Post: #1
Title: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-03-2006, 08:25 PM
طير الشوم
لمتين يا سنين الهم
ومن مشوارنا فاضل كم ؟!!
ملينا السؤال والحال
عنوانو النكد والهم
مخيم فوقنا طير البوم
لا فات لا عرف يرحم !!
** **
من ماجانا طير الشوم
ودسالنا العسل والسم
لا مطرا درت وداينا
لا بردن ليالي الشم
وغاب وسط الزخم حادينا
لا صوت لا كرير لا نم !!
ومسدار الصهب فات بينا
وفارقنا الدرب (حرّم ) !!
** **
ووكتين جانا طير الشوم
وصابحنا النكد والغم
تاريخنا أتكتب مقلوب !!
لا سيف لا درق لا دم !
لا بلدا نقول حبّوب
ولا بكرا يشيل الهم
لا الدخرى العريس الحوبة
لا الخال لا العصب لا العم !
** **
وجات الحيطة فوق الرأس
والساس العلا اتهدّم !
والشوم جاب معاهو الشوم
والموقف مشى اتأزم !
لا الغنيان قدر يرتاح
ولا الفقران عرف ينجمّ
والريف والحضر باكيين
والبلد انقلب مأتم !!
** **
ومن ماشفنا طير الشوم
شاهد ربنا ويعلم
الكوم انقسم كيمان !
واهي الكيمان بتتقسّم !!
والناس والضجيج يوماتى
مابين المدح والذم !
لا قادر وسطنا يقيف
ولا أطرافنا تتلملم !!
القاهرة فى الأول من مايو 2006 م
بكرى النعيم
|
Post: #2
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-03-2006, 09:20 PM
Parent: #1
Quote: والشوم جاب معاهو الشوم
والموقف مشى اتأزم !
لا الغنيان قدر يرتاح
ولا الفقران عرف ينجمّ |
|
Post: #3
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-04-2006, 09:54 AM
Parent: #2
وجع الوطن !!!!!!!!!!!!!!!!!!!!!!!!!!!!!!!!!!!!!!!!!!!!
|
Post: #4
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: بشير حسـن بشـير
Date: 05-04-2006, 10:05 AM
Parent: #1
الأخت / ناديه ، تحياتى ....
والله قصيده تحى عن الواقع المرير الذى نعيشه فى السودان وخارج السودان
وجع وألم وحزن لمتين ؟؟؟؟؟ الله أعلم ....!!!!!!!
|
Post: #5
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-04-2006, 10:18 AM
Parent: #4
الاخ الكريم بشير حسن على
Quote: والله قصيده تحى عن الواقع المرير الذى نعيشه فى السودان وخارج السودان
وجع وألم وحزن لمتين ؟؟؟؟؟ الله أعلم ....!!!!!!! |
نعم القول قولك اخى الكريم .. فالمولى وحده يعلم متى سينتهى هذا الحال (الشين) ويعود البلد مستقرا هانئا .. كما نتمنى له ولشعبه الطيب !!
|
Post: #6
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: عاصم ابوبكر حامد
Date: 05-04-2006, 02:14 PM
Parent: #1
الاخت الجليلة
الاستاذة نادية
لكى التحية والتقدير
اولا اشكرك على هذه الكلمات الرائعة التى نقلتيها ...
ومن هنا ارض الضباب ارسل لكى كل ايات التقدير والاحترام ...
تسلمى يا استاذة ...
|
Post: #9
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-05-2006, 05:14 PM
Parent: #6
الاخ العزيز عاصم
وينك ووين اراضيك يازول ياطيب ؟
ربنا يلمنا فى وطنا بالسلامة ونلتقى على خير يارب
|
Post: #7
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: Elmuez
Date: 05-04-2006, 02:25 PM
Parent: #1
نادية عثمان و ضيوفها,
لكم تحياتنا
ودي مساهمة:
قصيدة جديدة طبقات ود جاد الله
شعر: هاشم صديق
(1)
المحطة
- يا كمساري
دي حافلة وين؟!
- دي ماشّه الشعبي
أركب واسرع
نفر.. ونقوم.
- يا ولد جنيت؟!
