ياجمرة يا معصوبة العينين وبتشوفي ياجمرة يامبتورة الساقين وبتطوفي طلي من كل الشوارع من خشم باب البيوت محال وهجك يصير هبوت يا جمرة وللواطيكي قدي البوت ------------ شعر الراحل محمد الحسن حميد
خلينا نغني معاك نفس الدعاش وريحة الفقرا ووتر يدوزن امكنة الثورة
النذير بيرو
اي والله يالنذير وفي نص العركة فنا مع الشباب المبدعين الجدد وهسع الليلة داخل الاستديو \ه جيل الحمد لله حضرناه جيل وثاب ولا يهاب من هسع نقول ليك مبروك الدمقؤاطيه النظيفة الشفيفة الخالية من الكهنوتات والله المرة دي ينتصر فيها الشباب ويصلحونا زي ما انصلحت ملاوي بل الصومال واثيوبيا
فوووووق وتحايا لموسيقارنا الذي ما غابت نوتاته عن نضالات الشعب يوماً
تسلم زميلتنا العزيزة صباح والمعمل شغال واغنيات شحذ الهمم تتوالى تشجيعكم يلعب دورا كبيرا في حركتنا والنصر لشعب السودان وشباب الثورة
Post: #17 Title: Re: ياجمرة قدي البوت Author: حاتم إبراهيم Date: 01-21-2019, 06:51 AM Parent: #1
Quote: اي والله يالنذير وفي نص العركة فنا مع الشباب المبدعين الجدد وهسع الليلة داخل الاستديو \ه جيل الحمد لله حضرناه جيل وثاب ولا يهاب من هسع نقول ليك مبروك الدمقؤاطيه النظيفة الشفيفة الخالية من الكهنوتات والله المرة دي ينتصر فيها الشباب ويصلحونا زي ما انصلحت ملاوي بل الصومال واثيوبيا
يوسف كيفك؟ كل سنة وانت طيب!
في نص العركة (فنا) من استوديوهات سودانية 24 ولا قاعات سونا؟
__ الديمقراطية مختلفة، ومن أساسياتها احترام الرأي الآخر.
حاتم اهلا بيك اعتقد هذا ليس وقت الدخول في معارك جانبية فاذا كنت مع الثوار فمرحبا بك وان لم تكن فعلى كيفك انا في السودان والاعمال اهي نزلت قدامك تاني في شنو؟؟ هنالك اعمال في الطريق بما انك رجل بتاع تكنلوجي عايزين نرسل ليك البوسترات والتسجيلات تنزلها لينا فيديوهات وتكون ساهمت اجل الشكل بتاعك شوية سيارة الامن جاءت ٥مرات تنتظر امام بيتي فلا خوف وانا ما احسن من الماتو ولا الانضربو سودانيه ٢٤ لما عملت معها ما كان الحاصل حاصل وهسع حتشوف انتظر ولا تتعجل مشروعي الاخر مشروع هام للموسيقى السودانية وليس عبثا شكرا على اي حال
الاغنية القادمة كتلت الشباب يوسف الموصلي ++++ كتلت الشباب وجودك كحاكم حيصبح رهاب وصدق ياظالم دي ثورة شباب تحاكم رموزك تهيلك تراب وشعبا يحلق لفوق السحاب
هذا النشيد يا موصلي أعادني لشقتكم بالقاهرة ميدان الجيزه وكان يتحلق حولكم الشباب وقتها ياسر بسطاوي وعباس حمزه ومنتصر زكي عيسي وكنتم و مصطفي سيد أحمد تحاولون قدر الإمكان فتح مجريً لها هذه الثورة والتي فجّرها أبناء أولئك الشباب ! فتأمل يا موصلي قُدرة الفَن علي ترتيب التاريخ وليست مكاوشته !
هذا النشيد يا موصلي أعادني لشقتكم بالقاهرة ميدان الجيزه وكان يتحلق حولكم الشباب وقتها ياسر بسطاوي وعباس حمزه ومنتصر زكي عيسي وكنتم و مصطفي سيد أحمد تحاولون قدر الإمكان فتح مجريً لها هذه الثورة والتي فجّرها أبناء أولئك الشباب ! فتأمل يا موصلي قُدرة الفَن علي ترتيب التاريخ وليست مكاوشته !
