احراااار وحريتنا فى ايمانا بيك ....ثوار بنفتح للشمس فى ليلنا باب

مليون سلام ياشعبنا ...

مليون حباب والاغتراب ياابونا ماطوووول الغيااب

والاغتراب فال اليخونك ويزدريك ..ترتم ترم ..

ونحن بين سنكيهو والزنزانة والسجين الكبير ...

منك قراااب ياشعبنا ..ترم ترمرم

***********

كما قالت لنا مهدى دعونا نتفق جميعا فى هذه

الذكرى المباركة ..ذكرى رجب ابريل ..حين سدت جموع شعبنا

الطرقات ..حين انتفضت الخرطوم على الظلم وخرجت تبحث

عن فجر جديد ...دعونا نتفق اليوم فقط ..

ويا..
ابوساندرا
خالد العبيد
عمر ادريس
خضر حسين
رانى ..

انجدونا بهذا اللحن الجميل ..ودعونا نغنى معكم ..

احرار وحريتنا فى ايمانا بيك ...
ثوار بنفتح للشمس فى ليلنا باب ..

ويلا همتكم معانا فى انزال هذا النشيد الجميل ...

Quote: مليون سلام ياشعبنا ... مليون حباب والاغتراب ياابونا ماطوووول الغيااب والاغتراب فال اليخونك ويزدريك ..ترتم ترم .. ونحن بين سنكيهو والزنزانة والسجين الكبير ... منك قراااب ياشعبنا ..ترم ترمرم

Quote: مليون سلام ياشعبنا ... مليون حباب والاغتراب ياابونا ماطوووول الغيااب والاغتراب فال اليخونك ويزدريك ..ترتم ترم .. ونحن بين سنكيهو والزنزانة والسجين الكبير ... منك قراااب ياشعبنا ..ترم ترمرم

Quote: مليون سلام ياشعبنا ... مليون حباب والاغتراب ياابونا ماطوووول الغيااب والاغتراب فال اليخونك ويزدريك ..ترتم ترم .. ونحن بين سنكيهو والزنزانة والسجين الكبير ... منك قراااب ياشعبنا ..ترم ترمرم

Quote: مليون سلام ياشعبنا ... مليون حباب والاغتراب ياابونا ماطوووول الغيااب والاغتراب فال اليخونك ويزدريك ..ترتم ترم .. ونحن بين سنكيهو والزنزانة والسجين الكبير ... منك قراااب ياشعبنا ..ترم ترمرم

وبنفتديك مابنرمى اسمك فى التراب ..ترم ترم

وقلوبنا تتوجه اليك انت المعلم والكتاب ..

والبزدريك ياويلو من غضبك عليهو ومن وشيك ..

ياويلو من اجلو الوشيك ..ترم ترم ..


تخريمة :
اعذرونا فى الحفظ يا(زملاء ) حفظ زول بحفظ (بالدس ) ..

يابت مهدى ..

تحياتى ..

وشاكر المرور الجميل ..ومازلنا فى انتظار النشيد ...

محمد عبد الرحمن
(وإنت الشمس من بين إيديك تطلع عليك من كل باب)
شكراً لدعوتك الكريمة
سنتفق ياصديقي طالما (جربناالخصام) البلا صالح ذكري أبريل ستبقي ملتهبة في ذاكرة شعبنا عنواناً للصمود والبسالة نحفظه ويحفظه كل مراقب كأبرز دليل علي عبقرية هذا الشعب الذي يقتل ولايموت .
أستمع الان ياصديقي لانشودة مليون سلام أهديك هذا الغناء المر . فقط لانك لم تزدري كما أن لن تخون ومليون سلام ياشعبنا.

تحياتي لقلبك العامر بحب هذا الشعب وللحبيبة لنا ماتبقي من الامنيات

والي شعبنا ذو الفتح والكدح والكبرياء الصمود وأبريل حي لايموت .

خضر

ياخضر

ياخى والله مشتاقين جدا ...(ماكضاب والله ) ...

وكيف حال الخرطوم عندكم ..هل مازالت ا لشمس

تطلع من بين يديها ..سنظل نؤمن بمقدرة هذه

الجميلة على صنع المستحيل .. وسنظل نراهن على قدرة

شعبنا على الخلق والابداع ..