وكمان بتكورك
وبالحقلوم
وتقول الشعبي؟!
............
أنا ماشي...
ماشي...
الـ.......
الـ.....
- وين يا عم؟!
لو ماشي الحركة
برضو بنمشي
بنفس الشارع
- يا ولد
إنت مسلّط؟!
حركة وشعبي
وفي وشي؟!
دي خلطة وين؟!
أنا عندي قَلِب
ما توقف قلبي
- طيب يا عم
وين ماشي؟!!
أسرع قول
- أنا ماشي...
ماشي....
....... أخ خ خ خ خ
يا ربي لِوين
يا ود جاد الله؟!!
نسيت يا زول.
- طيب يا عم
خلينا ننادي
«يصيح»
تيجاني الماحي
تيجاااني الماااحي
باقي نفر
نفر ... وسفر
سفر.. و .. نفر
تيجااني الماااحي
يوماااتي
ليلاااتي
صبّاااحي
نفر.. وسفر
- لا يا ولدي
كورك وقول :
جوع .. وسَهَر
حُفَر .. ومطر
غَم .. وكَدَر
فَلَس في شهر
طشاش في نظر
عُمُر .. وهَدَر
- طيب يا عم
ما انت العاقل.
ورينا الناس
اللاقو الراحه
لقوها في وين؟
كفر.. ووتر؟!!
- لا لا
تبيع لي روحك
تخون لجروحك
وتَخَتَا الشر
تعوم في البر.
.........
تكون نُص
حاجه
وتصبح واحد.
تكون كضاب
ونجمك صاعد.
تكون سرّاق
لا ضمير
لا شاهد.
تكون ود مويه
أو حربويه
وزمنك واعد
- يا عم مالك؟!
مرات مجنون
مرات عاقل
مرات خايف
مرات راجل
حتجنني...
إنتَ منو؟
- أنا ود جاد الله
في كلِ محطه
في كلِ مظلّه.
.........
كورك يا وليد :
تيجاني الماحي
باقي نفر
تيجااني الماااحي
نفر.. وسفر
- تيجااني الماااحي
يوماااتي
صبّااحي
ليلااتي
نفر.. وسفر
جوع.. وسهر
حُفَر.. ومطر
طشاش في نظر
عُمُر و هَدَر.
(2)
الحيشان
يا ايدي
شيليني
خُتيني
في بيت الشعب
تلات حيشان
في نُص القلْب.
هُنا المسرح
هنا التلفاز
هنا الرادي
هنا أمدرمان
هنا السودان.
.........
اتحزمتَ
كتبتَ
نضمتَ
أنتجتَ.
عديل بالغتَ
ما قَصّرتَ.
نصحني الغاشي
والداني.
- منو القال ليكْ
ده بيت الشْعب
في نص القلب؟!
ده بيت السُلطه
يا أُسطى.
كلو بديع
هنا بينزاح
بإيد ضبّاح
كلو بديع
مصيرو صريع
ويكون فاني.
.........
اتفلسفتَ
خطبتَ
اتْقَعّرتَ.
ما خليت
حَرِف عربي
ما خليت
مثل غالي.
رفعت الصوت
كبير عالي
لما الصوت
عديل بّح ّ
واتحذلقت بالفصحى
- بيانٌ هام
يا أهل الفن.
دعوني أضع
(طوبة)
على صرِح
البناءِ العام.
فهذا الشعبُ
مجبولٌ على الأفعال
لا الأحلام.
هذا الصرحُ
صرحُ الشعب
لا السلطة
هنا الفنانُ
مِلْكُ الناس
فهو الحادي
و «الأُسطى».
تعالوا
يا بني وطني
وبالإبداع
لا الأحلام
نؤكد أن.......
.........
فجأة سمعت
صوت فرقع
تحت كِرْعَيا
زي ألغام.
ونص الراس
وقع شاكوش
دفن بُرشام.
عُصار وقيامه
قول لا حولّ
يا ود جاد الله
ما في كلام.
.............
قلت دراما
شان الشعب
سمعت هتاف
مكرّب تب
- لا للكفَرَه
لا للفَجَره
بل اسلام.
