سكان بيت المال يمنعون امنجى يسكن حيهم من دخول منزله بعد عودته من عمله اليومى في قمع المتظاهرين . ان الواقعة تحمل رسائل واضحة الى منسوبى جهاز الامن والمصير الذى ينتظرهم وعلى الجنرال قوش ان يفهم ان ارواح الشهداء لن تذهب هدرا ....... قال قوش عندو محاسن قال ...
Post: #2 Title: Re: ما حدث في بيت المال - ام درمان - شي لا يصدق ( Author: محمد على طه الملك Date: 02-02-2019, 12:18 PM Parent: #1
دا شغل نضيف ومشروع ومطلوب من جميع سكان الاحياء لحماية بيوتهم من الاعتداءات ويجب ان تعمل لجان الاحياء لحصر اسماء قيادات المؤتمر الوطني والكيزان النشطين بكتابة اسمائهم على الحوائط وفي قصاصات ورق ورميها داخل بيوتهم .. فقط كتابة الاسم مع عبارة (عارفنك بتعمل شنو ضد الثوار ولكن نحن قادمون )
Post: #3 Title: Re: ما حدث في بيت المال - ام درمان - شي لا يصدق ( Author: عمر دفع الله Date: 02-02-2019, 12:42 PM Parent: #2
صباح الثورة يا مولانا .. دلالة المشهد دا فيها ايضا رسالة الى الدولة العميقة نعم سيتم طردهم او على اقل تقدير معاملة الاسلاميين على هذا النحو في مؤسسات الخدمة المدنية ساعة سقوط النظام ومن المفارقات ان يحدث لهم ما حدث في ايراد عشية سقوط الشاه . ففي ايران قتل بعض منسوبي ( السافاك ) امام دور القضاء الايرانى وهم في طريقهم الى قاعة المحكمة . فكلما يخوض الاسلاميون في دماء الناس فكلما يكون الثأر وسوء المعاملة في تناسب طردى مع الدم المراق . لذلك لن يتركوا السلطة إلا وسط بحر من الدماء ..... تحياتى
Post: #4 Title: Re: ما حدث في بيت المال - ام درمان - شي لا يصدق ( Author: Asim Ali Date: 02-02-2019, 01:08 PM Parent: #3
من زمان قلنا سلاح المقاطعه والحصار الاجتماعى اقوى سلاح لانو بيضيق مساحه حركتهم وبرضو يقطع الطريق عليهم فى استغلال البسطاء وبث سمومهم . والله الواحد فيهم لو وصل درجه الرفض ليهم انو الواجد اهاو فى البيت ما اكلو معاهو فى صيتيه واحده . مافى زول يقول لى قيمنا وتسامحنا كسودانيين . ديل كيزان لاوطن لهم ولاقيم انسانيه لهم. شخصيا مطبق نسختى الخاصه من من المقاطعه من سنوات واصبحت اكثر تشددا من 2013.
Post: #5 Title: Re: ما حدث في بيت المال - ام درمان - شي لا يصدق ( Author: عمر دفع الله Date: 02-02-2019, 02:22 PM Parent: #4
الحديث عن المقاطعة الاجتماعية للامنجية والكيزان والسفارات في ناس كُتار في المنبر دا بيعمل ليهم كاروشة في دمهم . وفي ناس اختفت عديييييل من المنبر وفي ناس يتاوقوا للبوستات الساخنة عن القمع وفيديوهات الشهداء وكأن على رؤوسهم الطير وفي ناس قالوا تركوا السياسة في المنبر وهسي عاملين فيها ثوار في الفيسبوك . وفي ناس وناس وياما في ناس ضربت عليهم الذلة والمسكنة ويتمنون لو تُخمد نيران الثورة ويستسلم الشعب للبشير مكهرا حتى لو وسط بحر من الدماء ... ولكن هيهات سننتصر الثورة ولو بعد عام .
