*البشير: من خروجوا للشارع جيل تربى في رخاء النفط وصدمته الأزمة الاقتصادية* سنوقف العبث والابتزاز باسم قانون النظام العام
https://www.bajnews.net/49162/https://www.bajnews.net/49162/ من ملامح اللقاء ايضا البشير : من خروجوا للشارع هم جيل تربي في رخاء النفط ، وصدمتهم الأزمة الاقتصادية
الرئيس السوداني : إحتياجاتنا من العملات الصعبة في العام أحد عشر مليار دولار ، وعائدات صادراتنا أربعة مليارات دولار .
البشبر : لانعفي أنفسنا من بعض التقصير فيما يتعلق بالازمة الاقتصادية الراهنة .
البشير : إنفصال جنوب السودان يمثل إساسيا للصدمة الاقتصادية التي يمر بها السودان .
البشبر : هناك دوافع كثيرة دفعت الشباب للنزول للشارع .
البشير : معظم المحتجين هم من الشباب ، والفتيات أكبر المشاركين .
الرئيس السوداني : إجراءات حكومية تراكمية خلقت غبنا وسط الشباب السوداني.
الرئيس السوداني : التطبيق الخاطئ لقانون النظام العام خلق غبنا وسط الشباب .
البشير : أبوابنا للحوار مفتوحة أمام الجميع .
Post: #2 Title: Re: الجنرال التائه البشير ولقاء الصحفييين Author: حسن ادم محمد العالم Date: 02-07-2019, 08:02 AM Parent: #1
في الجانب ماذا قال الصحفيين عدد من الصحفيين الذين تحدثو في اللقاء مع البشير نقلو له ضخامة الثورة ، حدثوه عن الشهداء وقتل الناس ظلما وصحفية طالبته بسحب التاتشرات من الشوارع والتوقف عن الاعتداء على الناس والبيوت والمستشفيات، وانو الناس قالو تسقط بس ودي حاجة صعبة ولازم تشوف حل سريع، حتى احمد البلال كسار التلج قال ليه الثورة دخلت بيوتنا وقسمتها والوضع خطير شديد ونحن ماشين في الشوارع وشايفين والمظاهرت لو قلت او زادت دا ما مقياس لانو الثورة دي بقت ثقافة والحياة اتعطلت في الدولة والثورة حا تستمر شوف لينا حل سريع وطمنا، لقد كان ضياء الدين بلال اكثرهم مياعة واكبرهم تلجة واكثرهم خوفا من التغيير قال ليه الثورة اصبحت حالة اجتماعية ولازم حل ، احدهم اخبره عن ان الثورة لها اسباب حقيقة ولا ينفع اي حديث غير الاعتراف بها،.لم اجد تسجيل لحديث حسين خوجلي لكن شايفو حاضر وبرقش من بعيد . الحاجة الحصلت دي خلت البشير يتجرس ويخاف اكتر ويقول الكلام عن قضايا الشباب العادلة وهاجم قانون وشرطة النظام العام والنيابات وما فضل ليه الا يحرق لستك في بيت الضيافة ، . عموما طالما مزنوق للدرجة دي نشوفك بكرة في الموكب #موكب7فبراير
Post: #3 Title: Re: الجنرال التائه البشير ولقاء الصحفييين Author: حسن ادم محمد العالم Date: 02-07-2019, 08:14 AM Parent: #2
كان الأحري ان يقول البشير الان فهمتكم كما قالها زين العابدين بن علي فالبشير في متاهته الأخيرة يتخبط نفس البشير قال ذهاب الجنوب خير وبركة وتنهي الدغمسه ولن تتاثر البلاد والعباد اقتصاديا بل نستطيع الان تطبيق دولة الخلافة الراشدة
Post: #4 Title: Re: الجنرال التائه البشير ولقاء الصحفييين Author: Deng Date: 02-07-2019, 08:17 AM Parent: #2
حسن ادم محمد العالم
سلام وتحية
ديل صحفيين خايفين على تلك المكتسبات الانتهازية التي حصلوا عليها في عهد الإنقاذ. لولا الإنقاذ لما كنا سمعنا بواحد عنصري حقير مثل الصادق الرزيقي هذا. تخيلوا رئيس الصحفيين يتنكر الى أصوله العرقية ويغير أسمه.
في واحد أسمه دوشكا من صحيفة الجريدة ده أكتر زول قال كلام معقول ولم يقوم بتكسير تلج.
الصحفية أو الكاتبة التي طالبت بسحب التاتشرات هي الديناصور بخيتة أمين، وطبعا لم تقصر في الدهنسة للمطلوب دوليا عمر البشير. بخيتة أمين هي زوجة الإنتهازي الكبير إبراهيم دقش.
