نادية عثمان .. شاعرة البلاط !!!

كتبت تراجي

Quote: واخيرا وجد الوجع الدارفوري صدي عند شعراء البلاط!!!!!

أضعف الايمان .. دارفور حبيبتى .. من ناشك رصاصة نبيدو بالبارود !!!!!!!

من هم شعراء البلاط !!!

و كيف يكون شعر البلاط يا تري !!!

و هل لهم معلقات و تاريخ فكري و كتب !!!

أمثلة ان وجدت ( بالطبع غير نادية عثمان )

تنويه
أسئلة جادة و تختاج الي اجابة ...

Quote: : نادية عثمان .. شاعرة البلاط !!!

إحابة غير جـادة .. لي اسئلة جادة ..
أرجو أنك تقبلــه ، بعدما الرد الفي البوست المرفق طمم بطنك اطمم بطنك زيادة.
.
.

Quote: من هم شعراء البلاط

شعراء البلاط هـم:
مجموعة من (المبلاطية) ـ بيطلعوا ليهم كراسي الساعـة خمسة ونص قدام بيت ناس ( خليل )
بيرشوا ( الو ا ط هـ )
بيجيبوا ( صاعوط ) كتير
تربيزة كبيرة ـ وورقة وقلـــم..
..
البيمسكو عندو ( الشيش ) في قفلة نص .. بيروح فيها
( الجهار ) ما مشكلة
( البـلاطة ) دي المشكلة الكبيرة جدا
ـ زمان كان مسكوهــا عند الواحد في ( قفلة نص )بيحسبوهـا ( خمسة وعشرين ) وبيكتبو لي ( حمار ) وينطق اللفظ ( عليك حمار ) طبعا لما البلد كانت بي خيره ـ حسع بقت .. تتحسب ( تلاتة الف ) لانو الفورة ( مليـــــــون ) .. ويكتبو ليك ( يا ايهــا الفيل )
وإذا اتكررت المسالة بكتبوا ليك ( يا ايهـا الرعديد )
ينفض سامر .. (المبلاطية).. قبال صلاة العشاء .. لانهم بنومو بدري
ولذلك اطلق عليهم لقب
شعـــــــراء البلاط

Quote: إحابة غير جـادة .. لي اسئلة جادة .. أرجو أنك تقبلــه ، بعدما الرد الفي البوست المرفق طمم بطنك اطمم بطنك زيادة.

تعرف يا تمبس من شدة ما طمت لمن هسي ما قادر اقرا كلامك ده

يعني بقا المنبر ده زي بيت الدعاره
الفاظ غريبة جدا متداولة الواحد لا يعاين لي منو البيكتب و لا منو البيقرا

يعني هسي شعراء البلاط دي لو انا حمار و لا فيل و لا تيس زاتو معقول اقبلها !!!
اذا كان مقصود بيها بلاط امير ولا بلاط ملكي و لا بلاط افلاطوني

تعرف يا تمبس
تعريفاتك العرفتها ليها دي انا شايفها ارحم مليون مرة من المعني الحقيقي ليها
ليه الفجور في الخصومة للدرجة دي !!!
يعني الواحد ما يجي المنبر !!! و لا عشان الناس تسكت و تمشي بعيد و نخلي قضية دارفور للعاملين فيها اسيادها ديل
اذا كان هذا و لا ذاك ما ماشين و قاعدين ...
و اتمني انو كل يوم الواحد يتشتم هنا عشان نعرف اصول العالم الحايمة هنا دي شنو
و نشوف اخرهم شنو !!!!!!

الأخ العزيز / فيصل نوبي ...

تحية الود والاحترام ... .


بهدوء لا يملك خفة دم تمبس أريد أن أردد حكمة يعرفها الجميع ...

دائماً النخلة أو الشجرة المكتنزة بالثمر تجدها معرضة للقذف بالحجارة ...

مع خالص حبي واحترامي للجميع ... وحلم أن يجمعنا وطن واحد تكلله النوايا الحسنه .. وإيد على إيد كما قالوا أهلنا زمان تجدع بعيد ....

ولكم جميعاً خالص احترامي الصادق ...

ادريس

مرحبا بك اولا في دارك ..

يآآآآآآآآآآآآآآآآه علي بلدي ...

عندما تكون اول مداخلة لك في بوست مثل هذا ( تواسي ) بدل من ان نتبادل افكار ..

و لك الود يا عزيزي

زد من الشعر بيت

Quote: ..... لا الحزن و لا الوجع يعنيني يعنيني يا أولاد القحبة أن أطفح جبالكم بدماء مشروعكم الإسلامي مريومة و أبرهة عربونان لفضح عاركم المخصي دارفور ليست لعبة أطفال للترفيه ليست قبلة لتفريغ الدمع و لقاء الأحباب

كل من هو صامت او ضد ما يفعله من ينطق باسم دارفور من اخطاء يسب و يشتم !!!
لماذا
هل هي لغة الحوار بيننا !!!
اين الاحترام ... اين سودنتنا !!!

اذا نظرنا في الكلمة نفسها لا نجدها من ضمن مفرداتنا السودانية !!

لماذا

لاننا تربينا علي أخلاق و هذه ليست من ضمن ما تربينا عليه ...

و لك الله يا وطن و عليكي مليون سلام يا دارفور ... ان كان هذا شان من يحمل الراية !!!

شوف يا فيصل
بدون ما أخرب فرحتك بفتح بوست جديد للتسلية
و التريقة

You can have all the fun you like

و أقولها للمرة الألف
أولاد القحبة هم أولاد البشير و أعوانه
وهذا أضعف صفة أطلقها لأولاد مغتصبي الحكومة الديمقراطية و مرورا بإغتصاب أطفال جنوب السودان و الأن أطفال دارفور...ماذا تسمي من إغتصب يا هذا? و لعلكم تفقهون.

الاخ الكريم كستاوى

Quote: أقولها للمرة الألف أولاد القحبة هم أولاد البشير و أعوانه

ومن هم البشير واعوانه فى قصيدتى من اجل مقبولة وحبيبتى دارفور ؟!!

ياكستاوى انت وجهت الكلام هكذا

يعنينى يااولاد ال.......!!


ثم تأتى بعد سب امى وامهات الغير لتقول لى بشير واعوانه ؟!!

اساسا نادية غلطانة ..
سبب واحد يخليها تكتب قصيدة في دارفور مافي .. !!!

اتخيل لي ..
مشكلة دافور .. الناس تركوا الحديث عنها ..
للصعاليق وسابلة الطريق .. والمتاجرين بكلمة الحق ..
خير ما نفعله لاهل دارفور ..
ان نبتعد عنهم ..
يكفيهم ما هم فيهم ..
تزداذ المغسة مغستين .. عندما يضرب كوستاوي ( الجبكسين ) ..
وتطلع ليها دارفور في رأسه ..
ويخيل له .. أن من في هذا المنبر هم من قتل/اغتصب/نهب/قلع ..
تنتفخ مرارتك .. عندما تضع تراجي مكياجها من تراب دارفور ..
تتلون .. لتبدو ..

