Quote: مجلس تحقيق بقناة سودانية 24 يقضي بايقاف المذيع حاتم التاج لترحمه على شهداء الاحتجاجات الجارية بالبلاد
علمت مونتي كاروو بصدور قرار من قناة سودانية 24 الفضائية بايقاف حاتم التاج، المذيع والمعلق الرياضي ومقدم برنامج "حال الرياضة"، عن العمل لأجل غير مسمى. ويعود إيقاف التاج إلى أنه ترحم في مطلع حلقة الخميس الماضي على شهداء الاحتجاجات الجارية في السودان، وهو ما اعتبره المدير العام لسودانية 24 الطاهر حسن التوم، تجاوزا للسياسة الإعلامية للقناة، وأصدر قراراً بتشكيل مجلس محاسبة للمذيع، انتهى بإيقافه عن العمل. يذكر أنه راجت قبل أسابيع أخبار مفادها اجتماع مدير القناة بالمذيعين، وأنه هددهم بالعقوبات حال بدر من أي منهم تأييد للاحتجاجات التي انتظمت البلاد منذ 19 ديسمبر من العام الماضي وسقط خلالها اكثر من 40 قتيلا بحسب منظمات حقوقية في حين تقول الحكومة ان عدد القتلى 29.
خدمة الاخبار من #مونتي_كاروو https://m.facebook.com/story.php؟story_fbid=1994531087269104andid=1394010163987869[/QUOTEhttps://m.facebook.com/story.php؟story_fbid=1994531087269104andid=1394010163987869[/QUOTE]
ورد في الأثر إن لم تستحي فأفعل ما تشاء
والمثل السوداني يقول : الما بخاف من الله خافه
Post: #2 Title: Re: سودانية 24 توقف المذيع حاتم التاج لترحمه ع� Author: Yassir Ahmed Date: 01-31-2019, 08:07 AM Parent: #1
ما أعتقد ده السبب، لان كل مقدمي البرامج في 24 يترحمون على الشهداء.
يبغي التحري والأمانة في نقل الأخبار ، لو حسيت بأن الخبر ما جايب تعبه جليهو ياخ
Post: #3 Title: Re: سودانية 24 توقف المذيع حاتم التاج لترحمه ع� Author: يوسف الطيب احمد إدريس Date: 01-31-2019, 08:12 AM
Quote: ما أعتقد ده السبب، لان كل مقدمي البرامج في 24 يترحمون على الشهداء.
طيب السبب شنو ؟
Quote: بغي التحري والأمانة في نقل الأخبار
يلا وريني وين أنا كنت ما أمين في نقل الأخبار ؟
ويعني شنو الأمانة في نقل الأخبار
الشيء كلام ساي مطلوق في الهواء ولا عندك منطق وسند
Post: #4 Title: Re: سودانية 24 توقف المذيع حاتم التاج لترحمه ع� Author: يوسف الطيب احمد إدريس Date: 01-31-2019, 08:16 AM Parent: #3
Quote: لو حسيت بأن الخبر ما جايب تعبه جليهو ياخ
شغل الألفة ولستة المهرجلين خلينا منو
طيب المرة الجاية برسلو ليك تديني الإذن أنشرو ولا لا
Post: #5 Title: Re: سودانية 24 توقف المذيع حاتم التاج لترحمه ع� Author: محمد حمزة الحسين Date: 01-31-2019, 11:04 AM Parent: #4
Quote: يلا وريني وين أنا كنت ما أمين في نقل الأخبار ؟
إذا صلاح عبد الله قوش رئيس جهاز المخابرات الوطني بترحم عليهم ... يبقي نقلك غير أمين ...
Quote: وقال مدير المخابرات السوداني إن "دخول القوى الشريرة إلى الإحتجاجات ومحاولة توظيفها فتح الباب للتخريب والفوضى، تبع ذلك تداعيات مؤلمة"، وترحم قوش على ضحايا الأحداث الأخيرة في السودان، داعيا بالشفاء العاجل للمصابين".
