هل هذا معقول؟؟؟

05:55 AM February, 02 2019

سودانيز اون لاين
Yasir Elsharif-Germany
مكتبتى
رابط مختصر

تجمع المهنيين كتب في صفحته على الفيسبوك أن مواكب اليوم الأحد تبدأ الساعة 6:30 مساء. في العادة كانت مواكب أيام الأحد تبدأ الساعة 1 ظهرا. وآخر يوم أحد بدأت الساعة 3 بعد الظهر..



تجمع المهنيين السودانيين
7 Std. ·

أغضب فإنك إن ركعت اليوم
سوف تظل تركع بعد آلاف السنين

شعبنا، إن غضبتنا على الشهداء الذين يرتقون في ميادين التظاهر السلمي أو في بيوت أشباح النظام يجب أن تتحول لتظاهرات مستمرة ومواكب حاشدة، حتى ننتصر أو ننتصر..لن نتراجع ولن يثنينا الرصاص ولن يكسرنا التعذيب، فدماؤنا تقتلهم وتحيينا، وفي هذا موتهم وهو حياتنا، فقد خبرنا أمرههم وكشفنا سرهم..إنهم أجبن من أن يصحَ لهم ضمير، لذلك فإنهم ميتون.

سيكون انطلاق المواكب من جهات متفرقة لتطويق المناطق المختلفة بشبكة بشرية تشتبك عند نقاط الالتحام

موجهات عامة لمواكب 3 فبراير 2019

>> مواكب أم درمان

موكب الجرافة والحتانة يلتقي مع موكب الثورات ويلتحمان مع موكب ودنوباوي وابوروف في اتجاه صينية أحمد شرفي.
موكب من المسالمة والعمدة الحارات بشارع النص في اتجاه صينية أحمد شرفي.

>> مواكب الكلاكلة
موكب من أبو آدم في اتجاه سوق اللفة.
موكب من الكلاكلة القبة في اتجاه سوق اللفة.
موكب من الكلاكلة الوحدة في اتجاه سوق اللفة

>> مواكب شرق النيل
- موكب من الردمية يلتقي مع موكب من شارع 1 يلتحمان في تقاطع شارع الكلس، ومنه إلى صينية مستشفي شرق النيل
- موكب من دار السلام المغاربة والفيحاء يتوجه إلى صينية مستشفى شرق النيل.
موكب أم دوم يلتحم مع موكب الجريف شرق في اتجاه صينية مستشفي شرق النيل.
- موكب من حلة كوكو وامتداد حلة كوكو تتوجه للالتحام بموكب الجريف شرق وموكب أم دوم في صينية مستشفي شرق النيل.

- المواكب المعلنة هي نقاط أساسية للانطلاق، وبإمكان الثوار في الأحياء القريبة اختيار أقرب نقطة تجمع من النقاط المُعلنة.

- تلتزم المواكب بالسلمية، مع تأكيد التزام تجمع المهنيين وحلفائه بالعمل السلمي في كافة خطواته الساعية للتغيير.

- تبدأ المواكب بالتحرك في تمام الســــــ 6:30 ـــــــــاعة مساءً من يوم الأحد الموافق 3 فبراير 2019 م.

- ندعو الجميع لرفع اللافتات واستخدام مكبرات الصوت والهتافات الموحدة والأعلام الوطنية، تعبيراً عن وحدة الصف الوطني تجاه قضية رحيل النظام.

- ندعو جميع الثوار لتوثيق تاريخ ومكان الموكب في تصويرهم.

- يشجع التجمع وشركاؤه طباعة وتوزيع إعلان الحرية والتغيير.

- سيقوم تجمع المهنيين وحلفاؤه بتوفير غرف طوارئ للمصابين والجرحى.

- خروجك غداً وفي كل يوم وتنظيمك للاحتجاج فى كل المناطق هو تعبيرك الحقيقي عن رفضك للتعذيب والقتل، ضد نظام البطش والتنكيل والقهر.