.......
- لا بالعالي
وبالقسم الغالي
لود جاد الله
بل دين الله
.....
- ما في دراما
إلا «عُقَال»
وجبال وجُمال
وسيوف ودفوف
وخيل ولجام.
...........
- يا ود جاد الله
أطلع بره
وشيل الطوبه.
ما دايرين
لو جبتَ الطوب
كُلَ الطوب
في «كماين سوبا»
...........
- نحنا ولاد
الصرح الخاص
لو حتى قعدنا
تحت راكوبه
ما دايرين
للصرح العام.
............
- يا ود جاد الله
إنت شيوعي
وبعثي عراقي
ومرات سوري
وامبريالي
وضد «الصحوه»
والإسلام.
..........
- ما دايرين
في دراما خلاعه
امرأة سافره
في بيت زوجيه
أو صُبحيه
أو حتى مسافره
ولابسه بلوزه
بدون أكمام.
.........
- ممنوع أفلام
لنعامه بتجري
وريشها قصيِّر
عاريات كرعينها
طويله و «سيكسي»«1»
ده تبذل عام.
.........
- يا ود جاد الله
اطلع بره
إن شاء الله تهاجر
تمشي لكندا
أو تمشي تموت
في لغم في الشام
.........
- يا ود جاد الله
أمرُق بره
ما دايرين إلحاد
وحرام .
..........
...........
طلعتَ
مرقتَ.
تاني خطبتَ؟!!!!!
إتفلسفتَ؟!!!
إتفاصحتَ؟!!!!
لقيت نفسي
ألوم روحي
ليل وصباح
- يا ود جاد الله
بدل ما قلت
بي هوبه
تضع طوبه
على صرح
البناء العام
وبالافعال
وما الأحلام
أيا مسكين
يقع شاكوش
في نص الراس
دفن برشام؟!
..............
يا ود جاد الله
تطلع بره
صالح عام
مليون عام؟!!!!
(3)
ثروة
حُزنك قصرك
مالك وجَعَك
عربيتك جزمه
مُلْكك ذِمه.
تاجك عِمه
رفيقك ناي.
.......
تموت بي نارك
وتَدِّي الناس
من ثمر أوتارك
هواك مجاني
«عَدّادك» ساي
(4)
المانشيت
بورولوج
(الغضب الساطع على هاشم صديق فرض عين على كل سوداني)2
تُف من خشمك
الحنضل.
..............
هداكْ برقاً
شَرَق أجمل.
لا في جريده
لا سِيره
لا رادي
لا وادي
ولا غزلوهو
في معمل.
داك برقاً
طلع من سالبك
الموجِب
ومن ضحكة بُكاكْ
تَبْتَب.
وفي صنّة
سكون غُبنك
وقف تاتا
وعديل كركب.
ومن جبل الحُزُن
حجّاك
وساق دمعك
بحر ساساق
دفر بي عِشْقو
للمركب.
وكان الدنيا
كلْ ما تْضيق
تلاقي صديق
تلاقي طريق
صَعَب
أسهل.
تُف من خشمك
الحنضل.
هداكْ برقاً
بلج أجمل.
.............
لو ما كنت
سوداني
ولو ما جرحك
الصابر
سرح حدّادي
مدّادي
من شرقك
ولي غربك.
ومن عقلك
ولي قلبك
شنو الخَلّى
الوطن بي حالو
مليون ميل
تشيلو عديل
ويتمهَّل
في ضيق صدرك؟!!
لو ما كنت
من وجعك
شِرِب حرفك
وما قبّل
على الأسهل
شنو الخَلّى
العيون تحمل
عذاب الرؤيا
للأجمل.
ولو ما كنت
ناى سوّاي
وما حدّاث
وسر ضحّاك
وما بكّاي
شنو النحتك
من الأهوال
في أحسن حال
بقيت سوداني
بالإزميل
وبالتبريح
وبالتجريح
وبالتنكيل
وما باللفّه
والأسهل؟!!
شنو الخلاّكا
يا حفيان
من أمدرمان؟!
شنو البَقّاكا
يا هلكان
من السودان؟!
