Post: #1
Title: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 01:58 AM
اصلو حكومة الدولة الاوربية وعدتني بحق اللجوء السياسي بعد اسبوع
ويصراحة كان وقعتو مع الحكومة طوالي حيقولو لي ادينا عرض اكتافك
الجماعة اتسالمو خلاس
فدحين حكاية التوقيع دي خلوها شوية كدة
|
Post: #2
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: قرشـــو
Date: 05-01-2006, 02:35 AM
Parent: #1
حبيبنا قرجة
ياخوى انت فى البر لسع
الكعب الناس الاتورطوا واخدوا لجوء سياسى باسم دارفور
هسع يقوموا يكرشوهم زى ما كرشوا العراقيين قبلهم
اها يقبلوا وين يا ربى ثانى ؟؟
تخريمة :
أوع تكون قدمت على انك زغاوى بس
طبعا هم لا عارفين الزغاوى من المحسى
|
Post: #3
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: على محمد على بشير
Date: 05-01-2006, 02:42 AM
Parent: #2
| Quote: يا ثوار دارفور بأبوجا : لا توقعوا حتى استلم اللجوء السياسي |
يا اخوى ماعندك مشكله
يمكنك الرجوع للبلاد واستلام منصب وزير فى حكومة دارفور الجديده
وبالعدم ( شوية دولارات ابو صلعه ) بس اسرع عشان تحضر القسمه
وسيبك من لجوء وما لجوء .....
|
Post: #8
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:09 AM
Parent: #3
اخوي
علي بشير
باقي لك بنلقى لينا فرقة مع التماسيح ديل
يازول اخير لينا طراوة اوروبا دي
التلج ده نسيبو للخواجات يتجدعو فيهو براهم ؟
|
Post: #7
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:03 AM
Parent: #2
العمدة
قرشو
الخواجة سالني
من وين في دارفور
قلت ليهو من الطينة
قام طلع لي خريطة كبيرة من درجو
وظاهر عليها ماخودة من الجو
قال لي
اشر لي على بكان الطينة في الخريطة
قلت ليهو يا خواجة انا ما بعرفها من الجو
علا من (الواطـــــة) بعرف دربها سمح
تتخيل الخواجة المكنة دي مشت فيهو
|
Post: #4
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: luai
Date: 05-01-2006, 02:45 AM
Parent: #1
العزيز قرجه تحياتي ...
ياخي صباحاتك فال وضحك والله من العنوان وانا بضحك ضحك شديد ..
يازول هوي احسن ليك تحصل السوق ..الجماعة قدامهم 48 ساعة وبس
حاول تحصل السوق بسرعة وتقبض لجوئك ..
مودتي
|
Post: #9
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:13 AM
Parent: #4
لؤي
اخوي
48 ساعة بس
كان كدي الخواجات ديل علا انجر ليهم نجرة جديدة
|
Post: #5
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: Munir
Date: 05-01-2006, 08:17 AM
Parent: #1
عزيزنا قرجة ..
تسابق في الزمن انت  .. اليصبروا شوية لغاية ما انتو تستلموا لجؤكم في امريكا والجعانين ياخدوا لجوءهم في تشاد ! ..
|
Post: #12
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:22 AM
Parent: #5
الحبيب
الدكتور منير ود عم عبدالرحيم
والله مشتاقين يا رجل
يا اخوي الخوف ...نحن بنتفرج كده...البلد تتقسم خمسين حتة
وما دام الواحد قاعد يناضل من مكتب مكندش وكومبيوتر سريع
فالسلام يعني انو لم تعد لنا قضية
ولا بد من التنمية
وهنا نكتشف اننا كسولين في التنمية ...نشطاء في الحرب
|
Post: #6
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: amara
Date: 05-01-2006, 08:38 AM
Parent: #1
تعرفوا اذا كل واحد اذا كان دارفوري ولا محسي نظر الى مصلحة السودان كا زمان المشكلة أتحلت لكن المشكلة بأن قيادات التمرد لا يهمهم الشتات قدر ما يهمهم الكرسي والمنصب .
