Post: #1
Title: بلا قمة بلا لمة ولو كنت مكان البشير لا سمح الله لـ...
Author: jini
Date: 03-28-2006, 05:46 AM
خلينا فى البشير سيبك من جنى
البشير لو كان جعلى بالجد وما برضى الحقارة كان عمل ليهم قرقول الشرف من حرس الصيد واستقبلهم فى المطار مدير مصلحة الضرائب ومصلحة الطرق والكبارى ومصلحة المخازن والمهمات وينزلهم فى لوكاندة السوق ويجيب ليهم الأكل من سوق الناقة وينسحب من جامعة الدول العربية وينضم للدول المارقة مع أخونا فى الله شافيز بتاع فنزويلا ويكشحها بشرف!!
جنى
|
Post: #2
Title: Re: بلا قمة بلا لمة ولو كنت مكان البشير لا سمح الله لـ...
Author: shammashi
Date: 03-28-2006, 05:56 AM
Parent: #1
يكشح شنو يا جني؟؟؟
الكشتينة ولا السلطة ولا يكشح شبال
غايتو ألذ حاجة في القمة دي الربة العملوها لوزراء الخارجية
والله جماعتك حتوهو جنس حت.
علي اليمين عمرو موسى تشوفو بس تقول شعبولة.
بعدين من الحاجات اللذية أمس لمن سألوا واحد من وزارة الخارجية عن مخاطر عدم حضور تسعة من الزعماء العرب قام قال هم ما أصلوا الرؤساء ديل بيجوا ساكت . الشغلانة كلها بيسووها وزراء الخارجية.
بعدين أسي عندي سؤال القمة دي اختصروها قالوا ليوم واحد
أها الإجازة القالوا لينا يومين دي حيعملوا فيها شنو؟؟
حيقولوا لينا لا سحبناها وتعالوا راجعين لشغلكم.
.
|
Post: #3
Title: Re: بلا قمة بلا لمة ولو كنت مكان البشير لا سمح الله لـ...
Author: jini
Date: 03-28-2006, 06:09 AM
Parent: #2
Quote: الكشتينة ولا السلطة ولا يكشح شبال
|
إسنا وفى قبولو وفى أرصه!!!
دايرنى ما أقول لا سمح الله!
قبله وقبالو وفالو فى شمالو!
جنى
|
|