نعم يا عبد الله وكانت معهم خالدة الجنيد وشاب فنان قريب العميري نسيت اسمه حاول اتذكرو بالله الغريبة معظم الذين انتجنا معهم وبهم هذه الاعمال من عسكريين وسياسين خانوا القضية والشعب ولكن على قولك الفنان بشوف بعيد اطمنك في جيل جديد من المبدعين الشباب مسلحين بنفس همة ثوار اليوم في الشارع وانا كراجل عجوز شغال معاهم وضخهم لدعم الثورة مستمر ويعملون بشكل يومي كن بالف خير وشعبنا البطل
كتلت الشباب وجودك كحاكم حيصبح رهاب وصدق ياظالم دي ثورة شباب تحاكم رموزك تهيلك تراب وشعبا يحلق لفوق السحاب
Post: #30 Title: Re: ياجمرة قدي البوت Author: حاتم إبراهيم Date: 01-26-2019, 07:19 AM Parent: #1
Quote: phjl ig i`h ,rj hglah;sm
لا طبعاً دا ما وقت المشاكسة! دا وقت الحقيقة. راجع راجع
Quote: اعتقد هذا ليس وقت الدخول في معارك جانبية فاذا كنت مع الثوار فمرحبا بك وان لم تكن فعلى كيفك
هي ما (معركة) إلا في نظرك، مجرد سؤال بريء فإذا قدرت على إجابته فمرحبا بك مع الثوار وإن لم تقدر فعلي كيفك.
Quote: انا في السودان والاعمال اهي نزلت قدامك تاني في شنو؟؟ هنالك اعمال في الطريق بما انك رجل بتاع تكنلوجي عايزين نرسل ليك البوسترات والتسجيلات تنزلها لينا فيديوهات وتكون ساهمت اجل الشكل بتاعك شوية
ترسل لي فيديوهات وبوسترات بصفتي شنو أو بصفتك أنت شنو؟ ما عندكم لوائح للتصرف في الأعمال؟ الأمور الفنية دي لو ما عندها نصوص قانونية واضحة و(مفهومة) فغالباً ينتهي أمرها زي نهاية تسجيلات لوس أنجليس. خلاف ذلك (الشكل بتاعي) مالو؟ أنفع بتاع طبلية متحركة للملايات والأحذية المصرية مثلاً؟
Quote: سيارة الامن جاءت ٥مرات تنتظر امام بيتي فلا خوف وانا ما احسن من الماتو ولا الانضربو
جات 5 مرات يفتشوا ليك يعني؟ ودلالات مجيئها شنو يا يوسف؟ العبرة بالخواتيم ونحنا علينا بالظاهر Anyway, so what؟
Quote: سودانيه ٢٤ لما عملت معها ما كان الحاصل حاصل وهسع حتشوف انتظر ولا تتعجل
وأهو منتظرين نشوف كان هسع ولا بعدين، تكتيك (الاعتراك فنا) من الداخل غير مقنع البتة نكالا لأنو "المساهمة" دي ما بتخدم (الشكل بتاعك) الأنت بتلمح ليهو في الزمن المعاصر دا.
__ ما علينا، القنعان ما بغلبو يرجى فورة البرمة، غض النظر عما فيها.
Quote: مشروعي الاخر مشروع هام للموسيقى السودانية وليس عبثا شكرا على اي حال
المشروع الآخر ما قلنا عليهو (عبث) لكن (الجد) الفيهو غريب شوية، وأنا كتبت تساؤلات مشروعة، لكن الظاهر أن هنالك يداً (عبث) بها وتولت، فماجت واضطربت، ثم اختفت متقهقرة إلى غياهب النسيان، خشية الرد الجاد.
___ زمن دوار، لكن الديمقراطية سمحة، على قولك، ومنظورة للكل.
===============
Quote: الان بجهز فيدي كتلت الشباب مع اني بعاني لانو الكومبيوتر فقد برنامج لاي موفي وهو ماكنتوش طبعا ورافض تنزيله طالما انا في السودان
يمكن ما بينفع معاهو إلا الجو المصري، الماكنتوش الما راضي يتعاون معاك دا مبروك مقدماً يا يوسف، بس بنرجع ونقول المثل القديم: الخريف اللين من بشايرو بين!
أها شفت يا يوسف زي الفيديو دا كنا راجينو بعد كتلة السودانيين، شباب وأطفال في صبيحة راس السنة 2005 في ميدان مصطفى محمود،
Quote: نعم هنالك عدة اخطاء متبادلة بين الطرفين خصوصا القنوات الليلية الصفراء في مصر ومحاولاتها البائسة للاستهزاء بالسودان والسودانيين جريا وراء الكسب المادي الرخيص بواسطة زيادة عدد المشاهدين لقنواتهم التي تعشق الاثارة اما ردود الافعال السودانية التي تظهر في بعض الصحف السودانية او النت او وسائل التواصل الاجتماعي فالكثير منها فتشوبه المراهقة السياسية وبعضها يتميز "بعبط" ملحوظ فعندما وصلت الى مصر لمواصلة مشروعي للدكتوراة في التأليف بكنسرفتوار القاهرة اكبر المؤسسات الاكاديمية الموسيقية في العالم العربي والافريقي قاطبة لاحظت الاتي في مطار القاهرة الاتي ذلك المساء ١- دخول جميع الركاب السودانيين من كل الشركات في سهولة ويسر لم نعهده حتى في زمن نميري وبالمناسبة لاحظت ان هنالك ثمانية سفريات بين القاهرة والخرطوم فماذا انتم فاعلون يا هواة التخريب ٢- مررت بالشارع المصري وسألت كل السودانيين الذين قابلتهم بما فيهم بعض أهلي فوجدتهم فرحين بالعلاج الناجع الذي يتلقونه وهو ارخص من العلاج بالسودان ووجدتهم يستمتعون بالشراء للعيد وللتجارة من الصناعات المصرية من ملابس واحذية وملايات وكهربائيات وغيره دونما عناء ونواصل التحليل
(القرادة) لسه لاصقة فيكم .... ؟؟؟؟؟او كما قال ود المشرف (باااااااااااااص) ... كده وضح يا ابو حسين الزول ده امنجي وجدادة اليكترونية ردي الفوق بمحاولة اقناعه بان يترك الموصلي ولو مؤقتا فالوقت وقت الثورة لم يقنعه وطل متماديا وسادرا في غيه الناس في شنو والجدادة في شنو لذا حنرجع للاسلوب الذي يؤدبه وهو التجاهل لاننا مشغولين يالثورة وتشمها قدحة تاني يا جدادة وخليك سادر في القوقلة تحيا ثورة اقتلاع الدكتاتورية و تسقط بس
دا المفروض يحصل يا موصلي من زمااااااااااااااااااااااااان .......
