كدى اول شى نبدا بالكضاب المستجد ده و بعدين نكشى لى موضوعنا مدير شرطة ولاية كسلا شنب و طزب و عرض و مقص و صقر و سعر شايب لابس رسمى و وراهو علم السودان بعد ده كللللللو بكل بساطة و عادية فك كضبتو]
و ده تقرير لجنة التحقيق و رغم انّو غير مقنع و مخفف من وقع الجريمة لكن النقطة الاساسية فيهو تبيان كذب مدير شرطة ولاية كسلا هسى الزول الفايت الستين سنه ده بتاع شرطة كسلا موقفو شنوو رغم ذلك ده ما موضوعنا موضوعنا ميثومانيا البشير
Post: #3 Title: Re: الميثومانيا ... هوس الكذب عند البشير Author: عبدالحفيظ ابوسن Date: 02-08-2019, 06:37 AM Parent: #2
ازيك يا جلال رجل يكذب ولا يدري انه يكذب لكن انا في البسمعو ويصدقو فيه ويكاتلو الناس ديل يكونو شنو؟ يا جلال حتي التقرير الاخير ما مذكور ايلاج آلة صلبة في الدبر ودة الموضوع الاهم فله دلالات عدة دينية واخلاقية وانسانية
Post: #4 Title: Re: الميثومانيا ... هوس الكذب عند البشير Author: حسن ادم محمد العالم Date: 02-08-2019, 06:45 AM Parent: #3
تعرف يا جلال دي جماعة مريضة والكذب عندهم عقيدة واصف الي ذلك يكذبون باسم الله زي ما قال اسحاق فضل الله فقه الكذب من اجل هزيمة العدو وبرضو من ترويض الشعب بعد تسقط بس محتاجين مدراس تأهيل نفسي لانهم خربوا حياتنا بالكذب
Post: #5 Title: Re: الميثومانيا ... هوس الكذب عند البشير Author: حسن ادم محمد العالم Date: 02-08-2019, 06:46 AM Parent: #3
تعرف يا جلال دي جماعة مريضة والكذب عندهم عقيدة واصف الي ذلك يكذبون باسم الله زي ما قال اسحاق فضل الله فقه الكذب من اجل هزيمة العدو وبرضو من ترويض الشعب بعد تسقط بس محتاجين مدراس تأهيل نفسي لانهم خربوا حياتنا بالكذب
Post: #6 Title: Re: الميثومانيا ... هوس الكذب عند البشير Author: محمد على طه الملك Date: 02-08-2019, 07:45 AM Parent: #5
كدا فهمني بالاول يا جلال حكاية " اعتداء جنسي بآلة حادة " دي كيفنها ؟؟؟ الناس دي كان غلبا المنطق غلبتم اللغة !! واحد قال : نهتف لينا 60 يوم بسقوط النظام والرئيس فاكرو النظام العام اتفرج بس!!
Post: #7 Title: Re: الميثومانيا ... هوس الكذب عند البشير Author: عثمان عبدالقادر Date: 02-08-2019, 08:03 AM Parent: #6
والله يا جلال اخوي ما عندي أي شئ اقوله من هول الصدمات غير : إنهم يفوقون سوء الظن العريض !!!!!!!!!!!!!!!!!!!!!!؟
Quote: رجل يكذب ولا يدري انه يكذب لكن انا في البسمعو ويصدقو فيه ويكاتلو الناس ديل يكونو شنو؟ يا جلال حتي التقرير الاخير ما مذكور ايلاج آلة صلبة في الدبر ودة الموضوع الاهم فله دلالات عدة دينية واخلاقية وانسانية
لأنو نحنا شعب صادق فى ايمانو استغلّوا الحتّة دى تماما عبر الانتشار الكثيف للجوامع و حلقات الاسواق و الاعلام و قوانين ظاهرها الشرع و باطنها الويل و الثبور ده كلو فى الطاهر العام اما البيصدقوهم ديل ناس الشغل الخاص و التنظيم الخاص مختارين بى عناية بحسب ظروفهم و عندهم معسكرات خاصة لاعدادهم و غسل ادمغتهم و لا يرون الا ما يرى ولي نعمتهم و له يسمعون كلّو تحت بند إنهم المسلمين و الشعب كافر و الكافر يستحق ان تضرب عليه الذلّة و المسكنة إن قال بغم يستحق القتل وده كلّو اساسو الكذب بى اسم الله تحت عباية الدين لا يستطيعون ان يقرّوا بواقعةالخزق يا سنّو لأن الخزق فى حد ذاتو جريمة تستبشعها الانسانية فلازم ينكروها
Post: #9 Title: Re: الميثومانيا ... هوس الكذب عند البشير Author: كمال عباس Date: 02-08-2019, 03:24 PM Parent: #8