كراتين و اكياس وجرايد مقطعة .. وكتاحة ..
تأمل المنظر ..
هذه هي مشكلة دارفور في المنبر ..

ابتعدي يا نادية عن كل ما يخص دافور في المنبر ..
لانها تعني ..
الكذب .. النفسيات .. قلة الادب .. الوقاحة ..
اي قضية يتبناها الساقطين اخلاقيا ..
هي قضية ( للدعارة )

الاخ الكريم حميدة

Quote: ابتعدي يا نادية عن كل ما يخص دافور في المنبر ..

عارف ؟

هذه القصيدة وغيرها كثير كتبته عن دارفور وآثرت الابتعاد به الا عن قلب موجوع وعندما احببت ان ارسل واهدى لشقيقتى مقبولة كلمة مواساة هى اضعف ايمانى قامت الدنيا ولم تقعد !!!



دارفور للدارفوريين ولكل اهل السودان هى قطعة من روح الجميع من صمت ومن هتف !!

لها ولنا ولكل الوطن رب اسمو الكريم !!

كن بخير دوما اخى حميدة

كوستاوي

Quote: شوف يا فيصل بدون ما أخرب فرحتك بفتح بوست جديد للتسلية و التريقة You can have all the fun you like

لن انكر انني اجد في كثير من البوستات تريقة و Fun و انت كذلك واحد مننا
لكن لكل مقام مقال و هذا البوست ليس للتريقة يا عزيزي
و في نظري هذا اسلوب للتقويم في بعض الاحيان ...

لكن صدقني
يحز في نفسي جدا ان نصل لمستوي التنابذ بكلمات لا فائده منها غير ساقط القول ...
نختلف في بيوتنا قبل ان نختلف في سياسة و بلد
لكن يبقي الود و الاحترام متبادل بيننا

Quote: و أقولها للمرة الألف أولاد القحبة هم أولاد البشير و أعوانه وهذا أضعف صفة أطلقها لأولاد مغتصبي الحكومة الديمقراطية و مرورا بإغتصاب أطفال جنوب السودان و الأن أطفال دارفور...ماذا تسمي من إغتصب يا هذا? و لعلكم تفقهون.

من هم أولاد البشير و اعوانه في بوست الاخت نادية عثمان !!!
هل كل من قال كلمة يقصد بها تقويم او دفاع عن النظام الحالي هو كما ذكرت ؟؟؟

نفترض ان يكون أساسي او عمر الفاروق او ود المايقوما او تمبس او وليد 500 او القلب النابض او محمد حامد جمعه او غيرهم يدافعون عن نظام او عن جبهة لاقتناعهم بها و عدم اقتناعهم بمن يحمل راية النضال و دارفور هنا

هل باسلوب الشتم و النبذ لاهلهم و ليس لهم في شخصهم نعدل او نغير فكرهم ؟؟

ماذا فعل امهاتهم لننعتهم بما ذكرت ..

ستعود لتقول لي انا لست اولهم و لا اخرهم

لم ادخل في جدل مع اي من قبل حول هذا و هذه اول مرة ادخل فيه

لسبب واحد فقط
لانني اعرف اسلوب نقاشك و اعرف انك تجادل و باسلوب معين احترمه جدا مهما اختلفنا ...

لم نحتك مع بعضنا يوما ما بسبب هذا و اتمني ان لا تصل خصومتنا لهذه النقطة

و في النهاية يبقي الود و الاحترام متبادل
و اشكرك علي طرحك و توضيحك لي ما قصدته و في انتظار ردك علي ما اوردته يا عزيزي

..

:You said
هل كل من قال كلمة يقصد بها تقويم او دفاع عن النظام الحالي هو كما ذكرت ؟؟؟

I say:

yes

نظام:

شرد
عذب
قتل
إغتصب
سرق

هذا نظام أولاد قحبة.
ودي دايره درس عصر?

كوستاوي

اختلافي معك في نقطة

Quote: هذا نظام أولاد قحبة. ودي دايره درس عصر؟

امهاتهم ذنبهم شنو ؟؟

فيصل نوبي

ياخ كل ما اجي ارد عليك تشغلني صورة العرص الخابت راسو في الحيطة ده..

شيل الصورة دي ما توترنا ..

Quote: كتبت تراجي

تراجي دي منو ؟؟

..
.

Quote: اساسا نادية غلطانة .. سبب واحد يخليها تكتب قصيدة في دارفور مافي.. !!!

بالضبط زى ما قال حميده!
يا نادية يا شاعرة البلاط
الامر هنا لا يستحق رد منكـ فتجاهلى ساقط القول
انت الكلام دا لا شبهو ولا قدرو
خلي للمناضلين والباقي يقسمو لينا انحنا

سمـعت
بالمثل البقول التسوي كريت
شنو كدا - طار لي -
معزتى؛

دكين

الزول ده خابط راسو في شاشة مسطحه (LCD) ما حيطه ياخ

و قال احي انا من المنابر و المنتديات و الجابتو لينا


تبلدينا
تحياتي



انتو الاتنين
عندي ليكم سؤال
بتجو ورا بعض ليه ؟؟؟

نادية عثمان شاعرة الجمال

Quote: أولاد قحبة

اولاد ( .. ) ولا بنات تبخ ..
الامر ( قائم ) .. والحرب ( مستمرة ) ..
سمعنا عن أنظمة ( سقطت ) .. بالثورة ..
وأخرى ( سقطت ) .. بالنضال ..
وانظمة ( سقطت ) بالقوة ..
لكن ..
لم أسمع بنظام ( سقط ) بقلة الأدب ..
والسفاهة .. والعنتريات ( الكضابة ) ..
في كتب التاريخ .. ( المناضل ) قدوة ..
وكم حكي لنا ( الأولين ) في كتبهم عن ثوار قدوة ..
ولم يحكي لينا بتاتا عن ثوار ( رجرجة وصعاليك ) ..
لا لشئ فيهم ..
فقط ( فاقد الشئ لا يعطيه ) ..
أمثال كوستاوي ( الرجل الكبير في السن ) ..
الذي يعتبر في العرف السوداني ( محترم ) باي ديفولت ..
يريد أن يقنعنا بكلمات ( متشنجة ) أن الأمر ( شكلة في حفلة ) ..
وقدام ( الجكس ) .. يحلو الكلام ( الغير مباح ) ..
في علم المراهقة يدخل في باب ( بالغ جديد ) ..
ولكن ..
كوستاوي سوداني ..
وفي علم الأوطان ..
( يجب أن نحب الوطن بكل كبوبه ورماده وأكياسه الشايلا الهوا ) ..

