Post: #1
Title: الرفيق العزيز مرتضى جعفر ... طال غيابكم
Author: Abdelfatah Saeed Arman
Date: 04-13-2006, 10:46 AM
Parent: #0
الرفيق
الخليفة مرتضى حعفر
طال الغياب نتمنى رؤيتكم فى هذا المنبر قريبا ان شاء الله ... فهل من استجابة
|
Post: #2
Title: Re: الرفيق العزيز مرتضى جعفر ... طال غيابكم
Author: Abuobaida Elmahi
Date: 04-13-2006, 12:52 PM
Parent: #1
يا زول
الزول ده قاعد
وظاهر بما يفيد متابعته
لما يجري هنا ...
وعلي العموم الناس زهجانة
ومعظمهم عندو طمام بطن
من هذا الذي أسميته كعنوان لكتابة
هجائية طويلة قاسية اللغة :
( شقاوة جلد العجيل الوقع فيهن )
وسنوردها إنشاء الله أو البلد ممحوقة الزمن
ها هنا يوما ما لا أخاله بعيدا دفاعا عن حزب
وثورة ووطن من خيانات آل تجديد وثقافة ثقافة .
وأخونا مرتضي - له التحية - جميل حتي غضبه
بلغه أشواقي ورغبتي في قعدة طويلة معاهو ..
سفر
أو أبوجفين
أو أبوعبيدة
فتاح :
-----
عندي إجازة إسبوع مايلني
في [email protected] عشان
ننسق لي جية بي هناك .
أبوعبيدة
|
Post: #3
Title: Re: الرفيق العزيز مرتضى جعفر ... طال غيابكم
Author: هميمة
Date: 04-13-2006, 07:37 PM
Parent: #1
*************
فتاح ازييك شديد وكتير !!
انا قبلك كل يوم كنت بسال نفس السؤال ..........
واول حاجة بعملها لما ادخل البورد هى البحث عن المناضل
مرتضى ......... ارسلت له رسالة عبر صديق اتمنى ان تكون
وصلت !!! عبرك اجمل التحايا لمرتضى وبنقول ليه افتقدناك.فعلا...........
فتاح ..!!وانت برضو وينك؟؟؟؟؟ رسلت ليك رسالة لكن عامل اسمك
الطويل دا بتجينى راجعة ............ كيفك ؟؟؟؟؟؟؟؟؟؟
|
Post: #4
Title: Re: الرفيق العزيز مرتضى جعفر ... طال غيابكم
Author: Tumadir
Date: 04-13-2006, 07:41 PM
Parent: #3
تحياتى له ولزوجته المصون ولطه جعفر والهام..
انا اكتر زول محظوظ فيكم لانى آخر من شافهم
اتمنى ان تكون الوالدة بخير وصحة جيدة ..كانت بعافية شوية عند زيارتى لمسقط..
تحياتى لمن يسأل عنهم
قالوا صاحب صاحبك صاحبك
|
Post: #5
Title: Re: الرفيق العزيز مرتضى جعفر ... طال غيابكم
Author: خالد العبيد
Date: 04-13-2006, 09:16 PM
Parent: #1
العزيز فتاح
تحايا الورد ولمرتضى مليون مثلها
انا ايضا مثلك افتقد صديقي الشجاع الهميم مرتضى
اتمنى ان يطل قلمه في هذا الحوش وبلاش غياب يا مرتضى
تحياتي
|
Post: #6
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-14-2006, 03:56 AM
Parent: #5
الكريم سليل الأكارم فتاح عرمان
لك معزتي و محبتي و إمتناني الكبير لمجرد السؤال عني، أنا كما قال ود أبوجفين -سآتي للرد عليه منفردا-متابع برضو، لكن برضو شوية مشغوليات، و كمان أنا دائما في حوار مع سامية و الباقر عثمان و حامد بدوي و عشة بت فاطنة و آخرين حول إنو البورد ده تدهور و أصبحت المسألة فيو فاكة و البوستات الجميلة قليلة يعني بالمختصر المفيد طارد، لكن كل الذين ناقشتهم وجدت عندهم راي بإنو الإبتعاد إعلان هزيمة و نجاح لمخطط من يستهدف تخريب البورد، لذلك يجب أن نتواجد مع مطالبة لأمين الموقع بضرورة عمل حاجة تعيد للبورد وقاره و يا بكري البوردات بقت كتيرة، لكن سودانيزآونلاين ليو موقع في نفوسنا و كسبنا منو كتير عشان كده دايرين نستمر فيو و بي شوق نجيو
فتاح أشكر لك إتصالك الهاتفي الوالدة بخير بس أنا بحكم إني الولد الحتالة خائف حبتين، قول معاي أمنياتنا لها بالصحة و العافية لإن نفسي في ملوخية كتيرة من يدها.
