|
النادي السوداني بابو ظبي يقدم المُطرب ( عبدالمنعم الخالدي ) في حفل مساء 12 أبريل 2006م
|
تواصلاً للبرنامج الثقافي ، يسُر النادي الثقافي الاجتماعي السوداني بأبوظبي أن يقدم المُطرب الفنان ( عبد المنعم الخالدي ) في داره مساء الأربعاء 12/4/2006 م نتمنى حضور الجميع والأسر الكريمة .
للحفل الساهر :
امدُد يدَك خضراء مزرعة للوَجد الآتي. أفسح من يومك مجلساً لنكُن معاً . مُشرق أنتَ بيننا والأمسية كأس حليبٍ للطفولة فينا. وننهل من الصفاء ونطرب .
*****
سنسمع معاً من المُطرب الفنان ( عبد المنعم الخالدي ) ما كتبه الشاعر / عمر بشير من نبضه : ـ
جيت مُهاجِر مِنْ بَنَادِرْ تايهة في ليل العَدَم لى عَوالِم في عُيونكْ فوقْ مِتُون شاشاي وُ نَمّ في عُيونك شُفتَ نبع الطيبة جاري و هَدأة الليل في الصحاري ورَوعة النيل في العَصاري و غيمة تَمرَحْ فوق رِحاب فاصِل مَداري
وسنسمع أغنية ( غريب الدنيا ) من شعر حاج أحمد بانقا : ـ
غريبة الدُنيا كم عاشق صِبِحْ طربان تَبكيهُو وكم قَلباً مُنَوِّر شوق و تَطفِيهُو وكم وَعداً يقرِّب يبقَى تَلغِيهُو غريبة الدُنيا .
*****
لمن لايعرفون من جَمَّلوا وجداننا ، نُفرِد بوحاً عن المطرب ( عبدالمنعم الخالدي ) : ـ
* بدأ طفولته مولعاً بالغناء ، منذ أيام المدرسة الأولى في ( شَلَّعوهَا الخَوالدَّة )
* بدأ غناءه الشعبي بآلة (الرِقْ ) منذ العام 1973 م وإلى العام 1977 م
* بدأ الغناء بمصاحبة الأوركسترا منذ العام 1973 م
* تم إجازة صوته في الإذاعة السودانية عام 1977 م
* اشترك في مهرجان الثقافة الثاني في فبراير 1979 م ، واشترك ضمن من اشترك معه المطرب ( الأمين عبدالغفار) و المُطرب الفنان ( مصطفى سيد احمد)
* التحق بالدراسات الإضافية بمعهد الموسيقى عام 1981 م، و تخرج عام 1984 م .
* تعاون مع بعض الشعراء نذكر منهم : ـ (حاج أحمد بانقا ) و ( التوم إبراهيم التوم ) و ( سوركتي) و ( الطيب نور الدين ) .
* من أشهر أغنياته :
يا سلمى حُب الناس يا قاسيا نفكر كيف نحوش الشوق
*****
ونحن نُهدي المُطرب الفنان ( عبد المنعم الخالدي ) ارتجالاً : ـ
بقول ليكْ جَمّ بِويتْ نَاصيَّة : كُحُل عينيكِ وإنتِ البَاكيَّة مِحَاية للعاشقْ . شَرَدَ يَشرَب يَكوسْ دَرِب عافيَّة . حَفَاهِنْ كَتبْ اسمُو في الرَّملَة . مُصَاقِر شَمْس الهَجير ومن وَجِعتُو اللّيلة جَاتْ شَاكيَّة .
*****
أهلاً بمشاركتكم والأسر الحفل معنا
عبد الله الشقليني 9/4/2004 م
|
|
|
|
|
|
|
|
Re: النادي السوداني بابو ظبي يقدم المُطرب ( عبدالمنعم الخالدي ) في حفل مساء 12 أبريل 2006م (Re: عبدالله الشقليني)
|
سلامات يا أستاذ عبدالله، هذه بعض أغنيات للفنان الرائع عبدالمنعم الخالدي (اضغط على اسم الأغنية للاستماع والحفظ)،
سلمى عشقتو من نظرة
عشت متألم معاك عشت متألم معاك أنا، أصلي في حبك مسافر وأنتي سعد الدنيا كلو، يا أمل ما ليهو آخر برضي ما مليت دروبك لسه مترجيك مساهر حبي كلو مناهو عندك لو تعرفي هواي نادر
دمعي في الأحداق حملتو ذكري مكتوبة بحروفك دي الدموع في حبك انتي نابعة من مشتاق يشوفك وانتي برضو علي غالية في المنام لو مر طيفك لكن الظاهر ظروفك ديمة بتقول لينا باكر
في العيون شلناهو ريدك وفي شعورنا عرف مكانو بالسنين حافظنو نحنا وفي فؤادنا مكان أمانوا انحنا ربيناهو فكره وكنا منتظرين حنانو خوفنا تظلمنا الليالي ويبقي حافظ الريده ناكر
يا حبيبه وحات عيونك عشته متألم معاكِ ولما أشوفك ماشة جاية قلبي يسرح بي وراكِ وحتي لو يا السمحه غبتي بدعوا رب الكون اراكِ يحفظك من كل ناظر والزمن ما يبقي جاير خصل شعرك
| |
|
|
|
|
|
|
|