حميضة

شنو ياخ انت ليك فترة بس بتهجم و تزوق
الواحد ما لاقي فيك فرصة

Quote: وفي علم الأوطان .. ( يجب أن نحب الوطن بكل كبوبه ورماده وأكياسه الشايلا الهوا ) ..

و اضيف حروفه المبعثرة ( Capital & Small )

الكريم فيصل محمد الطيب

Quote: نادية عثمان شاعرة الجمال

والوطن هو عشقنا واجمل مافينا !


شكرا نبيلا على الكلم الطيب

وكن بالف خير

الزميل فيصل

Quote: نادية عثمان شاعرة الجمال

و تضفي الجمال بمرورك

سلمت..

فمرحب بالبلاط ..

Quote: فمرحب بالبلاط ..

ويبقى السؤال قائما

اى بلاط كنت شاعرته اناياترى .. ومتى ؟!!!

ود المايقوما

Quote: فمرحب بالبلاط ..

و شعراء البلاط

الأخت العزيزة / نادية عثمان ...

تحية الأريج والشذى ....

Quote: ويبقى السؤال قائما اى بلاط كنت شاعرته اناياترى .. ومتى ؟!!!

بلاط الحب يا شاعرة الصدق والحرف المضمخ بالنزيف ...

كنت قد قلت لك في مداخلة سابقة "ورغم كل شيء تظلين الأروع والأكثر تألقاً وبهرة ...

ودعيني بحق الوطن أختي نادية .. وبحق الصداقة الوليدة أن أطلب منك طلباً خاصاً من أخ وصديق لك يعتز بهذه الصداقة ... أرجو إعتبار ما حدث من بعض الأخوة والأخوات زلة لسان أناشدهم لو يملكون الشجاعة الإعتذار عنها ... وحتى إن لم يفعلوا فيقيني إن الإعتذار على الخطأ هو قمة الشجاعة ويرفع من قدر المعتذر .. أقول حتى لو لم يفعلوا فالحق أبلج ... ويا نادية قديما قالوا "العفو من شيم الكرام" وانتي بلا شك كريمة ونحنا نستاهل .... مش ؟

مع خالص الود والتقدير للجميع

الاخ فيصل نوبي

وصف نادية بشاعرة البلاط غلط شديد يعني مفروض الزميلة تراجي تسحب مداخلتها وتعتذر منها


شاعر البلاط احمد شوقي سمي بها عندما وقف امام ثوار الشعب المصري وشتمهم ومدح القصر الذي كانت جدته فيه وصيفه

فقال يهجو عرابي

صغار في الذهاب والاياب اهذا كل شانك يا عرابي
ثم تغير شوقي من شاعر البلاط الي شوقي امير الشعراء

بعد انضم الي الثوار من المنفي
وانشد في المنفي اجمل قصائده
يــا نـائح (الطلْحِ), أَشـباهٌ عَوَادِينـا نَشْـجى لِـوَادِيكَ, أَم نَأْسَـى لوادينـا?
مــاذا تقُـصُّ علينـا غـيرَ أَنّ يـدًا قصَّـتْ جنـاحك جـالت في حواشينا?
رمـى بنـا البيـنُ أَيْكًـا غـيرَ سامِرنا - أَخـا الغـريب - وظِـلاًّ غيرَ نادينا
كـلٌّ رَمَتْـه النَّـوى: رِيشَ الفِـراق لنا سَـهْمًا, وسُـلّ عليـكَ البيـنُ سِـكِّينا
إِذا دعـا الشـوقُ لـم نَـبرحْ بمُنْصَدِع مــن الجنــاحين عــيٍّ لا يُلَبِّينــا
فـإِن يَـكُ الجـنسُ يا ابنَ الطَّلْحِ فرّقنا إِنّ المصــائبَ يجــمعْنَ المُصابينـا
لــم تـأْلُ مـاءك تَحْنانًـا, ولا ظمـأً ولا ادِّكـــارًا, ولاشــجْوا أَفانينــا
تَجُــرُّ مـن فنَـنٍ سـاقًا إِلـى فَنَـنٍ وتســحبُ الــذيلَ ترتـادُ المؤاسـينا
أُسـاةُ جسـمِكَ شـتَّى حـين تطلبهـم فمَــنْ لروحـك بـالنُّطْس المُدَاوينـا?
آهــا لنــا نـازِحَيْ أَيْـكٍ بـأَندَلُسٍ وإِن حَلَلْنَــا رفيفًــا مـن رَوَابينـا!!
رسْـمٌ وقفنـا عـلى رَسْـمِ الوفـاء له نَجــيش بـالدَّمع, والإِجـلالُ يَثنينـا
لِفِتْيَــةٍ لا تنــال الأرضُ أَدمُعَهــم ولا مَفـــــارقَهم إِلاَّ مُصَلِّينــــا
لـو لـم يسـودوا بـدينٍ فيـه مَنْبَهـةٌ للنــاسِ; كـانت لهـم أَخـلاقُهم دينـا
لـم نَسْـرِ مـن حـرَمٍ إِلاَّ إِلـى حَـرَم كـالخمر مـن (بابلٍ) سـارت (لدارينا)
لمـا نَبـا الخـلدُ نـابت عنـه نُسْـختهُ تَمــاثُلَ الــورْدِ (خِيريًّا) و(نسْـرينا)
نسْــقِي ثـراهُمْ ثَنَـاءً, كلَّمـا نُـثِرتْ دُموعُنــا نُظِمــتْ منهــا مراثينـا
كــادت عيــونُ قوافينــا تُحَرّكُـه وكِـدْنَ يـوقِظْنَ فـي التُّرْبِ السلاطينا
لكـنّ مصـرَ وإِن أَغضـتْ عـلى مِقَةٍ عَيْـنٌ مـن الخُـلْدِ بالكـافور تَسـقينا
عــلى جوانبِهــا رَفَّــتْ تَمَائِمُنَـا وحــولَ حافاتِهــا قـامتْ رَواقينـا
ملاعِــبٌ مَرِحَــتْ فيهــا مَآرِبُنـا وأَربُــعٌ أَنِسَــتْ فيهــا أَمانينــا

فاختنا ناديه عثمان لم تسب ثوار دارفور يوما ما
ولم تمدح البشير وبعد ذلك من القاهرة انشدت رائعة دارفور

الغالى سيف مساعد

شكرا نبيلا لمداخلاتك التى تثرى الحوار عن ماهية شعراء البلاط لما فيه من معلومات هامة جدا

ورجائى ان تستمر فى الكتابة عن من اطلق عليهم اللقب ولماذا لكى تعم الفائدة ونتعلم جميعنا

Quote: الجـنسُ يا ابنَ الطَّلْحِ فرّقنا إِنّ المصــائبَ يجــمعْنَ المُصابينـا

وكنت اتمنى ان توحد قلوبنا مصائب الوطن ونكون على قلب انسان سودانى واحد لتجاوزها ومازلت اتمنى ذلك ولكن !!

