Post: #1
Title: ونسة عاضّة ..
Author: عمر الفاروق
Date: 04-08-2006, 03:13 AM
Parent: #0
ونسة المغتربين لمن يرجعوا من الإجازة ...
|
Post: #2
Title: Re: ونسة عاضّة ..
Author: عمر الفاروق
Date: 04-08-2006, 03:15 AM
Parent: #1
- اها يا زول السودان بقى كيف؟؟
* والله السودان ماشي ياخ ...
|
Post: #4
Title: Re: ونسة عاضّة ..
Author: عمر الفاروق
Date: 04-08-2006, 03:20 AM
Parent: #2
- ياخ البلد بقت كلها شوارع ظلط ..
شايف شارع الغابة ؟؟؟
* اوعا تقول لي الكان كلو وسخ داك ؟؟؟ اها مالو ؟
- يا زول بقوهو ليك شارع ظلط مسارين شفت لحددددددددي صينية الحرية ولي كده حروهو لحدي المربعات امدرمان .. ويا زول مشجر كيف الورود ..ياخ السودان مشى عدييييييييل كده ..
|
Post: #3
Title: Re: ونسة عاضّة ..
Author: قرشـــو
Date: 04-08-2006, 03:18 AM
Parent: #1
Quote:
* والله السودان ماشي ياخ ... |
قال ماشى وين بالله ؟؟؟؟
|
Post: #5
Title: Re: ونسة عاضّة ..
Author: عمر الفاروق
Date: 04-08-2006, 03:27 AM
Parent: #1
عمنا قرشو :
| Quote: قال ماشى وين بالله ؟؟؟؟ |
انت عارف ..السودان ده عامل زي اولاد الحلة ..
بعد المغرب الواحد يستحم ويتريح ويقشر ويطلع علي الظلط ..
ماشي وين ما عارف المهم يطلع ...
اها عرفت السودان ماشي وين ؟
|
Post: #7
Title: Re: ونسة عاضّة ..
Author: Hussein Mallasi
Date: 04-08-2006, 03:33 AM
Parent: #5
سؤال مقرر على الأطفال عند عودتهم للإجازة مع ذويهم:
- السودان أحلى و للا السعودية!
|
Post: #8
Title: Re: ونسة عاضّة ..
Author: ابو جهينة
Date: 04-08-2006, 03:40 AM
Parent: #5
عزيزي عمر
سلام كبير
Quote: انت عارف ..السودان ده عامل زي اولاد الحلة ..
بعد المغرب الواحد يستحم ويتريح ويقشر ويطلع علي الظلط ..
ماشي وين ما عارف المهم يطلع ... |
و مرات الواحد يستحم و يقشر و يبخ قزازة ريحة كاملة و يكون عارف هو ماشي وين ..
لكن يصل كيف دي المشكلة
يقيف في الشارع و جيوبو يسكنها العنكبوت ..
و يفضل واقف لغاية ما موعدو يطرشق و يرجع البيت يلعن أبو الفلس
( دي من يوميات واحد إسمو سيد توفيق .. مذكرات جميلة سأوردها بإهداء لك يا أبو فاروق ) ..
أرقد عافية
|
Post: #6
Title: Re: ونسة عاضّة ..
Author: عمر الفاروق
Date: 04-08-2006, 03:32 AM
Parent: #1
- ياخ والله الناس هناك بقت نضيفة نضافة ؟؟؟؟؟؟؟
* يا زول كييييف الكلام ده ..
- ياخ والله تلقى الواحد قاشر ولابس احسن منك إنت زاتو ..
والعجب البنات !!!!!!!!!!!!!ياخ الشارع بقى غرييييييييييب ..والله كمية من اللبس الشاذ والضييق والبلد يا زول اسكت خليها ساي ..
|
Post: #9
Title: Re: ونسة عاضّة ..
Author: عمر الفاروق
Date: 04-08-2006, 03:51 AM
Parent: #1
| Quote: - السودان أحلى و للا السعودية! |
تعرف يا سحس والشديدة شنو ؟
اطفال المغتربين اول ايام بيكونوا نجوم البيت ..
تلقا ود جيرانكم شايل ليهو واحد من اولادك يمشي بيهو الدكان يشتري ليهو شيكولاتة ..
