المعز ادم النور

تشوف الغيمة في ُمــقلة مراية السهلة راخية رموشا..
تنت في ام شديدة القهوة..
جاتا الدوشة في طاقة منام هلوشاة..
لاوز ود قزح طربان وشايله الهوشا..
ختفت توبا قالت اخ..
نست باب حوشا فاتح والمطور الليلة كيف ملبوشة..

النور هل درى ان ثمة محيط اطلسي ؟؟
النور هل غادر كماين الطوب وضواحي السوكي طيلة حياته؟؟
تمرقها في امريكا يا ود النور؟؟
يانوح تخلينا؟؟؟
ماقتو شيوعيين ضد الراسمالية؟؟
من يوم ضربو محمد حمودة في المين روود وانتا قمتا جاري، عرفتا انك تحب الشعر والشباب والحياة..
فررت حين عز الفرار واكلت طماطماية نص نهار رمضان..
ماغرتك ضخامة المجلدات التي قراتها في مكتبة المين وكلية القانون عن المبادي والمورالتي Morality
ماهزتك الاغلفة الجلدية للمدونات في الارفف ..
وماهذبتك معرفتك لي الجميلات من كلية الطب والاداب..
وماطمر فيك العيش ولا عرقي العيش ايام داخلية (عبود) ..
احبك يا عزو ..
كنتا دايما بلا مبادي..
لذا ظللت دوما في البال ..
وهانذا يفيض بي الشوق اليك..



لو اركب دخان سجارتي واطير بعيد ..
واقول لي القماري كلام ما سعيد ..
(من كتاب السلم ) المعز ادم النور – سلم بابكر عبد الحفيظ- كلية القانون - جامعة الخرطوم اواخر 96

يادكين

تحياتى ..

ياخى والله انا مصر جدا انو اتقابلنا ..
ياخى التفاصيل البتحكى فيها دى انا عشتها
حتى الاعتداء على حموده دا متذكرو كانو امبارح
وحموده صديق حميم جدا لى ..لكن صراحة
المعز دا ماعارفتو ..

على العموم بعض شجون وذكريات ايام خوالى
وجدتها فيما خطت يداك ..

خالص ودى ..واصل سردك الجميل

الاخ دكين سلام
فى ليلة قاهرية شديدة البرودة
فى حضور الجميل ميرف
ترنم احدهم باغنية يا نسيم ارجوك روح لها روح وحييها.
وكان حافظهاصم...لدهشتى
تخيلت برهة ان الزمن توقف... قلت ليهم عندكم بعاتى فى الشقة دى؟
تخيل البعاتى الجميل دة يكون منو؟
معز ادم النور
سلم عليهو لو لقيتو