العزيز سيف

Quote: وصف نادية بشاعرة البلاط غلط شديد يعني مفروض الزميلة تراجي تسحب مداخلتها وتعتذر منها شاعر البلاط احمد شوقي سمي بها عندما وقف امام ثوار الشعب المصري وشتمهم ومدح القصر الذي كانت جدته فيه وصيفه فقال يهجو عرابي صغار في الذهاب والاياب اهذا كل شانك يا عرابي ثم تغير شوقي من شاعر البلاط الي شوقي امير الشعراء

لك كل الشكر علي المداخلة القيمة

و زي ما قال ناذر ينصر دينك يا عزيزي

الصديق النبيل

ادريس محمد ابراهيم


تحية بشموخ بلادى ونخلاته الباسقات

Quote: بلاط الحب يا شاعرة الصدق والحرف المضمخ بالنزيف ...

يسعدنى واتمنى ان احمل بين جوانحى قلبا هو المركز ويحوى الجميع ولا مكان لمهمشين فيه !!


صدقنى لا ادعى الملائكية ولكنى اعلم عن قلبى انه لا يستطيع ان يكره بسهولة !!

انا مجرد حرف بين الاف حروف القصيد التى كتبت عشقا وحبا فى الوطن وتغنت باسمه مثلك ياادريس ومثل كل من ملك ناصية الكلم فى بلادنا العزيزة .. !

لست غاضبة بقدر ماانا مندهشة !!

الاخ ادريس

اشكرك علي مرورك الكريم و كلماتك الغالية

و لك التحايا

Quote: انتو الاتنين عندي ليكم سؤال بتجو ورا بعض ليه ؟؟؟

الكلب بريد خناقو يا نوبي..

دكين

تحياتي

دكين

تحياتي

!!!!!!!!!!!!

Quote: شاعر البلاط احمد شوقي سمي بها عندما وقف امام ثوار الشعب المصري وشتمهم ومدح القصر الذي كانت جدته فيه وصيفه فقال يهجو عرابي صغار في الذهاب والاياب اهذا كل شانك يا عرابي ثم تغير شوقي من شاعر البلاط الي شوقي امير الشعراء بعد انضم الي الثوار من المنفي وانشد في المنفي اجمل قصائده يــا نـائح (الطلْحِ), أَشـباهٌ عَوَادِينـا نَشْـجى لِـوَادِيكَ, أَم نَأْسَـى لوادينـا? مــاذا تقُـصُّ علينـا غـيرَ أَنّ يـدًا قصَّـتْ جنـاحك جـالت في حواشينا? رمـى بنـا البيـنُ أَيْكًـا غـيرَ سامِرنا - أَخـا الغـريب - وظِـلاًّ غيرَ نادينا كـلٌّ رَمَتْـه النَّـوى: رِيشَ الفِـراق لنا سَـهْمًا, وسُـلّ عليـكَ البيـنُ سِـكِّينا إِذا دعـا الشـوقُ لـم نَـبرحْ بمُنْصَدِع مــن الجنــاحين عــيٍّ لا يُلَبِّينــا فـإِن يَـكُ الجـنسُ يا ابنَ الطَّلْحِ فرّقنا إِنّ المصــائبَ يجــمعْنَ المُصابينـا لــم تـأْلُ مـاءك تَحْنانًـا, ولا ظمـأً ولا ادِّكـــارًا, ولاشــجْوا أَفانينــا تَجُــرُّ مـن فنَـنٍ سـاقًا إِلـى فَنَـنٍ وتســحبُ الــذيلَ ترتـادُ المؤاسـينا أُسـاةُ جسـمِكَ شـتَّى حـين تطلبهـم فمَــنْ لروحـك بـالنُّطْس المُدَاوينـا? آهــا لنــا نـازِحَيْ أَيْـكٍ بـأَندَلُسٍ وإِن حَلَلْنَــا رفيفًــا مـن رَوَابينـا!! رسْـمٌ وقفنـا عـلى رَسْـمِ الوفـاء له نَجــيش بـالدَّمع, والإِجـلالُ يَثنينـا لِفِتْيَــةٍ لا تنــال الأرضُ أَدمُعَهــم ولا مَفـــــارقَهم إِلاَّ مُصَلِّينــــا لـو لـم يسـودوا بـدينٍ فيـه مَنْبَهـةٌ للنــاسِ; كـانت لهـم أَخـلاقُهم دينـا لـم نَسْـرِ مـن حـرَمٍ إِلاَّ إِلـى حَـرَم كـالخمر مـن (بابلٍ) سـارت (لدارينا) لمـا نَبـا الخـلدُ نـابت عنـه نُسْـختهُ تَمــاثُلَ الــورْدِ (خِيريًّا) و(نسْـرينا) نسْــقِي ثـراهُمْ ثَنَـاءً, كلَّمـا نُـثِرتْ دُموعُنــا نُظِمــتْ منهــا مراثينـا كــادت عيــونُ قوافينــا تُحَرّكُـه وكِـدْنَ يـوقِظْنَ فـي التُّرْبِ السلاطينا لكـنّ مصـرَ وإِن أَغضـتْ عـلى مِقَةٍ عَيْـنٌ مـن الخُـلْدِ بالكـافور تَسـقينا عــلى جوانبِهــا رَفَّــتْ تَمَائِمُنَـا وحــولَ حافاتِهــا قـامتْ رَواقينـا ملاعِــبٌ مَرِحَــتْ فيهــا مَآرِبُنـا وأَربُــعٌ أَنِسَــتْ فيهــا أَمانينــا فاختنا ناديه عثمان لم تسب ثوار دارفور يوما ما ولم تمدح البشير وبعد ذلك من القاهرة انشدت رائعة دارفور

ينصر دينك يا سيف مساعد ....

صنفرة :

طيب وكت عارف دا كلو .. كنت وين من امبارح !!

الاخ ناذر محمد الخليفة


شكرا لمرورك الطيب

واتمنى ان تكون بالف خير دوما وابدا

ما بلقى لي شاعرة مزايكو ؟؟؟؟
ولا شاعرة مشمع ؟؟؟
طيب شوفوا لينا إن شاء الله شاعرة سراميك !!!!!
والله المنبر ده بقا حاجة كريهة بشكل ...
وجابت ليها حقد على كل من هو محبوب ..
نادية اختي نصيحتي ليك :
الجمل ماشي والكلب ينبح ..

عمر الفاروق

Quote: ما بلقى لي شاعرة مزايكو ؟؟؟؟ ولا شاعرة مشمع ؟؟؟ طيب شوفوا لينا إن شاء الله شاعرة سراميك !!!!!