وود خالتك شايل بتك الصغيرة ويقول ليها ما عرفتيني ؟؟ قولي عمو عمر . ويحفظها الاسم ببي الرجااااااااالة كده ..
وواحد تاني تلقاهو واقف مع ولدك الصغير والولد الصغير شغال فيهو زعيط ومعيط وضرب وخربشة وده كلو يهون من ولد المغترب..
تتفتح الشنط وتتوزع الهدايا والجماعة الفوق ديل ما يلقوا نصيبهم وبعد كده تعال شوف :
والله اولاد المغتربين ديل سمااااان وقليلين ادب...
والله الشافع ده مدلع خلاس ..
بالله شوف البت دي التقول ما جاية من السعودية ...
|
Post: #10
Title: Re: ونسة عاضّة ..
Author: عمر الفاروق
Date: 04-08-2006, 03:58 AM
Parent: #1
الممتع ابو جهينة :
Quote: و مرات الواحد يستحم و يقشر و يبخ قزازة ريحة كاملة و يكون عارف هو ماشي وين ..
لكن يصل كيف دي المشكلة
يقيف في الشارع و جيوبو يسكنها العنكبوت ..
و يفضل واقف لغاية ما موعدو يطرشق و يرجع البيت يلعن أبو الفلس |
هاك دي نكتة حصلت لي صاحبنا وحكيتا قبل كده لكن نعيدا ليك :
صاحبنا طالع من البيت عندو مواعيد مع الحنان بتاعو ..
جا يكوي لقا الكهربا قاطعة ..
خش يستحم لقا الموية قاطعة ..
اها طلع مشى المحطة عشان يركب لقى ليك الزحمة الف والناس واقفة ...
اها قام ليك في الناس ويكورك :
تستاهلوا اي تستاهلوا ...إنتو ما تطلعوا ...اطلعوا ..اطلعوا عشان ما يسوو فيكم كده ..
إتحركوا ثوروا اطلعوا ..اطلعوا ...
اها في بتاع امن كان واقف ولابس ليهو نضارات سودا كده جرّ ليك صاحبي ده علي جمب وقبقبوا ليك من قميصوا وقال ليهو :
يطلعوا وين ؟؟؟
صاحبي قال ليهوا :
يطلعوا اي حتة ..قطر ..البحرين .. السعودية ..المهم يطلعوا
والمواعيد طرشقت..
|
Post: #11
Title: Re: ونسة عاضّة ..
Author: ود المايقوما
Date: 04-08-2006, 04:11 AM
Parent: #1
العزيز / الفاروق عمر
لك التقدير ...
واحد كان مطلول في الغربة وجاء الاجازة سال ابنه انت في سنة كم قال ليهو ياابوي انا في تالتة .. وبعد سنتين غربة رجع تاني وسال الابن اهااا وصلت وين في المدرسة قال ليهو يابوي انت كل مرة حتسالني السؤال ده ؟؟؟
بعد يومين عرف الوالد انو لسه في سنة تالتة (( ربيت ساااااااي ))
تحياتي يارائع ..
|
Post: #12
Title: Re: ونسة عاضّة ..
Author: ahmed haneen
Date: 04-08-2006, 05:04 AM
Parent: #1
عمر فوفو
انت خلاص خليت ونسة بيوت
العرس والطهور
والنفاس يا خايب الرجا
لا اخلاق ولا كورة
اقرأ هذا العفن الذي كتبته
Quote: اين الحياء حواء السودانية ...فليس كل ما يتبادر للذهن يكتب وبهذا النوع من التحرر والذي لولا استخدام بعض المرادفات العلميةفيه لاصبح كلام شوارع ...