وكل ابريل ونت بخير ياصديقى ..

سلام للمعاك ...

محمد عبدالرحمن :
الشريط عندي ، لكن مابعرف اجيبوا ليك هنا كيف
شوف عمر إدريس محمد قبل كده وضع { قاسم امين }

بعدين يا محمد ، متى حا تكتب إسم البت الأنا أبوها صاح ؟
ساندرا ، يا محمد

http://Windows Media Audio V8

http://www.sudaneseonline.com/SudaneseMusic/music/Moham...sha3ben%20tsaama.wma

يافيصل

تحياتى ..

وشاكر جدا (ياشعبا تسامى ) فهى من الاناشيد التى (تكلب)

شعرة الجلد ..ولكى تكتمل النشوة ..تعالوا لنا ب (مليون سلام ياشعبنا) ..

لك كثير الود ..

ياابوساندرا (المرة دى حات صاح )

تحياتى ...

مالو نجى نسمع الشريط فى البيت ..,ونترجى عمر

ادريس يجى ينزل لينا النشيد ده هنا برضو ..لكن

بينى وبينك عمر ده الايام دى مافاضى لينا شغال

يبحت فى (تاراتو ) القديمة وحالف ماينسى ..

بعدين ياابوساندرا انا بكتب (ابو) كويس

لكن من اجى عند ساندرا دى (بتلعوز ) ياربى ده

بكون من شنو ؟

ودى لك

الخرطوم ياصاحبي

اليومين السخانة (تلسع) من لسع يلسع لعساً

ولك أن تتخيل


ثم قولي لي

إنت حتتصل في عيد الضحية الجاي ولا شنو ؟ قال مشتاقين قال (ياخينا أنتم المغتربون ونحنو المواطنون إنت بوست طلال عفيفي ده مامر بيك (أقصد اليونانيون)

خضر


خضر

ياخضر

قلت لى الخرطوم حرها يلسع ..يا(ولداه )حرها ولاحر هذه

الصحراء التى لاتعيرنا التفاتا ؟ ستحتملون حرها بدفء احساسكم

ونحن لينا الله بس ..

فما يخص الاتصال الموعود لاتياس (بتصل عليك بتصل عليك )..

وحتى اكون حاسما غدا ستكون جزء من برنامج (الويك اند )

فخلى تلفونك مفتوح ...فقط عليك مراعاة فروق الاتصال بين

(الشرقية ) و(الكلاكلة ) ..

اها يازول جيبوا النشيد ده صبرنا طال ...

فوق
أفتحوا الشبابيك
خلوا الشمس تخش
تهزم العتمة
فووووووووووووووق

أفتحوا الشبابيك
خلوا الشمس تخش
تهزم العتمة

حباب بت ملوك النيل ...

سنفتح الف نافذة ونافذة ليعبر الضوء الى حيث
نريد ..

ودى

الحبيبة لنا
تحياتي ياحرة

سيدخل الضوء صدقيني سيدخل

نحن وأنتم والاخرون هنا لنفتح نفاجاً للضؤ فالنعمل من أجل ذلك ونجرب

محمد ياصديقي

مامعقول ياخينا (تشاغل قدامي) وجه مديك كف

الخليل ود الخالة والاصفياء المتداخلين والمتصفحين لن اهديكم أروع مما هو فيكم

أحلى عروس البلد اللتنا

ولا الغبش الرابة تهنى

ولا هدير المدن التصحى

وتمحى ظلام الحاصل عنى ( حميد الكلمات ومصطفى اللحن والغناء)

حاجة فيك لا بتبتدى لا بتنتهى

خلتنى أرجع للقلم واتحدى بالحرف الألم

واضحك مع الزمن العريض

وأنسف متاريس الطريق

وأعرف متين أبقى المطر

وأفهم متين أصبح حريق ( هاشم صديق الكلمات ومصطفى اللحن والغناء)