Post: #6 Title: Re: ما حدث في بيت المال - ام درمان - شي لا يصدق ( Author: Abdelrahim Mohmed Salih Date: 02-02-2019, 03:31 PM Parent: #5
سلام يا عمر ولكل المشاركين
خطوه ممتازه ونقل نوعى للصراع الدائر مع النظام على مستوى افراد الآله القمعيه يظنون إمكانيه التعايش كمواطنين فى الحى بعلاقات إجتماعيه مع مكونات المجتمع مع الاحتقاظ بدورهم فى الدفاع عن النظام ضد الشعب إنفصام الوعى هذه يجب أن يضع فى مسار واضح يعزل كلاب الامن مجتمعيا وإنسانيا بل ان بعضهم مغيب عن فعله القبيح بعوامل تتعدد بين الشخصى والمنهجى وذلك امر لايعنى الثوره فى مرحلتها الحاليه المهم الان إن يستشعروا الخوف بكل أشكاله وإن تتضح لهم سفاله موقفهم وخيبتهم فى تاريخ بلدهم اتمنى ان يتجنبهم كل الناس بما فيهم الأسوياء من اهلهم فى البيت الواحد هم فى حقيقتهم قتله يهاجمون عزل فقط لمطالبتهم بحقوق اساسيه لاشى غير ذلك خطوات جهاز الامنى الساذجه فى التعامل مع ثوره توضح قصوره الذهنى فى فهم الشارع الواعى يحتار الانسان حقيقه كيف استطاع هذا النظام ان يحكم 30 عاما ملاحظتك على كاروشه المنبر صحيحه لكنها مشكله مجتمع وعدم نضج خوف الإطاله اكتفى بهذا
Post: #7 Title: Re: ما حدث في بيت المال - ام درمان - شي لا يصدق ( Author: Mustafa Mahmoud Date: 02-02-2019, 03:57 PM Parent: #6
هههههههههههههههه
انشاء الله تقاطعو كيزان و امنجية المنبر زي محمد المسلمي و ودالباوقة و الاشياء المشابهة
Post: #8 Title: Re: ما حدث في بيت المال - ام درمان - شي لا يصدق ( Author: Bashasha Date: 02-02-2019, 04:15 PM
غايتو بالنسبة لي هذا مرفوض.
ده ممكن يؤدي الي عنف او فوضي في الاحياء.
سلميـــــــــــــــــــــــــــة او بث!
Post: #9 Title: Re: ما حدث في بيت المال - ام درمان - شي لا يصدق ( Author: جلالدونا Date: 02-02-2019, 04:30 PM Parent: #8
بشاشه ... احشالك قبضة فى خشمك
Post: #10 Title: Re: ما حدث في بيت المال - ام درمان - شي لا يصدق ( Author: محمد أبوالعزائم أبوالريش Date: 02-02-2019, 04:38 PM Parent: #8
Quote: سلميـــــــــــــــــــــــــــة او بث!
يا بشاشا دي قمة السلمية ...السلمية لا تعني السلبية ....بالمناسبة، غير بيت المال، الشباب بدأوا فعلاً في الكتابة على بيوت وعربات الكيزان والأمنجية، عشان الما عارفهم يعرفهم ويعزلهم عزل الطاعون.
Post: #11 Title: Re: ما حدث في بيت المال - ام درمان - شي لا يصدق ( Author: Bashasha Date: 02-02-2019, 05:23 PM Parent: #10
اسمع ياقبلي يا انقاذي يا منحط، المدعو جلالدونا، من متين كمان بقيت ثائر او علي منو يا جهوي يا منحط؟
Post: #12 Title: Re: ما حدث في بيت المال - ام درمان - شي لا يصدق ( Author: Bashasha Date: 02-02-2019, 05:32 PM Parent: #11
Quote: يا بشاشا دي قمة السلمية ... السلمية لا تعني السلبية ...
محمد ابو الريش سلام،
السلمية مافيها سلبية، ومثل هكذا اسلوب مكلف بلا مردود لانو في داخل اي حي حياأدي الي استقطابات ثم مواجهات بناءا علي صلات الرحم، او الشلة او ايا كان، وللاحياء حرمتا كما البيوت.
داخل البيت والحي انتا بتتعامل بي طريقة محددة مع خصومك.
ممكن الناس تقاطع اجتماعيا او بي صمت، ولكن ما بالمواجهة المادية.
انتبه لالفاظ البعض، في الشريط، داخل الاحياء ده ممكن يادي لي فتنة لانو الناس بتعرف بعض كويس جدا او بي كده المساس بشرف او ام ايا منا حيخلق فتنة.
Post: #13 Title: Re: ما حدث في بيت المال - ام درمان - شي لا يصدق ( Author: Asim Ali Date: 02-02-2019, 05:46 PM Parent: #12
بشاشا قبل تستنكر الحصل دا اسال حصل شنو لى امام مسجد بيت المال والمؤذن محل سكن الكائن الامنجى المطرود. دا رد فعل طبيعى للحصل لى ناس منهم
Post: #14 Title: Re: ما حدث في بيت المال - ام درمان - شي لا يصدق ( Author: Bashasha Date: 02-02-2019, 06:19 PM Parent: #13
Quote: قبل تستنكر الحصل دا اسال حصل شنو لى امام مسجد بيت المال والمؤذن محل سكن الكائن الامنجى المطرود
بعدين مافاهم، الجديد شنو في اساليب النظام الدموية اللي قرر الشارع يواجها بي اسلوب سلمي من اول يوم؟
من يومو الناس بتواجه الرصاص بي صدور عارية او ترد علي الطلقة بي صرخة، مش بالرصاص، وقوتنا كلها في هكذا اسلوب ناجح جدا، رغم انو مكلف، والفشا غبينتو، خرب مدينتو.
اذن ركز معاي علي ماهو سر نجاحنا حتي الان، وبالتالي كلنا نحاول الحفاظ عليهو، والا اي محاولة لمجارات عنف نظام مدجج بالجيوش والسلاح سيادي الي هزيمة مشروعنا.
