مفاجأه من العيار التقيل ,, مدرب الهلال طلع كومبارس فى التدريب !!!!!!!!!!

كتب ياسر عائس الكاتب الهلالى الازرق الاتى

------------------------------------------------------

يقول المثل الشعبى (التور كان وقع بتكتر سكاكينو) وهنا لا نود وصف ريكاردو بانه تور تداعى فعل الضربات المتلاحقة ونطمس بذلك عملاً رائعاً ومدهشاً ظهر على شكل الفريق وحصد به الانتصارات والكؤوس وترقى بفعله الهلال في بطولتى العرب وافريقيا !!

* ولكن كل ذلك كان بمساعدة اللاعبين وحصرهم والتزامهم بتطبيق مطلوبات الجهاز الفني والانصياع للتعليمات التى تحقق الخطة والهدف !!

* وقد تحصلت على معلومة مهمة وحساسة وخطيرة من شخصية كانت قريبة من تمارين الهلال ومبارياته كشفت عن اضطلاع مدرب اللياقة السابق سيزار بمهمة الخطط والتكتيك ابان فترته التى كان خلالها هو المساعد الحقيقى لريكاردو !!

* بتحليل هذه المعلومة وربطها باستغناء الهلال عن سيزار بايعاز من ريكاردو نستطيع الاشارة الى مخاوف اكتنفت ريكاردو على منصبه فآثر ابعاد سيزار للانفراد بالصيت والجماهيرية حتى ينسب الشارع الازرق انتصارات الهلال اليه وحده !!

* قد يكون هذا الاستنتاج خطأ وغير منطقى لكن حدوث متلازمات آنية بالساحة الهلالية والتراجع المريع للفريق شكلاً وتنظيماً مع قياس النتائج واحصاء نسبة الاخطاء والفشل في وضع التشكيلة وفي الاستبدلات تتحقق نسبة من صحة المعلومات المتوفرة وبذلك تنتفى دواعى الوقيعة والغرض مما يحتم اخضاع حال الهلال الراهن للتحليل العلمى الدقيق عبر ورشة متخصصة لاستجلاء الاسباب الحقيقية لهذا الانهيار الخطير مع استبعاد اية مؤثرات ادارية نظراً لضعف احتمالات تورط اداريين في هذا الفعل المنكر بالاضافة لتأمين المجلس لكل الجوانب المتعلقة بالتمارين والمباريات والمعسكرات.



--------------------------------------------------------

يعنى مدرب الهلال البرازيلى ريكاردو طلع اى كلام ياجدع !!!!

لعبه غبيه جدا.....عايزين الهلال يستغني عن ريكاردو حتي يسافر جمال الوالي في الطائره التي تلي سفره للبرازيل ليلعق حذاءه ويترجاه ليدرب المريخ و كل شروطه مجابه...كان غيركم اشطر....
يكفيك ان تنظر في السيره الذاتيه لريكاردو ...واذا لاتعلمها لاتتحدث عنه حتي تعلمها...مشكلة الهلال هي افة السودان في ان اعداء النجاح يتكفلون بكل ناجح ليبعثروا مجهوداته ويخربوا نجاحه حتي لاتنسب له النجاحات حتي ولو كان علي حساب الوطن وااااه ياوطن

افتكر بعد الرد العملى الذى قدمه ريكاردو وفتية الهلال اليوم ضد الرينجيز
لا سبيل للتشكيك فى كفاءة الرجل الذى وقف على مدار 90 دقيقة على الخط فقط
بل كان يوجه بصوت عالى حتى لمن يُلعب الباص اذا كنت مدققا . ده ما شغل كومبارس

من واقع اضطلاعي المحدود علي الصحافه الرياضيه في السودان{ واحمد الله انه صار محدودا}...استطيع القول انه لايوجد كاتب ازرق ولا رمادي...كله بيكتب حسب الجيب والقبضيه..والنتيجه صحافه تصيب بالغثيان...
كلمه لاهل المريخ بناء علي المكتوب اعلاه...طيب ليه ماتتعاقدوا مع سيزار مدرب لياقة الهلال السابق مادام دي تكتيكاته, اكيد حيكون افضل من الاسماء المصريه النكره العندكم دي ...انا عارف بتجيبوها من وين؟
قال كومبارس قال

Quote: كلمه لاهل المريخ بناء علي المكتوب اعلاه...طيب ليه ماتتعاقدوا مع سيزار مدرب لياقة الهلال السابق مادام دي تكتيكاته, اكيد حيكون افضل من الاسماء المصريه النكره العندكم دي ...انا عارف بتجيبوها من وين؟ قال كومبارس قال

ياسر

انتا لسه مصر انك تزج بى اسم المريخ
يا اخوى دا نشر غسيل مابين الهلالاب ولا دخل للمريخ فيه
عليك الله ارجع شوف اسم كاتب المقال منو !!!

Quote: الذى وقف على مدار 90 دقيقة على الخط

ضياء
كما وقف مشدوها في مباراة الرجاء، وبعد المباراة، قال والله أول مرة اتغلب خمسة ، وكلاتشي قال أول مرة اتغلب خمسة ، ويوسف محمد قال أول مرة اتغلب خمسة.
ما كانوا يسألوا ناس ريتشارد وسفير النوايا الخمسة، الحافظين للوداد والتاريخ!
وزادها إنه غير مسؤول عن أي نتيجة سلبية للفريق

Quote: وقف على مدار 90 دقيقة على الخط

الاخ راكوبه ....لم تذكر الحقيقه القريبه جدا وهي ...
وفاز بالاربعه علي بطل
ولكن كعادة اهل المريخ بالبحث واللهث خلف اخفاقات الهلال البعبع المخيف في نومهم وصحيانهم جعلكم تنبشون الماضي الذي تم تجاوزه....ارجو صادقا الالتفات لدوري الكونفدراليه الذي يشبهكم وانتم الممثل الدايم فيه وقد تجاوزتم بشق الانفس مصلحة المخازن والمهمات ولا الزكاة ماعارف...واتركوا الهلال ولاتضيعوا زمنكم حيث انكم لاتؤثرون علي مجري لعبه...