ياخ عليك الله ماتشتت جهودنا خلينا فى الاول نعرف شعراء البلاط ثم نتجه لمعرفة شعراء الحاجات الانت ذكرتها دى .. سمح ؟!!

قلت لى فى شعراء سراميك كمان ؟!!

والله الشعر اتطور ياخ !!

فيصل نوبي

تحياتي


أنا ملاحظة ظاهرة جديدة في البورد

كل زول عاوز يشتم يقول ليك ما مظفر قال ومظفر كتب

أو يجي ويجيب ليك قصيدة مظفر ويلزقها !!!

زي لمن يكون في اتنين بتشاكلوا تشيل شتيمة واحد فيهم وتلزقها في بوست لزول تاني !!

القصد منها شنو ونفهم شنو ؟؟؟

مظفر ذاته تعرض لهجوم شدييد بسبب شتيمة أولاد ....

لأن أي أم تستحق كل الإحترام حتى لوكان ابنها قاتل أو سفاح


وبعدين انتوا سبتوا قصائد مظفر كلها ومسكتوا في دي !!!!
ولا كأنوا كتب غيرها

خلاص بقت قصيدته شماعة لكل شتيمة ساقطة !!؟؟



سؤال للأخ كوستاوي

الهدف شنو من كتابة ما كتبته في بوست نادية تحديدا !!

واستفدت شنو بشتم أمهات غيرك ؟؟

تراجي

ممكن الناس تختلف ويكون بينها إحترام
ما لازم يكونوا مع أو ضد وبس

فليه بتحاولي تصنعي من مخالفيك أعداء ليك


انتي ما بتتقبلي النقد ولا النصح ولا الوصاية

وفي نفس الوقت بتدي لنفسك كل الحق بنقد غيرك وفرض الوصاية على كتاباتهم ؟؟

نادية تكتب هسي تكتب بعد مليون سنة دا شيء راجع ليها ويخصها هي وبس

وما أظن انك مريت على كل الأعضاء والعضوات وسألتيهم كتبتوا ولا لأ

ولا حتى قلتي ليه ما كتبتوا ؟

فليه دائما نادية هي المفروض منها تكتب في الوقت البتختاريه
وبالطريقة البتقرروها انتي أو غيرك ؟؟

Quote: وما أظن انك مريت على كل الأعضاء والعضوات وسألتيهم كتبتوا ولا لأ ولا حتى قلتي ليه ما كتبتوا ؟

نهال كرار

بطلى الكواريك دى وورينى انتى كتبتى ولالا ؟!!( وجه حاسى بحاجة هناى هناى كده)!!

عشان لو ماكتبتى اجى الامارات اضع قبلة على جبينك الطاهر وارجع !!

نهال حب الوطن مابيحتاج شهادة اثبات ياصديقتى وطالما احب وطنى واتألم من اجله حد النزيف حتى وان لم اكتب حرفا فلايهمنى غرس الخناجر فى حلقى بعدها !!

الاخت نهال


تحياتي

Quote: أنا ملاحظة ظاهرة جديدة في البورد كل زول عاوز يشتم يقول ليك ما مظفر قال ومظفر كتب أو يجي ويجيب ليك قصيدة مظفر ويلزقها !!! زي لمن يكون في اتنين بتشاكلوا تشيل شتيمة واحد فيهم وتلزقها في بوست لزول تاني !! القصد منها شنو ونفهم شنو ؟؟؟ مظفر ذاته تعرض لهجوم شدييد بسبب شتيمة أولاد .... لأن أي أم تستحق كل الإحترام حتى لوكان ابنها قاتل أو سفاح

كلام في الصميم
لكن هيهات من يسمع
لا اضافة علي ما اوردتي

و بالاضافة الي نصائحك لسيدة نساء الخور تراجي اتمني ان تسمعها و تضعها في حسبانها

و لا أظن انها كانت تعرف معني شاعر البلاط

و ان كانت تعرف او عرفت الان فعليها الاعتذار ..

نوبى وماتبقى من الشلة .......... مشتاقيييييييييين
ماقريت كل ماتقدم ولكنى سافعل وساخش يسؤال .

Quote: وهذا أضعف صفة أطلقها لأولاد مغتصبي الحكومة الديمقراطية و مرورا بإغتصاب أطفال جنوب السودان و الأن أطفال دارفور...ماذا تسمي من إغتصب يا هذا? و لعلكم تفقهون.

هل يدخل جنود الاتحاد الافريقى فى اولاد الق.........

Quote: الاتحاد الافريقي يحقق في التهم الموجهة لجنوده بالاغتصاب بدأت لجنة التحقيق التي شكلها الاتحاد الافريقي حول ما ورد في تقرير التلفزيون البريطاني حول تورط عدد من جنود الاتحاد الافريقي بجنوب دارفور في عمليات اغتصاب اعمالها أمس.وقال بيان صادر عن الاتحاد الافريقي امس تلقت «الرأي العام» نسخه منه ان الممثل الخاص لمفوضية الاتحاد الافريقي بالسودان السفير بابا كينغيبي التقى فريق التحقيق الذي ترأسة ويني بيانيما في مستهل عملها.وكانت القناة الرابعة بالتلفزيون البريطاني بثت في الرابع من مارس الماضي تقريرا تحدثت فيه عن تورط جنود من الاتحاد الافريقي في عمليات اغتصاب واسعة النطاق في احد معسكرات النازحين بجنوب دارفور شملت اطفالا. وستقدم اللجنة المكونة من ثمانية من الخبراء تقريرها النهائي لمفوضية الاتحاد الافريقي بعد

Quote: الجمل ماشي والكلب ينبح ..

وياجبل مايهزك ريح ...

مساء الخير نادية



لاى معركة أو حروب..

دوافع معينة..

وأساليب متعددة لمواجهتها..

أغلب هذه الحروب بسبب الاحساس بالظلم والمطالبة بالحرية..

وحالات الحروب التى تطالب بالحرية مثل الحرب الدائرة فى دارفور الان..

تحتاج الى الدعم السياسى..

ثم الى اللوجيستك..

ثم الدعم الادبى...

والدعم الادبى قد يكون مقالا...

قصيدة..

وقد يكون زغاريد من النساء لرفع الحالة المعنوية للجنود أثناء المعارك..

مثلما حدث فى جبال النوبة حيث كانت النساء اللائى لا يستطعن حمل البندقية لاسباب صحية..

تكون مهمتهن الزغاريد اثناء المعارك ليلهبن مشاعر الجنود..

....

ما كتبتيه عن دارفور لم يخرج من هذا الاطار...

وهو تعبير واضح تضامنا مع قضية دارفور..

وليس ضدها..

حقك مثل أى سودانى أو سودانية أخرى...

وهو حق التعبير عن النفس والرأى..

....