وزى برق السماك الجابها دغشية

وزى زغرودة البطن الكبارية

مرق من شامة القمره

مهيتق بى وداعة الله

ومقدم بالعديل يبرا

تعالوا 000 ابشروا يا جنيات

شليل ما راح شليل مافات

شليل عند المسورو حرق

بقالو حصاد

شليل فوق التقانت قام خدار وبلاد

شليل مسدار شليل مشوار

شليل أرضنا ياجنيات

شليل قايم نصاصى الليل

يتمتم ليهو وردية

حرازنا شليل شليلنا دليب

شليلنا دليل على البلدات

بعد درب التبلدية

شليل ما راح 000 شليل ما فات

شلينا ونحن همباته ومهاجرية

مزارع بات على عشقين

تراب بلدو وسماح فوق بت مزارعية (محمد طه القدال الكلمات ومصطفى اللحن والغناء)

Quote: شليل ما راح شليل مافات شليل عند المسورو حرق بقالو حصاد شليل فوق التقانت قام خدار وبلاد شليل مسدار شليل مشوار شليل أرضنا ياجنيات شليل قايم نصاصى الليل يتمتم ليهو وردية حرازنا شليل شليلنا دليب شليلنا دليل على البلدات بعد درب التبلدية شليل ما راح 000 شليل ما فات شلينا ونحن همباته ومهاجرية مزارع بات على عشقين تراب بلدو وسماح فوق بت مزارعية

يابدرالدين ...

تحياتى ...

وشليلنا لن يموت ..سينهض مثل طائر الفينيق ويللم
اطرافه ويمضى ..هكذا علمونا ان لانيأس ..ففى هذا الشعب
عزيمة لاتهزم وارادة لاتقهر ..

ودى لك

شن القعدة يا أبو السرة


مقطع آخر

شن فايدة مديدة الحلبة
والويقود بشيلو اليانكي

(مسدار أبو السرة لليانكي)

ياخضر

مابين مسدار ابوالسرة و(السرة بت عوض الكريم ) جمال الكلمة
وسعة الخيال ..هاك امسك دى السرة بت عوض ا لكريم ..

