Post: #1
Title: صباح وعمنا كدوده....
Author: الجيلى أحمد
Date: 04-29-2006, 08:09 PM
Parent: #0
قبل أن امضى فى حوار مع السيدة صباح أطالبها بتسجيل صوتى
للقاء الذى دار بينها وعمنا كدودة
|
Post: #2
Title: Re: صباح وعمنا كدوده....
Author: Bashasha
Date: 04-29-2006, 10:55 PM
Parent: #1
تسجيل صوتي؟
ماينكر هو، اوينفي الفضيحة دي في الاول، بتاع المرتدلا، المغرم بالخواجات، صاحب صلاح قوش!
لوما الفاقة، والقاقة، يوم متين البيوت لما يشتروها بسووليها حفلات افتتاح؟ الكرامة بنعرفا، لكن فشخرة حفلات الافتتاح البعزمو ليها ناس الترابي، من زعماء الكادحين، يطرشنا!
|
Post: #3
Title: Re: صباح وعمنا كدوده....
Author: banadieha
Date: 04-29-2006, 11:57 PM
Parent: #1
يا استاذ الجيلي أحمد: صباح احمد دي هلالها ومريخها هما فاروق كدودة والحاج وراق وما تنقله عنهما لا يحتاج لوسائل توثيق، منو العمل الشاي ومنو البعمل الشاي دائما، العمارات دي الكان عارفها منو، وليه ركزت عليها المقابلة المنشورة في الصحافة والمنقولة في بوست عبدالوهاب همت، المقابلة كلها كانت بطلب لتوضيح خوافي أمور "للعامة" من باب الواضح ما فاضح..
|
Post: #4
Title: Re: صباح وعمنا كدوده....
Author: الجيلى أحمد
Date: 04-30-2006, 02:31 PM
Parent: #1
بشاشا
شكرآ على المرور..
بناديها
تحياتى..
ننتظر إثباتآ صوتيآ من السيدة صباح
|
Post: #5
Title: Re: صباح وعمنا كدوده....
Author: الجيلى أحمد
Date: 04-30-2006, 04:51 PM
Parent: #1
فلتسمح لى الأخت سماح سيد إدريس بنقل تساؤلها
من خيط الأخ همت إلى هنا..
Quote: الحوار كما قرأت من البوست منقول من جريدة الصحافة... يبدو لي غريبا جدا.....تري هل كان هذا ما قاله الدكتور فاروق بالنص؟؟؟
لقد شهدنا الكثير من (الشتارة) من الكثير من السياسيين في السنوات الأخيرة لكن هناك بعض المبالغة هنا تجعلني أشك في خطأ ما.... |
|
Post: #6
Title: Re: صباح وعمنا كدوده....
Author: الطيب بشير
Date: 04-30-2006, 08:41 PM
Parent: #1
.
يا جماعة يبدو لي في (لـوجـة) شوية هنا..
* هل المرفوض هو خفة دم الدكتور كدودة و بالتالي (إنسانيته) كسياسي يفترض فيه التجهّم؟!
* أم ترانا نستكثر عليه العمارة و المارتدلا و مؤاخاة مخالفيه (الترابي) و بالتالي نحاكم (إنسانيته) و علاقاته لكونه سياسي؟!
* أم هي نقطة صاحبنا نادوس القائل بضحالة الحوار في لقاء مع قامة مثل الدكتور كدودة، و هو ما نفته
الأستاذة عفاف أبوكشـوّة التي أعجبها الحوار، و هذا يرجعنا لفكرة إختلاف الآراء.
** معليش يا شيخ الجيلي ع شان أنا جاطت لي الحكوة كلها..
.
|
Post: #7
Title: Re: صباح وعمنا كدوده....
Author: صباح احمد
Date: 05-01-2006, 09:01 AM
Parent: #1
كتب الاخ الجيلى الاتىQuote: قبل أن امضى فى حوار مع السيدة صباح أطالبها بتسجيل صوتى
للقاء الذى دار بينها وعمنا كدودة |
وانقل هنا المقدمة الي كتبت في الصحيفة للتقديم للحوار
Quote: توقفت بنا عربة الصحافة امام بيت فخم وجدناه ينتظرنا فى مدخل الشارع يرتدى جلابية بيضاء وينتعل سفنجة وفى
يده بقية سجارة رماها ومد يده بالمصافحة وابتسامة مريحة كذلك .. دخلنا فاذا البيت الفخم قصر يجمع الى الفخامة اناقة ... سألنا هو : انا قلت ليكم عازمكم شنو ؟ فأجابت صباح: شاى وذهب لأحضاره وهمست لى صباح : حيعملوا براهو .. كانت صباح قد امدتنى بكثير من المعلومات حول ضيفى وساهمت كثيرا هى فى ان تكون هذه الونسة امامكم الآن ..تحدثنا قبل ان ادير جهاز التسجيل عن الجو وانفلونزا الطيور وبدأت معه بسؤال بايخ: |
مما سبق يتضح انني لم اقم باجراء الحوار ..فقط ساعدت في تحديد مواعيده وتقديم بعض المعلومات عن الدكتور كدودة للزميل الذي قام باجراء الحوار ليستفيد منها كاضافة للاسئلة التي اعدها للحوار..
فهل لا زلت ترغب اخي الجيلي في اجراء الحوار معي علي الرغم مما سقته سابقا؟
|
Post: #8
Title: Re: صباح وعمنا كدوده....
Author: شروق على فضل
Date: 05-01-2006, 09:21 AM
Parent: #7
يا اخوانا المدارة ما بتنفع شغل الامن ما واضح زي الشمس
الاخت صباح ما لها ما عملت اللقاء بل مدت بالمعلومات
ظنيتو الكلام واضح
انعل ابو العارضة وانعل ابو الكورة
|
Post: #9
Title: Re: صباح وعمنا كدوده....
Author: شروق على فضل
Date: 05-01-2006, 09:27 AM
Parent: #8
يا اخونا صباح الصحفية دي يا كافي البلا اصلا ما شفناه مشت لكوز سرق وعندو عمارات من مال الشعب السوداني
بس فالحة تمش للناس البنو بيوت بعرق جبينم وشقاء عقولهم - ناس تبيع علم - كدودة نموزجا
يوم واحد ما مشت لناس.....................
|
Post: #10
Title: Re: صباح وعمنا كدوده....
Author: الجيلى أحمد
Date: 05-01-2006, 02:03 PM
Parent: #1
الاعزاء
الطيب ..
شروق..
شكرآ لتواجدكم هنا,
ولكم خالص التحايا
|
Post: #11
Title: Re: صباح وعمنا كدوده....
Author: الجيلى أحمد
Date: 05-01-2006, 02:05 PM
Parent: #1
الأخت صباح
سلامات
من نفس المقدمة التى أوردتيها يتضح أنك
- قدمت (معلومات..!!!) للصحفى
-أنك كنت متواجدة طوال اللقاء (ربما)..
السؤال لاذال قائمآ,
هل بالإمكان نشر التسجيل الصوتى للمقابلة,
تحياتى..
|
|