بتقولى......لا... إهداء لكل الأحباب

بتقولي لا لقليب عليك يقطر حنان ويذوب ولهه
بتقولي لا لقليب رهيف ما اظنو لا لا لا بيحملا
بتقولي لا ياطيبه يا غاليه ياست القلوب يامزهله
وحيات شبابك ذبت في عينيك حنان ومغازله
سافرت في رحله مشاعر ملهمه ومتأملا
شفتا الورود من وجنتيك غيرانه جات متوسلا
حتى القمر غار من صفاك واصبح يردد في الصلا
جاك المساء يأدي الفروض داعب شفافيك وغازلا
شال لون جميل من وجنتيك مسح خدودو وبللا
واصبح يلملم في النجوم ينظم عقودو ويغزلا
طرزلجيدك الحرير احلى العقود وبتقولي لا
وانا بيك بدغدغ في الحروف ياحلوه احرف واشتلا
املاها رقه ودندنات وعناق حنان ومبادلا
انا بيك لو قلبك يحن علم يجن من الوله
اسقيك حنان ما اظنو كان في الدنيا او كانت صله
وازرع هواك بين النجوم روضه حنان وادللا
واهديك لحون يا غاليه لا انسابت ولا عود غازله
واخلي كل الكون يقول فنان يذوب في مزهله
بتقولي لا يالهفه المشتاق ويا طعم الحلا