تمر البلد شال شيلا جد إلا الحصا تبل مارقة صيص
كوسلك بلد .. بلدك واباك .. رفسك رفيس
نفضك نفض .. بلدك تضادي .. ولا مغيث
قلبت عليك بطن الرجال .. شقيش تقبل .. يا خسيس
يا قيحة .. حظك في الحياة وفي الميتة مافي .. وموت تعيس
عفنت كرشتك دون ترب .. منفوخة للغربان فطيس
وفوق سكة الماظ الصعب .. هاشم - حلالي - قدل عريس
هيلة آ رجالاً عرستن .. شمش المشارق ليها ميس
هيلة آ رجال .. هتفت نفيسة وحرّقت توبا الوحيد
عقدت شديد .. قرقابا حافيي ودون قميص
جرت الكرارق زي برق .. لفحت من السحارة لي هاشم حريرة وقرمصيص
وكان الفريق إنخم ما فضل بشر ..
ما هزا زلزال الفجيعة المرة .. والدماع طفر
دايرات يولولن الحريم .. صنت وقت صوتك نهر
وكيفن زفتي وشيي ونعلت قفاهو .. شيخ الحلة عن قال لك قدر
ولميتي هاشمك ونبلتو .. وفي إيدو الحجر
صبغ الحريرة .. القرمصيص .. الدم ملاك ..
لميتي زي لمة ملاك ..
آخر عمل خير في البشر
جاك الصبر من وين .. ولا قلبك رجف .. لا آهة .. لا دمعاً طفر
رشرشتي بي إبريق أبو .. وبي دمو نبلتو والحجر
خيط الحريرة القرمصيص .. كفنتي بي رفت القماش ..
الساكوبيس الخاتا لي يوم الطهورة ..
مرقتي لاقوكي الرجال بين الغلب إنقلبو
ومتحزمين زي يوم أبو
دمع الرجال هزاكي
آه خارت قواكي
طفرت دموعك والحريم كسرن عليك
قلدوك رجالات الفريق فوقك ضي الشمش إتكا
وبعض المراضى المقرفين قلدوكي لي شي بلا البكا
وكانت دي أول مرة يتبكي في الفريق ..
وبي حرقة زي كل الرجال الخيرين ..
درفون ضرب بالنبلة طربوش إنجليز ..
عور حصان الإنجليز ..
لا انزح لا زاغ لا جرى
وكانت دي أول مرة شافع في الفريق بي حرقة .. ذي كل الرجال
الناس تشقلو ود لحد في مقبرة
سبلتي ما انقطع الدرب .. دفقتي بي قرعو الطشت .. فنيتي في البير النحاس
جا طشت جديد .. وقرع جديد .. ونحاس جديد .. وما انترو ناس
ناساً تقلب الدنيا.. لو لاقية راس
دور والمعاك ما انفرقو ..
وين وشك الصعب الصلب .. إن صر في الريح بعذقو
وإن صر في الموج غرقو
يا بت كضب ..
معروفة ما من قوة تحمي الفرح واللا الترح حين إندلاقو على القلب
لي دور حديث المنغلين ما إندل من فورتو وهبد
دماً صعد من ها الترب .. لا بد من ينزل مطر .. رحمة وسعد
ما بروح سراب .. هاشم نجمة الفنجرة .. نشهد على إنك ولد
طمنت بي فعلك بلد .. من إولها ولي آخرها
رجعت أبوك من القبر .. قصرت لسنات الكتر .. سكت خشم المسخرة
هزيت رجال جوغة غريق ..
بس كيف نضيق ضيقاً عميق
يبقى الحجر فلخة جبل .. والنبلة تصبح منجنيق
أو بندقية معمرة
ساق نخلة في الطين الطري نازف تشق المقبرة
وقصب التواريخ ينبري ودمك عمار المحبرة
نشهد على إنك ولد .. بركان جسارة وفنجرة
زي ما شهدنا على أبوك .. فرسان قبيلتك من ورا
ويا السرة بت عوض الكريم .. إنك مره
ولدك جدع ما بندبوا ..
حي في وليداتنا .. الدشر لعبن .. طعيم النوم أبو
ولدك بخيت .. ما دام رقد في صدر أبو
ولدك شفيعنا مع النبي .. ولدك يمين يكفينا كلنا مغفرة
وهنا دا الدرب .. حرة قلب.. صرة وشي
ولدك وعدنا بكل شي
وما في إيدنا حاجة نخسرا
يا السرة بت عوض الكريم ..
مع إنو كم سنوات ولا بحراً طمح .. لا سمانا كانت ممطرة
كان كل ما نحفر .. يلاقينا الترا
عن جينا لي دفن الترب .. حسينا كم ملك إندفن
جات غيمة من دون الوقت .. جات نسمة هبهبت الكفن
بي دمو نبلتو والحجر .. خيط الحريرة .. القرمصيص
دخرينا نام آ السرة .. في صدر الحسن
فاتونا بي قدم الصلاح .. سبقوك على جنة عدن
وسابوكي نخلة وسط رياح .. بين الزمن
لكن ضراعك هو الضراع .. على رغم أقداراً قسن
ماسكي الشباطين في الصراع .. لا بودة لا سوس لا وهن