نعم السلمية هي العطلت جيوش النظام، بل جردت هذه الجيوش من سلاحا!
اذن ردود الافعال التلقائية الوقتية مافي مفر منها رغم انها خطرة، اما الدعوة علنا لتبني اسلوب عنف مضاد، فهذا يهزم مشروعنا تماما، لانو عاطفي، او Reactionary والخطورة هنا!
راجعو تكتيكات افذاذ ثورتنا الام من امثال دقنا، ابوعنجة، ود الكارة، عثمان ازرق، الذاكي....الخ.
كانو صارمين جدا في اتباع خطط محددة للنهاية!
Post: #15 Title: Re: ما حدث في بيت المال - ام درمان - شي لا يصدق ( Author: جلالدونا Date: 02-02-2019, 06:31 PM Parent: #14
القِحِف الاسوأ من الكوز ... ياتو يوم شفتنى عرضت نفسى ثائر ولّ مناضل بالكتير رأى سالب فى ولاد خالتك و ملِّتك الكيزان .. الإنت اسوأ منّهم ... و قلناهو لو فاكر انّو ده نضال يبقى الترابه فى خشم النضال و فى خشمك الذى لا ينطق إلّا ما يخدم كيزان معبدك و آمونك ____ القِحِف المقصود ما قحف جمجمة راس البنى آدم ... المقصود قِحِف الزير بشاشة .... قوم احشالك قبضة فى خشمك
Post: #16 Title: Re: ما حدث في بيت المال - ام درمان - شي لا يصدق ( Author: Bashasha Date: 02-02-2019, 06:43 PM Parent: #15
عمرك كلو في المنبر ده، مش كنت بتحارب في صفوف نظام الفسقة، والان جاي بلا خجلة كمان تمارس في المزايدة، او من دون خلق الله علي امثالنا؟
يا لسخرية الاقدار بحق!
Post: #17 Title: Re: ما حدث في بيت المال - ام درمان - شي لا يصدق ( Author: طلحة عبدالله Date: 02-02-2019, 06:43 PM Parent: #14
بشاشا كلامو صاح دا سلوك ضد سلمية الثورة بجدارة .. صحيح أن السلم لا يعنى الإستكانة للخصم العنيف لكنه بالمقابل لا يعنى أبدا الجنوح إلى العنف المضاد فعلا أو قولا .. شعار الثورة السلمية المرفوع على الأشهاد حرية وسلام وعدالة يجب أن يجسد هذه المعاني المتحضرة لأن ذلك هو السبيل الوحيد للوصول إلى الهدف المأمول . .............. أدين بلا هوادة النهج الوحشي المتبع مع سبق الإصرار والترصد ضد المتظاهرين السلميين أصحاب الحق .. ............. وين أخونا العزيز سيف الدين بابكر أو أيا كان إسمه ؟ خخخخخخخ
Post: #18 Title: Re: ما حدث في بيت المال - ام درمان - شي لا يصدق ( Author: جلالدونا Date: 02-02-2019, 07:17 PM Parent: #17
خلاص دخلت من باب الكذب و رمى الناس بما ليس فيهم يا هوده المنبر قدامك بى ارشيفو اتحداك جيب لى ما يثبت كلامك ده او تكون انت كاذب قحف اسوأ من كوز
Post: #19 Title: Re: ما حدث في بيت المال - ام درمان - شي لا يصدق ( Author: Mohamed Suleiman Date: 02-02-2019, 07:37 PM Parent: #18
راس السوط لحق آل بشاشا ... ضباط النظام ... و بعضمة لسانك هم البيستقبلوك في المطار و هم البيودوك للطيارة عند القيام:
Quote: غايتو بالنسبة لي هذا مرفوض.ده ممكن يؤدي الي عنف او فوضي في الاحياء.سلميـــــــــــــــــــــــــــة او بث!
و المتشعبط في عربية فرملة قطار الثورة ... بشاشا ... باألألف الممدودة ...
Post: #21 Title: Re: ما حدث في بيت المال - ام درمان - شي لا يصدق ( Author: عمر عبد الكريم علي Date: 02-02-2019, 09:35 PM Parent: #20
ديل اهلي واولاد حلتي وأفتخر أما بالنسبة لمن استهجن واعني بشاشا فصدقني دي اقل حاجة ممكن تتعمل للأمنجي الكلب ده بعد حادثة الإعتداء على خالي الاستاذ التجاني محمد احمد إمام وخطيب مسجد الحي . الكلاب ديل اقتحمو المسجد بأبواتهم وضربو المؤذن واعتقلو التجاني خالي وضربوهو في عينو. انا ضد العنف تماما بس الناس ديل وصلونا مرحلة غريبه من الغبن، الواحد ماكان متخيل حتى إنو ممكن يكره للدرجه دي
Post: #22 Title: Re: ما حدث في بيت المال - ام درمان - شي لا يصدق ( Author: جلالدونا Date: 02-02-2019, 09:47 PM Parent: #21