تحياتي لهيثم و ماجد و كل من معك
مرتضى جعفر
|
Post: #7
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-14-2006, 05:20 AM
Parent: #6
الحبيب إلى أبوعبيدة الماحي ياخي قدر ما كترتا الألقاب بتاعتك دي في لقب نسيتو لي شئ في نفس أبوبكر نصرالله و هو ود السكرتير العام و هناك الصحفي بصحيفة ظلال، لكن عموما يا ود أبوجفين وكتين الإجازات عندك بالهبل كده مالك ما بتنط علينا بي جاي، ياخ أنا ذاتي مشتهيك و مشتهي لي قعدة طويلة معاك بس إنت تجي لإنو الجية ليك دي صعبة بالحيل، شاكر لك أيها الفريد سؤالك و يوم شكرك ده أصلو ما يجي كلو كلو، قلتا ليك يا سفر "الحداي على باب الناي" خبرو شنو بعدين الهجائية دي سرع لينا بيها
مرتضى جعفر
|
Post: #8
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-14-2006, 05:56 AM
Parent: #7
العزيزة الأستاذ هالة
الزول الكلفتيهو يبلغني الرسالة ما قصر طوالي من قفل منك الخط إتصل علي، و ما بيقصر هو طوالي متابع معاي أمس كنا بنتكلم مع بعض. تشكري يا استاذة على السؤال و متابع أخباركم مزيد من النجاح و الإدهاش، فهكذا تتحرك البرك الساكنة و عشمنا فيكم كبير بس يلا شدي الحيل.
مرتضى جعفر
|
Post: #9
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-14-2006, 09:46 AM
Parent: #8
تماضر
تحياتي ليك إنتي يا تماضر و سعيد أنا البتسأل عني إنتي، تعرفي يا تماضر لمان جيتي عندنا هنا كنت مشتاق أتونس معاك و أحكي ليك عن تبارك شيخ الدين و عشة شيخ الدين و اسألك عنهم و عن أخبارهم لكن كنت بتونس معاك من خلال ونسة الناس الكانت حولك معاك، و كنت مقدر زحمة برنامجك لكن كفاية علينا المرة ديك الشوفا لكن الجايات حتكون فيهم الونسات أرحب، بعدين تعرفي يا تماضر أنا عندي قناعة زي حقت الهنود إنو البلد بتاعتنا دي عندها آباء زي الأستاذ محمود و أمهات زي ناس خالدة زاهر و حاجة كاشف بدري و معاك إكتشفتا إنو عندها أخوات بس عشان نمرق من الحرج بتاع الراجل القال ليك و إنتي في مسرح الجالية السودانية إنو سنة ستين زار بربر لمن كان الأستاذ شيخ الدين جبريل ناظر المدرسة و ناس تماضر ديل كانوا صغار الوقت داك، عشان نطلع من الحرج الزي ده فأنت من أخوات الشعب السوداني يا حبيبة
بالمناسبة أمي كويسة بس لايماك و قالت تماضر دي ما جاتنا ليه، سامية و طالع قالوا السلام آمانة
مرتضى جعفر
|
Post: #10
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-14-2006, 10:54 AM
Parent: #9
حبيبنا الما بيزعل ممنا خالد العبيد
تشكر يا وثير القلب على السؤال و معاك نحو سودان جديد و هزيمة ماحقة لسلطة مجرمي الحرب و إنت ذاتك متعنا بوثائقك
مرتضى جعفر
|
Post: #11