تعبر قليبك زي شعاع .. ما غيرت لونو المحن
ضلك متل بالك وهيط ..
عبرت مراكبك بي شراع صبر إحتمالك كم محيط
ورونا في الزمن العبيط .. يا تربة .. يا كل الوطن
مافيش وسيط إلا الصراط المستقيم
السرة بت عوض الكريم
الله .. أيا مره من قديم
سلطان وعن ساعة الفزع مملوك نشيط
عادية زي قولة سلام .. حلوة لسان .. لكن إذا تغضب سليط
مره ما بتفرط في الزمن .. وفيها الزمن لحظاتو أبن
ساعة مروق الإنجليز .. ضبحت غنيماية اللبن
طلعت على ناس القبور ..
كشحت ورا طرف القبب عيشا المجودا للطيور ..
ومن زمزميتا والدموع .. رشت قبر هاشم عقب قبر الحسن
والباقي لي كل القبور
في توبا صرت هين من القبرين بعد ما انبركت ..
بركة عشق .. بركة شكر .. بركة وفا
غيبة الشمش جبرت خطاها على الرجوع .. والقلب من شوق ما اكتفى
ولسع في غيمة من الدموع تبراها لي طرف الفريق ..
شيلة نفس تطلع مطر .. ختة نفس تطفي الحريق
آ السرة يا دوب يندمل بين الضلوع جرحاً غريق
فاتو إنجليز فوق دمها .. وعين إنجليز
مبروك وحمديل السلامة يذكرك ليلة الحسن سار لك عريس
أو من ضراوتو يذكرك كتل المنيحيس التعيس
ناس تملا في الأزيار .. وناس في كل كيم واقدالا نار
ناس نازلة في الحيشان تقش ..
ناساً ترجع في المضى .. والجايي سودانية مش
السرة ليلها قلب نهار .. ا########## غبشة الناس غبش
والروح خدار من حلتها .. النوم فر طار
باكر دغش شدت على ضنب الحمار
حموها للميجر تخش
عقبت على بيتو العصر .. قصرت مع بتو الحديث
دهت المشايخ والعمد .. سفهت عمايل الإنجليز
ظلم الحكم ياهو الحكم .. كان من جوامع كان كنيس
يبرا السما .. وتبرا آمحمد سيدي .. ويبرا المسيح
ورجعت بلا الموية الروت .. حيضانها لي جدول فسيح
لي دور معلقة للبخور في بيتها عامر بالمديح
لي دور تزغرد ما انقرش يا السرة .. حسها كيف نصيح
لي دور مع الشاي والزلابية مع الضبيح ..
الجوكي بالخرفان سمان .. والجار له تور
لي دور كوبيقاتك تدور
ما قصر الطمباري .. جاك ملك الدليب
رحلت بروش الزاوية عندك في الفريق
آ السرة ما فضى عنقريب
آ السرة بينات الخلوق .. مراتاً الليل آ بحوق
لي دور علي كتف الفرح .. تتعب عيونك وتستريح
لي دور تكلك قاح تكية .. آ السرة دارك ماج ضريح
ويومين بعد سقت الخدار بي إيدا .. جيهت العقاب
قامت معاها تسع رجال .. بي نوبة فوق ضهر البخار
قالت عليها نذر قديم .. واقع عليها نذر عزيز
إن حية في الدنيا ونصيحي .. إن كان تشوف بي عينا فوت الإنجليز
إن كان تطق زغرودة في ضل العلم ..
خلوها تدخل للختم .. حرموها يكفيها الضريح
شوف عين تشوف الأزهري .. وبي ما يكون .. صح النذر .. ما راح وهم
دماعا رقرق في العيون .. عن ساعة المحجوب نضم
وإنشر عِن زروق بزم
ما كان تكون آ قيحي حي .. وأنا أفش مغستي وأصفي دم
من تاني يا رخم الوخم
ما دام حرتناها الأرض .. سندنا .. تيربنا .. بوغنا .. ومسحنا قمحنا .. هسع في وحم
هاشم ولا أسفاً عليك .. وعلي رفاقتك لا ندم
ما دام بقينا أسياد بلد .. ما فتو يوم أبداً قسم
والفوتك يا الإنجليز .. يعقب علي باقي السجم
آفاتن أولاد الحرام .. أكبر من آفات العجم
دي السرة بت عوض الكريم .. سرة عقاب
سرة تواصل بيننا بين رحم التراب
والجاية في الزمن الرحيم
مره من قديم
ما فيها علقنة الرجال .. ما فيها دلقنة الحريم
مره بت قبائل .. قالوا لا .. واختاروا في الحق الجحيم
ومن رفقة الفسل الخلا .. وكانت نعم تدي النعيم
مره من صميم ضهر الغلابة الما بتنكس راسا غير ساعة الصلا
أو ترمي تيراب في التراب .. أو تستشف وجه السديم
جات داخلي زي مرقة غضب من جوف حليم .. في زمن صعب
ومرقت متل دخلة غضب ..