- خرائط المسارات مرفقة أدناه

القوى الموقعة على إعلان الحرية والتغيير

3 فبراير 2019

#موكب3فبراير
#مدن_السودان_تنتفض

ــــــــــــــــــــــ

كتبت هبة تعليق على البيان بعاليه الآتي:


Hîbâ Hûmmêr
Hîbâ Hûmmêr
تجمع المهنيين احنا لا حبيناكم عبط لا جانا ريدكم من فراغ وقلنا التجمع يمثلنا والبتقولو قاعدين نعملو ومن غير ما نسال كيف وليه بي بساطه الثقه في حنكتكم وقرايتكم للاوضاع خلتنا نرضخ لي مشيئة بياناتكم البنكون راجنها بي إلحاح وقلق وحماس ، يلا شنو لحدي هنا عداني العيب في المقدمة دي
اما بعد : سؤال بسيط دايره اسألكم ليو هل انتو بتقرو تعليقاتنا دي ولا بتنزلو البيان وبتمشو تنومو ؟ عشان لو بتمشو تنومو طوالي اي زول يكتب ليكم (تم) مثلا او (عُلم وجاري التنفيذ) بدل الواحد يكتب ويكتب وانتو كانو ماف ناس قاعده تحت بتقترح عليكم شي !
الثوره دي ثورتنا احنا زاتنا معاكم ع فكره واحنا العلينا الرك اكتر منكم لانو احنا القدام المدفع ، ودا ما بعني انو دوركم انتو اقل لكن دا بيعني انو اي زول في الثورة دي عندو دور وانتو دوركم توحيد الصف والتخطيط والباقي علينا .. الدايره اقولو عليكم الله اقرو كلامنا دا ومرو علي التعاليق دي ما تردو علي زول ما عشمانين في قدر دا لكن علي الاقل اطلعوا علي الافكار البتتطرح دي وختوها في بالكم وانتو بتنزلو في بياناتكم ياخ اقسم بالله في تعليقات كدا قاعدين نتمني انو صاحبها يكون معاكم لانها مليانه وشبعانه فكر
المهم عشان ما اطول عليكم في الاخير عايزه اقول ليكم : اذا الحكومات بتخضع لي رأي الشارع فما بالك بتجمع من الشعب وللشعب #تأملوها 👉
وعشان ما تخمدو الشارع وتدمرو حماسو وتتسببو في نكسة الثورة دي اسمعو غيركم وحاولو اعملو بالمقترحات خصوصا لو كانت متوحده زي قرار الليله العايزين يطلعو فيو الناس صباح بي شكل مليوني يشل حركة الطريق .. في الاخير الحدث زاتو ما صغير الخلا الناس تطلب الطلب دا فرجاء اخدوا الحاجات دي بي عين الاعتبار قبل ما يسبق السيف العزل والناس تمل تهميشكم ليها دا والنتيجه ساعتا لا حترضيكم ولا ح ترضينا واهو انتو شايفين الليله حتي بريق الفتنه باللغة العربيه في سياقة الاعلان بتاعكم البشكروكم بيو داك الليلة زهجو منو وقالو ليكم دا ما وقت خطابات وزهجنا وملينا وادونا الملخص . . .الخ) وقيسو علي ذلك وان شاء الله اليوم البتقلب عليكم الشارع دا ما يجي لكن بالشايفه دا ولو ما اتداركتو الموقف ح يحصل الله لا يقدر وقريب
#اصغوا_للشارع ✋

يبدو أن إدارة صفحة التجمع لا تقرأ تعليقات الناس.. أو أن الصفحة تم اختراقها بصورة من الصور لإحداث إرباك!!!

ــــــــــــ

Møhămmëď Hâmžä
Møhămmëď Hâmžä
٦ونص مساء ليه!! ده شنو ياخونا كده م صح لازم صباحا عليك الله يطلو وم تمرضونا زياده ٦مساء م كل النساء يقدر يطلعو وهم جزو مهم وطلبه اامدارس ولا الناس الكبار ياخ عليك الله بطلو وم تضيعو عزيمتنا وتعبنا عليكم الله املنا ف االتجمع ده بعد الله كبير م تطفونا ياخ💔💔

Rony Adil
دي شنو المواعيد دي قولو 6 ونص صباحا قولو اطلعو الشوارع الرئيسيه قفلوها من الصباح شلو الحركه تماما لا دراسه لا شغل أنزل من عربيتك احتج معانا 6 ونص مساءا دي شنو تبردو الوجعه ليييه وبعدين وين تجمع جنوب الخرطوم بيان م موفق غايتو المساء دا خلو لي ناس الكوورة يطلعو بعد المباراه بس لازم موكب واااحد كبير بكره الصبااااااح ومن بدري