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
ريكاردو؟؟؟؟؟؟؟؟؟؟؟؟؟؟؟
الهلال؟؟؟؟؟؟؟؟؟؟؟؟؟؟مدرب؟؟؟؟؟؟؟؟؟؟؟؟

Quote: واتركوا الهلال ولاتضيعوا زمنكم حيث انكم لاتؤثرون علي مجري لعبه

الحمد لله إنو لا دخل لنا في إخفاقات 75 سنة متواصلة، يمكن مني ما من العلي؟!

Quote: إخفاقات 75 سنة متواصلة،

اذا كنت بتعتبر بطوله الدوري الممتاز لثلاث سنوات متواصله اخفاقات فماذا تسمي احرازكم لمرتبة الوصيف لهذه السنوات الثلاث حتي عرفتم بلقب الوصيف.
اذا كنت تسمي وصول الهلال لنهائي ابطال افريقيا مرتين اخفاق فماذا تسمي الخروج المستمر والمذل من بطولات الكونفدراليه للسنوات الاخيره وهي بطولات الخائبين الافريقيه.
اذا كنت تسمي وصول الهلال لدور الاربعه في دوري ابطال العرب وتصنيفه ضمن الاربعه الكبار في الانديه العربيه اخفاق ماذا تسمي غيابكم التام عن هذه البطوله في السنوات الاخيرة .

وفوق ذلك الامانه تقتضي ان اذكر ان كان ياما كان في قديم العهد وسابق الاوان احرزتم كاسا في منافسات الكؤؤس الافريقيه وليست الابطال لاحظ يعني برضو الخائبين..واقول كاسا واحده لانكم تميتوها مويه بكاس حواري وكاس يوم واحد عشان تحلي شويه وتبقي كؤؤس وعلي العموم يمكن في الارشيف القديم تلقي معلومات عن هذا الكاس

Quote: كما وقف مشدوها في مباراة الرجاء، وبعد المباراة، قال والله أول مرة اتغلب خمسة ، وكلاتشي قال أول مرة اتغلب خمسة ، ويوسف محمد قال أول مرة اتغلب خمسة. ما كانوا يسألوا ناس ريتشارد وسفير النوايا الخمسة، الحافظين للوداد والتاريخ! وزادها إنه غير مسؤول عن أي نتيجة سلبية للفريق

راكوبه بن الاحمر

قلت لى ريكاردو قال بعد الخمسه وخميسه شنو
الله يجازى محنك ياراكوبه !

Quote: افتكر بعد الرد العملى الذى قدمه ريكاردو وفتية الهلال اليوم ضد الرينجيز لا سبيل للتشكيك فى كفاءة الرجل الذى وقف على مدار 90 دقيقة على الخط فقط بل كان يوجه بصوت عالى حتى لمن يُلعب الباص اذا كنت مدققا . ده ما شغل كومبارس

الطاهر اخوى

الحكايه ماوقوف وكوراك
الراجل الصحفى قال الخطه والتكتيك وهاك اقرا كلامه مره تانيه .. كويس !

Quote: وقد تحصلت على معلومة مهمة وحساسة وخطيرة من شخصية كانت قريبة من تمارين الهلال ومبارياته كشفت عن اضطلاع مدرب اللياقة السابق سيزار بمهمة الخطط والتكتيك ابان فترته التى كان خلالها هو المساعد الحقيقى لريكاردو !!

شفت الكلام كيف يا الطاهر اخوى ,, خطط وتكتيك
موش كوراك من على الخط ..

Quote: لعبه غبيه جدا.....عايزين الهلال يستغني عن ريكاردو حتي يسافر جمال الوالي في الطائره التي تلي سفره للبرازيل ليلعق حذاءه ويترجاه ليدرب المريخ و كل شروطه مجابه...كان غيركم اشطر....

الحبيب ياسر

صدق من قال ان الهلالاب يكرهون المريخ اكثر من حبهم لفريقهم
والدليل على ذلك , ماهو دخل المريخ فيما كتبه الصحفى الشاب
ياسر عائس , وهذا امر هلالى بحت ولادخل للمريخ فيه , وشوف هو قال
كلمنى من هو لصيف بفريق كرة القدم يعنى شغل هلالاب فى بعض !

وياسر عائس لو كنت مابتعرفه مصنف رقم اتنين فى اعلاميى الهلال وبعد
خالد عز الدين .. شفت كيف !

Quote: ماهو دخل المريخ فيما كتبه الصحفى الشاب

دخل المريخ يكمن في عشقه الشديد لمن يدربون الهلال وسبق ان تعاقد او سعي للتعاقد مع العديد ممن دربوا الهلال ودونك التاريخ القريب ولا احتاج للتذكير....وهذه اعتبرها حاله صحية لنادي يسعي للتطور ويسلك في ذلك طريق من سبقوه ولا اري حرج في ذلك فقط ان يحفظ لذلك النادي حقوقه الادبيه والجميل الذي اسداه له بكل شفافيه. لا ان يدفن رأسه في الرمال بعد كل مدرب وكانه ماحصل حاجه