تبقى المشكلة فى الذين أواللائى يقمن بخريب قضية دارفور مع سبق الاصرار والترصد!

Quote: من هم شعراء البلاط !!! و كيف يكون شعر البلاط يا تري !!! و هل لهم معلقات و تاريخ فكري و كتب !!! أمثلة ان وجدت ( بالطبع غير نادية عثمان )

يا نوبي يا حرف الاف
الكلام الحاكتبو دا بقولو بالقروش لكن عشانك نبهلو مجانا..

شعراء البلاط هم الشعراء الذين يتغشون القصور ويكتبون الشعر للملوك
ربما فقط يقرأون الاشعار في بلاط السلطان اذ ان هناك سلاطين مثقفاتية
يجمعون الشعراء حولهم ويقيمون المسابقات والمطارحات. هناك كثير من الكتب
تحكي عنهم وعن اشعارهم
راجع الامتاع والمؤانسة به قصص كثيرة عن الشعراء و الخلفاء و القائمين على الامر
وهي ما شتيمة ابدا. لانه المتنبي اعظم شاعر عربي وربما من اعظم شعراء العالم..
كان شاعر بلاط.. وشوقي كان شاعر بلاط وعمك شكسبير ايوة شكسبير شخشخيا
كان شاعر بلاط يعرض مسرحياته في القصر..
يعني شاعر بلاط دي ما شتيمة ابدا لانه الزول لو ما شاعر ممتاز ما كان بقى شاعر بلاط..
نعم لهم معلقات ومشعلقات وهم لسان حال القبييلة والناطق الرسمي لها..
وهم رسل الكلمة الجميلة والشعر المجود العالي القيمة...

اختنا نادية عثمان شاعرة بلاط مملكة الانسانية..
كافة شرها عن الناس وليت الناس تكف شرها عنها
صابرة على الاذى...ولعمري هذه حسنة وتحسب لها
وانا بحسدها عليها..بتجيبي الصبر دا من وين يا حبيبة؟

مشكلة البورد مصاردة حق الآخر
وسلبه انسانيته و احراجه امام الناس
لكن العزاء الناس شايفة وعارفة. والذي لا يرى
العدل فهو انسان يحتاج ان يراجع نفسه...

Quote: تبقى المشكلة فى الذين أواللائى يقمن بخريب قضية دارفور مع سبق الاصرار والترصد!

ودا كلام ملكة الحكمة نور..
هناك من ارسل لشخص يخبره عن موقفي عن دارفور.. والى الان لا اذكر ابدا انني كتبت عن دارفور اي شيئ غير في بوست المناضل المضاد.. هؤلاء الكذابون المرجفون
المراءون الذين يريدون حرق اي شخصية يدعون انها ضد دارفور..
فنحن ما ضد دارفور
نحنا ضدكم انتم الذين تستقلون دارفور وتتحدثون باسم اناس لا تحسون بوجعهتم

وتكتبون تروجون للحرب وانتم تقولون قولكم هذا ويدكم في الماء البارد.
فالتكتب نادية ما تريد وقتماتريد على كيفها ومزاجها..
فهل هناك "ديد لاين" لتسليم القصائد عن دارفور؟

الحبيبة الغالية الباحثة والمؤرخة التى اتشرف بأنها من وطنى

د. نجاة (بيان)

Quote: يا نوبي يا حرف الاف الكلام الحاكتبو دا بقولو بالقروش لكن عشانك نبهلو مجانا..

شنو يعنى نوبى بس ؟( وجه غيران)


نحنا بهلة علمك البقروش ده وكت تكبى لينا هنا ملح امانة مابنستفيد منو يابت الاساتذة معلمين الاجيال !



بجيك بكرة لمداخلتك الثرة والهادفة والاتعلمت منها كتييييييير لانى ماشة اصلى الفجر وانوم بكرة عندى شغل ..

ارقدى عافية حبيبتى .. ولى بكرة

فى امان الله ..

الحبيبة الغالية د. بيان


قلتى :

Quote: شعراء البلاط هم الشعراء الذين يتغشون القصور ويكتبون الشعر للملوك ربما فقط يقرأون الاشعار في بلاط السلطان اذ ان هناك سلاطين مثقفاتية يجمعون الشعراء حولهم ويقيمون المسابقات والمطارحات. هناك كثير من الكتب تحكي عنهم وعن اشعارهم

وكانوا بيأخدوا قروش فى الشغلة دى بيان ؟!!

انا عارفة انو فى زمن الجاهلية الزماااان كان الملوك بيدوا الشعراء البيمدحوهم كيس من الدنانير اها هسة الدفع يكون باليورو ولا كيف ؟!!

وبعدين السلاطين المثقفاتية ديل هل كانوا بيمدحوهم بقصيدة النثر ولا وكيف ؟!!

Quote: راجع الامتاع والمؤانسة به قصص كثيرة عن الشعراء و الخلفاء و القائمين على الامر وهي ما شتيمة ابدا. لانه المتنبي اعظم شاعر عربي وربما من اعظم شعراء العالم.. كان شاعر بلاط.. وشوقي كان شاعر بلاط وعمك شكسبير ايوة شكسبير شخشخيا كان شاعر بلاط يعرض مسرحياته في القصر..

لاحولااااا !!

والله دى معلومات مفروض تأخدى فيها كيس ملئ بالدنانير !!

والله العظيم انتى زولة مفيدة جدا وانا من بكرة بمشى مكتبة مدبولى اسأل عن الامتاع والمؤانسة اقرأ واعرف تاريخ شعراء البلاط (خاصة بعد ان نلت اللقب عن جدارة واستحقاق )!!

Quote: يعني شاعر بلاط دي ما شتيمة ابدا لانه الزول لو ما شاعر ممتاز ما كان بقى شاعر بلاط.. نعم لهم معلقات ومشعلقات وهم لسان حال القبييلة والناطق الرسمي لها.. وهم رسل الكلمة الجميلة والشعر المجود العالي القيمة...

يازولة تسلمى والله الله يطمنك .. لكن اللقب اطلق بأى فهم فى ذلك السياق هنا تكمن الحسرة !!!

Quote: اختنا نادية عثمان شاعرة بلاط مملكة الانسانية.. كافة شرها عن الناس وليت الناس تكف شرها عنها صابرة على الاذى...ولعمري هذه حسنة وتحسب لها وانا بحسدها عليها..بتجيبي الصبر دا من وين يا حبيبة؟

بالمناسبة دى يابيان .. هل عندما يقول لى احد الاصدقاء او الصديقات (يانادية انتى طيبة ) بكون فى قرارة نفسو شفقان على على اعتبار انى (هبلة وعويرة وكدى يعنى )؟!!

شوفى لينا كتب علم النفس كده وشخصى حالتى بالله .. عشان الواحد يكون عارف (كوعو من بوعو ) !!