Nahed Ali Nour Eljlil‎
an
تجمع المهنيين السودانيين
21 Min ·

السلام عليكم
بالنسبة لي مواعيد المواكب
3فبراير
الساعة 6:30
اكبر غلط لانو الدنيا حتكون ضلام وماحتعرف الجمبك منو ولو حصل اي انتهاك ما حنقدر نصور عشان نفضحهم فحقو الزمن يتغير
مين يؤيدني ؟؟؟

Quote: إلى جماهير الرياضة العظيمة: هلال مريخ ونيل جميعها في وجداني وموردة واتحاد أهلى وكمان إنساني مشروعنا للتغيير نعيد نزيد من تاني كورة ثقافة فن والجنس سوداني ترسمون اليوم من خلال مباراة الهلال في البطولة الإفريقية لوحة عشقكم المعتادة للعبة الشعبية الأولى في البلاد التي أسست كرة القدم في عموم إفريقيا و جعلت منها رسالة إنسانية بين الشعوب . إنكم و بمثلما تعانون في حياتكم اليومية من طغيان الحكام وفسادهم، كذلك تعاني الرياضة في جميع ضروبها من فساد النظام السياسي والرياضي في البلاد التي تسيل دماء أبناءها الأبرياء و تنهار فيها كل يوم قيمة من قيمها. نحن إذ نحيي كباتن السودان ونجوم الكرة و مجتمع الرياضة على مواقفهم الوطنية التي تشرّبوها من سودانيتهم ومن المجتمع الرياضي وأنديتهم العريقة فإننا في تجمع المهنيين السودانيين نثق تماماً أنكم تحملون مبادئ أندية الحركة الوطنية في قلوبكم وأنكم ستخرجون للالتحام مع مواكب أم درمان عقب مباراة اليوم، كما سبق ورسمتم لوحة وطنية خالدة في آخر مبارياتكم فقد خرجتم في مواكب مهيبة بسبب غيرتكم وحسكم الوطني المشهود، وقد كانت تلك المواكب دافعاً قوياً للثورة. إعلام التجمع 3فبراير #موكب3فبراير #مدن_السودان_تنتفض

سلامات ياسر
في مباراة اليوم بين الهلال و الاشانتي كوتوكو الغاني
يعني في حشد جاهز

Quote: في مباراة اليوم بين الهلال و الاشانتي كوتوكو الغاني يعني في حشد جاهز

مظاهرات سته ونص ترهق قوات القمع وتخفيف ضغط على الحشد عند خروج مظاهره من الاستاد.
.
اعتقد جسم كتجمع المهنيين اثبت وجودو وذكائو عبر الفتره السابقه من البديهيات يكون فى تشكيلتو اجهزه لجمع المعلومات وتحليلها ثم التخطيط واتخاذ القرار واكيد برضو متابعه الاعلام والوسائط (كقياس للراى العام ونبض الشارع) كجزء من المعلومات الضروريه اللازم تخليلها قبل التخطيط واتخاذ القرار.
ضرورى يكون عندنا مستوى جيد من الثقه فى التجمع والا فما فائده دعم الناس ليهو كقياده للحراك

مباراة الهلال والاشانتي مكانها امدرمان بينما المواكب معلنة أيضا في كل من الكلاكلة وشرق النيل وغيرها وهذه لا تتاثر بالمبارة نهائيا
كما ان موعد المباراة كان معلنا له الساعة 7 مساء فهل يسير اهل امدرمان عند ال 6 والنصف المواكب ام يدخلون الاستاد
المظاهرات المسائية ممكن تنجح في اقتلاع البشيرة (الفنان) وليس البشير يا اهل التجمع
اهبطوا الشوارع واحتكموا لصوت الشعب يا قادة التجمع
مع تحياتي صاحب البوست وضيوفه

شكرا يا دكتور ياسر
وصلتني الرسالة ادناه من معجب بشغلك

تسلم يا عزيزي بكري
وأحيي عبرك هذا المعلق الكريم وأشكره

ومعا نحن السودانيون أهل السلطة الخامسة وراءنا الكثير الذي يجب عمله لمساندة الشباب السوداني في إنجاز الثورة العظيمة وإحلال البديل الديمقراطي لفترة انتقالية ناجحة.

ياسر