يا محمد

كل أبريل

والشعب ماسك كتف بعض ..

يامعتصم ياهندسة ....

كل ابريل ونحن اكثر ايمانا بهذا الوطن ..

واكثر ايمانا بمقدرة شعبه على صنع المستحيل ..

ودى

يا سلام عليك

الجميل محمد عبد الرحمن

قالو

إنت الشمش من بين
ايديك
تطلع عليك
من .. كل باب
إنت المعلم والكتاب

اكراما ليك وللاعزاء جميعافى ذكرى إنتفاضة الشعب فى ابريل

أهديك صورة خاصة جدا لشاعر الشعب الاستاذ محجوب شريف ...فى ايام
كتابتو لقصيدة
ياشعبنا



ودا ضهر الصوره مكتوب فيها بخط يده
انت الشمس من بين ايديك تطلع عليك من كل باب



ولك ولشعبنا العظيم اجمل تحية

احراااار وحريتنا فى ايمانا بيك ....ثوار بنفتح للشمس فى ليلنا باب

مقاطع

لي حضرة الآتي .. شايل الفرح ليا
عبيت مساماتي .. من غيمة منفية
وعلى أرض مأساتي .. فرغت ما فيا
وضل الوطن شاطيء .. وشمسو المراكبية
النيل ديمقراطي .. والقيفة جمعية
بردت غنواتي .. بي نمة مغلية
بقت هتافاتي .. دوديتا بي إيديا
في دقن همباتي .. وعسكر حرامية
طارت حماماتي .. وركت سلامية
غدروها شماتي .. وكتل الرصاص فيا
لكن يا مواتي .. يا ذمة مشرية
يا عسكراً فاتي .. مافيا وطفيلية
من شرفة الآتي .. وبي كل حنية
أخدني أماتي .. بي طرحة و أمنية
ربطن لي جرحاتي .. وبي مرتق واغنية
سدن لي آهاتي .. فوق وقفة صخرية
سنن لي إيديا .. وصاحن بي صد صارع
يا عيش وحرية .. وانغير الواقع
يا ميتة دغرية

حميد

لي

Quote: حضرة الآتي .. شايل الفرح ليا عبيت مساماتي .. من غيمة منفية وعلى أرض مأساتي .. فرغت ما فيا وضل الوطن شاطيء .. وشمسو المراكبية النيل ديمقراطي .. والقيفة جمعية بردت غنواتي .. بي نمة مغلية بقت هتافاتي .. دوديتا بي إيديا في دقن همباتي .. وعسكر حرامية طارت حماماتي .. وركت سلامية غدروها شماتي .. وكتل الرصاص فيا لكن يا مواتي .. يا ذمة مشرية يا عسكراً فاتي .. مافيا وطفيلية من شرفة الآتي .. وبي كل حنية أخدني أماتي .. بي طرحة و أمنية ربطن لي جرحاتي .. وبي مرتق واغنية

ياعمر ياحبيبنا

كل ابريل وانت اكثر عافيه وحضور ...

شكرا على هذا الحضور الباذخ..

ولمحجوب شريف مليون سلام ..

ودى

أفتحوا الشبابيك
خلوا الشمس تخش
تهزم العتمة






والجاى اجمل

يالنا

ايها الحالمون تماما

محمد العبدالرحمن
واولئك الذين يعملون على فتح نوافذ القصيد

ازيكم بحرقه

*
*
*
*
*
*
*
ترى كم عام سارجع للوراء لتحمل حمل هذا الداء
تحياتي لابريل والماسك كتفوا
خضر ازيك
قلت لي سخانه شديده ازي الحال ياخ
يعني مافي امكانيه انتاج جديد في اليومين دول
كلامك محتاج لشجرة ليمون عشان انبلع
حاول التقط لينا وعد جميل من اي مكان نغش بيهو روحنا
ونحلم بيهو يوماتي
حلم وبس

ياحبيبنا يافيصل ..

كل ابريل و انت اكثر اشراق ..

سنخرجك من عبقك الصوفى ونمضى

بك الى حيث تحب من الذكريات ..

شكرا على المرور ..

العزيز محمد عبدالرحمن
تحايا الورد


3

Quote: قصائد نادرة لمحجوب شريف 1 / هناك قصيدة تتخبى هفت لي كم هفت اشوف عين الشمس رفت اقول حمى البلد خفت ايادي الشعب التفت الاقي السلم يتقصد ايادي الظلم اصطفت ينابيع الفرح جفت الاقي امومة تتلفت هدوم اولادها ما كفت الاقي طفولة ما رضعت حليب اماتها ما ادفت أبى شعبي يدا من جرحك تبت افكر فيك واتأمل اياديك اللي كم ربت جداول رقت .. كبت سقت .. ياما الخلق عبت مناديلك ضفاف نيلك قناديلك مدن هبت وبرضك كلما صبحت تلاقيها الشمس غبت مظالم في الحلق شبت مدامع في القلب صبت سجوناً حولك اتعلت عيوناً خلفك إدبت مع الحاصل ده حتواصل وتعلى العين وتتحجب كما صمت البحر صمتك كذلك جامح الهبة شديد اللهجة يوم تغضب تقوم العاصفة تتعبا حنكبر بكرة نتكلم وسط اللمة تتربى شوارع تنتفض لمن تلاقي النجمة بالحبة طريق الشعب يا ملهم منو المنك برجعنا بنعرف كل شبراً فيك لا خناك لا بعنا [/QUOTE]