Post: #5 Title: Re: الجنرال التائه البشير ولقاء الصحفييين Author: الهادي الشغيل Date: 02-07-2019, 08:23 AM Parent: #4
يا ريت رابط في اليوتيوب للحلقة ... نفسي أشاهدها
Post: #6 Title: Re: الجنرال التائه البشير ولقاء الصحفييين Author: nazar hussien Date: 02-07-2019, 08:28 AM Parent: #4
هم ما كانوا يجيبوا فيصل محمد صالح ودكتور عبدالله علي ابراهيم ومحمد عبدالماجد عشان يونسوه بالثورة ومطالب الاحرار لا يمكن أن يسمع الحقيقة من مجموعة منتفعين وكسارين تلج ولقاطين رزق...هل الصحافة السودانية محصورة في حسين والرزيقي وبتاع الدار وضياء الدين بلال؟؟؟
Post: #7 Title: Re: الجنرال التائه البشير ولقاء الصحفييين Author: بدر الدين الأمير Date: 02-07-2019, 08:58 AM Parent: #6
Quote: ديل صحفيين خايفين على تلك المكتسبات الانتهازية التي حصلوا عليها في عهد الإنقاذ. لولا الإنقاذ لما كنا سمعنا بواحد عنصري حقير مثل الصادق الرزيقي هذا. تخيلوا رئيس الصحفيين يتنكر الى أصوله العرقية ويغير أسمه.
في واحد أسمه دوشكا من صحيفة الجريدة ده أكتر زول قال كلام معقول ولم يقوم بتكسير تلج.
الصحفية أو الكاتبة التي طالبت بسحب التاتشرات هي الديناصور بخيتة أمين، وطبعا لم تقصر في الدهنسة للمطلوب دوليا عمر البشير. بخيتة أمين هي زوجة الإنتهازي الكبير إبراهيم دقش.
Post: #10 Title: Re: الجنرال التائه البشير ولقاء الصحفييين Author: Nasser Amin Date: 02-07-2019, 09:07 AM Parent: #7
احمد البلال الطيب للبشير:الثورة دخلت بيوتنا وقسمتنا و الوضع اصبح خطير
ضياء الدين بلال للبشير:الثورة اصبحت حالة اجتماعية و لا بد من حل
... .. .
Post: #16 Title: Re: الجنرال التائه البشير ولقاء الصحفييين Author: حسن ادم محمد العالم Date: 02-08-2019, 07:16 AM Parent: #7
حبيبنا بدرالدين الامير اكييد في زمن البشير لا يوجدصحفيين وصحافة الا قلة فالانتهازية هي شعارك للنجاح غير ذلك ايقاف للصحف وتشريد للصحفيين ومصادره فالازمة شاملة
Post: #8 Title: Re: الجنرال التائه البشير ولقاء الصحفييين Author: هاشم الحسن Date: 02-07-2019, 09:02 AM Parent: #6
{وما فضل ليه الا يحرق لستك في بيت الضيافة. عموما طالما مزنوق للدرجة دي نشوفك بكرة في الموكب} ====== ههههههههههاهاهااهاهاهها، الله يضحك أيامك يا عالم. الفيديو دا قبيل برضو ضحكني زي المجنون
#موكب7فبراير
Post: #9 Title: Re: الجنرال التائه البشير ولقاء الصحفييين Author: Deng Date: 02-07-2019, 09:06 AM Parent: #8
"ودكتور عبدالله علي ابراهيم"
ده أكبر إنتهازي ومن الذين ساهمو في بقاء الإنقاذ لأطول فترة.
Post: #11 Title: Re: الجنرال التائه البشير ولقاء الصحفييين Author: هاشم الحسن Date: 02-07-2019, 09:08 AM Parent: #8
غايتو دا كلام ضياء الدين بلال، وجدته في بوست مجاور عن ضياء الدين برضو، ولغاية ما نشوف كلام الباقين لو توفر.
Post: #12 Title: Re: الجنرال التائه البشير ولقاء الصحفييين Author: Nasser Amin Date: 02-07-2019, 11:12 AM Parent: #11
تسجيل أوسع شوية من مداخلات الصحافيين فى لقاء البشير بالامس ويبدأ بحديث بخيتة امين , ضياء بلال ,احمد البلال , اشرف دوشكا واخرين
... .. .
Post: #13 Title: Re: الجنرال التائه البشير ولقاء الصحفييين Author: حسن ادم محمد العالم Date: 02-07-2019, 05:27 PM Parent: #12
تحية الثوره. دينق هاشم ناصر عبدالعظيم وبقية الشياب مشكورين علي التعليق ورفد البوست بالفيديوهات وتسقط بس
Post: #15 Title: Re: الجنرال التائه البشير ولقاء الصحفييين Author: حسن ادم محمد العالم Date: 02-08-2019, 07:10 AM Parent: #6
حبيبنا نزار عبدالله اتفق معك تماما اللقاء تم بعناية لتحقيق أهداف محددة بعناية تم تجميله بقليل من الصحفيين امثال اشرف عبدالعزيز كمعارض حتي ياتي انطباع بالمهنية
Post: #14 Title: Re: الجنرال التائه البشير ولقاء الصحفييين Author: abdalla elshaikh Date: 02-08-2019, 00:00 AM Parent: #2