Post: #6 Title: Re: سودانية 24 توقف المذيع حاتم التاج لترحمه ع� Author: يوسف الطيب احمد إدريس Date: 01-31-2019, 11:15 AM Parent: #5
Quote: إذا صلاح عبد الله قوش رئيس جهاز المخابرات الوطني بترحم عليهم ... يبقي نقلك غير أمين ...
بالله دي حجتك ومنطقك ؟!
منك العوض وعليك العوض
Post: #7 Title: Re: سودانية 24 توقف المذيع حاتم التاج لترحمه ع� Author: Yassir Ahmed Date: 01-31-2019, 11:54 AM Parent: #1
يا الطيب ما تزعل ياخ ، كلامي ما قاصد بي شئ ، غير إني بقول للناس عشان ما يبقى منظر الناس شين بعدين لمن اتعرف السبب . المذيع يقال إنه قدم استقالته ومشى لقناة تانية، وده برضو إحتمال يكون ما صح عشان كده حقو لمن نجيب خبر ما نملى ايدنا من صحته ، بذات الأيام دي بعدين ما في وصاية ياخ ، والله ما قاصد شئ ، ولا عندي غرض من كلامي . العفو
Post: #8 Title: Re: سودانية 24 توقف المذيع حاتم التاج لترحمه ع� Author: Yassir Ahmed Date: 01-31-2019, 11:57 AM Parent: #1
الإعلامي حاتم التاج في تصريحات للعربية: لن أعود لسودانية 24 ولو مديراً وفقدان الوظيفة لا يعني شيء امام من فقدوا أرواحهم
Post: #11 Title: Re: سودانية 24 توقف المذيع حاتم التاج لترحمه ع� Author: يوسف الطيب احمد إدريس Date: 02-03-2019, 09:14 AM Parent: #10
Quote: ا الطيب ما تزعل ياخ ، كلامي ما قاصد بي شئ ، غير إني بقول للناس عشان ما يبقى منظر الناس شين بعدين لمن اتعرف السبب . المذيع يقال إنه قدم استقالته ومشى لقناة تانية، وده برضو إحتمال يكون ما صح عشان كده حقو لمن نجيب خبر ما نملى ايدنا من صحته ، بذات الأيام دي بعدين ما في وصاية ياخ ، والله ما قاصد شئ ، ولا عندي غرض من كلامي . العفو
الأخ ياسر احمد سلامات حصل خير وحتى أنا اعتذر لكع عن الحدة والانفعال الزائد ومعليش شكلي فهمت كلامك بشكل مغلوط وتقبل اعتذاري الشديد لك والعفو لله والرسول وبيضاء لبن
Post: #12 Title: Re: سودانية 24 توقف المذيع حاتم التاج لترحمه ع� Author: يوسف الطيب احمد إدريس Date: 02-03-2019, 09:17 AM Parent: #11
حبيبنا المشرف كيف حالك
شكراً لتأكيد المعلومة ومتابع مجهودك الثوري مجهود مقدر نسأل الله أن يكلل بتحرير الوطن من عصابة الكيزان قريباً
Post: #13 Title: Re: سودانية 24 توقف المذيع حاتم التاج لترحمه ع� Author: نصر الدين عثمان Date: 02-03-2019, 09:42 AM Parent: #12
[لن أرجع لسودانية 24 حتى لو عينوني مديراً]
التحية للإعلامي المحترم (حاتم التاج)
ولجميع رفاقه الذين طهروا أنفسهم من رجس سودانية89
والخزي والعار لنظام القتل والاستبداد
ولمن ناصره ولمن وقف على الحياد..
Post: #14 Title: Re: سودانية 24 توقف المذيع حاتم التاج لترحمه ع� Author: يوسف الطيب احمد إدريس Date: 02-03-2019, 09:46 AM Parent: #13
Quote: التحية للإعلامي المحترم (حاتم التاج)
ولجميع رفاقه الذين طهروا أنفسهم من رجس سودانية89
والخزي والعار لنظام القتل والاستبداد
ولمن ناصره ولمن وقف على الحياد..
تحياتي أخ نصر الدين والتحية لكل من هب في وجه الظلم والطغيان