---

Post: #27 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: خالد العبيد Date: 04-06-2006, 05:10 AM Quote: حليب العزة ما أنبل حليب العزة يرضع منو شافعنا وشمسك كم تطالعنا ونقدل في شوارعنا ونكتب بي مداد العصر ننهل من منابعنا وتنسج من بريق النصر راياتك اصابعنا تعيش انت ونموت نحن لكي يا غالي ما يكبر جنانا تحت شرا المحنة جرحنا اذا بفرهد فيك حنمشي على البجرحنا وحزنا لو بضوي سماك هو الحزن البفرحنا ودمنا لمن يسقي ثراك ينزل من جوانحنا وان راحتنا ما ترتاح نقول انشاء الله ما ارتحنا تضيع ايامنا بس ما تضيع ملامحك من ملامحنا ولو علينا صوتنا عليك يا والدنا سامحنا ياأشرف منابعنا يا أعظم مدارسنا بنرجع ليك توصينا ونسمع ليك تحدثنا 3 / حرر نفسك ارفع راسك زلزل أسرك اصلك شعباً صعبا كسرك وحد بأسك انت المجد مقاسو مقاسك والقهروك زوالم شمسك كل الايدي وكت تتماسك تكتب نصرك تهزم ليلك وظلمة حبسك حرر نفسك بي ايديك عندك زودك وحمرة عينك ودخري الحوبة شبابك زينك علي هتافك أدي شراع الهنا مجدافك خلي الخوف يخشاك ويخافك ويبقى رماد البينو وبينك كل الدنيا بتسأل عنك يا مبدع ثوراتك وينك انت الزيك ما بتذل كم من ظالم ظلمك وولى انا متفائل بيك وبحلم بل متأكد ما بتتخلى ما بتتفرج تفضل ساكت وحفنة تقبقب في خلق الله انا متفائل بيك وعارف انك يوما ما بتتخلى تبقى حديث العالم كلو اذاعة .. اذاعة .... جريدة ..جريدة مجلة مجلة يملا الشاشة ثباتك وضو عافيتك وعلمك وقلمك وجلابيتك وقدلة ولدك وجدلة بتك ونيلاً قلدك جنب طابيتك ما من بيتك يا الحبيتك كل من ظلمك ولا تربيتك قدرتك انت وامكانيتك شامخ تبني ديمقراطيتك وعزة بلدك ورفعة شانك يا متعدد وواحد ابداً تحيا العشرة البين اديانك وسلم حقيقي يزيدك عددا ويبقى عنان السما عنوانك[/QUOTE] Post: #38 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد عبدالرحمن Date: 04-07-2006, 04:36 PM Parent: #27 Quote: كما صمت البحر صمتك كذلك جامح الهبة شديد اللهجة يوم تغضب تقوم العاصفة تتعبا حنكبر بكرة نتكلم وسط اللمة تتربى شوارع تنتفض لمن تلاقي النجمة بالحبة طريق الشعب يا ملهم منو المنك برجعنا بنعرف كل شبراً فيك لا خناك لا بعنا الاستاذ خالد كل ابريل وانت بخير .. ولن نخون ولن نبيع طريق الشعب الملهم .. فمنه خرجنا واليه نعود ودى لك ياخالد .. Post: #28 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد محي الدين Date: 04-06-2006, 05:19 AM قزازة دم (محجوب شريف) Post: #29 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد عبد المنعم عمر Date: 04-06-2006, 06:14 AM Parent: #28 غنى ياخرطوم غنى شدى أوتار المغنى ضوى من جبهة شهيدك أمسياتك واطمئنى نحنا منك ريح وهبت نار وشبت فى وجوه الخانو اسمك ياجميلة ونحن ياست الحبايب من ثمارك سلام للجميع عوده فى دروب الليل نهارك وقبل مايطول انتظارك نحن جينا وديل أنحنا القالو متنا وقالوا للناس انتهينا جينا زى ما كنا حضنك... يحتوينا لما فارسك فينا هبَّ وعبَّ حجرك بالمحبة وبالأماني صحى نار الثورة تاني وجانا داخل زي شعاع الشمس من كل المداخل وهز بالمنشور وبشر ياما فرهد فى عيونك غصن أخضر وفرحة أكبر من شجونك والسلاسل يا جميلة يوم ما كان ميلاد شهيدك يلا غني ولاقي