يعنى شنو (كوعو من بوعو) ؟!!
انا عارفة انها بتتقال فى سياق زى ده لكن عايزة الترجمة الحرفية !!!

Quote: وتكتبون تروجون للحرب وانتم تقولون قولكم هذا ويدكم في الماء البارد. فالتكتب نادية ما تريد وقتماتريد على كيفها ومزاجها.. فهل هناك "ديد لاين" لتسليم القصائد عن دارفور؟

بيان لو عرفتى شئ ورينى اخر يوم لتسليم القصائد الدارفورية !!(ياخى ضحكتينى وانا زهجانة اضحك الله سنك يابت الناس الطيبين )!

Quote: وكانوا بيأخدوا قروش فى الشغلة دى بيان ؟!!

الله كيف وناس خلعنا عليك جبة من اجود الحرير الاصفهاني..

و10 من الغلمان....و100 من الابل
يا خازن المال اعطه الف دينار دي جات من وين؟
اسع لو كان في بلاط
ذي زمان كان
ناس النضال خلعوا عليك عربة لاندكروزور.ولا ب توب
وربما اقامة في اوربا او امريكا الشمالية وكندا.
ترطبي للاخر...

Quote: لكن اللقب اطلق بأى فهم فى ذلك السياق هنا تكمن الحسرة

يا زولة اصلو النت السوداني دا مليان عجائب..ما تشتغلي بالموضوع دا

Quote: بالمناسبة دى يابيان .. هل عندما يقول لى احد الاصدقاء او الصديقات (يانادية انتى طيبة ) بكون فى قرارة نفسو شفقان على على اعتبار انى (هبلة وعويرة وكدى يعنى )؟!!

العوير والاهبل الزول البيلقط الذنوب ببهت وجرح الاخرين..
الزول الذيك قيل عنه في الاثر الطيب من سلم الناس من يده
ولسانه.. من الصعب ان تكون مسامح وطيب الشمائل
لانها فيها صبر على الاذى.. وهذه لعمري صفة تجعلك في قمة الانسانية
موش قلت ليك انا بحسدك على طولة بالك ونفسك السمحة..
واسع عايزة ابقى ذيك وما قادرة.. قوديني الى النور..

بيان الحبيبة

Quote: موش قلت ليك انا بحسدك على طولة بالك ونفسك السمحة.. واسع عايزة ابقى ذيك وما قادرة.. قوديني الى النور..

والله ليس من باب النفاق ولا مجاراة طيب الكلم منك ولا (كسير التلج) كما يقول اهل المنبر !!

لكنه احساسى الذى نادرا مايخدعنى !!

انتى يانجاة من اطيب وانقى واوضح واقوى واروع واجمل واحن نساء بلادى على الاطلاق !

هذا هو احساسى وليس مجرد انطباع عابر فقد خاطبتك لساعات وساعات وايام وشهور وامتدت معرفتنا لسنوات .. وعرفتك جيدا ورأيتك عبر الصورة ولم يتبقى لى الا ان اقالدك وسيحدث هذا قريبا عند اللقاء بك فى السودان !

قد يرى البعض انك حادة .. وارى ان حدتك لا تعنى غلظة قلبك ابدا بل على العكس ..فهى دليل نقاء لان الفى قلبك على لسانك دون مواربة ولا تجميل !

بيان ياشقيقتى الحبيبة الغالية

كونى كما انتى .. فما اجمل ان نكون أنفسنا !!

Quote: أنا ملاحظة ظاهرة جديدة في البورد

Quote: كل زول عاوز يشتم يقول ليك ما مظفر قال ومظفر كتب

Quote: أو يجي ويجيب ليك قصيدة مظفر ويلزقها !!!

Quote: مظفر ذاته تعرض لهجوم شدييد بسبب شتيمة أولاد ....

Quote: وبعدين انتوا سبتوا قصائد مظفر كلها ومسكتوا في دي !!!!

Quote: ولا كأنوا كتب غيرها

طبعا كتب غيرها وأسوأ منها!!!
------------------------------

Quote: راجع الامتاع والمؤانسة به قصص كثيرة

الامتاع والمؤانسة تاني؟!!!

Quote: وهي ما شتيمة ابدا. لانه المتنبي اعظم شاعر عربي وربما من اعظم شعراء العالم..

هل قرأت الدكتورة الكريمة كتاب
النقد الادبي أصوله ومناهجه لسيد قطب
طبعة دار الشروق
ســقافة الطيب صالح راسخة الجذور!!!!!
لتفريغ هويات الاخرين!!!!
----
فيصل لك التحية

الملكة بت الجبال

الحبيبة نور تاور

Quote: وحالات الحروب التى تطالب بالحرية مثل الحرب الدائرة فى دارفور الان.. تحتاج الى الدعم السياسى.. ثم الى اللوجيستك.. ثم الدعم الادبى... والدعم الادبى قد يكون مقالا... قصيدة.. وقد يكون زغاريد من النساء لرفع الحالة المعنوية للجنود أثناء المعارك..

لو كنت املك كل هذه الوسائل مرة واحدة لما بخلت بها على قطعة من قلب بلادى !!

قدمت قصيدة من بعض دمى لانها وجعى دون زيف وهى اضعف ايمانى فقامت الدنيا ولم تقعد وقد اعتبر زوجى ان هذه الضجة نجاح للقصيدة ودليل على قوتها وقلت له انا بل ان ماحدث هو تكسير لمجاديفى وتشكيك فى وطنيتى وانتمائى فقال لى وهل تكسرت مجاديفك بعد هذا الطوفان الان ؟
فاذا بى انتفض واقوم من الكرسى الذى كنت احاوره وانا جلوسا عليه واقول له .. والله لن تكسر مجاديفى عاتيات الموج فالوطن امامى ولا هم لى سواه وعشمى من الرب ان تعم ارجائه السلام !!

Quote: ما كتبتيه عن دارفور لم يخرج من هذا الاطار... وهو تعبير واضح تضامنا مع قضية دارفور.. وليس ضدها.. حقك مثل أى سودانى أو سودانية أخرى... وهو حق التعبير عن النفس والرأى.. .... تبقى المشكلة فى الذين أواللائى يقمن بخريب قضية دارفور مع سبق الاصرار والترصد!

قلادتك ومن هم امثالك واحبتى من اهل وطنى فى هذا المنبر اضعها وسام على جيدى واسير بها وسط الركبان وانا ارفع هامة الوطن الذى انجب السودانيين عاليا !

سعدت بمرورك يانخلة من بلادى وكونى دوما فى الجوار فلوجودك طعم الطمأنينة !

يا فيصل،
هاك ده شعر على بلاطة...