شنو السوّاكا
نار وعصار
ودار وعمار
وإنت وحيد
كمان أعزل؟!!
تُف من خشمك
الحنضل
داك برقاً
شلع أجمل
رغم «الظاهره»
والخافية.
رغم العُصبه
والمافيا
رغم الشفتو
والجاكا
وناس «دلاكه»
كنداكه.
ناس «ودّوك»
وجبناكا.
ناس الزانه
والزازاي.
ناس «البِزّه»
والتاتاي.
ناس «المزّه»
سِيرة الناس
في ضُل البُن
وبوخ الشاي.
ناس «العَصْره»
سر «الشفره»
ناس «البيع»
وستين وش
- عشان الخَش -
ومليون راي.
.............
إلا حُجاكا
ما بكمل.
تجي الكنداكا
تمشي وراكا
تلقى الساتر
الناصر
طويل أمهل
وما أهمل.
تعاين
والعُصار حاسر
يلوِّح ليكا
يوم باكر.
تتُف من خشمك
الحنضل.
تشوف برقاً
سطع أجمل.
...........
لو ما كنت
سوداني
ولو ما جرحك
الصابر
سرح حدّادي
مدّادي
شنو الخَلّى
الوطن بي حالو
مليون ميل
تشيلو عديل
ويتمهّل
في ضيق صدرك.
..........
تُف من خشمك
الحنضل.
الصحافة:06/05/04
________________________________________
1) سيكسي Sexy : مثير جنسياً
2 ) صحيفة سودانية.
هاشم صديق
19/4/2006م
|
Post: #10
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-05-2006, 06:25 PM
Parent: #7
الاخ الاكرم المعز
الف تحية على مرورك الباهى وشكرا لاصطحابك هذا الرجل الوهج هاشم صديق
Quote: لو ما كنت
سوداني
ولو ما جرحك
الصابر
سرح حدّادي
مدّادي
من شرقك
ولي غربك.
ومن عقلك
ولي قلبك
شنو الخَلّى
الوطن بي حالو
مليون ميل
تشيلو عديل
ويتمهَّل
في ضيق صدرك؟!!
لو ما كنت
من وجعك
شِرِب حرفك
وما قبّل
على الأسهل
شنو الخَلّى
العيون تحمل
عذاب الرؤيا
للأجمل.
ولو ما كنت
ناى سوّاي
وما حدّاث
وسر ضحّاك
وما بكّاي
شنو النحتك
من الأهوال
في أحسن حال
بقيت سوداني
بالإزميل
وبالتبريح
وبالتجريح
وبالتنكيل
وما باللفّه
والأسهل؟!!
شنو الخلاّكا
يا حفيان
من أمدرمان؟!
شنو البَقّاكا
يا هلكان
من السودان؟!
شنو السوّاكا
نار وعصار
ودار وعمار
وإنت وحيد
كمان أعزل؟!!
تُف من خشمك
الحنضل
داك برقاً
شلع أجمل
رغم «الظاهره»
والخافية.
رغم العُصبه
والمافيا
رغم الشفتو
والجاكا
وناس «دلاكه»
كنداكه.
ناس «ودّوك»
وجبناكا.
ناس الزانه
والزازاي.
ناس «البِزّه»
والتاتاي.
ناس «المزّه»
سِيرة الناس
في ضُل البُن
وبوخ الشاي.
ناس «العَصْره»
سر «الشفره»
ناس «البيع»
وستين وش
- عشان الخَش -
ومليون راي.
............. |
ويلى من ازميلك ياهاشم الذى ترسم به بالاحرف وجعنا الذى ينخر كالسوس فى عظام الوطن وولده الطيب !!
|
Post: #8
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: Abdalla mohamed
Date: 05-04-2006, 02:26 PM
Parent: #1
قصيدة جميلة ومعبرة فى حق الوطن وهذة القصيدة
شىء بسيط من ما يجوش فى وجدان الشقيق الرهيف
العمدة ود العمدة بكرى النعيم فى حب هذا الوطن
الجميل ونسأل الله العزيز القوى أن يبعد طيور الشؤم
عن هذا الوطن الجميل حتى تعود طيورنا المهاجرة .