عيدك ولى ثمارك لقي ايديك جيل مكافح حلَّ قيدك فى غضبنا الحر ولافح وياما باكر وفى زنازين العساكر نبني مجدك ومهرجانك وكل قطرة دم عشانك ولى جديدك يا جميلة Post: #45 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد عبدالرحمن Date: 04-09-2006, 03:45 PM Parent: #29 عزيزى محمد عبدالمنعم .. كل ابريل وانت اكثر اشراق وحضور .. ومعك نغنى .. يارذاذ الدم حبابك .. وياشهيد الشعب اهلا .. ودى لك .. Post: #44 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد عبدالرحمن Date: 04-08-2006, 03:44 PM Parent: #28 يارذاذ الدم حبابك ... وياشهيد الشعب اهلا ... يامحمد محى الدين .. الف مرحب وشكرا على الاضافة .. Post: #30 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: الواثق تاج السر عبدالله Date: 04-06-2006, 08:08 AM Quote: مليون سلام ياشعبنا ... مليون حباب والاغتراب ياابونا ماطوووول الغيااب والاغتراب فال اليخونك ويزدريك .. ونحن بين سنكيهو والزنزانة والسجين الكبير ... منك قراااب ياشعبنا .. Post: #31 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد عبدالرحمن Date: 04-06-2006, 05:45 PM Parent: #30 والبزدريك ياويلو من .. ياويلو من .. غضبك عليهو ومن وشيك ... ياويلو من اجلو الوشيك ... جايييكم .. Post: #36 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: Hani Arabi Mohamed Date: 04-07-2006, 01:31 PM Parent: #31 نحن شجعان ما دمنا على الانترنت Post: #37 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: خضر حسين خليل Date: 04-07-2006, 01:54 PM Parent: #36 بشري محمد حامد إذيك ياصاحب قبال يومين كنا في سيرتك أنا والمدعو فينست ورنا أخبارك وسلامات لعصمت خضر Post: #39 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: Soumeta Date: 04-07-2006, 04:50 PM إنت الشمس من بين إيديك تطلع عليك من كل باب يــــــا شعبنا،، إحترامي،، Post: #40 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: محمد عبدالرحمن Date: 04-07-2006, 05:38 PM Parent: #39 ياSoumeta كل ابريل وانت بخير ... شكرررن على انزال النشيد ..فقط لم اتمكن من الاستماع اليه الرجاء اعادة المحاولة مرة اخرى .. كثير الود لك .. Post: #41 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: rani Date: 04-07-2006, 08:24 PM Parent: #40 "احراااار وحريتنا فى ايمانا بيك ....ثوار بنفتح للشمس فى ليلنا باب" . . عزرا كثيرا اذا حال الوطـن لايسر وعزرا كثيرا لعدم الحضور سابقا.. كنت بعيد شوية ما من السودان بس من سودانيس اونلاين علي اي حال اهو سوميتا قامت بالمطلوب.. لكم فائق الود . . Post: #42 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: Imad Khalifa Date: 04-08-2006, 00:28 AM Parent: #41 الأخ/محمد عبد الرحمن أوقفتني رائحة الثورة العطرة, لك تحياتي ولضيوفك الشرفاء. وكل عام والوطن أقوي ومعافى من الدمامل. عماد خليفة Post: #43 Title: Re: احراااار وحريتنا فى ايمانا بيك ....ثوار بنفتح للشمس فى ليلنا باب Author: خالد عويس Date: 04-08-2006, 01:22 AM Parent: #42 نحن أبناؤك في الفرح الجميل نحن أبناؤك في الحزن النبيل ونغني لك يا وطني

---