زمــــــان يابورتسودان!!!

هذه أول مشاركة لشخصي بهذا المنبر الأغر..وهي محاولة لقصيدة نتيجة حوار حدث بيني وبين أحد الإخوة السودانيين الأحبة وقد ذهب لبورتسودان لأول مرة في حياته لأيام عابرة وشكى منها مرّ الشكية فكانت هذه القصيدة الحلمنتيشية ..والتي أود أن تصل غايتها للأذهان..

أنـا يا شقي الحـال من بورتســـوان
أســأل جــدك كيفين كانـت زمــان
نظــافة ونظام تقول بـرّ الســـودان
وأُدبـا وشعرا ما يخلـــوك زهجــان
شفت كيفيــــن حدائــق المرجـان
عظمة جمـــال قدرة الرحمـــــان
شاطئ البــحر يخليـك حلمـــــان
مصيــف عــروس حلم العرســان
وضرح وحلـوت مرفــــأ الشبــان
وخــور أربعات حولــه جنـــان
وقيلة الكيلو تخلــك سعيد فرحــان
رفـــاهية وعز من غير حسبـــان
أُسرا ما كـــان فيــهم تب جيعـان
رفاهية كورة قـــدم وكـركت كمـان
مدينه ليها شـأن للأسف بدون عنوان
هسي شوف كيـفين الهموم أطنــان
هـوايتي شــراب مـلح وزك حيتـان
وقََطَعت الكهربـا تخليك حيــــران
لعـب دامـة وفليـق غربـــــان
بأستورد ملاريــا وبصدرها للجيـران
قُطيتي سـكن عشـوائي للضبـــان
جنـس صراصيـر وعض فئـــران
عفن شــوارع وحُفَر تقول خيــران
فوق ده كله الإسمو سيدي الخََرفــان
وهبت ليه أرضــي وقعدت فقــران
لمتين كده حـالي يكون ضهبــــان
أهـا جاءالسلام والبتـرول أطنــان
شوف لي حل سريــع أنا تعبـــان


عبدالله دبور

اخى دبور

الف اهلا بك سيدى فى دار الاخ بكرى ومنبر من لا منبر له وارجو ان يطيب لك المقام بين اهله

ولا الوم صديقك الذى ذهب الى بورتسودان فى عهد تردت فيه الخدمات وساءت فيه حالها واصبحت مدينة طاردة بعد ان تم غزوها باصناف غريبة وتفريقها من اصناف زاهية ...
بورتسودان سيدى كانت من اجمل مدن السودان قاطبة فى السبعينيات وما قبلها وكانت مصيف لاهل الجاه والحكم وطلاب الراحة وشهر العسل وكانت مدينة ليست ككل المدن اذ يقصدها الناس لامتيازات اكثر من ان تحصى ولك ان تعلم ان اهل السعودية وخاصة جدة كانوا يقصدونها لجلب شيلة الزفاف ومن لا يحضر شيلته من بورتسودان فهو ليس فى عداد الوجهاء وهذا الكلام من افواههم مباشرة ..
كانت بورتسودان عبارة عن حورية بيضا جميلة زاهية وكان اهلها من اللطف بمكان انك حينما تزورها لا تتركها وتنسى مقر اقامتك واحبابك ..

بورتسودان سيدى جار عليها الزمان واهملها الحكام ...

لها الله