حتي لا نرمي بأصابع الاتهام في الجنجويد والعرب في عمليات اغتصاب بنات دارفور نتمني ان نجد اجابة في هذا المنبر من رودا ومناصريها حول اغتصاب بنات دارفور عن هذا السؤال :
كيف كانت حياة نساء دارفور قبل الحرب المعلنة ؟ كيف هي حياة الرجل الدارفوري مع المرأة الدارفورية ؟ ألم يكونو يمارسون الجنس دون رقيب وعتيب في المراعي ؟ألم تكن تخرج المرأة عذراء ثم تأتي بالبشارة انها حامل من فلان فتعتمد فحولة ذلك الرجل ويتم الزواج؟؟الم يكون ممارسة الجنس عند الدارفوريين مباح في معظم القبائل ؟؟ام ان دارفور صارت مثل امريكا (ما كلو غرب) فاصبح ممارسة الجنس مع الفتاة برضاها ومن بني جنسها مباح شرعا ولا شيئ فيه!!!!!سمعت قصص كثييييرة من بني جنس الغرابة وتحديدا دارفور عن العلاقات الجنسية بين الرجل والمرأة هناك وانها بلا رابط وبلا رقيب فأين انتم من زمان ؟؟
واصدقك القول يا رودا ان الفساد الذي تشهده الخرطوم هذه الايام لا يحتاج لان يسافر الواحد بالايام والليالي من اجل ان يمارس الجنس في دارفور وكمان اغتصاب |
|
Post: #13
Title: Re: ونسة عاضّة ..
Author: shammashi
Date: 04-08-2006, 05:11 AM
Parent: #12
| Quote: بعد المغرب الواحد يستحم ويتريح ويقشر ويطلع علي الظلط ] |
ويعمل الكمين ويقيف
بس أوعك تكون قاعد تقيف جنب صينية الأزهري
والله أعمل حسابك
شفت ناس شرطة النظام العام بقوا يجوا لابسين مدني ويتحاوموا بي هناك
تنط ليك مع واحد وتلقى نفسك في فضايح.
بعدين ياتو ريحة القاعد تتريح بيها.
يا حيني شوف زي دا
|
Post: #14
Title: Re: ونسة عاضّة ..
Author: ahmed haneen
Date: 04-08-2006, 05:29 AM
Parent: #1
| Quote: بعدين ياتو ريحة القاعد تتريح بيها. |
ريحة المسك .. ماركة حاج نور
|
Post: #15
Title: Re: ونسة عاضّة ..
Author: عمر الفاروق
Date: 04-08-2006, 05:42 AM
Parent: #1
- وطبعاً الأكل ده خليهو ساي.. ياخ اكل السودان ده طاعم خلاص..
* ياخ معقولة يكون اطعم من كنتاكي؟؟؟
- يا زول والله مشينا نمرة 2 ضربنا ليك كم جدادة كده من الحاتي ياخ مالك ..
|
Post: #16
Title: Re: ونسة عاضّة ..
Author: shammashi
Date: 04-08-2006, 05:59 AM
Parent: #15
| Quote: ياخ اكل السودان ده طاعم خلاص.. |
طبعا الأكل البسووهو الزيكم ديل أصلو قالوا أحسن طباخة ما بتسوي زيو.
ما سمعت بي مقولة الزول دا أيدو طاعمة.
وما شفت الطباخين البيجوا في المناسبات ياهم كلهم زي عيناتكم دي.
|
Post: #17
Title: Re: ونسة عاضّة ..
Author: ajaj
Date: 04-08-2006, 08:09 AM
Parent: #16
اخي عمر من خارج النص
متي تخرجت في كلية العلوم قسم الكمبيوتر جامعة السودان
فقد تخرجت في نفس الكلية لكن قسم الكيمياء وقد نكون دفعة
ملاسي
كيف معاك تخرجت في فتخرجت من خطأ شائع
|
Post: #18
Title: Re: ونسة عاضّة ..
Author: ajaj
Date: 04-08-2006, 08:14 AM
Parent: #17
ومن الونسة العاضة
اها راجعين متين
والعجب السؤال يطرحوه قبال تتم ليلتك
وبعدين الواحد/ة تشفوك قاشر والله قمصيك شرط انا حاجزو لمن تسافر
|
Post: #19
Title: Re: ونسة عاضّة ..
Author: عمر الفاروق
Date: 04-08-2006, 08:32 AM
Parent: #1
ما عارف اقول ليك عجاج ولا (أجاج ) غايتو انا ختيتم ليك الإتنين في صحن واحد
| Quote: متي تخرجت في كلية العلوم قسم الكمبيوتر جامعة السودان |
الكلام ده لافحو من وين ؟؟؟؟؟
أنت ما كلموك إني بقرا في جامعة جوبا بالمراسلة ولسة في سنة تانية ؟؟؟؟
الجامعة دي نحن خليناها لي ناس شموشي التمبوشي لقاط التمر ده ...(كان ما فهمت حاجة اعفي لينا غايتو )..
