعد كل المجهود الذي يبذله الدكتور من زمنه وماله وسمعته بجي واحد اسمو دينق يقول ليك مشكوك في أمره قمه التفاهه والجهل لانك بس لو أخذت من زمنك دقيقه ومشيت صفحته وشفته بعمل في شنو كان عرفت انك انت الكور القاعد تعاين بعيونك والناس بتقتل وتعتقل وتغتصب ولنت تتفرج وتنظر زي نوعكم ده هو المضيع السودان تنظير و تنظير بس وسلبيه بلا نهايه وكمان تساعد في تدمير الناس بتدفع بمالها وزمنها ومجهودها من اجل سوداننا ده يتقدم عشان بعدين يجينا زي نوعك ده ويأخرنا زياده للأسف شكرًا باشمهندس بكري للتوضيح وأسف للاطاله وتسقط بس
Post: #10 Title: توضيح للجميع شخص الضعيف بكري Author: abuobieda70 Date: 02-20-2019, 07:00 AM Parent: #1
فاتني ان أشكو عضو المنبر الشريف محمد البشري خضر للتوضيح لبعض ما يقوم به الدكتور بكري علي فلك مني الف تحيه نضع الحقائق كامله دون تزييف ويمكن للاخوه الدخول الي صفحه الدكتور في الفيس بوك والتبرعات مفتوحه والشفافيه موجوده من اجل وطن معافي من المنافقين والحاقدين https://www.facebook.com/donate/806474366355329/؟fundraiser_source=external_urlhttps://www.facebook.com/donate/806474366355329/؟fundraiser_source=external_url وتسقط بس
Post: #11 Title: توضيح للجميع شخص الضعيف بكري Author: abuobieda70 Date: 02-20-2019, 07:00 AM Parent: #1
فاتني ان أشكو عضو المنبر الشريف محمد البشري خضر للتوضيح لبعض ما يقوم به الدكتور بكري علي فلك مني الف تحيه نضع الحقائق كامله دون تزييف ويمكن للاخوه الدخول الي صفحه الدكتور في الفيس بوك والتبرعات مفتوحه والشفافيه موجوده من اجل وطن معافي من المنافقين والحاقدين https://www.facebook.com/donate/806474366355329/؟fundraiser_source=external_urlhttps://www.facebook.com/donate/806474366355329/؟fundraiser_source=external_url وتسقط بس
Post: #13 Title: Re: توضيح للجميع شخص الضعيف بكري Author: Osama Mirghani Date: 02-20-2019, 09:55 AM Parent: #11
عزيزنا دينق .............الكرة الآن في ملعبكم .....هل لكم أن توضح ما عندك ضد هذا الرجل والذي يكاد يجمع الكل على نزاهته ...ووالله أنا لا أعرفه لكن متابع له بحب شديد وحزنت جدا لمقالك عنه ....... أرجو والله ألا يكون ما قلته صحيحا ...لأني أحبه دون أن أعرفه
Post: #14 Title: Re: توضيح للجميع شخص الضعيف بكري Author: ابوالقاسم ابراهيم الحاج Date: 02-20-2019, 10:30 AM Parent: #13
ما حيجي دينق تاني شاطر في المشاكسة بالتوفيق اخينا بكري علي وعاجل الشفاء لمصابي الثورة ولفووووووق