Post: #1
Title: ده يقولو عليو شنو هسي ده !!!!!!!!!!
Author: فيصل نوبي
Date: 05-03-2006, 02:32 AM
Parent: #0
في خلال تصفحي لصفحة المقالات
وجدت هذا المقال رد علي بقال
بالله عليك يا بقال حصانة امريكية ام حصانة أمنجية؟ بقلم ادم أحمد علي- القاهرة
Quote: بالله عليك يا بقال حصانة امريكية ام حصانة أمنجية؟ بقلم ادم أحمد علي- القاهرة
سودانيزاونلاين.كوم
sudaneseonline.com
26/4/2006 1:32 م
ادم أحمد علي- القاهر
في الرد علي مقالي السابق يوم /4/2006 2:22 م كتب الود بقال " ساعدني بعض الاخوة من ابناء دارفور المتواجدين حالياً بأمريكا في توفير الحماية والحصانة من السفارة الامريكية بالخرطوم وبحمد الله وتوفيقه الان انا لدي حصانة من قبل السفارة الامريكية بالخرطوم ولا يستطيع احد من كلاب الجبهة الاسلامية ان يعتقلني . يجب عليكم ان تفهموا دلك ."
هذا ظلم كبير يا بقال لامريكا وتشويه للحضارة التي لا تعرف الواسطات. ياود انت قايل امريكا كمان ذي السودان يعطوا الحصانات بالواسطات. لو كان امريكا بالشكل ده ما تتطورت الي هذه الدرجة من التقدم ولانشغلت بالحروبات الداخلية والانقلابات وليس سيدة الديمقراطية واحترام القوانين. ده لعبة مكشوفة لا يصدقه طفل يا بقال طيب اقربائك ده ما يرسلوا الحصانة لبقية الطلبة المسجونين والذين تم قتلهم ولا الحكاية فية قبلية برضوا؟
كيف يستطيع الامريكان ان يعطوا الحصانه لغير رعايهم في بلد اخر في الوقت الذي ترسل صفارة إنذار مبكر لرعاياه للخروخ من اي بلد لو حصل فيه اي حاجة.
ده كذبة مكشوفة وجهل لقواعد القانون الدولي والعرف الدبلوماسي.. الود بقال يعتير نفسه اذكي خلق الله ؟ هل هو اهم من كل السياسيين الكبار الذين تم سجنهم . ده كذبه عديل!!! يابقال ما في داعي للف والدوران الحصانة دة من خالك الامنجي حسن برقو وليس من امريكا احسن تعترف وتعتذر قبل ان يجرجروك الامريكان بتهمة تشويه السمعة للحضارة الامريكية. امريكا عارفة كويس من الملفات اياه انه انت كنت امنجي صغير في اوساط الشباب قبل الفراق بين المنشية والقصر.
امريكا التي لم توفر الحصانة لحلفائه امثال شاه ايران وجعفر نميري ومنصور خالد قبل السلام واخرين يوفر ليك إنت يا ود يا بقال ياسراج؟؟؟ |
يا بشمهندس بكري معقول بس !!!
ده يقولو عليو شنو هسي ده !!!
|
Post: #2
Title: Re: ده يقولو عليو شنو هسي ده !!!!!!!!!!
Author: صلاح الدين عبدالله محمد
Date: 05-03-2006, 02:42 AM
Parent: #1
نوبى
خلى تور الله فى برسيمه
|
Post: #3
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-03-2006, 02:54 AM
Parent: #1
صلاح
أشكرك علي مرورك ... لكن ... ده كلام ده !!!
يعني الواحد يصطبح بي جنس ده 
معقول بس !!!
|
Post: #4
Title: Re: ده يقولو عليو شنو هسي ده !!!!!!!!!!
Author: ناذر محمد الخليفة
Date: 05-03-2006, 06:52 AM
Parent: #1
روميو !!!
| Quote: ده يقولو عليو شنو هسي ده !!! |
والله انا بفتكر أنو المدرسة الامريكية (ديك) هي الأدت الحصانة لي بقال لأنها طبعا معجبة بي نضالاتو ودايراهو نموذج يدرس في الجامعات الامريكية مش حسن برقو زي ما ذكر كاتب المقال !!
