Post: #1
Title: ختتى فى كشف زواج العزيز جعفر بشير / ابوآمنه.
Author: Khalid Kodi
Date: 04-13-2006, 08:53 AM
ختتى فى كشف زواج جعفر بشير / ابوآمنه.
القروش مامضمونه فى زمن تقاطع الثقاقات الحايمه فينا هذه الايام، وكمان القروش السودانية ممكن تتغير فى أى لحظة ، وهى لاتساوى ولاتسوى حاجة، هذا من باب "الجمال جمال الروح" كمعادل موضوى أو حتى "تناص" لحلاوة المولد التى نحتت على شكل "عروسات" حلوات و بالمبى كمان ...تقول لى النحت حرام؟
كما ان عملات السودان متعددة، فكيف نعرق "نخت" بى شنو؟
وبعدين ابو آمنه مفلهم ومنظراتى، وماخالى ليه ثقافة شرق ولا غرب ولاجنوب ولاشمال إلا ومنظر فيها...
فتحسبا منى، لربما، يعنى ربما ساكت أهل العروس يقومو يقولوا ليك دايرين بقر!!!
حاتعمل شنووووو؟
تحسبا لهذه الواقعة والتى قد تدفع القامه أبو آمنه الى السكون وقوفا كالجماد،
فاتحا للفم وحاكا للرأس فى تزامن عقارب الساعة المذهولة بدورها...
نهدى أبو آمنه هذه اللوحة "كخته" تنقذ حب حياته .
وهم ثلاث بقرات ماكنات، وقايتو بى جاى بى غادى باصره مع أهل العروس، واستعين ببعض اصحابك من الكلمنجية...ليشتغلوا على رمزية المهر فيما يتعلق بالأمر الكمى، بمساعدة بعض تعابير مابعد حداثية علها توهم العروس و التى قبلت بأحد أبناء قبيلة المثقفين من ذوى الجيوب البيضاء والايادى بأن قيمة الفن تساوى البقر فى الثقل التاريخى لوجدانية الثقافة.
أما السكسك الملون فهو فى الطريق، والسكسك الآتى مثله كمثل "أبو الكبائر" .
اسمع كلام مجرب.
|
Post: #2
Title: Re: ختتى فى كشف زواج العزيز جعفر بشير / ابوآمنه.
Author: Sawsan Ahmed
Date: 04-13-2006, 09:18 AM
Parent: #1
خالد كودي
اجـي ياود امي! ده كلام شنو ده !
جعفر المغترب الماخمج!
قالQuote: (وبعدين ابو آمنه مفلهم ومنظراتى، وماخالى ليه ثقافة شرق ولا غرب ولاجنوب ولاشمال إلا ومنظر فيها...
فتحسبا منى، لربما، يعنى ربما ساكت أهل العروس يقومو يقولوا ليك دايرين بقر!!!) |
يعني مالقيت ليك حاجه تانيه معاهم!!!!
|
Post: #3
Title: Re: ختتى فى كشف زواج العزيز جعفر بشير / ابوآمنه.
Author: esam gabralla
Date: 04-13-2006, 09:19 AM
Parent: #1
بالله عاين الزول المستهبل ده
عاوز ياكل العريس حنك و .... رسم
خوة الجيتو
طلع الكنجالات هنا ده
دولار ينطح دولار
بلا رسم و بقر بلا يوغوسلوفكيا
|
Post: #4
Title: Re: ختتى فى كشف زواج العزيز جعفر بشير / ابوآمنه.
Author: Tumadir
Date: 04-13-2006, 09:38 AM
Parent: #3
اها وكت اصلها ختة جعفر بشير دى "اونطة" كدى ....
اها اكتبونى فى الكشف
نتزوج....
وكل التهانى القلبية للصديق جعفر وعروسه نضال بالمال والبنين "والاونطة" الابداعية...
|
Post: #5
Title: Re: ختتى فى كشف زواج العزيز جعفر بشير / ابوآمنه.
Author: AMNA MUKHTAR
Date: 04-13-2006, 03:58 PM
Parent: #4
ألف مبروك.
وآمنة دى منو ؟
|
|