Title: Re: الرفيق العزيز مرتضى جعفر ... طال غيابكم
Author: Abdelfatah Saeed Arman
Date: 04-14-2006, 05:17 PM
Parent: #1
اخى العربى او ابو جفين او او كيفما اتفق
لم اكن اعلم بوجده هنا ... وصدقت انو الناس زهجانة وفى طمام لانى واحد مثلهم ... واتصلت به للسؤال عنه فوجده انو والدته والدتنا مريضة واتمنى لها من صميم قلبى الشفاء
وسوف اتصل عليك للتنسيق لجيته طال انتظارها
وشغف انا لرؤية جلد العجيل
ولك المحبة
كل الود
فتاح
|
Post: #12
Title: Re: الرفيق العزيز مرتضى جعفر ... طال غيابكم
Author: Abdelfatah Saeed Arman
Date: 04-14-2006, 05:27 PM
Parent: #1
القيادية
هميمة لكم كبرت نعالى ( جزمتى) من الفرح لانو لاول مرة فى افريقيا يتم اختيار امراة لقيادة حزب ويرتضى اخواننا الذكور ان تقودهم امراة فلك ولهم التجلة و المحبة.
اما الاسم فحظنا فى الدنيا كالطير كما يقول عالى الهامة مظفر النواب ... فقلنا نكبر الاسم ! واذا حادحسدينى فيه حا صغروا عشانك وعشان ما تزعلى وعشان ياسمحة الخ!!!
للمراسلة هذا الميل
[email protected]
كده تمام ... هده اميل صغير وما محير
كل الود
فتاح
|
Post: #13
Title: Re: الرفيق العزيز مرتضى جعفر ... طال غيابكم
Author: Abdelfatah Saeed Arman
Date: 04-14-2006, 05:30 PM
Parent: #1
الفنانة تماضر
لك التحايا السوامق وتشكرى على الطلة التى اسعدتنا
كل الود
فتاح
|
Post: #14
Title: Re: الرفيق العزيز مرتضى جعفر ... طال غيابكم
Author: Abdelfatah Saeed Arman
Date: 04-14-2006, 05:33 PM
Parent: #1
الرائع دوما
الاخ خالد العبيد
لك التحية وكيف اخبار رقية و الاولاد لعلكم بخير وصحة جيدة وسلامى لهم
وسعيدين بوجودك بيننا
كل الود
فتاح
|
Post: #15
Title: Re: الرفيق العزيز مرتضى جعفر ... طال غيابكم
Author: Abdelfatah Saeed Arman
Date: 04-14-2006, 05:41 PM
Parent: #1
العزيز
مرتضى
الاتصال بك هذا اقل ما يجب ولا يقاس ما تقدمه للاخرين... وقلبى معك لاننا فى نفس القارب ( انت حتالة وانا) يعنى اشعر بما تشعر به ... اتمنى لوالدتنا عاجل الشفاء ونجاح العملية.
وناكل الملوخية(الخردة) من يديها معأ... ولك ولها الحب
واتمنى رؤية كتاباتك مجددا ( لانو لو دخل فار بيتك ما بتسيبو وتمشى وبامكانك التعايش معه هذا اذا استحال طرده من البيت) وكما يقول المثل السودانى: السودانى صبر على الجبهة الاسلاموية و الروسى صبر على استالين.!
كل الود
فتاح
|
Post: #16
Title: Re: الرفيق العزيز مرتضى جعفر ... طال غيابكم
Author: بشري الطيب
Date: 04-15-2006, 05:37 AM
Parent: #1
الاخ فتاح لك وللعزيز مرتضى تحياتى ....
الاخ مرتضي لظروف عدة لم أكن متابعا هنا....