التحية عبرك لود العمدة اختى نادية وسلامى الكثير لة
ولرفاقكم.
ودالريف
|
Post: #11
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: عاطف محمد أحمد زكريا
Date: 05-05-2006, 06:57 PM
Parent: #8
Quote: طير الشوم
لمتين يا سنين الهم
ومن مشوارنا فاضل كم ؟!!
ملينا السؤال والحال
عنوانو النكد والهم
مخيم فوقنا طير البوم
لا فات لا عرف يرحم !!
|
لابد من يوم ترد فيه المظالم
ابيض على كل مظلوم
اسود على كل ظالم
لك التحية وعبرك أحيى المثقل دوما بهموم وجراح عزة الرائع بكرى النعيم
|
Post: #18
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-06-2006, 03:39 PM
Parent: #11
عاطف محمد احمد الرائع
Quote: لابد من يوم ترد فيه المظالم
ابيض على كل مظلوم
اسود على كل ظالم
لك التحية وعبرك أحيى المثقل دوما بهموم وجراح عزة الرائع بكرى النعيم |
والامل معقود على مجئ هذا اليوم الابيض .. فلنوفع الاكف للمولى الكريم .. من اجل وطن نعشق حبات ترابه الغالى !
|
Post: #12
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-05-2006, 07:11 PM
Parent: #8
الاخ الاكرم عبد الله محمد
Quote: قصيدة جميلة ومعبرة فى حق الوطن وهذة القصيدة
شىء بسيط من ما يجوش فى وجدان الشقيق الرهيف
العمدة ود العمدة بكرى النعيم فى حب هذا الوطن
الجميل ونسأل الله العزيز القوى أن يبعد طيور الشؤم
عن هذا الوطن الجميل حتى تعود طيورنا المهاجرة . |
نعم صدقت فبكرى النعيم شاعر عاشق للسودان .. ورجل مهموم ومسكون بحب الوطن يبكى حاله شعرا ويخاف عليه شر التمزق والتشرزم !!
Quote: التحية عبرك لود العمدة اختى نادية وسلامى الكثير لة
ولرفاقكم. |
سابلغه تحاياك ودمت ايها النبيل بالف خير
|
Post: #13
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-06-2006, 02:50 PM
Parent: #12
لمزيد من التأمل !!!!!!!!!!
|
Post: #14
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: محمود ريحان
Date: 05-06-2006, 02:55 PM
Parent: #13
وليك مني الي الاعلي
|
Post: #15
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-06-2006, 02:56 PM
Parent: #12
لمزيد من التأمل !!!!!!!!!!
|
Post: #16
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: محمود ريحان
Date: 05-06-2006, 02:59 PM
Parent: #15
الواحد ماعارف يتامل في الصوره ولا الكلام كل واحد احلي من التاني مع مزيد من الابداع
|
Post: #17
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: شول اشوانق دينق
Date: 05-06-2006, 03:23 PM
Parent: #1
الاخت نادية عثمان
ستظل التعب والبؤس علي الفقراء والمساكين في كل رقعة جغرافية من وطني الحزين.
الجراح والآلام في اي مكان تذهب إليه في بلد المليون ميل مربع.
الاوضاع تزداد سوءاً يوم بعد يوم ... عام بعد عام ... لا ندري إلي متي!!!
........
تكمن الحل في ابناء السودان المخلصين ... وحتي هؤلاء لن تجدي تعريفاً منطقياً لهم لان الكل يدعي ذلك ... عن جدارة كان ام زوراً هذا الزعم.
عموماً فليكن الله في عوننا إلي ... تشرق فجر شمس جديد.
مع فائق إحترامي وتقديري.
|
Post: #19
Title: Re: رسالة عاجلة وحزينة للسودان ..طير الشؤم .. شعر بكرى النعيم .. لكل موجوع من حال البلد !!!!
Author: نادية عثمان
Date: 05-06-2006, 05:16 PM
Parent: #17
مرحب بيك محمود ريحان
ياخى انت ماجاى القاهرة تانى ؟؟
عاين للقصيدة وادينا رايك عشان اقولوا لبكرى النعيم
|
|