|
Post: #10
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: ABUHUSSEIN
Date: 05-01-2006, 10:20 AM
Parent: #6
ســلام أخونا قرجة
شكلهم كـدا يا خوي ناس أبوجا ذاتهم زيك كــدا منتظرين اللجؤ السياسي في إسرائيل علشان كـدا
يا خوي ما تخاف لسه الجماعة أظنهم القلم البوقعوا بيه لسه ناس شركة باركر ما فكروا إصنعوه
|
Post: #14
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:33 AM
Parent: #10
ابو حسين
اخوي
ليه ما تطلع الخرطوم كلها تطالب المتفاوضين بالتوقيع
حفظا للدمـــــــــــــاء
|
Post: #11
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: مهاجر
Date: 05-01-2006, 10:20 AM
Parent: #6
الحبيب قرجه اول حاجه كدي خلينا نصغر ثورة الامورة عشان تجهز للسفر وكدا
http://www.nilelove.org/userfiles/garjah4.jpg
دا الرابط يا حبه
معوج لينا البوست مالك خلينا نستمتع
|
Post: #15
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:34 AM
Parent: #11
امرك
يا صديقي
عباس
|
Post: #13
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-01-2006, 10:32 AM
Parent: #6
الحبيب
عمارة
ولا يهمهم
الناس البتموت بالميات كل يوم
|
Post: #16
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: عبدالرحمن خلف الله
Date: 05-01-2006, 05:55 PM
Parent: #6
الاخ قرجة وكل الاخوان المتداخلين
شيئ غريب فى هذا البوست من اول متداخل لغاية النقطة دى
جرت الاشارة لقبيلة المحس مرتين الحاصل شنو
فى ناس مقدمين محس والا كيف
مجرد سؤال من واحد محسى جدا جدا
|
Post: #17
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-02-2006, 01:25 AM
Parent: #16
خلف الله
يكون الدور عليهم والا شنووو ؟
الجنجويد بتاعين المحس حيكونو الدناقلة والا الشوايقة؟
باقي لي المشلخين لي ورا ديل بسووووها
|
Post: #18
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: Hatim Elhassan
Date: 05-02-2006, 01:35 AM
Parent: #1
سافل و مريض
من ينظر لالام الناس هكذا
الصليبي و اليهودى و البوذى و الملحد و طالبي اللجوء و المسلم "الانسان" خرج ليقول "لا لهذا القتل ... يجب ان يتوقف الآن باى ثمن"
الحشرات تتهكم هنا وهم نفسهم من يصرخ باعلى صوته "وا اسلاماه"
كلاب ... خنازير ... و سفلة
|
Post: #19
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-02-2006, 02:03 AM
Parent: #18
وهل الام الناس تنتهي بالحرب ومواصلة القتال
هل الحرب تسقي طفلا حليبا ام تتركه للرصاص والموت جوعا
هذا الشعب جدير بحياة كريمة...لن ينالها وفيه من يتعطش للدماء
اننا نسخر من واقعنا المرير ومن النضال الكي بوردي الذي يصبح به البعض بطلا
وهو لا يدري معاناة اهله الحقيقية
اما الالفاظ التي سقتها فهي فقط تليق بك وحدك
شيلها معاك وانزل هنا
وما اشوفك حايم بهنا تاني
|
Post: #20
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: Mohamed E. Seliaman
Date: 05-02-2006, 02:10 AM
Parent: #19
Quote: وهل الام الناس تنتهي بالحرب ومواصلة القتال
هل الحرب تسقي طفلا حليبا ام تتركه للرصاص والموت جوعا
هذا الشعب جدير بحياة كريمة...لن ينالها وفيه من يتعطش للدماء
اننا نسخر من واقعنا المرير ومن النضال الكي بوردي الذي يصبح به البعض بطلا
وهو لا يدري معاناة اهله الحقيقية |
المرضى والمتاجرون بمظالم المهمشين
يغض مضاجعهم مثل هذا الكلام الحكيم
يزعجهم جدا لأنه يفضحهم ويعريهم
لك التحية.