عموماً ليك التحية وكدي ورينا خريج سنة كم ؟؟
تخريمة :
المشكلة إنو المغتربين بقوا يحنكوا ناس السودان فالعبد لله مثلاً في إجازتو الفاتت حنك اخوهو الكبير و طلع بي تي شيرت وبنطلون وشبطين وحنكي إنو الشباطة في السعودية ما سمحة زي الفي السودان
شترة :
كان في زولة شااااااااااطرة في كيمياء وجات اولة الدفعة إسمها عجاج (ده الإسم التاني طبعاً ) يا ربي؟؟؟؟
|
Post: #20
Title: Re: ونسة عاضّة ..
Author: عبد الله عقيد
Date: 04-08-2006, 09:05 AM
Parent: #19
ازيك يا عمر
"على سبيل التحية"
|
Post: #21
Title: Re: ونسة عاضّة ..
Author: ajaj
Date: 04-08-2006, 09:41 AM
Parent: #19
Quote:
شترة :
كان في زولة شااااااااااطرة في كيمياء وجات اولة الدفعة إسمها عجاج (ده الإسم التاني طبعاً ) يا ربي؟؟؟؟ |
لكن يعني مادام كده دفعة
هيا ياتمبوشي دفعة دي ما الدفاع الشعبي لانو ما مختلط فما تلخبت ساي  
المهم
Quote:
الكلام ده لافحو من وين ؟؟؟؟؟
أنت ما كلموك إني بقرا في جامعة جوبا بالمراسلة ولسة في سنة تانية ؟؟؟؟
الجامعة دي نحن خليناها لي ناس شموشي التمبوشي لقاط التمر ده
|
استاذنا بتاع اللغة العربية في اولي كان اسم الاستاذ عمر سعيد و اظنو في السعودية بدرس بهناك ممكن تسعين بهو عشان تخلص قراتك سرعة سرعة وتواكب حضارة التنابيش قبل البيش
Quote: كان ما فهمت حاجة اعفي لينا غايتو )..
|
فــاهــمة
Quote:
تخريمة :
المشكلة إنو المغتربين بقوا يحنكوا ناس السودان فالعبد لله مثلاً في إجازتو الفاتت حنك اخوهو الكبير و طلع بي تي شيرت وبنطلون وشبطين وحنكي إنو الشباطة في السعودية ما سمحة زي الفي السودان
|
شباطات السعودية ما سمحة والبطلون شنو آآآه هناك في جلاليب بس مافي تشرتات
تجليط خارج النص
لكن اخوك ناذر شابكني يلاخو وما عارف انو محمد عجاج عندو قوة فولترشيا!!!?
شترة من الشترات الحايمة تحت ضل الشدرة
من ناس السودان الشغالين في السعودية تدريس بتعرف منو!!!
وصحنك جيب فيه مندي المرة الجاية
بت عجاج
|
Post: #22
Title: Re: ونسة عاضّة ..
Author: عمر الفاروق
Date: 04-09-2006, 00:50 AM
Parent: #1
| Quote: بعد يومين عرف الوالد انو لسه في سنة تالتة (( ربيت ساااااااي )) |
الولد ده إسمو ود المايقوما مش ؟
|
Post: #23
Title: Re: ونسة عاضّة ..
Author: ود المايقوما
Date: 04-09-2006, 01:57 AM
Parent: #1
| Quote: الولد ده إسمو ود المايقوما مش ؟ |
لا اسمه احمد المصباح الشهير باحمد حاشاي .
تحياتي
|
Post: #25
Title: Re: ونسة عاضّة ..
Author: ajaj
Date: 04-09-2006, 02:29 AM
Parent: #23
و منها برضو آها الحياة هناك كيف عشان انا مفكر اسافر ماعندك لينا طريقة التقول انا وزير خارجية البلد ديك
|
Post: #24
Title: Re: ونسة عاضّة ..
Author: عمر الفاروق
Date: 04-09-2006, 02:27 AM
Parent: #1
- والله البلد هناك إتملت ليك اجانب بي صورة عجيبة خلاص ..شي اتراك وشي هنود وشي مصريين ..
* يا زووووووووووووووول !!!