صنفرة :
شروط التقديم للحصانة شنو ؟ لاني داير لي واحدة والله !!
|
Post: #5
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-03-2006, 09:30 AM
Parent: #1
يا ناذر
شوف لي واحدة معاك ...
|
Post: #6
Title: Re: ده يقولو عليو شنو هسي ده !!!!!!!!!!
Author: WadAker
Date: 05-03-2006, 09:54 AM
Parent: #1
عااااااااالم مش حلو!!!!!!؟؟؟؟ شنو يافرد خلاص نسيتونا انا برضوو عايز واحدة اقشر بيها هنا.......... ياجماعو ماتحكوها مع الراجل انتو ماسمعتو بكذبة ابريل؟
|
Post: #8
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-04-2006, 03:35 AM
Parent: #6
حبيبنا ود عكر
وين يا منقه انت !!!
المدير لسه ما فارج عنك ؟؟؟
خلي ناذر ده يصرف ليك معاو ... عمود في نص الصفحه الاولي 
|
Post: #7
Title: Re: ده يقولو عليو شنو هسي ده !!!!!!!!!!
Author: قرشـــو
Date: 05-04-2006, 03:27 AM
Parent: #1
ده يقولوا عليه "شر البلية ما يُضحك "
|
Post: #9
Title: Re: ده يقولو عليو شنو هسي ده !!!!!!!!!!
Author: Rasha Hatim
Date: 05-04-2006, 04:02 AM
Parent: #7
يا نوبي والله ما عارفة الزول البتتكلم عنو دة, لكن قلت ارفع ليك بوستك دة عشان خاطر ظرافتك وبتك العسل دي ( ووساطتك رغم الفشل)
|
Post: #12
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-04-2006, 05:25 AM
Parent: #9
رشا
المجاملة ما سمحه ياخ
ما كلمتك قلت ليكي الانطباعية دي ما حلوة صاح !!
بتعرفي ابراهيم بقال !!
و الطالبة الامريكية القالت معجب بيو
و انيتا كومار ( بتاعت عمر الفاروق )
كده كيف !!!
|
Post: #10
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-04-2006, 05:09 AM
Parent: #7
تعرف يا قرشو
قدر ما حاولت اصدق الموضوع ده ما ركب لي في راسي ما عارف ينبلع بي شنو ده ...
|
Post: #11
Title: Re: ده يقولو عليو شنو هسي ده !!!!!!!!!!
Author: عشة بت فاطنة
Date: 05-04-2006, 05:21 AM
Parent: #10
غايتو بنيتك دي حليونة ربنا يخليها الا الكلام
الفوق دا ما واقع لي
|
Post: #13
Title: Re: ده يقولو عليو شنو هسي ده !!!!!!!!!!
Author: bayan
Date: 05-04-2006, 05:49 AM
Parent: #11
Quote: ساعدني بعض الاخوة من ابناء دارفور المتواجدين
حالياً بأمريكا في توفير الحماية والحصانة من
السفارة الامريكية بالخرطوم |
دا ما تطلق عليه جدتي كضب الشوم..
اوعى يكونو غاشينك الناس ديل بالكلام دا
اي لاجئ في امريكا بيكون ماشي بتحت الحيطة
اكيد ما عندهم اي نفوذ ولا سلطة على الحكومة الامريكية
عشان يقولو ليهم ابننا باقال دا خلو بالكم منه
بتلقى نفسك يوم في السهلة لو زودت العيار.
99% من اللاجئين يعيشون على الولفير والاعانات
ويشغلون وظائف هامشية. ما يغشك زخم البورد دا
وتنطح..
في يوم بتكلم مع زول انقاذي. قلت ليه انتو دمرتو
الحياة وحرية التعبير وضيقتو على الناس...
قالي يا دكتورة الان كل الناس بتخش وبتمرق
من السودان ذي ما عايزة اعتى المعارضين
بيجو بمطار الخرطوم دا مافي زول بيسألهم
ضرب المثل بكورجة من مناضلي البورد...
واسع اها دا الناس من الخرطوم تكتب معاكم اي حاجة
منو اتعرض ليها؟؟؟.. والمضحكني ضرب
مثل ببقال و فتحي البحيري.