|
Post: #35
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-04-2006, 01:57 AM
Parent: #20
الحبيب
محمد E سليمان
تسلم على الطلة
والكلام الطيب
|
Post: #21
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: ABUHUSSEIN
Date: 05-03-2006, 03:53 AM
Parent: #19
الحبيب قـرجه سلام
الناس عندهم قضية و قضية كبيرة جدا ألا و هي نائب الرئيس و في سبيل ذلك
يموت النساء و الأطفال
سبحان الله جاء الحل لكي تنتهي معاناة إقليم بحجم دارفور و لكن منصب نائب الرئيس
هو الذي يزيد من القتل و الحرق و التشريد للشعب المسكين الذي لا يعرف أي شئ عن هؤلاء
الذين يستغلون معاناته لمصالح شخصية
و بعدين يا قرجه يا خوي الألفاظ البذيئة دي برضو جزء من النضال علشان كدا طول بالك
و خلي صدرك رحب و تقبل الرأي الآخر
و بعدين القرجة بتاعتك دي إنت بتخوف بيها منو ؟؟؟؟؟؟؟
|
Post: #22
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: bayan
Date: 05-03-2006, 06:54 AM
Parent: #21
أذا حصل توقيع دش النضال حيتكسر في يد ناس كتار
وناس كتار حيزازو برة لما يفترو ويضطروا يرجعو السودان
ويفتحو نار على كيزان البورد...المزعومين..
لانه جوة هناك ما بيقدروا يفتحوا خشمهم تب..
احسن اللوتري...
ما علينا
ود عمي ابو الحسين بركة بالشوفة
وين غاتس..؟
|
Post: #30
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-04-2006, 01:20 AM
Parent: #22
د/ بيان
تحياتي وتقديري
صدقيني حرب دارفور لن تنتهي بتوقيع السلام
وحتشوفي بعد التوقيع كيف ستتم تصفية الحسابات بين مناوي وعبدالواحد
وحينها سيموت من ابناء دارفور مئات الالوف
ارجوك لمن يحصل الكلام ده اتذكري انو قرجة الاغبش هو الاتنبأ بيهو
|
Post: #23
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: Al-Shaygi
Date: 05-03-2006, 08:34 AM
Parent: #1
يعني ما نناضل ... ما ناقل باسطة ، قصدي عيش حق خواجات !!!
الشايقي
______________
فاوضني بلا زعـل
|
Post: #24
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: humida
Date: 05-03-2006, 08:52 AM
Parent: #23
يا قرجة ياخي ما تخاف ..
كان ( دارفور ) ما ضربت معاك ..
قول ليهم ( ما داير أطعم ) ..
أصلو الحكومة طلعت قرار ( إلزامي ) بتطعيم اي ( كبد رطبة ) حايمة في السودان ..
دق جرس .. وقول ليهو بخاف من ( الحقن ) ..
وكان رجعت ( بطعموني ) ..!!
|
Post: #25
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: شروق على فضل
Date: 05-03-2006, 09:20 AM
Parent: #24
ياكيزان ما تخجلوا علي كلامكم دة
انتو خليتو في السودان حاجة ما لهطو كل شئي
وانتي يا بيان
مشيتي ماليزيا من راسك ولا من كراسك ؟ فقط مؤهلك الواحد انك كوزة يا عني باحثة ؟
وعاملة شاطرة والله في ناس مؤهلين واشطر منك ما مشوا ماليزيا عشان ما كيزان
وتستهتروا بموت الناس والله حاجة غريبة
الواحد لو الموت حصل في اهلوا او قبيلتوا كان عرف
|
Post: #26
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: Ahmed Alrayah
Date: 05-03-2006, 10:03 AM
Parent: #25
| Quote: ياكيزان ما تخجلوا علي كلامكم دة، انتو خليتو في السودان حاجة ما لهطو كل شيء |
سلامات يا أستاذة شروق،
أراكِ عمدتِ للاستكانة التبريرية بوصف المتداخلين هنا بالكيزان، بصراحة كده دي حجة العاجز عن الإقناع في المنبر ده، يعني كلما زول يجيب ليك كلام ما تقدر ترد عليه بالمنطق تقول عليه كوز وأمنجي وشنو ما عارف! ما في حاجة بتمنع الكوز في المنبر يقول إنو كوز، عندِك محمد حامد جمعة ومحمدين إيدام وLuai ديل قالوا كيزان عديل وما في زول قدر يقول فيهم حاجة لالتزامهم بضوابط المنبر الحاكمة.