قال أولاد ال... قال! هو يعني الناس ما بتفهم الشعر إلا بي كلام قلة الادب؟ بلاش منو الشعر كان بقى كده!
____________________________________________
نهال كرار ألف مرحب بيك، وإن شاء الله الوالدة تكون بلغت العافية. عودتك تعني عودة المنطق الذي يستمد قوته من بساطته!
____________________________________________

Quote: ما بلقى لي شاعرة مزايكو ؟ ولا شاعرة مشمع ؟ طيب شوفوا لينا إن شاء الله شاعرة سراميك!

يا عمر الفاروق
تصدق بالله، أنا مزايكو دي قريتها: عجبكو الهندسية!!
____________________________________________
وللجميع،
أجمل حاجة نسبة الوعي المرتفعة جداً في المنبر، والانحسار الكامل للشلليات متواضعة الأسلوب، فعلاً، الخير دايماً بينتصر، على رأي المسلسلات المصرية!

Quote: بطلى الكواريك دى وورينى انتى كتبتى ولالا ؟!!( وجه حاسى بحاجة هناى هناى كده)!!

معقولة يا نادية نحن الظلاميين نكتب والمناضلين الفاهمين قاعدين !!

دي تجي دي

Quote: لا أظن انها كانت تعرف معني شاعر البلاط و ان كانت تعرف او عرفت الان فعليها الاعتذار ..

تفتكر دا راي تراجي !!!؟؟

تراجي بتعرف نادية كتبت شنو ولا بتكتب في شنو من متين ؟؟! , خشت فيها شمال في بوست مقال اللاجئين

وهسي مرة تانية !!

مشكلة تراجي انها بتاخد براي ناس حوليها

ودا تأكد لي بعد خلافها مع نور تاور

لمن علقت على بوست نور ( المسكوت عنه ... ) وقالت انه بوست فضيحة

اكتشفت انها استحالة تكون قرته كاملا وانو دا راي غيرها

كمان تعليقها على آراء نور في ( هذا البركان .... )


no way

تراجي منو الناس البتاخدي برايهم دايما في البورد دا ؟؟

Quote: نهال كرار ألف مرحب بيك، وإن شاء الله الوالدة تكون بلغت العافية. عودتك تعني عودة المنطق الذي يستمد قوته من بساطته!

أحمد الريح
تسلم يا أخوي الظلامي

تخريمة : متابعاك في بوست الكورة , انت وحميدة يوم حتوقفوا قلبي من الضحك

نهولة المستنيرة

الصديقة الغالية الحبيبة والقريبة الى قلبى جدا

Quote: أحمد الريح تسلم يا أخوي الظلامي تخريمة : متابعاك في بوست الكورة , انت وحميدة يوم حتوقفوا قلبي من الضحك

طمنينى يعنى ماانا براى البمشى اتفرج فى كورة الاولاد !(عين بها نصف غمزة)!!

عجبتنى بيان مشاركة مشاركة فاعلة فى المباراة شفتيها لذيذة كيف الزولة دى ؟!!

العزيز ود المايقوما

Quote: وياجبل مايهزك ريح ...

الله يرحمو الرئيس الفلسطينى ياسر عرفات لحدى مامات كان بيقول فى العبارة دى !!


دارفور حضارة وشنة ورنة ياود المايقوما والسودان بيسع الجميع لو النفوس اتطايبت والله !

كن بالف خير

العزيز فيصل نوبي

لك خالص الود

لا أرى مبرراً لفتح هذا البوست كان يمكن أن يكون الرد في البوست الأصل حتى يتثنى للجميع قراءة القصيدة والردود وحتى لا نزيد من بوستات المديدة الحارة التى اصبحت احد سمات هذا المنتدى وياعزيزي دع من يقول يقول فمن حق اي فرد أن يعبر وليس لحق مصادرة ذلك

العزيزة نادية عثمان

من حقك أن تعبري عن احساسك يوجعة دارفور ولكن تحلى بكثير من رحابة الصدر لأنك ستجدين قليل جداً من النقد الهادف وكثير من النقد الجارح فهذا المنتدى مبتلي بشخصنة الاشياء وكنت اتمنى من الاخت تراجي أن تنقد النص بدل من نقد كاتبه عموماً من وجه نظري القصيدة انفعالية حبتين ولا ترقى الى مستوى قصائدك الاخرى وقد يكون لانفعالك بوجعة دارفور دور في ذلك

الاعزاء المتداخلين

اتمنى أن نعيد الامور الى نصايها حتى لا نتحول الى جوقة مشجعين لهذا أو ذاك

وسلمتم من كل شر

Quote: اختنا نادية عثمان شاعرة بلاط مملكة الانسانية..

أمرنا لك بحمل بعير من الحب و الإحترام .. ( وجه ملكي راحات )


يا خي دي شوية عليك جداً ..


بأمر الشعب ..
نحبك و نحترمك حتى تكجنينا .. ( وجوه شعبية )

النبيل الغالى عصام دهب

Quote: أمرنا لك بحمل بعير من الحب و الإحترام .. ( وجه ملكي راحات ) يا خي دي شوية عليك جداً .. بأمر الشعب .. نحبك و نحترمك حتى تكجنينا .. ( وجوه شعبية )

ياشعبا تسامى

ياهذا الهماما

تفج الدنيا ياما

وتطلع من زحاما

زى بدر التمام

تدى النخلة طولها

والغابات فصولها !!

وانا احب كل شعب السودان حتى يستغيث !!

وتسلم يااااااااارب

الاخ الكريم .. الفاضل

الليندى

تحية احترام وتقدير


العزيزة نادية عثمان

Quote: من حقك أن تعبري عن احساسك يوجعة دارفور ولكن تحلى بكثير من رحابة الصدر لأنك ستجدين قليل جداً من النقد الهادف وكثير من النقد الجارح فهذا المنتدى مبتلي بشخصنة الاشياء وكنت اتمنى من الاخت تراجي أن تنقد النص بدل من نقد كاتبه عموماً من وجه نظري القصيدة انفعالية حبتين ولا ترقى الى مستوى قصائدك الاخرى وقد يكون لانفعالك بوجعة دارفور دور في ذلك

شكرا لمداخلتك الثرة والهامة والمفيدة .

صدقنى اخى الكريم يتسع صدرى للنقد البناء جدا وافهم ان القصيدة بعد ميلادها وخروجها للعالم اذا لم تجد التجاوب والانفعال بها ومعها فذلك يعنى انها قصيدة قد ولدت ميتة !!

وانا هنا احترم وجهة نظرك البناءة ورؤيتك للقصيدة على انها كانت انفعالية وقد بررت انت وجهة نظرك نفسها بانه ربما كان هذا الانفعال نسبة لوجعى لما يحدث فى دارفور وهذه حقيقة فدارفور واهلها قطعة من قلب كل سودانى عاشق لوطنه !

شكرا لك اخى الكريم وسعدت بمرورك المثمر

وكن بالف خير دوما