- لأ والعجب شركات البترول ..والله بقت تبني مباني مبالغة ..والوراتب دي خليها ساي ..والله عندي صحبي اسة بياخد 3 الف دولار ومدينو عربية ومبوايل خط والله في امانة الله ..
|
Post: #26
Title: Re: ونسة عاضّة ..
Author: عمر الفاروق
Date: 04-09-2006, 02:52 AM
Parent: #1
| Quote: آها الحياة هناك كيف عشان انا مفكر اسافر ماعندك لينا طريقة |
والغريبة يقوم يقول ليك يا زول أوووعك تجي البلد ديك إنت الجايبك شنو يا زول ..ديك بلد كعبة خلاص وناسا ما بيتعاشروا زاتو ..احسن ليك البلد دي يا زول..
|
Post: #27
Title: Re: ونسة عاضّة ..
Author: نادية عثمان
Date: 04-09-2006, 08:26 PM
Parent: #26
ياخى قالوا مصر دى رخييييييييييييييييييييصة !!
العيشة بى شلن والبيضة بخمستاشر وصحن الفول بى طرادة صحى ؟!!
|
Post: #28
Title: Re: ونسة عاضّة ..
Author: عمر الفاروق
Date: 04-10-2006, 00:59 AM
Parent: #27
نادية بت عثمان
Quote: ياخى قالوا مصر دى رخييييييييييييييييييييصة !!
العيشة بى شلن والبيضة بخمستاشر وصحن الفول بى طرادة صحى ؟!! |
والذ منها إنو الجاي من مصر كلو بيسألوهو اها لاقيت منو من الممثلين !!!؟؟؟
وسبحان الله كل البيجو من مصر بيكونوا قابلوا عادل إمام
ود العقيد :
تحياتي ..وكان تدينا ونسة ونستين ..
|
Post: #29
Title: Re: ونسة عاضّة ..
Author: hatim
Date: 04-10-2006, 02:57 AM
Parent: #28
*
|
Post: #30
Title: Re: ونسة عاضّة ..
Author: ناذر محمد الخليفة
Date: 04-10-2006, 03:48 AM
Parent: #1
لكن اخوك ناذر شابكني يلاخو وما عارف انو محمد عجاج عندو قوة فولترشيا!!!?
|
Post: #31
Title: Re: ونسة عاضّة ..
Author: عمر الفاروق
Date: 04-10-2006, 03:58 AM
Parent: #1
| Quote: لكن اخوك ناذر شابكني يلاخو وما عارف انو محمد عجاج عندو قوة فولترشيا!!!? |
طوااااااااااااااااااااااااالي إنت جايب لينا الكلام يا ناذر !!!!!
ياخ ركز شوية وما تستهين بي قوة عجاج الفولترشيا !!!!!!
لكن اخير إنت شبكتها اللخو في واحد تاني معانا هنا قايلة عجاج بتاع الأورغن
تخريمة :
اها كاس العالم كيف يا (اللخو)
|
Post: #32
Title: Re: ونسة عاضّة ..
Author: ajaj
Date: 04-10-2006, 04:16 AM
فكرت ازيد الربح وعملت دراسة جدوي لبيع طع100 ومشيت اقدمها ادونو بومبة وقالو الماك دونلاد حجاز كل الطبليات .....كان تجي قبل الفين وواحد
المريخ لاعب يا ناذر عشان كان ما لاعب اشجع الولايات المتحدة ولا الهند
|
Post: #33
Title: Re: ونسة عاضّة ..
Author: ajaj
Date: 04-10-2006, 04:26 AM
Parent: #32
من الونسة الما عاضة
واحد عندنا شابك كل واحد راجع من السودان اكلت في البوادي
اها والجدادة ولا نصها بقي بكم وتجر الونسة الماعضة حول كل الكفتريات القديمة والجديدةوالاكل وما ادراك ما الاكل
|
Post: #34
Title: Re: ونسة عاضّة ..
Author: عمر الفاروق
Date: 04-10-2006, 04:45 AM
Parent: #1
| Quote: وقالو الماك دونلاد حجاز كل الطبليات ..... |
ود بييبقا شنو لي الماك نمر ؟؟؟؟؟
عموماً بما ان الماكدونالد امريكي وحيث ان امريكا مقاطعة السودان تجارياً اتوقع إنو الطلبيات كلها تعملا كرور أو المقصورات وطبعاً الموضوع ما عندو أي علاقة بي العمال لأنو الطلبية طعمية وكده ...