خلينا من الكلام ده،
إنتي رايك شنو في المطالب التي تؤخر توقيع المتمردين لاتفاق سلام بأبوجا؟ يعني شايفة منطقية المطالبة بمنصب نائب الرئيس في الوقت ده بالذات؟ وشايفة إنو ده سبب يؤخر إعادة المشردين واللاجئين لدريارهم؟Quote: وانتي يا بيان
مشيتي ماليزيا من راسك ولا من كراسك ؟ فقط مؤهلك الواحد انك كوزة يا عني باحثة ؟
وعاملة شاطرة والله في ناس مؤهلين واشطر منك ما مشوا ماليزيا عشان ما كيزان |
مطلوب دليل مادي على استغلال د.بيان انتماءها السياسي (المزعوم) في السفر لماليزيا. بالعدم عليك بالاعتذار... وبس (*).
_______________________________
(*) حتة الدليل المادي أو الاعتذار دي مهمة جداً، ويا ريت د.بيان تكون أحسن منك وترد رد هادئ بدون الانفعال الذي ساواها في أوقات كثيرة مع الغلطانين زيك.
|
Post: #27
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: bayan
Date: 05-03-2006, 12:18 PM
Parent: #26
Quote: وانتي يا بيان
مشيتي ماليزيا من راسك ولا من كراسك ؟ فقط مؤهلك الواحد انك كوزة يا عني باحثة ؟
وعاملة شاطرة والله في ناس مؤهلين واشطر منك ما مشوا ماليزيا عشان ما كيزان
وتستهتروا بموت الناس والله حاجة غريبة
الواحد لو الموت حصل في اهلوا او قبيلتوا كان عرف |
انت من الاتزرو برة موش؟
منو الاستهتر بموت زول؟
ومن الاتكلم عن موت
يا فالحة انت هنا ما بتخطبي في طير خواجات
ديل نحنا العارفين البير وغطاها..
البستهتر العايز الموت يحصل بالجملة عشان يتفتح باب اللجؤ..
...
ربنا يقوم الحروب من حلفا لنمولي عشان بسراع تتخارجي قبل تفلقي
اوعي تشعبطي فوقي دا آخر رد ستتنازل به الكوزة لك..
|
Post: #33
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-04-2006, 01:34 AM
Parent: #25
شروق بت اخوي
متمردي دارفور أكوز من الكيزان زاتهم
اوعك تكوني فاكراهم مناضلين تقدميين
وما تتهمي الناس كدة من طرف خليك دقيقة وما تشيلك العواطف
تسلمي
|
Post: #32
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-04-2006, 01:30 AM
Parent: #24
هي لكن يا حميدة
الحنكشة اجيبها من وين ؟
قال تطعيم قال
عايز الجماعة يشرطو الابلكيشن حقي
|
Post: #31
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-04-2006, 01:28 AM
Parent: #23
ود الشايقي
عيش حق خواجات ....
والا داندرمتهم ؟
|
Post: #28
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: Bashasha
Date: 05-03-2006, 12:31 PM
Parent: #1
كالعادة، كوم من كرور كيزان الجلابة، او موجولبيهم، للبوست ورد!
الطريف كلكم دفعة واحدة بتتلمو دفعة واحدة، كما الكلاب حول فطيس الكلام!
علي كده بتسهلو علينا شلهتة المزازة بين البوستات في مطاردتكم.
امير الجماعة احمد الريح،
بطل فهلوة واستهبال.
عامل فيها الود ذكي جدا، اوكمان بناقش!
قوم قد!
|
Post: #29
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: bayan
Date: 05-03-2006, 12:55 PM
Parent: #28
| Quote: الطريف كلكم دفعة واحدة بتتلمو دفعة واحدة، كما الكلاب حول فطيس الكلام! |
وانت طوالي يا بشاشا بتجي تزيد فطيس الكلام
موش عجيبة برضو؟
فطيس الكلام دا حاجة نسبية ...
مثلا لي انا الكوزة دي الما شاطرة دي ولا باحثة
بشوف كلام مناضلي الكي بورد دا فطيس كلام,,
خاصة الناس اتكسر ليهم الدش في يدهم وأتزرو برة..
كلام بشاشة عن الجلابة والعرب المستعربة وكوش
فطيس كلام برضو..
|
Post: #34
Title: Re: يا ثوار دارفور بأبوجا : لا توقعوا حتى استلم اللجوء السياسي
Author: garjah
Date: 05-04-2006, 01:42 AM
Parent: #28
بشاشا
Er Esy Dre
ليه ما تسال نفسك سؤال بسيط
انت ابيضاني وحلييييو ومسبسب شعرك
مالك بتمثل علينا انك ود شمس ومقددا
قال ود نوبة قال
|
|