Post: #1
Title: الله اديك الصحة يا ود بدر الدين البطل دي بونية ولا قنبلية؟؟
Author: هشام هباني
Date: 04-10-2006, 12:06 PM
Parent: #0
بعد تحليله زواج المرأة المسلمة من المسيحي واليهودي وامامتها للمسلمين الرجال وشهادتها تعادل شهادة الرجل وزواج الحور العين من الشهداء الذين صاروا ( فطايس) بعد نيفاشا الي..الجاهزية للشهادة ضد الابناء وتحميلهم وحدهم وزر محاولة اغتيال الرئيس المصري.... وغدا نسمع بتحليل زواج المثيل وزواج الاخت....(يعني كل الهضربة واللوثة الدماغية دي والزهايمر ده صنع في كندا يعني الدقة كدة يا بلاش ..تقولوا لي التجمع والقوات المشتركة وجيش الفتح وقوات مجد وجيش الامة وجيش الحركة والاسود الحرة ده كلو فشوش.....وعشت يا اخي ود بدر الدين والله اديك الصحة والعافية واخدر ضراعك واقوي كراعك..
هباني ظاااطو
|
Post: #2
Title: Re: الله اديك الصحة يا ود بدر الدين البطل دي بونية ولا قنبلية؟؟
Author: Hashim Badr Eldin
Date: 04-11-2006, 02:42 PM
Parent: #1
ود هبانى
سلامات
قلنا لكم هذا الرجل اصابه شيخنا بسهم، فسهام شيخنا لا تخطئ ابداً.
|
Post: #3
Title: Re: الله اديك الصحة يا ود بدر الدين البطل دي بونية ولا قنبلية؟؟
Author: هشام هباني
Date: 04-11-2006, 09:12 PM
Parent: #2
ود بدر الدين اخوي
عوافي ومساك الله بالخير
سهم شنو يا زول....الشي دي مرق عنقريب عديل..الجاب الهضربة للشيخ ده
غايتو ضربة معلم... ومفعولها ساري كل يوم وانا متاكد الجماعة اليومين ديل في هضربة الشيخ دي والجهجهة الحاصلة دي يتمنون من قلوبهم صادقين لو (دقة كندا) جابت اجلو...عشان تفكهم من الهضربة واللوثة الحاصلة دي... احييك ايها البطل الجسور ولا عدم الوطن امثالكم من الشرفاء الابطال ...وكل ابريل وانتم بخير..
هباني ظاااااااطو
|
Post: #4
Title: Re: الله اديك الصحة يا ود بدر الدين البطل دي بونية ولا قنبلية؟؟
Author: ABDELMAGID ABDELMAGID
Date: 04-11-2006, 09:56 PM
Parent: #3
| Quote: الله اديك الصحة يا ود بدر الدين البطل دي بونية ولا قنبلية؟؟ |
ود هبانى أخوى
مساك الله بالخير
دى بونيه سيحت ( نافوخ !!!) الشيخ و فكفكت ( صواميلو !!! ) و اطلقت ( عصافيرو !!! ) اللهم لا شماتة ( التسوى كريت فى القرض تلقاو فى جلدا )  ... و الله اديك العافيه كوماندور هاشم ....
عبدالماجد
|
Post: #5
Title: Re: الله اديك الصحة يا ود بدر الدين البطل دي بونية ولا قنبلية؟؟
Author: عفاف ابوكشوه
Date: 04-11-2006, 10:32 PM
Parent: #4
فووووووووووووووووووووووووووووووووووووووووووووووووووووووق
من اجل الاخ والصديق هاشم بدر الدين وكل الرائعين .
|
Post: #6
Title: Re: الله اديك الصحة يا ود بدر الدين البطل دي بونية ولا قنبلية؟؟
Author: هشام هباني
Date: 04-11-2006, 10:46 PM
الاعزاء / الاستاذة عفاف و دكتورعبد الماجد
لكم التحايا وكل ابريل وانتم بالف خير
( يعني كان من زمان شلوت للشيخ وشلوت لعليوة وبونية في كرش البشير كان الحكاية انتهت من زمان ولا تجمع ولا يحزنون....والله اديك الصحة يا ود بدر الدين وكلنا يدا واحدة لدك الظلم والظلام.) محبتي واحترامي
هباني ظاااطو
|
Post: #7
Title: Re: الله اديك الصحة يا ود بدر الدين البطل دي بونية ولا قنبلية؟؟
Author: adil rahman
Date: 04-12-2006, 07:46 AM
Parent: #1
الأخ هشام
زمان كان في غويشات سموها ( دقة الترابي ) بعد تلك الحادثة ، هل نتوقع موضة نسائية جديدة بعدالردة
مع تحياتي
عادل عبدالرحمن إبراهيم
|
|