Post: #1
Title: شائ المساء
Author: ايهاب نميري
Date: 04-04-2006, 04:45 AM
وانته قاعد في المساء بعد ما رشو الحوش بالمويه وفرشو الملايات وطلعه التفزيون وزبطو الشاي المقنن بالخبيز وناس البيت اتملو وقعدوا قدام التلفزيون والضحك مدور والشمار مدور ... دقا باب الشارع وقام واحد من ناس البيت فتح الباب لقى ضيوف خشو ما تخشو دخلو واحد منهم لابس عمه نظيف وشكله ليه مده من السودان المه نظام الشاي وكدا طلبو صاحب البيت جاهم صاحب البيت وسلم عليهم وقال ليهم اخدمكم كيف قام صاحبنا اب عمه قال ليه ... عند 3 ايام تفضي لي البيت دا
استغرب جدا صاحب البيت دا كلام شنو دا يازول كيف افضي ليك بيتي .. انته ما صاحي ولا شنو فا اب عمه استغرب شدبد ...
قال ليه البيت دا انا اشتريته من 20 سنه بس كنته في الخليج وما جايب ليه خبر فا عرفته انو انا بيتي مسكون في ناس مستاجرين ليهم زمن ما دفعوا قرش واحد .... صاحب البيت قام طوالي مشا جاب ليه شنطه من سنة اسكت قال ليه البيت انا وارثه من والدي والدي اشتراه قبل 26 سنه كيف الكلام دا
الحكايه حقيقيه بس كيف اتسجل البيت في الشهر العقاري لى شخصين مختلفين لى نفس البيت
اها خت نفسك مكان صاحب البيت ح تعمل شنو
|
Post: #2
Title: Re: شائ المساء
Author: haleem
Date: 04-04-2006, 06:34 AM
Parent: #1
| Quote: كيف اتسجل البيت في الشهر العقاري لى شخصين مختلفين |
يا راجل...
الشهر العقاري..؟
الشهر العقاري حتة واحدة كدة...
|
Post: #3
Title: Re: شائ المساء
Author: معتز تروتسكى
Date: 04-04-2006, 06:47 AM
Parent: #2
ايهاب نميري
بيبو اولا وين كنت مختفى ياولد لي كم يوم زانى لى فى راسى ..
خشينا نسلم لقيناها بداية طريق لمحاكم وجرجره وربك يكفينا شر المحاكم اسال مجرب..
عشان كده النشرب شاينا مع رشت الحوش والقعده الظريفه دى ولمن الكلام يخش الحوش نشتت وادونا خاطركم..
يلا حبيبو سلامز..
|
Post: #4
Title: Re: شائ المساء
Author: يوسف الولى
Date: 04-04-2006, 07:12 AM
Parent: #1
انا هسى قايلو عريس جا عشان يخطب واحده من بنات البيت.............
غايتو دى يحلها الشربكا.......
|
Post: #5
Title: Re: شائ المساء
Author: almulaomar
Date: 04-04-2006, 08:56 AM
Parent: #1
أخي إيهاب أول حاجة أسمح لي أن أبدأ من حيث إنتهيت أنت
| Quote: اها خت نفسك مكان صاحب البيت ح تعمل شنو |
يا كابتن ده خرم في حلمة أذن صرصار البدخلني هناك شنو. خلاصة القضية توجز في عبارة أننا كشعب إرتقينا درجات في فن النصب
|
Post: #6
Title: Re: شائ المساء
Author: Khalid Saeed
Date: 04-04-2006, 12:23 PM
Parent: #5
الحبيب أيهاب
تحياتي لك ..
تعرف صاحب البيت ده يعمل شنو .. يكشح الشاي .. ويكسر الخبيز في الوطه المرشوشه
دي .. ويحلف طلاق تاني مايشرب شاي المغرب ولايرش ا لحوش ويحرم على ناس البيت الشمار
لقايت ماالقضيه دي تتحله ...
أما أبو عمه الجايي من الخليج ده يعمل حاجه واحده بس ( مايكلم مرته ) لغايت مايلقى
ليه حل عشان ماتطربقه ليع على راسه ..
وبالمناسبة ... قالوا لمن المطره الشديده ديك جات ناس الحله بيوتهم كلها إتكسرت ..
ماعدا في بيت واحد كده سمح مطرطش والحوش سراميك وكده .. ست البيت جات قاشره ...
وقالت لي النسوان ولله ماعجبني ليكم كسير بيوتكم .. لكن المطره ظريفه غسلت لي البيت ولمعت لي السرميك بتاع الحوش .. ردت ليها واحده متغايظه قالت ليها إنشاء الله تجي صاقعة تكوي ليكم بيتكم ..هاهاهيهيهيهيهيهيهيهي ....
وأنا بقول إنشاء تجي صاقعة تكوي السمسار الغشة الجماعه ديل ..
والتحيات ليك ياظريف ...الساكن الإسكان التحته فرن الرغيف ..
أخوك/ خالد سعيد الأرباب
|
|