عموماً أرجو مراسلتي علي
[email protected]
وشكرا لفتاح مرة أخرى
|
Post: #17
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-15-2006, 08:27 AM
Parent: #16
الأخ العزيز بشرى
سعيد أنا أيضا بعودتك و لعل المانع كان خير وراء غيبتك ستجد مني رسالة اليوم في بريدك
فتاح سلام تاني و شكرا على السؤال
مرتضى جعفر
|
Post: #18
Title: Re: الرفيق العزيز مرتضى جعفر ... طال غيابكم
Author: Adil Al Badawi
Date: 04-16-2006, 04:33 AM
Parent: #17
سلامات يا مُرْ
| Quote: الوالدة بخير بس أنا بحكم إني الولد الحتالة خائف حبتين، قول معاي أمنياتنا لها بالصحة و العافية لإن نفسي في ملوخية كتيرة من يدها. |
وألف سلامة للوالدة وألف تحية للخالة سلوى.
بالمناسبة: ناس الضرايب ديل غديتوهم آجماعة؟!
آآآخ ياخ
|
Post: #19
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-16-2006, 10:44 AM
Parent: #18
عارف يا عادل بدوي لمن كنا بنتعلم السواقة في عربات داو التيكو جمال صالح قال لمحمد همام لمن أشوف مرتضى سايق إتخيل لي إنو مرتضى سايق جمل شدة العربية ما بتنطت، محمد همام لا يزال يضحك في هذه النكتة بذات قوة الضحكة قبل نحو عشرة أعوام.
خالتي سلوى و ليك تعود ملكية حقوق إكتشافها بإعتبارك من سكان بري العمداء، لن أنسى لمتنا حول الغداء الذي تعده لنا في قارعة الطريق بالقرب من محطة 4 و كم نجحنا في أن نجتذب لها الزبائن من مصنع النسيج و الإطارات و بالعكس، لن أنسى ولعك إنتا بالبامية المطبوخة التي تقدمها لنا، و لن أنسى جمال صالح و ايمن مسمار و محمد همام و محمد الغالي و بشير و سيف و هشام يحيى و محمد أحمد كابوني و سراج ألخ، جمال صالح قال لمن كنا في الكلية لو عايز واحد من أولاد همام الإتنين تعال كافتيريا إقتصاد و طلع ليك 250 جنيه طوالي يأتونك سعيا.
تشكر يا عادل على السؤال و التفقد الوالدة بخير و ستصلها تحياتك، أبقى قول لينا إنتا عن أخبارك
مرتضى جعفر
|
Post: #20
Title: Re: الرفيق العزيز مرتضى جعفر ... طال غيابكم
Author: kamalabas
Date: 04-16-2006, 11:50 AM
Parent: #1
تسجيل حضور..وتفقد ....ثم الترحيب بالعود الحميد
كمال
|
Post: #21
Title: Re: الرفيق العزيز مرتضى جعفر ... طال غيابكم
Author: Adil Al Badawi
Date: 04-17-2006, 00:36 AM
Parent: #20
فتَّاح يا عليم نقول سلامات يا فتَّاح، ومعليش الذكريات طَغَت على ما بقي من عقل فنسيت أسلِّم عليك قبَّال ما أخش على المُرْ. أمسحها لي في وشي دا.
يا مُرْ زمن والله...متين العودة تاني!
تحيَّاتي
|
Post: #22
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-17-2006, 05:03 AM
Parent: #21
الأخ العزيز كمال عباس
تشكر على الحضور و السؤال، و يلا منتظرنك نحنا برضو بشغلك المميز و الدقيق
مرتضى جعفر
|
Post: #23
Title: Re: الرفيق العزيز مرتضى جعفر ... طال غيابكم
Author: Murtada Gafar
Date: 04-17-2006, 08:54 AM
Parent: #22
حبيبنا عادل بدوي مرة تانية نجيك راجعين
و الله زمن و مكان في آن واحد و أحداث كتيرة جدا و تغيرات جمة، لكن أنحاول نسبر غورها عبر الإيميل و الهاتف، أرجو إرسالهما عبر المسنجر حتى نكون على إتصال.
مرتضى جعفر
|
|