يشمها قدحة ببساطة لاننا ما فاضين وتسقط بس
Post: #34 Title: Re: ياجمرة قدي البوت Author: حاتم إبراهيم Date: 01-27-2019, 07:31 AM Parent: #1
Quote: كده وضح يا ابو حسين الزول ده امنجي وجدادة اليكترونية ردي الفوق بمحاولة اقناعه بان يترك الموصلي ولو مؤقتا فالوقت وقت الثورة لم يقنعه وطل متماديا وسادرا في غيه الناس في شنو والجدادة في شنو لذا حنرجع للاسلوب الذي يؤدبه وهو التجاهل لاننا مشغولين يالثورة وتشمها قدحة تاني يا جدادة وخليك سادر في القوقلة تحيا ثورة اقتلاع الدكتاتورية و تسقط بس
أياااا يوسف! المانفستو التشهيري دا بس عشان سألناك من موقفك؟ أنا فوق مش قلت ليك الزمن دوار! شوف كنا وين وبقينا وين ورجعنا لوين! وأصلاً مافي زول مطالبك بأنو تثبت موقف خرافي أسطوري بمعركة الألحان الجنائزية أم 5 تاتشرات دي!
طبعاً أنت أول من روج للفرية بتاعت إنو حاتم إبراهيم دجاج إلكتروني ودلوقت أضفت ليها (أمنجي) وأنت كذلك أول من لجأ إلى التشهير بشخصي بمفردة (كبعوك وانت صغير) في تلميح للاستغلال الجنسي
هل ممكن، طالما عندك الشجاعة للتشهير بشخصي، تثبت كلامك دا؟ يعني اثبت أني دجاجة إلكترونية وأني (أمنجي) أعمل في جهاز الأمن وأني كانوا (بكبعوني وأنا صغير)
سفاح ما بعرف غير لغة السلاح سفاح عديم دم وإحساس عاوز يحكم بالدم والسلاح رغم لمسوها ليهو إرحل يا سقيل وان الشعب يريد إسقاط النظام و # تسقط بس .. ولسة يتغابى
سفاح ما بعرف غير لغة السلاح سفاح عديم دم وإحساس عاوز يحكم بالدم والسلاح رغم لمسوها ليهو إرحل يا سقيل وان الشعب يريد إسقاط النظام و # تسقط بس .. ولسة يتغابى
ولكن .. الفجر لاح
صدقت حبيبنا نادر اضف الى ذلك وليذهب الجداد الاليكتروني الى المزابل
ههههههه امبارح اكلت قراصة بي دمعة (جداد) فتذكرت الدجاج الاليكتروني
امبارح خلصنا الاغنية دي باقي المكساج
يومين وبتجي وهان النص
قول للأمنجي التندستا دارك في الجحيم هندستا ، يا بايع الضمير فلستا لي توب الرجال ملصتا كان شلت القروش هلستا ولي راس الضلال ملستا ، كان سقتا التواتشر دستة وبيهم للخلايق دُستا كان غتيت وشيك نقبستا عند الله اترصد في اللستة
اتندستا من الانجليوية attendance اتنقبستا من العربية يتنقب
Post: #51 Title: Re: ياجمرة قدي البوت Author: حاتم إبراهيم Date: 02-05-2019, 05:30 AM Parent: #1
لأزمة الوطن شخسنتا مجهود الرجال بخستا ولبيع الضماير هندستا حلايب الوطن كتير رخستا بالملايات والجزم دغمستا باللفة وبالمتر وبالدستا بالإعلان الرخيس مسحتا وقصاد كرتونة كابستا
الوطن غالي ما أغنية وسيستا والأرض عنوان لغير ما مارستا