مطالبات بمحاكمة قوش ووالي كسلا بتهمة الإشتراك الجنائي في مقتل الشهيد أحمد الخير آخر تحديث فبراير 8, 2019 0 شارك طالب حقوقيون وناشطون بمحاكمة مدير جهاز الأمن صلاح قوش ووالى كسلا آدم جماع، بمتهمة الإشتراك الجنائي في مقتل الأستاذ أحمد الخير عوض الكريم بالتعذيب داخل معتقلات جهاز الأمن في كسلا وخشم القربة. ولفت حقوقيون إلى أن المحاكمة تندرج تحت طائلة المادة 107ـ (1) التستر على الجانى وايوائه، والتي تُقرأ كل من يدلي ببيانات تتعلق بارتكاب جريمة وهو يعلم أنها غير صحيحة أو يخفي أي معلومات أو بيانات على ارتكـاب جريمة مع علمه بوقوعها أو يؤوي شخصاً أو يخفيه وهو يعلم بأنه الجاني، قاصداً بذلك حمايته من العقوبة القانونية أو منع إلقاء القبض عليه ، يعاقب بالسجن مدة لا تجاوز خمس سنوات أو بالغرامة أو بالعقوبتين معاً. وكان والي ولاية كسلا آدم جماع قد نفى قطيعاً أن يكون الشهيد أحمد الخير قد تعرض إلى التعذيب، وقال في تصريح لصحيفة (الصيحة) إن أحمد مات بعد تناوله وجبة فاسدة، رفقة اثنين من المعتقلين واثنين من عناصر جهاز الأمن، بعد احضارها من مطعم شهير، وهي ذات الرواية التي أوردها تقرير رسمي صادر من جهاز الأمن في السودان. لكن رئيس لجنة التحقيق في المظاهرات عامر محمد إبراهيم اعترق رسمياً بمقتل الأستاذ احمد الخير تحت التعذيب. https://www.alrakoba.net/3173634/%D9%85%D8%B7%D8%A7%D9%84%D8%A8%D8%A7%D8%AA-%D8%A8%D9%85%D8%AD%D8%A7%D9%83%D9%85%D8%A9-%D9%88%D8%A7%D9%84%D9%8A-%D9%83%D8%B3%D9%84%D8%A7-%D8%A8%D8%AA%D9%87%D9%85%D8%A9-%D8%A7%D9%84%D8%A5%D8%B4%D8%AA/https://www.alrakoba.net/3173634/%D9%85%D8%B7%D8%A7%D9%84%D8%A8%D8%A7%D8%AA-%D8%A8%D9%85%D8%AD%D8%A7%D9%83%D9%85%D8%A9-%D9%88%D8%A7%D9%84%D9...4%D8%A5%D8%B4%D8%AA/
Quote: دي جماعة مريضة والكذب عندهم عقيدة واصف الي ذلك يكذبون باسم الله زي ما قال اسحاق فضل الله فقه الكذب من اجل هزيمة العدو وبرضو من ترويض الشعب بعد تسقط بس محتاجين مدراس تأهيل نفسي لانهم خربوا حياتنا بالكذب
وفقه التحلل برضو كدى عاين لى الكذب والتضليل المارسوهو فى حادثة المعلّم احمد الخير والى الولاية جماع و ومدير شرطته و الان رئيس لجنة التحقيق بى كل بساطة حصر الاتهام فى تلاتة اشخاص بس مع إنّو الاتهام المفروض يتوجّه لى 35 شخص على اقل تقدير فعلا الكذب عندهم اصبح عقيدة
سلام جلال و ضيوفك من حكاوي الأعمام الذين زاملوا بشة في المدارس ، انه كان يكذب و يسرق من معمل الكيمياء ، هذا إلى جانب الغباء و البلادة .لعن الله الإخوان ، فلولا خبثهم لما و جد هذا المتخلف الفاسد ، فرصة ليتسلط على السودان ليسرق و يقتل و يكذب ، هو وبقية الكيزان المجرمين . سقطت سقطت يا كيزان .
Quote: كدا فهمني بالاول يا جلال حكاية " اعتداء جنسي بآلة حادة " دي كيفنها ؟؟؟ الناس دي كان غلبا المنطق غلبتم اللغة !! واحد قال : نهتف لينا 60 يوم بسقوط النظام والرئيس فاكرو النظام العام اتفرج بس!!
الكلمة مجرد نطقها شينة و قبيجة يا مولانا الجيش الياباني فى الحرب العالمية التانية مارس عملية الخزق بشكل بشع جداّ بيقعّدوا الزول فوق نبات للزينة زى القنا او قصب السكّر اسمو البامبو يحلوهو قاعد فوقو ومع عملية نمو النبات تتم عملية الخزق عليك النبي لاقاتك جنس البشاعة و الوحشية دى اعتداء جنسى بآلة حادة ده تخفيف للكلمة و برضو قبيح و اهو بعد 60 يوم عرف انو فى حاجة المفروض تسقط بعد يومين ح يعرف المفروض يسقط هو و المافى شنو زى ما بقول الزميل العايد