وليتها كانت شاورمة !!!! حينها فقط كنت مشيت للسماني وطبعاً الما عجبنا ...
تخريمة :
انا غايتو كان محل الناس البيشجعوا المريخ ديل ومع كاس العالم القرب ده بطّلع لي قدرة برا جمب إستاد (الموينيخ) وبعمل لي عشا
|
Post: #35
Title: Re: ونسة عاضّة ..
Author: ajaj
Date: 04-10-2006, 06:19 AM
Parent: #34
Quote: ود بييبقا شنو لي الماك نمر ؟؟؟؟؟
|
ود عمو لزم في داعي للاحراج حسع
Quote: اتوقع إنو الطلبيات كلها تعملا كرور أو المقصورات وطبعاً الموضوع ما عندو أي علاقة بي العمال لأنو الطلبية طعمية وكده ...
وليتها كانت شاورمة !!!! حينها فقط كنت مشيت للسماني وطبعاً الما عجبنا .. |
انت مش ما قريت جامعة وبتقرأ بالمرسال حسع زي ما قال شموسي
بتعرف جامعة السودان من وين 
آآآآ كنت بتجي تتضهب
| Quote: العالم القرب ده بطّلع لي قدرة برا جمب إستاد (الموينيخ) وبعمل لي عشا |
هيا يا دفعة انا بحزرك ابعد من مدينة موينخ والمدن المجاورة لها لانو مصادرنا (مابتعاعت حاشكم واحدة تانية ) قالت انو في النشرة الجوية ورد خبر مفاده ان ابطال الديجتال حتقوم بعملية ارهابية كبابية وحتحجز الفريق السوداني الما مشارك اصلا وتدعو الحيكومة ياتتقاسم معاهم السلطة (ما عارفها بعجور ولا تبش) يا حتنزل فيهم طاخ طيخ طوخ
|
Post: #36
Title: Re: ونسة عاضّة ..
Author: فيصل نوبي
Date: 04-10-2006, 12:24 PM
Parent: #1
(مابتعاعت حاشكم واحدة تانية)
لووووووووووووووووووووووووووول
عجاج جد
ود الفاروق
شكلك حتعضي ونسة انت ذاتك يا فردة
|
Post: #37
Title: Re: ونسة عاضّة ..
Author: عبد المنعم عمر عثمان
Date: 04-10-2006, 03:48 PM
Parent: #1
| Quote: - لأ والعجب شركات البترول ..والله بقت تبني مباني مبالغة ..والوراتب دي خليها ساي ..والله عندي صحبي اسة بياخد 3 الف دولار ومدينو عربية ومبوايل خط والله في امانة الله .. |
يا ود الباوقة صاحبك ده بياخد 3 الف دولار ومدينو عربية ومبوايل خط ، والله حالته تعبانه خلاس ما عندو واسطة مع الجماعة إياهم البخموا ساكت و الله شنو ،،،،،،،
|
Post: #38
Title: Re: ونسة عاضّة ..
Author: عمر الفاروق
Date: 04-11-2006, 00:53 AM
Parent: #1
اكتر ونسة عاضة لاقتني إنو كل المغتربين البيجو راجعين بيتكلموا عن العشا في (لذيذ) !!!
مع العلم إنو لذيذ عبارة عن كراسي مجدعة برة وترابيز وفول وطعمية (فلافل كما يكتبها ناس لذيذ ..)..
يا حليل فول الجان والواحة ..ومديدة حاجة الروضة الله يرحمها ..
|
Post: #39
Title: Re: ونسة عاضّة ..
Author: ajaj
Date: 04-11-2006, 03:03 AM
Parent: #38
ما رديت الاميل مالك ما فتح معاك اخر واحد
وبمناسبة جامعة السودان ايه اخبار السماني وخالد بتاع السجاير وكرور والنشاط والمقصورات
بس ما تجيب سيرة عمال عشان نحنا ماحناكيش الشهادة العربية
ولو ما دايرني اقلب الونسة العاضة الي ما عاضة افتح لينا بوست لاجترار الذكريات...
التقول متخرجين 1911
|
|