وقالي باقال مرات بيكتب كلام قذف
بيدخلوا تحت القانون الجنائي
لكن مافي زول سالو..
اها من كدا يبقى ناس الحاكومة هم العاملين
الحصانة دي ذرا للرماد في العيون..
وعشان يقولو في حرية..لما يزنقو
|
Post: #16
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-04-2006, 06:41 AM
Parent: #13
بيان الظلامية
Quote: دا ما تطلق عليه جدتي كضب الشوم..
اوعى يكونو غاشينك الناس ديل بالكلام دا
اي لاجئ في امريكا بيكون ماشي بتحت الحيطة
اكيد ما عندهم اي نفوذ ولا سلطة على الحكومة الامريكية
عشان يقولو ليهم ابننا باقال دا خلو بالكم منه
بتلقى نفسك يوم في السهلة لو زودت العيار.
99% من اللاجئين يعيشون على الولفير والاعانات
ويشغلون وظائف هامشية. ما يغشك زخم البورد دا
وتنطح.. |
الليلة تدي في النصائح ساااااااااااااااااااي
لكن عليك الله الكلام ده بيكون كاتبو منو !!! ياهو أدم ده ؟؟؟
علي قول امين .. يا ربي انا وين
|
Post: #15
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-04-2006, 06:34 AM
Parent: #11
عشة
سمح شايكم
عليك الله البوست ده ما ناقص ليو كباية شاي
و بعد ده ما تفهم منو شيء
لووووووووووووووووول
|
Post: #14
Title: Re: ده يقولو عليو شنو هسي ده !!!!!!!!!!
Author: ناصر محمد خليل
Date: 05-04-2006, 06:27 AM
Parent: #1
الاخ فيصل نوبي
سلام لك .
أخبرتكم قبلا أن المدعو ابراهيم بقال والذي يتاجر بقضية دارفور هو في الاساس أمنجي قديم وهو يعمل لحسابهم حتى الان ولولا أن مصدري داخل جهاز الامن نصحني بتاجبل طرح كل المستندات التي تثبت أنتماءه للنظام والائتمار بأمره لنشرت لكم الحقيقة هنا .
ناصر
|
Post: #17
Title: Re: ده يقولو عليو شنو هسي ده !!!!!!!!!!
Author: فيصل نوبي
Date: 05-04-2006, 06:45 AM
Parent: #14
ناصر
شرفت البوست
الزول بتاع الامن بتاعك ده في مدني ولا شارع العرضة ؟؟؟
ياخ عليك الله جيب ورقك ده عشان نشوف اثباتاتك ...
اقول ليك ... جيب ورقة واحده بس و بعد داك ننتظر الباقي ...
|
Post: #18
Title: Re: ده يقولو عليو شنو هسي ده !!!!!!!!!!
Author: حيدر حسن ميرغني
Date: 05-04-2006, 07:45 AM
Parent: #17
عزيزي فيصل
| Quote: ده يقولو عليو شنو هسي ده |
لاعليك
في نظري الاشكالية تكمن في ضمَ البورد لاعضاء لايجيدون حتى ادنى مستويات التعبير وطرح آراءهم ،سوا أن
كانت المؤيدة أو المخالفة منها، بطرقة تجبرك على الاقل على المرور عليها ولو على سبيل إلقاء التحية
واعتقد جازماً أن بعضهم لم يمارس عملية الكتابة إلا في البورد حيث تجد الكثير من الأخطاء الاملائية غير
الشائعة حتى وسط طلبة المدارس الإبتدائية
يقول علماء النفس أن أسلوب الفرد في (الكتابة) يعكس طريقة تفكيره ومزاجه العام
ومن هنا يمكنك الحكم على (خربشات) البعض في سطح البورد (الحوش) دون ان تطلب منهم مراجعة مصحة
نفسية
ليت الاخ بكري يتبع اسلوب علمي آخر قبل منح العضوية لكل من هبَ ودبَ
حتى يوفر علينا وعلى القراء (غير الاعضاء) وجع الرأس الملازم لقراءة كل خربشة
لكن اسألك هنا ... لما ندخل بوستات الجماعة ديل ونقعد نشتم فيهم... فلندعهم وشانهم صدقني سيختفون
مثل ما يختفي النهار بمغيب الشمس
ودمت
|
|