Post: #1
Title: نفسي اسمع اغاني عاطف نيالا
Author: محمد الامين محمد
Date: 04-07-2006, 01:50 PM
ياحليل زمان ودارفور كانت رااايقية وعاطف نيالا كان ملك الساحه تغني باجمل الاغاني نفسي اسمع اغنية بريدك ياجميل همسة واشيلك في العيون الفة ....
|
Post: #2
Title: Re: نفسي اسمع اغاني عاطف نيالا
Author: معتز تروتسكى
Date: 04-08-2006, 04:04 AM
Parent: #1
محمد الامين محمد
وحاتك ابو حميد كلامك ده رجع سنين خوالى عاطف نيالا وعاطف ابوجبيهة ايييييييييييك زمن
انا زتى بفتش لى شرايطو كان لقيت ماتبخل علينا...
بس تعال الذكرك الحاجات دى منو...
|
Post: #3
Title: Re: نفسي اسمع اغاني عاطف نيالا
Author: محمد الامين محمد
Date: 04-08-2006, 11:48 AM
Parent: #2
ياسلام انت طلعت بي عاطف ابوجبيه ده من وين زمان عاطف نيالا كان في القمة في مره من المرات جاء الفاشر لعرس في حي العظمة عرس احمد اسماعيل موظف في الضرائب العرس عباره عن مهرجان انا مشيت عشان اشوف عاطف بس لقت الفاشر كلها في العرس المره التانية جاء مليط لعرس الضابط عبد الله صالح الفاشر كلها مشت مليط ياحليل الزمن الجميل عربات ليبيا بالكوم والمكرونة ما تديك فرقة وصابون الحمام اشكال والون
|
Post: #4
Title: Re: نفسي اسمع اغاني عاطف نيالا
Author: ابوعسل السيد احمد
Date: 04-15-2006, 08:41 PM
Parent: #3
الأخ د. محمد الأمين
أذكر العام 1994 إبان زيارة طلابية إلى بغداد بلد الرشيد أن نزلت إلى الباب الشرقي و معي أصدقاء أعزاء. كنا نبحث عن مكان يبيع أشرطة سودانية. لدهشتنا و جدنا المكان و كل العاملين فيه عراقيين يبيع الأشرطة السودانية. أعطونا قائمتهم من الأشرطة السودانية. كان على رأسها عاطف نيالا. اليوم كم أدرك أننا لشدة وقوعنا في إسار المركز نهمل أصواتا جميلة من هامشنا كعاطف نيالا.
|
Post: #5
Title: Re: نفسي اسمع اغاني عاطف نيالا
Author: محمد الامين محمد
Date: 04-16-2006, 01:45 AM
Parent: #4
ابو عسل سلامات والله في فتره من الفترات عاطف نيالا كان في القمه وكان كل دول الجوار الافريقي تستمع لعاطف جاء عاطف من لبنان بعد رحلة دارسه كان يغني في فرقه جنوب دارفور في الزمن الجميل بعدها انفصل هو ورفيق دربه التاج مصطفي عازف الاورغ الشهير كماعلمت من الاخ ادم حموده الان في السعودية ويبدو انو شبه اعتزل
|
Post: #6
Title: Re: نفسي اسمع اغاني عاطف نيالا
Author: A.Razek Althalib
Date: 04-16-2006, 03:23 AM
Parent: #4
هذا الشايقي..
وبعد أشجي ليالي طلاب الدراسات بمصر..
فارقته ولم ألتقيه بعد أن أكمل إلكترونيات شبين الكوم..
ساعدتني الظروف أن ألتقيه في العام 1998م
في مدينة جدة..
وهو يعمل بمحل بصريات..
ولسان حاله يقول أنه من الذاكرين بعد أن أدى فريضة الحج والعمرة..
ودمعاته السخنات تحكي عن الندم على الماضي..
بعد أن أكد لي أنه غير ما بنفسه..
ولا يود العودة إلى ما فات..
مستقبلاً..
في عجالة نبش ذكرانا من ضمن ما أتطرقنا إليه..
من حديث حينا بمدينة نيالا..
ذلك الحي المتفرد..
له التحية والتقدير..
صاحبي..
عاطف نيالا..
|
Post: #7
Title: Re: نفسي اسمع اغاني عاطف نيالا
Author: محمد الامين محمد
Date: 04-16-2006, 05:58 AM
Parent: #6
ياراجل عاطف نيالا من بني هلبة ماشايقي ابوها الاستاذ احمد محمد ابكر شخصية معروفة
|
|